Divaina - තේරීම් කාරක සභාවේ වාර්තාව මැති සබයට - පූජිත් සහ හේමසිරිත් වගකිව යුතුයි - ජනපතිටත් අගමැතිටත් වගවීමක් තිබෙනවා

965x87 01 new

e5

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

D Divaina 90x340px

p1 2- පාස්කු ඉරිදා ත‍්‍රස්ත ප‍්‍රහාරය වළක්වා නොගැනීමට ප‍්‍රධාන වශයෙන්ම වගකිව යුත්තේ රාජ්‍ය බුද්ධි සේවාවේ අධ්‍යක්‍ෂවරයා බව එම ප‍්‍රහාරය පිළිබඳ විමර්ශනය කළ පාර්ලිමේන්තු විශේෂ තේරීම් කාරක සභාව නම් කර ඇතැයි එහි සභාපති, නියෝජ්‍ය කථානායක ආනන්ද කුමාරසිරි මහතා පැවසීය.

ඊට අමතරව පොලිස්පති, ආරක්‍ෂක ලේකම් සහ රාජ්‍ය බුද්ධි ප‍්‍රධානියා ද ඊට වගකිවයුතු බව ද එම වාර්තාවේ සඳහන් කර ඇතැයි ඒ මහතා සඳහන් කළේය.

නියෝජ්‍ය කථානායකවරයා මෙම තොරතුරු පැවසුවේ පාස්කු ප‍්‍රහාරය පිළිබඳව පත් කළ පාර්ලිමේන්තු විශේෂ තේරීම් කාරක සභාවේ අවසන් වාර්තාව පිළිබඳව තොරතුරු දැනුම්දීම සඳහා ඊයේ (23 දා) පාර්ලිමේන්තු කමිටු ශාලාවේදී පැවති මාධ්‍ය හමුවේදීය.

එහිදී වැඩිදුරටත් අදහස් දැක්වූ නියෝජ්‍ය කථානායකවරයා මෙසේ ද පැවසීය. බුද්ධි අංශ මෙම ප‍්‍රහාරය පිළිබඳව කලින් දැන සිටියත් ආරක්‍ෂාව භාරව කටයුතු කරන පොලිසිය සහ හමුදාව වෙත එම තොරතුරු බෙදාදී නැහැ. සහරාන්ලා සම්බන්ධව සොයා බැලීමේ කටයුතුවලින් නැගෙනහිර පළාත භාර පොලිසිය ඉවත් කරගෙන තිබෙනවා.

මෙම ත‍්‍රස්ත ප‍්‍රහාරය සම්බන්ධව කලින් දැනගත් තොරතුරු නිලධාරී මට්ටමින් පමණක් දැනුවත් වී තිබුණත් ඒ සම්බන්ධව දේශපාලන අධිකාරිය දැනුවත් කර නැහැ.

යුද්ධය පැවති කාලයේදී මෙවැනි ත‍්‍රස්ත ප‍්‍රහාර සම්බන්ධව තොරතුරු ලබාදෙන අයට යම් ගෙවීමක් කර තිබුණා. යුද්ධයෙන් පසුව ඔවුන් ගැන සැලකිල්ලක් දක්වා නැහැ.

එනිසා මෙවැනි ප‍්‍රහාරයන් ඉදිරියට සිදු නොවීම සඳහා තේරීම් කාරක සභාව කරුණු අටක් ඉදිරිපත් කර තිබෙනවා.

ආරක්‍ෂක හා බුද්ධි අංශය ප‍්‍රතිසංස්කරණය කිරීම, ශක්තිමත් මූල්‍ය අධීක්‍ෂණ යාන්ත‍්‍රණයක් ඇති කිරීම, අධිකරණ ප‍්‍රමාදවීම් වළක්වාලීම, නීතිපති දෙපාර්තමේන්තුව ප‍්‍රතිසංස්කරණය කිරීම, වහාබ්වාදය පාලනය කිරීම, මාධ්‍ය වාර්තා සැලකිල්ලට ගැනීම, දේශපාලනඥයන් ජනතා නියෝජිතයන් වගවීමට සැලැස්වීම, අධ්‍යයන අංශය නැවත සමාලෝචනය කිරීම එම කරුණු අටයි.

අකිත පෙරේරා, රනිල් ධර්මසේන

sikuru

අද දිවයින

සිනමා කලා

aatma250

නවලිය

navaliya250

දියග

kot250new

මීවිත

dulani250

More Articles