Divaina - ක්‍රෙඩිට්‌ කාඩ්පතක්‌ ඡායාරූපගත කර ඔන්ලයින් හරහා රයිස්‌ කෑ පොම්පකරු කූඩු

e5

The Island The Island Nawaliya Vidusara e-Paper Classifiedsරාහු කාලය

mobitel

ugc15september


 
 මිනුවන්ගොඩ - ටෝනි කරුණානායක
 
 අන් අයකුගේ ක්‍රෙඩිට්‌ කාඩ්පතක්‌ ජංගම දුරකථනයෙන් ඡායාරූපගත කර එම කාඩ්පතේ අඩංගු තොරතුරු ලබාදී ඔන්ලයින් මගින් මුදල් ගෙවා මොංගෝලියන් රයිස්‌ ගෙන්වාගෙන කෑ ඉන්ධන පිරවුම්හල් පොම්පකරුවකු මීගමුව පොලිසිය මගින් 16 වැනිදා අත්අඩංගුවට ගෙන තිබේ.
 
 මීගමුව නගරයේ පිහිටි ඉන්ධන පිරවුම්හලක පොම්පකරුවකු ලෙස සේවය කරන සැකකරු 20 වැනි වියේ පසුවන මීගමුවේම පදිංචිකරුවකු බව පොලිසිය පවසයි.
 
 වාහනයකට ඉන්ධන ලබාගෙන ඇති වාහන හිමිකරු ඒ සඳහා මුදල් ගෙවීම ක්‍රෙඩිට්‌ කාඩ් එක මගින් සිදුකර තිබේ. ක්‍රෙඩිට්‌ කාඩ්පත් හිමිකරු සන්තකයේ තිබියදී එම ක්‍රෙඩිට්‌ කාඩ්පත භාවිත කළ බවට හිමිකරුගේ ජංගම දුරකථනයට කෙටි පණිවුඩයක්‌ පැමිණ ඇත. ක්‍රෙඩිට්‌ කාඩ්පත් හිමිකරුට මතු වූ සැකය මත ඉන්ධන ලබාගත් ඉන්ධන පිරවුම්හලට ගොස්‌ එහි ඇති ආරක්‍ෂක කැමරා පද්ධතිය පරීක්‍ෂා කිරීමේදී පොම්පකරු එම ක්‍රෙඩිට්‌ කාඩ්පතේ දෙපැත්තම ඡායාරූපගත කර ගන්නා අයුරු නිරීක්‍ෂණය වීමෙන් අනතුරුව මීගමුව පොලිසියට කළ පැමිණිල්ල මත සැකකරු පොලිසිය මගින් අත්අඩංගුවට ගෙන තිබේ.
 
 සැකකරු ඔන්ලයින් ක්‍රමයට මීගමුව ප්‍රදේශයේ අවන්හලකින් මොංගෝලියන් රයිස්‌ ඇතුළු ආහාර ගෙන්වාගෙන ඇති බවට පසුව අනාවරණය වී ඇත.
 
 සැකකරු මීගමුව මහෙස්‌ත්‍රාත් අධිකරණයට ඉදිරිපත් කරන බව මීගමුව පොලිසිය වැඩිදුරටත් සඳහන් කළේය. ගෙවීම් සඳහා තම ක්‍රෙඩිට්‌ කාඩ්පත අන් අයට ලබාදීමේදී සැලකිලිමත් වන ලෙස පොලිසිය මහජනතාවට අවවාද කරයි.

kandos18

අද දිවයින

සිනමා කලා

maalani250

නවලිය

aaksa250

දියග

wejadas250new

මීවිත

yohanis250

More Articles