Divaina - සති දෙකක් ඇතුළතදී මත් ජාවාරමුන්ගේ ගිණුම් හරහා කෝටි 220 ක් එහා මෙහා ගිහින්

e5

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

ugc15september


 
 සුජීව තත්සර
 
jaliya පසුගිය සති දෙකක කාලයේදී නීති විරෝධී මත්ද්‍රව්‍ය ජාවාරමුන්ගේ ගිණුම් හරහා රුපියල් කෝටි දෙසිය විස්සකට අධික මුදලක් නීති විරෝධීව සංසරණය වී ඇති බවට විමර්ශනවලදී හෙළි වී ඇතැයි පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න මහතා පැවසීය.
 
 පොලිස් මූලස්ථානයේදී ඊයේ (14 දා* පැවැති මාධ්‍ය හමුවකදී හෙතෙම මේ බව සඳහන් කළේය.
 
 මත්ද්‍රව්‍ය ජාවාරම් හරහා ජාවාරමුන් විසින් උපයා ගත් මුදල් පරිහරණය කළ ආකාරය, ඒවා යොදවා විදේශයන් හි ආයෝජන සිදු කළේ ද යන්න මේ වන විටත් විමර්ශනය කෙරෙමින් පවතින බව ද කී මාධ්‍ය ප‍්‍රකාශකවරයා අදාළ ජාවාරම් මගින් උපයා ගත් සියලූ මුදල්, මුදල් විශුද්ධිකරණය යටතේ රාජසන්තක කිරීමට පියවර ගන්නා බව ද කියා සිටියේය.
 
 මීට අමතරව මහා පරිමාණ නීති විරෝධී මත්ද්‍රව්‍ය ස්කාගාර 08 ක් වැටලීමට ඉකුත් දිනවල දී පොලිසිය ක‍්‍රියා කර ඇතැයි ද පැවසූ පොලිස් මාධ්‍ය ප‍්‍රකාශකවරයා, එහිදී කොළඹ උතුර, දකුණ, කොළඹ අපරාධ කොට්ඨාසය සහ වලාන ¥ෂණ මර්දන ප‍්‍රහාර ඒකකය මගින් අදාළ වැටලීම් සිදුකර ඇතැයි ද පැවසීය.
 
 එම වැටලීම් හරහා පොලිසිය භාරයට ගන්නා දේපළ සහ මුදල් ද මුදල් විශුද්ධිකරණය යටතේ රාජසන්තක කිරීමට පියවර ගන්නා බව ද හෙතෙම සඳහන් කළේය.
 
 මත්ද්‍රව්‍ය ජාවාරමුන් සහ නීති විරෝධී මත්ද්‍රව්‍ය සම්බන්ධ ක‍්‍රියා කරන්නන් සොයා පොලිසිය දිගින් දිගටම කටයුතු කරන බවද, පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න මහතා වැඩිදුරටත් කියා සිටියේය.

 

 

අද දිවයින

සිනමා කලා

niluks250

නවලිය

himaya250

දියග

sunils250

මීවිත

absekas250

More Articles