Divaina - රාම යනු විෂ්ණු දෙවියන්ගේ අවතාරයක්ද? රාමායනයේ කියෑවෙන ලංකාව කුමක්‌ද...

e5

 

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

02
 
p26 1 වර්තමානයේ ජීවත්වන සමහර බෞද්ධ උගතුන්, විශාරදයන් ලංකාවේ ඉතිහාසය නැවත  ගොඩනැඟීමට උත්සාහ දරන්නේ රාවණා මිථ්‍යාව මූලික කරගෙනය. නමුත් එය ශ‍්‍රී ලංකාවේ පහල වූ ශ්‍රේෂ්ඨතම හා සම්භාව්‍ය විශාරද ඥානයෙන් යුතු වූ සාහිත්‍යදරයන් කවියන් ප‍්‍රතික්ෂේපකර තිබේ. ඒ අතර 15වන ශතවර්ෂයේ වැඩ විසූ වීදාගම, ශ‍්‍රී රාහුල යන සම්භාව්‍ය සාහිත්‍යදරයන් හා ඉතාමත් බුද්ධිමත් සංඝ්‍යා වහන්සේ රාම - රාවණ පුරාවෘත්තය නිෂ්ප‍්‍රභා කරනවා පමණක් නොව වීදාගම සමිඳුන් ‘‘බුදුගුණාලංකාරය’’ රචනා කරමින් විකාරයක්, ප‍්‍රලාපයක් බව ද පවසා තිබේ. ශ‍්‍රී රාහුල හිමියන් මෙරට වැඩ විසූ සම්භව්‍ය කවියකු මෙන්ම සංස්කෘත භාෂාව පිළිබඳ විශාරදයෙකි. උන්වහන්සේ රාමායණය විශිෂ්ට මහා කාව්‍යයක් ලෙස අගය කරන්න

 ඉඩ තිබෙන අතර රාම - රාවණ සිදුවීම සත්‍යයක් ලෙස දැක්වීමට දරන උත්සාහය ප‍්‍රතිඵයක් මෙන්ම බොළඳ ක‍්‍රියාවක් බව දක්වා තිබේ.
 
 රාම පුරා වෘත්තය ලංකාවේ ජනප‍්‍රිය වීමත් රාම විෂ්ණු දෙවියන්ගේ අවතාරය ලෙස ඇදහීම හා වන්දනාමාන කිරීමත් සිදුවන්නේ 15වන ශතවර්ෂයේ බව ප‍්‍රසිද්ධ කාරණයකි. මේ සිදුවීම් ලංකාවේ හා ඉන්දියාවේ එකම කාළය තුළ සිදුවී තිබේ.
 
 ‘Sir R.G. Bhandarkar says (in india) that the belief in Roma’s being an incarnation of Vishnu existed in all probability in the early centuries of the christian era’
 
 ශ‍්‍රීමත් R. G. බණ්ඩර්කාර් :ඉන්දියාව) ප‍්‍රකාශ කරන්නේ රාමා විෂ්ණුගේ අවතාරය ලෙස විශ්වාස කිරීමේ සියලූ සම්භාවිතාවයන් වියහැකි බව පවතින්නේ ක‍්‍රිස්තියානි දහම ඉන්දියාව තුළ ව්‍යාප්තවන යුගය ආදී ශතවර්ෂවලදී බවයි.
 
 'F.E. Keay in his hindi literature says that ‘the rise of the worship of Rama which took place about beginning of the fifteenth century gave another great impetus to vernacular literature’
 
 p26 2ඉන්දියාවේ F. E. කේ මහතා ඔහුගේ ‘‘හින්දි සාහිත්‍ය’’ යන කෘතියේ සඳහන් කරන්නේ රාමාට වැඳුම් පිදුම් කිරීම වැඩිවීම ආරම්භ වන්නේ 15වන ශතවර්ෂයේ බවයි මේ කෘතිය මගින් එතුමා දේශීය සාහිත්‍යයට විශාල අනුබලයක් දී තිබේ. වාල්මිකී ඔහුගේ ‘රාමායණය’ කෘතිය මගින් රාමා - රාවණා අද්භූත යක්ෂයන් ලෙස දක්වයි. ආර්යයන් නොවන යක්ෂයන්ගේ අවතාර ලෙස ද දක්වයි . ජෛන දහම අදහන කවියන් රාවණා ශ්‍රේෂ්ඨ වංශවත් පුද්ගලයෙක් බවත් විශිෂ්ට රජතුමෙක් බව ද පවසති. මහායාන බෞද්ධයන් රාවණ බුදුන්වහන්සේගේ ශ‍්‍රාවකයකු බවත් විශිෂ්ට සාන්තුවරයකු බවත් දක්වයි.
 
 එහෙත් වර්තමාන බෞද්ධ උගතුන්, බුද්ධිමතුන් රාවණා ලංකාවාසීන්ගේ ආරම්භකයා මෙන්ම සිංහල සංස්කෘතියේ වීරයා කරවීමට උත්සාහ දරයි. ගුප්ත ක‍්‍රමවේදයන් භාවිත කරමින් ඔවුන් පරීක්ෂා කරමින් සිටින්නේ සිංහලයන්ගේ ආදි ඉතිහාසය රාමායණය අනුව පෙළගැස්වීමටයි. රාවණා ඉන්දියාවේ ආර්යයන් යටත් කළ බවත් ඔහුගේ යුගයේ ලංකාව හිනිපෙත්තටම එසවූ බවත් ‘‘දඬුමොනරය’’ වැනි ගුවන් යානා නිෂ්පාදනය කළ බවත් අතිශය විනාශකාරී භයානක අවි ආයුධ නිෂ්පාදනය කළ බවත් දැක්වීමට උත්සාහ දරති.
 
 මේවා ඔප්පු කිරීමට ඔවුන්ට තිබෙන එකම සාක්ෂිය වන්නේ රාමායණය මහා කාව්‍යමය සාහිත්‍ය කෘතිය පමණි. ඔවුන් මේ නිර්මාණය කිරීමට දරන්නේ ප‍්‍රබන්ධයක් පමණි. ලෝකවාසී ශ‍්‍රී ලංකාවාසී ජනතාවට ‘‘රාමායණය’’ යනු විශිෂ්ට සාහිත්‍යමය නිර්මාණයක් වශයෙන් රසවිඳිය හැකි, මෙන්ම සිතින් සංකල්පනය කළ හැකි රාමා, සීතා, රාවණා වැනි චරිත අඩංගු පුරාවෘත්තයකි. එය හරියට ම සිනමා තිරයේ දිස්වන චිත‍්‍රපටයකින් අප ලබන ආස්වාදය මගින් අප තාවකාලිකව සිහින ලෝකයක් තුළ ජීවත්වීම වැනි තත්ත්වයකි.
 
 පුරාවිද්‍යාඥයන් විසින් ශතවර්ෂ 1/2 :අවුරුදු 50* සිට ලංකාවේ නටඹුන්, නගර, ගුහාවල් සහ ගරා වැටුණු චෛත්‍යයන් කණිමින් සිටිති. නමුත් ඔවුනට සොයාගැනීමට හැකිව තිබෙන්නේ මහාවංශය ලියූ මහානාම හෙළිකරන අපගේ සංස්කෘතික උරුමය කියාපාන ඉතිහාසගත කරුණු පමණකි. අනුරාධපුර, පොලොන්නරු ශිෂ්ටාචාරයන්ට වඩා පැරණි වඩා දියුණු ශිෂ්ටාචාරයක නටඹුන් තවමත් ශ‍්‍රී ලංකාව තුළ හමුවී නැත. ඒවාගේම බුදු දහම ලංකාවට පැමිණීමට පෙර මෙම භූමිතලය තුළ දියුණු ශිෂ්ටාචාරයක් තිබුණු බවට කිසිඳු සළකුණක් නැත. නමුත් සමහර විශ්ලේෂකයන් සිතන්නේ රාවණාගේ ශිෂ්ටාචාරයේ නටඹුන් නුවරඑළිය හා බණ්ඩාරවෙල කඳු වළලූ තුළ වැලලී තිබෙන බවයි.
 
 වර්තමාන සිංහලයන් හඳුන්වන රාවණා කෝට්ටේ, සීතාඑළිය යන ප‍්‍රදේශ පැරණි සිංහලයන් විසින් දැනගෙන නැත.
 
 එයට හොඳම නිදර්ශන කිහිපයක් පෙරදිග විශාරදයන්ගේ කියමන් කිහිපයක් ආශ‍්‍රයෙන් උපුටා දක්වමි.  Salvain Levi
 
 කීර්තිමත් විද්‍යාඥයෙකි, ඉතිහාසඥයෙකි. ඔහු කියන්නේ රාමායණයේ සඳහන් ”Lanka” යන්න ලංකාව නොවන බවයි. එය ඉන්දියාවේ පිහිටි ප‍්‍රදේශයක් බව ද නැත්නම් ජාවා හෝ සුමාත‍්‍රා දේශයේ බවයි.
 
 Mr. S.V. Godavari of India says that ‘ The land on which tobacco is grown consists for the most part on alluvill islands lying within the banks of Godavari river called Lankans. Which are flooded every
 year.... Tobacco seems to be grown on any part of the lankas almost indifferently... The tobacco of the Lankas would command a good price in European Markets’.
 
 ඉන්දියාවේ රාජ්‍ය තාන්ත‍්‍රිකයකු වූ  S.V. ගෝදාවරී මැතිතුමා මෙසේ පවසයි. ගෝදාවරි ගංගාවේ ඉවුරු මත පිහිටි වැඩි වශයෙන් දුම්කොළ වැවෙන භූමියක් වූ ප‍්‍රදේශය ලංකාස් වශයෙන් හැඳන්වෙන බවයි. මෙම ලංකාස් වශයෙන් හැඳින්වෙන භූමි ප‍්‍රදේශය සෑම වසරකම ගංවතුර නිසා යටවෙන බව ද මෙම ප‍්‍රදේශයේ ඕනෑම තැනක දුම්කොළ හොඳන් වැවෙන බව පෙනෙන බව ද එම දුම්කොළවලට යුරෝපයේ වෙළෙඳපොළ තුළ හොඳ මිලක් ලැබෙන බව ද පවසයි.
 
p26 3 Mr. Sylvain Levi again says that ‘’The element Lanka reappears in a certain number of geographical names in the neighborhood of Malaya Peninsula. One can have no hesitation in recognizing it in the country Kia – Mo – Lang – Kia Land – Kia’’.
 
 සිල්වේන් ලෙවි මහතා නැවත පවසන්නේ ලංකා යන නාමයෙන් හඳුන්වන ස්ථාන කීපයක් අසල්වැසි මලයා අර්ධද්දීපයේ දක්නට ලැබෙන බවයි. කිසිම දෙගිඩියාවකින් තොරව මලයා අර්ධද්දීපය තුළ තිබෙන කියා - මෝ - ලැන්ග් - කියා - ලැන්ඞ් - කියා හඳුනාගත හැකි බවයි. මෙම මලයා අර්ධද්දීපය ඉන්දියන් සාගරයේ ඉන්දියාවට සමීපයෙන් පිහිටා තිබේ. එය ලංකාව නොවේ.
 
 මේ සියලූ කාරණා සම්පිණ්ඩනය කළවිට අපට ගම්‍ය වන්නේ වාල්මිකී විශිෂ්ට සාහිත්‍යධරයාගේ මහා කාව්‍ය භාවිතකර එය ශ‍්‍රී ලංකාවේ ශිෂ්ටාචාරයේ උරුමය හා ආරම්භය ලෙස දැක්වීමට දැක්වූ උත්සාහය බොළඳ උත්සාහයක් හා ප‍්‍රලාපයක් බවයි. එහි සඳහන් චරිත කිසිසේත් ලංකාව සමඟ සම්බන්ධ නොවන බව ද රාමායණයේ සඳහන් ලංකාව යන්න සඳහන් කිරීම පාඨකයා තේරුම් ගත යුතුය. තව සියවස් ගණනාවක් කඳුරට පසාරු කරමින් ගවේශන කළ ද සමහර මිනිසුන් සිතන මෙන්ම සිතින් මනෝරාජිත ලෝකයක ජීවත්වන රාවණා පුරාවෘත්තය හා ලංකාව යන මාතෘකා හුදෙක් මිථ්‍යාවක්, ප‍්‍රලාපයක් මෙන්ම බොළඳ පුරාවෘත්තයක් පමණකි.
 
 ධර්මසේන ඔරුතොට

විශේෂාංග

sikuru

සිනමා කලා

kumar250

නවලිය

nava250

දියග

irma250

මීවිත

sesad250

More Articles