Divaina - ඉතින් ඉගිලියන් තාරාවි...

e5

 

The Island The Island Nawaliya Vidusara e-Paper Classifiedsරාහු කාලය

mobitel

ugc15september

බුද්ධදාස ගලප්පත්ති

malaකුවේණි නාටකයේ කුවේණි මෙන්ම මහාසාර නාටකයෙ හි දෙවන නිෂ්පාදනයෙ හි (1974) බිසවගේ චරිතයට පිවිසෙමින් අනුලා බුලත්සිංහල විසින් එක් කළ විචිත‍්‍රත්වය අපූරුය. ධම්ම ජාගොඩගේ සහාය අධ්‍යක්ෂණයෙන් ද ආචාර්ය පේ‍්‍රමසිරි කේමදාසගේ නිර්මාණශීලී නව සංගීත රටාවන්ගෙන් ද පොහොසත් වූ මහාසාර නාටකය නාට්‍යමය ගුණයෙන් අනූන අපූරු ප‍්‍රහසනාත්මක නිෂ්පාදනයක් විය. එවකට වේදිකාවේ ප‍්‍රබලයන් වූ විජේරත්න වරකාගොඩ, විජය නන්දසිරි, නිශ්ශංක දිද්දෙණිය, ජයශ‍්‍රී චන්ද්‍රජිත්, ජයසේකර අපොන්සු, අමරසේන පීරිස්, ඉන්ද්‍රා රාමනායක, අනුර ෆොන්සේකා, කරුණාරත්න හඟවත්ත, දන්තුරේ බණ්ඩාර ආදීන්ගේ රංගන සමග අනුලා බුලත්සිංහලගේ රංගනය කැපී පෙනුණේ, රංගනයේ ද ගායනයේ ද, නර්තනයේ ද අනුලා තුළින් මතු වූ නැවුම් රඟ සොබා පේ‍්‍රක්ෂක ආකර්ෂණය දිනා ගත් බැවින් බව විචාරක මතය වීය. බිසවගේ මහාසාර පළඳනාව සොයා ගත නොහී රජකම අත් හැර තපසට යන බව පැවසූ රජුගෙන් බිසව ප‍්‍රශ්න කරනු ලබන ගීතය මෙසේය.

එතකොට මගෙ පළඳනාව
මම කොහොමද සොයා ගන්නෙ
ඒක නැතුව කොහොමද මම
මඟට බැහැල යන්නෙ එන්නෙ

මහාචාර්ය සරච්චන්ද්‍රගේ භාෂාවෙහි යටි පෙළෙහි වූ උපහාසාත්මක ස්වරය, මතුකරලීමට අනුලාගේ ගායනය මෙන්ම නර්තන ලීලා ද භාවිත කරන්නී ශෛලිගත සම්ප‍්‍රදායේ නිළි භූමිකාවට අත්‍යවශ්‍ය ගායනය, රංගනය (අභිනය) නර්තනය මනාව සම්මිශ‍්‍රණය කර ගනිමිනි.

අනුලා බුලත්සිංහල පිළිබඳ, ඇෙඟ් රංගනය, ගායනය පිළිබඳ බොහෝ කලකට පෙර ලිවිය යුතු වූ එහෙත් මතකයෙන් ගිලිහී ගිය සටහන ලියා නිම කළ යුතු යැයි සිත උපන් අදහස යළි මතකයෙන් ඈත් වී යන්නට පෙර මෙලෙස ලියා තබමි. අනුලා බුලත්සිංහල රඟන්නීය. ගයන්නීය. රඟමඬල පේ‍්‍රක්ෂාගාරය අබිමුව සජීවීව රඟන කල හෝ ගයන කල්හී, ගයමින් රඟන කල්හී ඇයට වැරදීමක් වන්නට කිසිදු ඉඩක් නැත. ගායනය සමග සමබරව රඟන්නට මෙන්ම රංගනය සමග ගයන්නට ද මනා පුහුණුවක් අවශ්‍ය වේ. සංයමයක් ඕනෑ වේ. ප‍්‍රවීණ අධ්‍යක්ෂවරයකුගේ මඟ පෙන්වීම අවශ්‍ය වේ. සිංහල වේදිකා නාට්‍ය ඉතිහාසයෙහි, රංග භූමිය ගායනයෙන්, නර්තනයෙන්, හා අභිනයෙන් වර්ණවත් කළ වනිතා චරිත ඇත්තේ ස්වල්පයකි. ඒ චරිත අතර පේ‍්‍රක්ෂකයන්ගේ මෙන්ම ශ‍්‍රාවකයන්ගේ ද මතකයෙන් ඈත් නොවන, ඔවුන්ගේ හදවත් ආදරයෙන් වැළඳ ගත්තා වූ චරිතයක් පිළිබඳ අතීතාවර්ජනයකට පිවිසෙන්නට සිත් වූයේ ඇෙඟ් මියුරු ගායනා වරින්වර අපගේ මතක ලොවට පැමිණ හැත්තෑව දශකයේ බිහි වූ වේදිකා නාට්‍යයේ ස්වර්ණමය යුගයට අප කැඳවා ගෙන ගිය බැවිනි. අනුලා මෙන්ඩිස්, විවාහයෙන් පසුව අනුලා බුලත්සිංහල බවට පත්වන ඕ, තම රංගන චාරිකාව අරඹන්නී හැටේ දශකයේ අග භාගයේ වුවත්, ඈ ගායනයෙන් හා රංගනයෙන් පේ‍්‍රක්ෂක සිත් වසඟ කර ගන්නී හැත්තෑව දශකයේ මුල් භාගයේ සිට බව, නාට්‍ය වංශ කතාවෙහි අනුලා බුලත්සිංහල නමින් ලියැවී ඇති පරිච්ෙඡ්දයෙහි සඳහන්ය.

සමුපකාර තොග වෙළෙඳ සංස්ථාවේ රැකියාව කළ සමයේ එහිම සේවය කළ තවත් නාට්‍යකරුවකුගේ නිර්මාණයකින් ඈ කරළියට එන්නීය. නාට්‍යකරුවා පසු කලෙක සිංහල වේදිකා නාට්‍ය කඩඉම් නාට්‍ය රැසක්ම නිෂ්පාදනය කළ ආර්. ආර්. සමරකෝන් වන්නේය. ඔහු සමුපකාර තොග වෙළෙඳ සංස්ථාව හෙවත් ස.තො.ස. කලා කවය වෙනුවෙන් නිර්මාණය කළ ලෙඩක් නැති ලෙඩෙක් (1967) ඇෙඟ් ප‍්‍රථම රංගනය විය. විසි හැවිරිදි වියේදී රංගනයෙන් හා ගායනයෙන් පේ‍්‍රක්ෂකයන් හමුවට පැමිණෙන අනුලා එදා මෙදා තුර සිංහල වේදිකා නාට්‍යයෙහි දැවන්තයන් රැසකගේ නිෂ්පාදන කිහිපයකම රඟපාමින් අනුලා බුලත්සිංහල මුද්‍රාව තබන්නී, ඇෙඟ් මධුර හඬින් ගායනා වුණු වේදිකා නාට්‍ය ගීත කීපයක්ම පේ‍්‍රක්ෂක අප හදවත්හි සුන්දර, චමත්කාරජනක මතක බවට පත් කරමිනි.

ආර්. ආර්. සමරකෝන්ගේ ලෙඩක් නැති ලෙඩෙක් හා චරිත දෙකක් නාට්‍ය ද්වයෙහි රැඟූ අනුලා මෙන්ඩිස් පේ‍්‍රමරංජිත් තිලකරත්නගේ නාට්‍ය ත‍්‍රිත්වයකම රඟපාන්නී 1969 වර්ෂයේ දීම වීම ඇෙඟ් රංගන චාරිකාව ඇරැඹුමෙහිම ඈ ලද දුලබ වාසනාවක් නොවන්නේ ද? සිංහල නාට්‍ය නිෂ්පාදක නාමාවලියෙහි ප‍්‍රබල චරිතයක් වෙමින් නාට්‍ය උලෙළ (1964) සම්මාන ද ලැබූ පේ‍්‍රම රංජිත් තිලකරත්නගේ වහලක් නැති ගෙයක්, (දෙවන නිෂ්පාදනය) මුහුණු සයකි රූකඩයකි හා කෝන්තරේ යන නාට්‍ය ත‍්‍රිත්වයෙහිම අනුලාගේ රංගනයෙහි හැඩරුව ප‍්‍රකට විණ. අනුලා මෙන්ඩිස් නම් වූ යෞවනියගේ රංගනය මෙන්ම ගායන කුසලතාව ද ප‍්‍රතීයමාන වන්නේ 1969 ඔක්තෝබරයේ දී ඈ විසින් ප‍්‍රවීණ නාට්‍යකරු හෙන්රි ජයසේනගේ කුවේණි නාට්‍යයේ දෙවන නිෂ්පාදනයේ (මානෙල් ජයසේන හා සැන්ටින් ගුණවර්ධන නිෂ්පාදනය- කුවේණියගේ චරිතයට පිවිසීමත් සමගය. සිංහල වේදිකා නාට්‍යාවලියෙහි සදා ස්මරණීය වනිතා චරිත අතර (මනමේ බිසව, සුප්පාදේවී, ගෲෂා) කුවේණියට හිමිවන්නේ කීර්තිමත් ස්ථානයකි. අප අදත් රස විඳින කුවේණියගේ ගීතයෙන් ඒ බැව් සනාථ වේ.

සත් සියක් කපු මල් රැගෙන මම
සත් සියක් සුදු කෙඳි රැගෙන මම

අනුලා මෙන්ඩිස් රංගනය මතු නොව ගායනයෙහි ද හපනියක බව කුවේණි නාට්‍යයෙන් ඔප්පු කර සිටීමේ ප‍්‍රතිඵලයක් ලෙස ද 1974 දී අනුලා බුලත්සිංහල මහාචාර්ය එදිරිවීර සරච්චන්ද්‍රගේ නාට්‍යයක ප‍්‍රධාන නිළි භූමිකාවකට ඇරැයුම් ලබන්නීය. ආර්. ආර්. සමරකෝන්, පේ‍්‍රම රංජිත් තිලකරත්න, හෙන්රි ජයසේන ආදීන්ගෙන් පසුව මහා නාට්‍යකරු සරච්චන්ද්‍රගේ නිෂ්පාදනයක. මේ නම් කුමන ආශ්චර්යයක් දැයි, එදවස මහාසාර නාටකයෙහි දෙවන නිෂ්පාදනය නැරැඹූ පේ‍්‍රක්ෂකයන්ට සිතුණාට කිසිදු සැකයක් නොමැත.

කුවේණි නාටකයේ කුවේණි මෙන්ම මහාසාර නාටකයෙහි දෙවන නිෂ්පාදනයෙහි (1974) බිසවගේ චරිතයට පිවිසෙමින් අනුලා බුලත්සිංහල විසින් එක් කළ විචිත‍්‍රත්වය අපූරුය. ධම්ම ජාගොඩගේ සහාය අධ්‍යක්ෂණයෙන් ද ආචාර්ය පේ‍්‍රමසිරි කේමදාසගේ නිර්මාණශීලී නව සංගීත රටාවන්ගෙන් ද පොහොසත් වූ මහාසාර නාටකය නාට්‍යමය ගුණයෙන් අනූන අපූරු ප‍්‍රහසනාත්මක නිෂ්පාදනයක් විය. එවකට වේදිකාවේ ප‍්‍රබලයන් වූ විජේරත්න වරකාගොඩ, විජය නන්දසිරි, නිශ්ශංක දිද්දෙණිය, ජයශ‍්‍රී චන්ද්‍රජිත්, ජයසේකර අපොන්සු, අමරසේන පීරිස්, ඉන්ද්‍රා රාමනායක, අනුර ෆොන්සේකා, කරුණාරත්න හඟවත්ත, දන්තුරේ බණ්ඩාර ආදීන්ගේ රංගන සමග අනුලා බුලත්සිංහලගේ රංගනය කැපී පෙනුණේ, රංගනයේ ද ගායනයේ ද, නර්තනයේ ද අනුලා තුළින් මතු වූ නැවුම් රඟ සොබා ප්‍රෙක්ෂක ආකර්ෂණය දිනා ගත් බැවින් බව විචාරක මතය වීය. බිසවගේ මහාසාර පළඳනාව සොයා ගත නොහී රජකම අත් හැර තපසට යන බව පවසූ රජුගෙන් බිසව ප‍්‍රශ්න කරනු ලබන ගීතය මෙසේය.

එතකොට මගෙ පළඳනාව
මම කොහොමද සොයා ගන්නෙ

මහාචාර්ය සරච්චන්ද්‍රගේ භාෂාවෙහි යටි පෙළෙහි වූ උපහාසාත්මක ස්වරය, මතුකරලීමට අනුලාගේ ගායනය මෙන්ම නර්තන ලීලා ද භාවිත කරන්නී ශෛලිගත සම්ප‍්‍රදායේ නිළි භූමිකාවට අත්‍යවශ්‍ය ගායනය, රංගනය අභිනය, නර්තනය මනාව සම්මිශ‍්‍රණය කර ගනිමිනි.

අනුලා බුලත්සිංහල රංගවේදිනියගේ ගායන හා රංගන ලීලාවන්හි කූටප‍්‍රාප්ත මොහොත උදාවන්නේ 1974 වර්ෂයේ සිංහල නාට්‍ය උත්සවයේ දී රඟ දැක්වුණු රතුහැට්ටකාරී නාට්‍යය සමගය. ඈ සිංහල වේදිකාව ලද මාහැඟි දායාදයක් බව ඈ පේ‍්‍රක්ෂකයන් මුසපත් කරමින් ඔප්පු කොට සිටියා ය. එම උළෙල අවසන හොඳම නිළි සම්මානය ප‍්‍රදානය කරනු වෙනුවට උසස් රඟපෑම සඳහා වූ කුසලතා සහතිකයකට (සුනේත‍්‍රා හා මර්සි සමග) අනුලාගේ රංගනය ලඝු කිරීම නාට්‍ය උලෙළ ඉතිහාසයේ අපකීර්තිමත් විනිශ්චයන් අතරට එක් වූ තවත් මොහොතක් ලෙස බොහෝ දෙනා දුටහ. නිසැක වශයෙන්ම අනුලා බුලත්සිංහල රතුහැට්ටකාරී ලෙස නාට්‍යෝචිත, මධුර ගීත ගායන ද සහිත ප‍්‍රබල චරිත නිරූපණයක නිරත වූවාය. එහෙත් ඇගේ ගායනයෙහි හෝ රංගනයෙහි පරාසය හඳුනානොගත් විනිශ්චය මණ්ඩලය සම්මානය වෙනුවට සහතිකයක් දීමෙන් සෑහීමට පත් වූ අන්දම අනුලා වැන්නියකට කළ අසාධාරණයක් ලෙස සිහි කළ හැකිය. ලෝක ධර්මී හා නාට්‍ය ධර්මී රංග ක‍්‍රම ද්වයේම ලක්ෂණ අඩු වැඩි වශයෙන් භාවිත වූ නිෂ්පාදනයේ ප‍්‍රබල නිළි භූමිකාව ලෙස දුෂ්කර රංග කාර්යයකට උර දුන් අනුලා ඔස්ටින් මුණසිංහගේ අතිශය මධුර තනුවකට ලූෂන් බුලත්සිංහල රචනා කළ දීකිරි දීකිරි ගීතය මෙරට ප‍්‍රාසාංගික නාට්‍ය ගීතාවලියෙහි ඉහළම ස්ථානයක රැඳවූවාය.

දීකිරි දීකිරි ගෙනාව දීකිරි
මිහිපිට කාටත් ගුණ දෙන දීකිරි

අනුලාගේ රංගන ශෛලිය නම්‍යශීලීය. ගායනය මිහිරිය. මධුරය. ශෛලිගත සම්ප‍්‍රදායට වෙනස් වූ රංග ශෛලියක් හෝ ගායන ශෛලියක් ඉල්ලා සිටිනු ලබන මොහොතක ඈ ඊට අනුගතවන්නී ආයාසයකින් තොරවය. ශ‍්‍රී වික‍්‍රම නූර්තියෙහි ඇහැළෙපොළ කුමාරිහාමිගේ වැළැපීම ඈ ගායනා කරන්නී දීකිරි ගායනයෙහි ගායන විලාසයට හාත්පසින්ම වෙනස් වූ ශෛලියකිනි. 1981 දී තාරාවෝ ඉගිලෙති රංගයේ ලොරීටා ලෙස රඟමින් ඈ තවත් අපූරු කඩඉමක් සටහන් කරන්නීය. තාරාවෝහි ලොරීටා චරිතය අනුලා එතෙක් රඟ පෑ සියලූ චරිතවලට වඩා හාත්පසින්ම වෙනස් වූ නවීන කාන්තාවකගේ චරිත නිරූපණයකි. රෝම ජාතික නාට්‍යකරු ප්ලෝටස්ගේ මිනැක්මයි හෙවත් නිවුන් සොහොයුරෝ නාට්‍යයේ ආභාසය ලබමින් නිෂ්පාදනය වූ තාරාවෝහි ලොරීටා යනු සිංගප්පූරුවේ වෙසෙන ලාංකික කාන්තාවකි. විජය නම් තරුණයාගේ පෙම්වතිය යි. තම පෙම්වතා යැයි එක හා සමාන තරුණයන් දෙදෙනකුට රැවැටෙන ලොරීටාගේ සංකීර්ණ චරිතය නිරූපණය කරන අතරෙහිම, ඈ තම සුපුරුදු ගායනය ද අපූරුවට රංගනයට ඉවහල් කර ගන්නීය. තාත්වික ශෛලියේ වුව සංගීතමය නාට්‍යයක් වූ තාරාවෝහි ගුණදාස කපුගේ නිර්මාණය කළා වූ මිහිරි තනුවකට අනුලා ගායනා කළ මේ ගීතය නාට්‍යයෙන් බැහැරව වුව රස විඳීමට හැකි අපූරු ගීතයකි.

තට්ටු කරන්න හෙමින්
තට්ටු කරන්න හෙමින්
මගේ විමානේ දොරගුළු ඔබගෙයි

මේ පේ‍්‍රමාන්විත ගීතය මෙන්ම විජය ප‍්‍රතික්ෂේප කරමින් ඈ තම ගායන ශෛලිය වෙනස් කරගනිමින් ගයන මේ ගීතය පවසන්නේ අනුලාගේ ගායනයෙහි වෙනස්ම හැඩයකි.

ඉගිල යන්න ඇයි බැරී
ඉගිල යන්න ඇයි බැරි මගෙ තාරාවෝ
කූඩුවෙ දොර හැර දැම්මා මා

අනුලා බුලත්සිංහල සිංහල වේදිකාවේ අතිශය සුන්දර චරිත රැසක් සඳහාම ගායනයෙන් හා රංගනයෙන් විශිෂ්ට සම්ප‍්‍රදායක් එක් කළ රංගවේදිණියයි. දයානන්ද ගුණවර්ධනගේ මධුර ජවනිකාවෙහි ජැක්සන් ඇන්තනි සමග නෙයිනගෙ සූදුව අංකය රඟමින් ඇගේ විස්මිත ගායන නර්තන ලීලා පේ‍්‍රක්ෂකයන්ට ළං කළ ජවනිකාව අනුලාගේ වෙනස්ම රංගයක හැඩ තල පෙන්වන්නකි.

වේදිකාව මතු නොව පුංචි තිරයෙහිද චිත‍්‍රපටයෙහි ද අපි අනුලා දකිමු. නිල් දිය යහන, භවත‍්‍රා, අසන්දිමිත්තා, ගෝල් වැනි චිත‍්‍රපට ඇෙඟ් රංගන කුසලතා පෙන් වූ තවත් නිර්මාණ මාධ්‍යයකි. රංගනයේ විවිධ භූමිකා තුළ අපට හමුවන අනුලා බුලත්සිංහල ගායිකාවක් ලෙස ඇෙඟ් අනන්‍යතාව සලකුණු කළ ගීත අතර වෙසෙසින්ම සඳහන් කළ යුතු ගීත කීපයක්ම මතකයට නැෙඟ්, රඟහල දැන් ඇත අඩ අඳුරේ (විජේරත්න වරකාගොඩ සමග) පන්සල පාමුල (ගුණදාස කපුගේ සමග) බුදුන් වඳින මේ දෑතින් (ඉන්ද්‍රචාපා බුලත්සිංහල සමග), සුදු ඔසරිය ඇඳලා, ඉන් කිහිපයක් පමණි.

අනුලා බුලත්සිංහල නම් සුන්දර හදැත්තියගේ රංගන ගායන විසිතුර මෙවන් කෙටි සටහනකට සීමා කළ නොහැක්කකි. ඈ සතු බහුවිධ නිර්මාණ කුසලතා සතු වෙනත් නිළියක් සොයාගැනීම අසීරුය. ඈ දුර්ලභ මල් පිපුණු මල් උයනක සුපිපි සුවඳැති කුසුමක් වැන්න. ඒ සුවඳට සුවහසක් රසික ජනයා ආදරය කරන බව ඈ දන්නවාදැයි නොදනිමු. එහෙත් ඇයට ආදරය කරන විසාල රසික සමාජයක් සිටින බව ඉඳුරාම පැවසිය හැකිය.

අනුලා එහෙනම් ගිහින් එන්න...

විශේෂාංග

sikuru

සිනමා කලා

maalani250

නවලිය

yohanis250

දියග

wejadas250new

මීවිත

fala250new

More Articles