Divaina - Kathuwakiya

slt mob 365 90 sin

Crystal Hand Sanitizer340x90 px 

e5

The Island The Island Nawaliya Vidusara e-Paper Classifiedsරාහු කාලය

සාම්පූර් චෛත්‍යය ඩෝසර් කිරීමේ චෝදනාව එල්ල වී ඇත්තේ උතුරු මහ ඇමැතිවරයාටය. ඔහු මේ චෝදනාව ගැන කිසිවක්‌ ප්‍රකාශ කර නැත. විග්නේෂ්වරන් මහතා "එළුග තමිල්" ව්‍යාපාරය ආරම්භ කළේ ද උතුරේ බුදු පිළිම තැන්පත් කිරීමට එරෙහිවය. එසේ නම් අනුරාධපුර යුගයට අයත් චෛත්‍යයක්‌ සාම්පූර්හි නිරුපද්‍රිතව තිබීම දකින්නට මොහු කැමැතිවේද?
 
 සාම්පූර් චෛත්‍යය විනාශ කිරීම ගැන සමාජයේ බලවත් ආන්දොaලනයක්‌ මතුවෙද්දී දෙමළ සන්ධාන මන්ත්‍රී ඒබ්‍රහම් සුමන්තිරන් මහතා යළිත් නව ව්‍යවස්‌ථාව ගැන කරුණු අනාවරණය කර ඇත. සුමන්තිරන්ගේ උත්සාහය කෙසේ හෝ මේ නව ව්‍යවස්‌ථාව සම්මත කර ගැනීම බව සැක නැත. නල්ලූර්හි පැවති රැස්‌වීමකදී මොහු ප්‍රකාශ කර ඇත්තේ කුමක්‌ද? ආණ්‌ඩුක්‍රම ව්‍යවස්‌ථා අතුරු කමිටු වාර්තාවේ සඳහන් වන්නේ ෆෙඩරල් ක්‍රමයටත් වඩා එහා ගිය පාලන ක්‍රමයක්‌ බවයි. උතුරේ ජනතාව බලාපොරොත්තු වන්නේ ද ෆෙඩරල්වලටත් එහා ගිය බලය බෙදීමක්‌ බව මෙහිදී දෙමළ සන්ධාන මන්ත්‍රීවරයා අවධාරණය කරයි. ෆෙඩරල්වලටත් එහා ගිය බලය බෙදීමක්‌ ඉන්දියාවේවත් දක්‌නට නැත. දිල්ලි ආණ්‌ඩුවේ ද ආශිර්වාද ඇතිව ගෙනෙනු ලබන ව්‍යවස්‌ථාව ඉන්දීය ෆෙඩරල් ව්‍යqහයන් ඉක්‌මවා යන්නේද? උතුරේ ජනතාව මෙයට කැමති වුව ද දකුණේ ජනතාව ෆෙඩරල් ක්‍රමයකට කැමැත්ත පළ කර ඇත්ද? කිසිසේත් නැත. යහපාලන ආණ්‌ඩුව ප්‍රකාශ කරන්නේ නව ව්‍යවස්‌ථාවෙන් ඒකීයභාවයට කිසිම හානියක්‌ සිදු නොවන බවයි. නමුත් ෆෙඩරල් ඉක්‌මවන පාලනයක්‌ තුළ ඒකීය රාජ්‍යය ආරක්‌ෂාවීම සැබැවින්ම විහිළුවකි.
 
 සුමන්තිරන් මන්ත්‍රීවරයා යාපනයේදී නව ව්‍යවස්‌ථාව ගැන දොඩවන්නේ ඡන්ද කුට්‌ටිය වැඩිකර ගැනීමේ අපේක්‌ෂාවෙන් විය යුතුය. එක්‌සත් ජාතික පක්‌ෂ රාජ්‍ය ඇමැතිනි විජයකලා මහේෂ්වරන් නම් සිය ඡන්ද සටන ආරම්භ කරමින් ප්‍රභාකරන් ගැන සිහිකර තිබූ බව අපට මතකය.
 
 නව ව්‍යවස්‌ථාව ගැන සමාජයේ කතාබහක්‌ නැති සමයක සුමන්තිරන් මේ ගැන යළිත් සිහිකරන්නේ දෙමළ සන්ධානයේ අපේක්‌ෂා මුදුන්පත් කරගැනීම වෙනුවෙනි. 2015 ජනවාරි 08 වැනිදා සිට දෙමළ සන්ධානය වත්මන් ආණ්‌ඩුවට සහාය ලබාදීමේ මූලික අරමුණ නව ආණ්‌ඩුක්‍රම ව්‍යවස්‌ථාව කෙසේ හෝ සම්මත කරගැනීමයි. මහ සංඝරත්නය ඇතුළු මෙරට බහුතරය නව ව්‍යවස්‌ථා අතුරු කමිටු වාර්තාවට විරෝධය පෑම නිසා ඒ ගැන සාකච්ඡා වීම නතර වී තිබිණි. නමුත් ඒ සාකච්ඡාව නතරවීම ගැන සුමන්තිරන් ප්‍රමුඛ දෙමළ සන්ධානය සතුටු වන්නේ නැත. ආණ්‌ඩුව නව ව්‍යවස්‌ථාව කෙරෙහි දක්‌වන උනන්දුව අඩුවීම ගැන ඉන්දියාව ද කණස්‌සල්ලට පත්ව සිටී. එහෙත් දකුණේ ජනතාව නව ව්‍යවස්‌ථාව පිළිබඳ විරෝධයකින් පසුවන බව යහපාලන ආණ්‌ඩුවේ නායකයෝ හොඳින් දනිති.
 
 දෙමළ සන්ධානය උතුරේ මැතිවරණ ව්‍යාපාරයේදී නව ව්‍යවස්‌ථාව ගැන සාකච්ඡා කළ ද දකුණේදී මේ ගැන කිසිම පක්‌ෂයක්‌ සාකච්ඡා නොකරන්නේ මන්ද? ව්‍යවස්‌ථා ගැන සාකච්ඡා කර පුරසභය දිනාගැනීම අපහසුවන නිසාය. ෆෙඩරල් ක්‍රමය ඉක්‌මවන පාලන ක්‍රමයක්‌ ඇතිවුවහොත් සිදුවන්නේ කුමක්‌ද? ස්‌ථාවර රට අස්‌ථාවර වීම පමණි. එයින් ඒකීය රාජ්‍යයේ මරණය සිදුවන බව අනිවාර්යය. එසේ නම් ඊළාම් සිහිනය වෙනුවෙන් ෆෙඩරල් පාලනය ඉක්‌මවා යන දොළපිදේනි ලබාදීම වහා නතර කළ යුතුය. ඇත්තෙන්ම මේ නව ව්‍යවස්‌ථාව අවශ්‍ය උතුරේ ජනතාවටද? නැත්නම් ජාතිවාදී දේශපාලනඥයන්ටද?

මත්ද්‍රව්‍ය සම්බන්ධ ප්‍රශ්න මේ රටේ දවසකට කිහිපයක්‌ අසන්නට ලැබේ. එක්‌කෝ කුඩු (මත්ද්‍රව්‍ය) අත්අඩංගුවට ගැනීම් ය. එහෙමත් නැතිනම් මත්ද්‍රව්‍ය භාවිත කළ එකෙකු කරන ලද නොපනත්කමක්‌ ගැනය. ඊටත් අමතරව පාතාල කල්ලි සාමාජිකයකු අත්අඩංගුවට ගැනීමක්‌ වාර්තා වුවහොත් අනිවාර්යයෙන්ම එම පාතාල සාමාජිකයා මත්ද්‍රව්‍ය ජාවාරමට සම්බන්ධ බවට තොරතුරු අනාවරණය විණැයි වාර්තා වේ.


20017 වසර ගෙවී ගොස්‌ 2018 වසර උදා වී ඇත. නව බලාපොරොත්තු නව අපේක්‍ෂා මැද ලක්‌වැසියෝ සුබ ප්‍රාර්ථනාවෙන් මේ වසර පිළිගනිති. බලාපොරොත්තු යනු මිනිසා ජීවත් කරන්නකි. ප්‍රාර්ථනා යනු ඔහුට ආශ්වාද සපයන්නකි. ගෙවී ගිය වසරේ දුක්‌ දොම්නස බැහැර වී අපේ පාඨක ප්‍රජාව සියලු ආකාරයෙන් බලගැන්වේවා යන්න 2018 වසරේ ප්‍රාර්ථනාවයි.
 
 නව වසර උදාවන්නේ මැතිවරණ උණුසුම සමගය. මේ මැතිවරණය යහපාලන ආණ්‌ඩුවට තීරණාත්මකය. එය රජයේ හොඳ නරක කිරා බැලෙන ජනමත විචාරණයකට සමානය. පෝස්‌ටර් කටවුට්‌වලට විවිධ තහනම් පැනවී ඇතත් සෑම තැනම සිනහමුසු මුහුණෙන් විවිධ අපේක්‍ෂකයන් බිත්තිවල විදුලි කණුවල එල්ලී සිටින අයුරු පෙනේ. තම කොට්‌ඨාසය දිනා ගැනීම වෙනුවෙන් මිලියන ගණනින් වුවත් වියදම් කිරීමට සමහර අපේක්‍ෂකයන් සූදානම් බව පෙනී යයි. මිලියන ගණනින් වියදම් කර පුර සබයට එන්නේ ජනතා සේවය සඳහා පමණක්‌ ද?
 
 පළාත් පාලන මැතිවරණය සඳහා ඉදිරිපත් වූ අපේක්‍ෂකයන් අතර සමාජ විරෝධී ක්‍රියාවල යෙදෙන පුද්ගලයන් 32 ක්‌ සිටින බව වාර්තා වී ඇති නිසා රටේ ජනතාව වඩාත් විමසිලිමත්ව ඡන්දය භාවිත කළ යුතු බව පැෆරල් සංවිධානයේ විධායක අධ්‍යක්‍ෂ රෝහණ හෙට්‌ටිආරච්චි මහතා ප්‍රකාශ කරයි. මෙවන් සමාජ විරෝධී පුද්ගලයන්ට ඡන්දය ලබා දී පුර සබය වර්ණවත් කළ හැකිද? කොළඹ දිස්‌ත්‍රික්‌කයේ එක්‌ අපේක්‍ෂකයකුට නීති විරෝධී මත්පැන් අලෙවිය හා අවි ආයුධ ජාවාරම පිළිබඳ චෝදනා එල්ල වී ඇති බව පැෆරල් සංවිධානය කියයි. ජනාධිපතිවරයා නම් පොලොන්නරුවේදී ප්‍රකාශ කර තිබුණේ මත්පැන් පානය කරන්නන්ට ඡන්දය ලබා නොදෙන ලෙසය. රටේ නායකයා ලෙස සුචරිතයේ හැසිරෙන පළාත් පාලන මන්ත්‍රීන් පත්කර ගැනීම එතුමාගේ අපේක්‍ෂාව වීම සතුටට කරුණකි. නමුත් මත්පැන් ජාවාරම්කරුවන්ට අපේක්‍ෂකත්වය ලබා දී ඇත්තේ කවුරුන්ද?
 
 මාතර හා පුත්තලම් දිස්‌ත්‍රික්‌කවල අපේක්‍ෂකයන් දෙදෙනෙකුට මිනීමැරුම් චෝදනා ඇත. කෑගල්ල දිස්‌ත්‍රික්‌කයේ එක්‌ අපේක්‍ෂකයකු ගණිකා මඩමක්‌ පවත්වා ගෙන ගිය පුද්ගලයෙකි. සමාජ විරෝධී චෝදනා ලබා ඇති මෙවැනි පුද්ගලයන්ට පුර සබයට ඇතුල්වීමට ඉඩ ලබා නොදීම ඡන්දදායකයන්ගේ වගකීම විය යුතුය. පක්‍ෂය කවරක්‌ වේවා රටට දැයට හිතවත් දූෂිත නොවූ සුචරිතවත් පුද්ගලයන්ට ඡන්දය ලබාදීම මහජන වගකීම වේ. ප්‍රාදේශීය සභාවට ඉදිරිපත් වී ඇති අපේක්‍ෂක ලැයිස්‌තුව ගැන ඡන්දදායකයෝ වඩා විමසිලිමත් විය යුතුය. අපරාධ චර්යාවන් ඇති අපේක්‍ෂකයන්ගෙන් සාධාරණ සාමකාමී මැතිවරණ ව්‍යාපාරයක්‌ කෙසේවත් බලාපොරොත්තු විය නොහැක. කවරකු හෝ ප්‍රචණ්‌ඩකාරී වන්නේ නම් ඒ පුද්ගලයා ප්‍රතික්‍ෂේප කිරීම ජනතා වගකීම විය යුතුය.
 
 තක්‌කඩි අපේක්‍ෂකයන් ගැන හෙළිදරව් කරන පැෆරල් සංවිධානය වැදගත් යෝජනාවක්‌ ද ඉදිරිපත් කර සිටී. එය කවරක්‌ද? අනාගතයේදී දේශපාලනයට ඉදිරිපත් වන සියලු දෙනා නාම යෝජනා ඉදිරිපත් කරන විට පොලිස්‌ සහතිකයක්‌ ද ඉදිරිපත් කිරීම අනිවාර්ය කළ යුතු බවයි. මෙය සැබැවින් ම අගය කළ යුතු යෝජනාවකි. මේ යෝජනාව ක්‍රියාත්මක වුවහොත් බොහෝ තක්‌කඩි අපේක්‍ෂකයන් විසි වී යනු ඇත. එය රටට යහපතකි.

2018 වසර උදාවීමට ඇත්තේ තවත් හෝරා කිහිපයක්‌ පමණි. ශ්‍රී ලංකාව 2017 වසර පසුකරමින් සිටිනුයේ අභියෝග රැසක්‌ මැදය. ණය බර, දේශගුණික විපර්යාස, ස්‌වභාවික ආපදා, පාරිසරික ප්‍රශ්න, ඩෙංගු වසංගතය වැනි දැවෙන අර්බුද රැසකින් ශ්‍රී ලංකාව දැනටමත් බලවත් පීඩාවට පත් වී සිටියි. මේ අර්බුදවලින් මිදීමට පැහැදිලි යාන්ත්‍රණයක්‌ සකස්‌ කර ගැනීමට අපි තවමත් අපොහොසත් වී සිටිමු. ඒ අසමත් රාජ්‍ය පාලනය නිවැරදි මාවතට ගැනීමට නම් රාජ්‍යයේ අසමත්කම් පිළිබඳව පසුකථනයක යෙදීමත් රටක්‌ ලෙස පෘථිවි ගෝලය තුළ අප යා යුතු මාවත පිළිබඳව පුරෝකථනයක යෙදීමටත් මෙය අවස්‌ථාවක්‌ කරගත යුතුය.

මේ වර්ෂය 2018 උදාවුණේ එම වර්ෂයට අයත් පළමු නිවාඩු දිනය සමඟය. ඒ අනුව හරියටම කීවොත් බොහෝ දෙනෙක්‌ වැඩ පටන් ගන්නේ අදය. රාජ්‍ය ආයතන දීර්ඝ සතිඅන්ත නිවාඩුවකට පසු අද දවසේ වැඩ ආරම්භ කරයි. සමහර පුද්ගලික ආයතනද එසේමය. වැඩට (රැකියාවට) යන එන අයත්, විශ්‍රාම සුවයෙන් කල්ගත කරන අයත්, රස්‌සාවල් හොයන අයත්, රස්‌සාවල් වෙනුවෙන්ම ඉගෙන ගන්නා අයත් ඉගෙන ගෙන රස්‌සාවක්‌ කරන්නට හිතාගෙන ඉන්න අයත් ඇතුළුව සමස්‌ත රටේ ජනතාවම පුරුදු ආකාරයට මේ අවුරුද්දේදිත් රැවටෙන්නට ඇති ඉඩකඩ බොහෝ වැඩි බව පළමුකොට කිව යුතුය. මේ අවුරුද්දේ මුල් කාර්තුව පටන් ගන්නේ ඡන්දයකිනි. ඡන්දයකින් පත් කරගන්නා ජනතා නියෝජිතයා කියන සටකපට මදාවියන් කරන්නේ ජනතාව රැවටීමය. රටේ ජනතාවගේ බරපතළ ප්‍රශ්නවලට මේ කිසිවකුගෙන් පිළිතුරක්‌ නැත. එම ප්‍රශ්නවලට විසඳුම් හොයන්නට නිශ්චිත සැලැස්‌මක්‌ නැත. මේ කියන්නට යන්නේ පසුගිය වර්ෂයේ එවැනි සැලස්‌මක්‌ නැතුව (වසර කීපයක සිටම මේ කියන කාරණා සඳහා නිසි සැලසුම් තිබී නැත) ඉතා නරක අන්දමේ වාර්තා ඉදිරිපත් කර ඇති කාරණා කිහිපයක්‌ ගැනය.
 
 ඉන් පළමුවැන්න ඩෙංගු වසංගතයයි. පසුගිය වසරේ (2017) වාර්තා වී ඇති ඩෙංගු රෝගීන්ගේ සංඛ්‍යාව එක්‌ලක්‌ෂ අසූතුන්දහස්‌ දෙසීය තිස්‌පහක ප්‍රමාණයක්‌ බව වසංගත රෝග විද්‍යා අංශය සඳහන් කර තිබේ. එපමණක්‌ නොව ඩෙංගු රෝගය නිසා මියගිය සංඛ්‍යාව 430 ක්‌ බවද කියති.
 
 දෙවැනි කාරණය වන්නේ එච්.අයි.වී. (ඒඩ්ස්‌) රෝගයයි. ඒ අනුව 2017 දී සිදු කරන ලද ලේ පරීක්‍ෂා කිරීම් ලක්‍ෂ 13 කදී එච්.අයි.වී. ආසාදිතයන් 280 ක්‌ සොයාගෙන තිබෙන බව ජාතික ලිංගාශ්‍රිත රෝග හා ඒඩ්ස්‌ මර්දන ව්‍යාපෘතිය සඳහන් කරයි. එම ප්‍රමාණයෙන් 23 දෙනකු ගැබිනි මව්වරුන්ය. ඉන් 16 දෙනකු මේ වන විට දරුවන් බිහිකර ඇති බවද එම වාර්තාවල සඳහන් වේ. එමෙන්ම 2017 වර්ෂයේ දී එච්.අයි.වී. ආසාදිතයන් 32 ක්‌ මරණයට පත්ව තිබේ.
 
 ඉහත සඳහන් කරන ලද වාර්තා මෙරට ජනතාවගේ සතුටට හේතුවන කරුණු කාරණා නොව රටක්‌ ජාතියක්‌ ලෙස අප සිටින තැන ගැන කම්පා විය යුතු කාරණාය. ඩෙංගු යනුවෙන් රෝගයක්‌ ඇති බව මේ රටේ කවුරු කවුරුත් දැනගත්දා පටන්වත්, එච්.අයි.වී. ආසාදිත පළමුවැන්නා මේ රටෙන් සොයා ගන්නා විටත්, එමගින් ඇති විය හැකි භයානක ප්‍රතිඵල පිළිබඳව හරි හැටි අවබෝධ කරගත් වගකිව යුතු දේශපාලනඥයෙක්‌ ගැන අපට මතක නැත. ඒවා ව්‍යාප්තව ගොස්‌ රට බරපතළ ලෙස අනතුරුදායක තත්ත්වයකට පත්වන විට සැලසුම් සකස්‌ කර ඊට මුහුණදිය හැකි අන්දමේ යහපත් වැඩපිළිවෙළක්‌ සකස්‌ කළ දේශපාලනඥයකු ගැන අප අසා නැත.
 
 සැලසුම් සහ ව්‍යාපෘති යෑයි කියන බොහෝ දේ ගෙන ආවද ඒ කිසිවකින් වැඩක්‌ වී නැති බව ඉහත සංඛ්‍යාලේඛන පෙන්වා දෙයි.
 
 ඩෙංගු සහ ඒඩ්ස්‌ රෝග ශ්‍රී ලංකා ජන සමාජයේ දෛනික ජන ජීවිතය අර්බුදයක්‌ කරා ගෙන ගොස්‌ අවසන්ය. මෙම සෞඛ්‍ය අර්බුද විසඳීම සඳහා පිළිගත් යාන්ත්‍රණ තිබියදී අපි තවමත් අඳුරේ අතපත ගාමින් සිටින්නෙමු. දිනපතා රටේ ඩෙංගු සහ ඒඩ්ස්‌ රෝගීන් ඉහළ යැමෙන් පෙන්නුම් කරන්නේ මෙම රෝග පාලනය කිරීමට ඇති යාන්ත්‍රණයේ බරපතළ අර්බුද පවතින බවය. එම නිසා එම අර්බුද වහා හඳුනාගෙන නව සැලසුම් සකස්‌ කිරීමට සෞඛ්‍ය බලධාරීන් අවධානය යොමුකළ යුතුය. අලුත් අවුරුද්දේ අලුත් සංකල්ප තුළින් රට නිරෝගී කිරීම ආණ්‌ඩුවට භාරය.

kandos18

අද දිවයින

සිනමා කලා

aau250

නවලිය

kuslani250

දියග

manos250

මීවිත

sulo250

More Articles