Divaina - වැඩි වට්ටමක් ලබාදීම නිසා ඉන්සාෆ්ගේ ආයතනයට තඹ දීමෙන් කාර්මික සංවර්ධන මණ්ඩලයට මිලියන 4.6 ක් පාඩු වෙලා

slt mob 365 90 sin

Crystal Hand Sanitizer340x90 px 

e5

The Island The Island Nawaliya Vidusara e-Paper Classifiedsරාහු කාලය

thaba1- කාර්මික සංවර්ධන මණ්ඩලයේ අධ්‍යක්‍ෂ කොමිසමට කියයි

සිනමන් ග‍්‍රෑන්ඞ් හෝටලයේදී බෝම්බය පුපුරුවාගත් ඉන්සාෆ් අහමඞ්ගේ කොලෝෂස් ප‍්‍රයිවට් ලිමිටඞ් ආයතනයට අබලි ද්‍රව්‍ය (තඹ) ලබාදීම නිසා කාර්මික සංවර්ධන මණ්ඩලයට රුපියල් මිලියන 4.6 ක පාඩුවක් සිදුවී ඇති බව කාර්මික සංවර්ධන මණ්ඩලයේ අධ්‍යක්‍ෂ සරත් උදයසිරි මහතා පාස්කු ප‍්‍රහාරය පිළිබඳ සොයා බලන ජනාධිපති කොමිෂන් සභාව හමුවේ සාක්ෂි ලබාදෙමින් ඊයේ (01 දා) පැවසීය.

මෙම පාඩුව 2017, 2018 සහ 2019 යන වසරවල දී සිදුවී ඇති අතර වෙනත් ගැනුම්කරුවන්ට 15% ක වට්ටමක් ලබාදෙන විට කොලෝෂස් ප‍්‍රයිවට් ලිමිටඞ් ආයතනයට ඊට වඩා වැඩි වට්ටමක් ලබාදීම නිසා මෙම පාඩු සිදුවී ඇති බවත්, කොමිසම හමුවේ අනාවරණය විය. ඒ පිළිබඳව අදහස් දක්වමින් අධ්‍යක්‍ෂ සරත් උදයසිරි මහතා ප‍්‍රකාශ කර සිටියේ එම කටයුතු 2013 මාර්ගෝපදේශයන් උල්ලංඝනය කරමින් සිදුවී ඇති බවය

මෙම කාලය තුළදී කාර්මික සංවර්ධන මණ්ඩලය රිෂාඞ් බදියුදීන් ඇමැතිවරයා යටතේ තිබී ඇත.

ඉන්සාෆ් අහමඞ්ගේ කොලෝෂස් ආයතනය පිහිටුවීමේදී අදාළ ප‍්‍රදේශයේ ග‍්‍රාමසේවා නිලධාරියාගෙන් සහතිකයක් ලබාගත යුතු වුවත් එම ආයතනය පිහිටුවීම සඳහා අදාළ සහතිකය ලබාගෙන ඇත්තේ වෙනත් ප‍්‍රදේශයක ග‍්‍රාමසේවා නිලධාරියෙකු ගෙන් බව ද කොමිෂන් සභාවේදී අනාවරණය විය. ඒ සම්බන්ධයෙන් අනිකුත් ආයතනවලින් පැමිණිලි ඉදිරිපත්වී නැද්ද යන්න කොමිෂන් සභාව සාක්ෂිකරුගෙන් විමසා සිටි අතර සාක්ෂිකරු ඊට ප‍්‍රතිචාර දක්වමින් ප‍්‍රකාශ කර සිටියේ දැනටමත් පැමිණිලි ඉදිරිපත් වන බවයි.

ඒ සම්බන්ධයෙන් ගෙන ඇති පියවරයන් පිළිබඳව කොමිෂන් සභාව සාක්ෂිකරුගෙන් වැඩිදුරටත් විමසා සිටි අතර, සාක්ෂිකරු ප‍්‍රකාශකර සිටියේ ආයතන 425 ක් සඳහා මේ වන විට එම ආයතනවල ධාරිතාව අනුව සමව අබලි ද්‍රව්‍ය ලබාදීමට පියවර ගෙන ඇති බවයි.

පාස්කු ඉරිදා ප‍්‍රහාරය පිළිබඳව සොයාබලන ජනාධිපති කොමිෂන් සභාව ඊයේ දිනයේදී අභියාචනාධිකරණ විනිසුරු ජනක් ද සිල්වා මහතාගේ සභාපතිත්වයෙන් රැුස්වූ අතර, සෙසු සාමාජිකයින් ලෙස අභියාචනාධිකරණ විනිසුරු නිශ්ශංක බන්දුල කරුණාරත්න, විශ‍්‍රාමලත් අභියාචනාධිකරණ විනිසුරු සුනිල් රාජපක්‍ෂ විශ‍්‍රාමලත්් මහාධිකරණ විනිසුරු බන්දුල අතපත්තු සහ අධිකරණ අමාත්‍යාංශයේ හිටපු ලේකම් මංගලිකා අධිකාරි මහත්මිය සහභාගි වූහ.

එරික් ගාමිණී ජිනප‍්‍රිය

kandos18

අද දිවයින

සිනමා කලා

chat250

නවලිය

kuslani250

දියග

oththu250

මීවිත

shelton250

More Articles