Divaina - බන්ධනාගාරයේ සිට මෙහෙයවන අපරාධ වහාම නතර කරන්න... ජනපතිගෙන් නිලධාරීන්ට උපදෙස්

965x87 01 new

e5

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

D Divaina 90x340px


 
 ලසිත දුමින්ද
 
godb1පාතාල නායකයන් සහ මත්ද්‍රව්‍ය ජාවාරම්කරුවන් බන්ධනාගාරයේ සිට මෙහෙයවන සියලූ අපරාධ වහාම නතර කරන ලෙසට ජනාධිපති ගෝඨාභය රාජපක්‍ෂ මහතා අදාළ නිලධාරීන්ට උපදෙස් දුන්නේය.
 
 රට තුළ සිදුවන බොහෝ අපරාධ සහ මහා පරිමාණ මත්ද්‍රව්‍ය ජාවාරම් බන්ධනාගාරයේ සිට මෙහෙයවන බවත්, එවැනි සිදුවීම් ඉදිරියේදී නොවීමට බන්ධනාගාරය තුළ ජංගම දුරකථන භාවිතය නතර කරන ලෙසත් බන්ධනාගාරවල අභ්‍යන්තර තත්ත්වය විමර්ශනය කිරීම සඳහා ජනාධිපති කාර්යාලයේ පෙරේදා (01 වැනිදා* පස්වරුවේ පැවති සාකච්ඡුාවේදී ජනාධිපති ගෝඨාභය රාජපක්‍ෂ මහතා විසින් අදාළ නිලධාරීන්ට උපදෙස් දෙනු ලැබීය.
 
 බන්ධනාගාරය හෝ පොලිසිය බිඳ වැටී ඇත්නම් රටේ නීතිය ක‍්‍රියාත්මක කිරීමේදී එය බලපාන බව පෙන්වා දුන් ජනාධිපතිවරයා, කුමන දේශපාලන මතයක් දැරුවද නිලධාරියකු හරි දේ කරන්නේ නම් එය අනුමත කරන බවත්, දූෂිත නිලධාරීන් සම්බන්ධයෙන් නිවැරදි තීන්දුවක් ගත යුතු බවත් පැවසීය.
 
 බන්ධනාගාර දෙපාර්තමේන්තුවේ පවතින අඩුපාඩු ඉවත් කොට සම්පූර්ණයෙන් විධිමත් කිරීම සඳහා මෙහිදී කමිටුවක් ද පත් කෙරිණි.
 
 ආරක්ෂක ලේකම්, යුද හමුදාපති, පොලිස්පති ඇතුළු කමිටුවක ප‍්‍රධානත්වයෙන් එය සිදු කිරීමටත්, නිලධාරීන් පුහුණු කිරීම්, දිරිගැන්වීම් ඇතුළු සියලූ ක‍්‍රියාකාරකම් අධීක්ෂණ කණ්ඩායමකට යොමු කිරීමටත් ගෝඨාභය රාජපක්‍ෂ මහතා උපදෙස් දුන්නේය.
 
 මෙම අවස්ථාවට අමාත්‍ය නිමල් සිරිපාල ද සිල්වා, ජනාධිපති ලේකම් පී. බී. ජයසුන්දර, ආරක්ෂක ලේකම් විශ‍්‍රාමික මේජර් ජෙනරාල් කමල් ගුණරත්න, අධිකරණ අමාත්‍යාංශයේ ලේකම් එස්. එම්. මොහොමඞ් යන මහත්ම මහත්මීහු සහ ත‍්‍රිවිධ හමුදාපතිවරු, පොලිස්පති, බන්ධනාගාර කොමසාරිස් ජනරාල් ඇතුළු නිලධාරීහු පිරිසක් ද එක්ව සිටියහ.
  

  

 

 

 

sikuru

අද දිවයින

සිනමා කලා

aatma250

නවලිය

navaliya250

දියග

kot250new

මීවිත

dulani250

More Articles