Divaina - Kathuwakiya

e5

The Island The Island Nawaliya Vidusara e-Paper Classifiedsරාහු කාලය

mobitel

ugc15september

දැනට මාස එකහමාරකට පෙර සිට "දළ පූට්‌ටුවා" සිටියේ අතුරුදන්වය. "දළ පූට්‌ටුවා" යෑයි අපි කෙලින්ම කතාවට එන්නේ ඒ ගැන නොදන්නා කෙනෙක්‌ මේ රට තුළ හිඳිවී යෑයි අප විශ්වාස කරන නිසාය. එසේ සිටින්නේ නම් ඒ උදවියට අප ස්‌ථිර වශයෙන්ම කියන්නේ "දළ පූට්‌ටුවා" යනු පාතාල නායකයකු හෝ රටින් පැන ගිය කුඩු ජාවාරම්කාරයකු නොවන බවය.

යාපනය විශ්වවිද්‍යාලයට අනුබද්ධ වව්නියාව මණ්‌ඩපය දින නියමයකින් තොරව වසා දැමීමට එහි උපකුලපතිතුමා තීරණය කර ඇත. වව්නියාව මණ්‌ඩපය දින නියමයකින් තොරව වසා දැමුණේ උණ රෝගය හා පාචනය පැතිරෙන නිසා නොවේ. ඊනියා සහජීවනයේ තරම හොඳින් ප්‍රකට වන නිසාය. මහවිරු සැමරුම වව්නියාව මණ්‌ඩපයේදී ද පැවැත්විණි. ප්‍රභාකරන් නමැති ත්‍රස්‌තවාදියාගේ උපන්දිනය වෙනුවෙන් කේක්‌ කපා ඒ කේක්‌ බලහත්කාරයෙන් සිංහල සිසුන්ටත් කැවීමේ උත්සාහයක්‌ නිසා එම පීඨයේ උණුසුම්කාරී වාතාවරණයක්‌ ඇති විය. මෙහිදී ඇතිවූ ආරවුල නිසා සිංහල සිසුන් විශ්වවිද්‍යාලයෙන් බැහැරව ආරක්‌ෂාව පතා වෙනත් ස්‌ථාන කරා ගිය බව මාධ්‍යවල සඳහන් විය. ඊනියා මහවිරු සමරුවෙන්ම කොටි හිතවාදීන්ගේ සහජීවනය මනාව අවබෝධ විය.
 
 මේවා පාලනයට රජය පියවරක්‌ නොගන්නේ මන්ද? දකුණේ විශ්වවිද්‍යාලයකදී සිංහල සිසු පිරිසකගේ අඩම්තේට්‌ටම්වලට උතුරේ දෙමළ සිසුන් ලක්‌වූවා නම් සිදුවන්නේ කුමක්‌ද? එවිට නම් රජයේ බලධාරීන් වහා කලබල වනු ඇත. මේ අවුල ගැන ඉහළ පෙළේ පරීක්‌ෂණද කැඳවනු ඇත. සහජීවන අමාත්‍යාංශය හඬා වැටෙනු ඇත. නමුත් සිදුව ඇත්තේ කුමක්‌ද? වව්නියාවේදී තර්ජනයට ලක්‌වූයේ සිංහල සිසුන්ය. අධ්‍යාපන අයිතිය වෙනුවෙන් රැඟුම් පාන අන්තර් විශ්වවිද්‍යාල බල මණ්‌ඩලය මේ ගැන කියන්නේ කවරක්‌ද?
 
 වව්නියාව මණ්‌ඩපයේ සිද්ධියෙන් අපට වැටහෙන්නේ කුමක්‌ද? එහි අධ්‍යාපනය ලබන කවර ශිෂ්‍යයකු වේවා මහවිරු සැමරුමට සහභාගිවීම අනිවාර්ය බවද? මහවිරු සැමරුමට බලහත්කාරයෙන් සිංහල සිසුන් ඈ¹ ගැනීමට උත්සාහ කරන්නේ සමස්‌ත ජාතියටම නිග්‍රහ කිරීමට නොවේද? මේ උමතු නාසිවාදයට එරෙහිව නැගී සිටිය යුතුය. එසේ නොවන්නේනම් යළිත් උතුරු නැගෙනහිර විශ්වවිද්‍යාලවල අධ්‍යාපනය ලැබීමේ අයිතිය සිංහල සිසුන්ට නැතිවනු ඇත. මෙය බරපතළ තත්ත්වයකි. මහවිරු සැමරුමට පසුවද යළිත් තර්ජන එල්ල විය හැකිය. නමුත් සිංහල සිසුන් පීඩාවට පත්වෙද්දී විශ්වවිද්‍යාල ප්‍රතිපාදන කොමිෂන් සභාව කුමක්‌ කරන්නේද? ආරක්‌ෂක රාජ්‍ය ඇමැතිවරයා ප්‍රකාශ කර තිබුණේ උතුරේ ත්‍රස්‌ත සැමරුම් සිදුකළ පුද්ගලයන් පිළිබඳව පරීක්‌ෂණ පැවැත්වෙන බවයි. නමුත් දැන් සියලු උත්සව හමාර වූ පසු පරීක්‌ෂණ පැවැත්වීම විහිළු සහගතය. මේ ත්‍රස්‌ත සැමරුම් සිදුවෙද්දී රජය කටයුතු කළේ දීන භාවයෙනි. ඒ දීන භාවය නිසාම උතුරේ අධ්‍යාපනය ලබන සිංහල සිසුන්ද නිග්‍රහයට ලක්‌විය. ඔවුන් නිග්‍රහයට ලක්‌වන්නේ සංහිඳියාව නිසාද? ජාතිය නිග්‍රහයට ලක්‌කර සංහිඳියාව ජයග්‍ර්‍රහණය කළ යුතුද?
 
 යහපාලන රජයේ සංහිඳියා වැඩපිළිවෙළ සාර්ථක කර ගැනීම තවදුරටත් අපහසු වන බව පැහැදිලි වන්නේ මේ ත්‍රස්‌ත සැමරුම් උතුරු නැගෙනහිර ඉතාම උත්සවශ්‍රීයෙන් පැවැත්වීම නිසාය. ප්‍රභාකරන්ට පහන් පත්තු කරමින් සංහිඳියාව පතුරවන්නේ කෙසේ දැයි අපට අවබෝධයක්‌ නැත. එදා පොංගු තමිල් උත්සව සඳහා සහභාගි වූ වර්තමාන සංහිඳියා ඇමැතිවරයාට මේ ගැන පිළිතුරු දිය හැකිද? ඔහු වව්නියාවේ සිද්ධිය සංහිඳියාවට පහරක්‌ බව ප්‍රකාශ කර තිබේ. කරුණු කාරණා සලකා බලනවිට මේ සංහිඳියාව ඉතා ඉක්‌මනින්ම කුඩුපට්‌ටම් වන බවට ලකුණු තිබේ.

ක්‍රිකට්‌ තරග ගැන දැන් රටේ ජනතාවගේ එතරම් උනන්දුවක්‌ ඇති වගක්‌ පෙනෙන්නට නැත. හැමෝම වාගේ උනන්දුවෙන් සිටියේ පුංචි ඡන්දය පවත්වන දිනය ගැනය. අද හෙට, හෙට අනිද්දා වී අවුරුදු දෙකක්‌ පමණ පරණ වූ පුංචි ඡන්දය පැවැත්වීමට සූදානම් බව ඊයේ සියලුම මාධ්‍ය වාර්තා කර තිබිණි. අදාළ ගැසට්‌ නිවේදනයද ඊයේa (27 දා) නිකුත් කරන බව නිවේදනය කර තිබිණි.

මෙරට බිම් මට්‌ටමේ දේශපාලන ආයතනය හැඳින්වෙන්නේ පළාත් පාලන ආයතන ලෙසය. ඇත්ත වශයෙන්ම කීවොත් පළාත් පාලන ආයතන නොමැතිව සෘජුව ආණ්‌ඩුව යටතේ පාලනය වන පුරවර නිර්ණය කිරීමට ආණ්‌ඩුක්‍රම ව්‍යවස්‌ථාවෙන් බලය තිබේ. එහෙත් මේ වනවිට මෙරට සියලුම ගොඩබිම් ප්‍රදේශ පාලනය වන්නේ පළාත් පාලන ආයතන මගිනි. පළාත් පාලන ආයතන වර්ග තුනකි. ඒ මෙසේය. මහ නගර සභා, නගර සභා, ප්‍රාදේශීය සභා. 1948 දී ශ්‍රී ලංකාවට නිදහස ලැබෙන තෙක්‌ම මෙරට ස්‌ථාපිතව පැවැතියේ කොළඹ, මහනුවර සහ ගාල්ල මහ නගර සභා පමණි. මේවනවිට මහ නගර සභා 24 ක්‌ද, නගර සභා 41 ක්‌ද ප්‍රාදේශීය සභා 272 ක්‌ද වශයෙන් සමස්‌ත පළාත් පාලන ආයතන වල එකතුව 337 ක්‌ ලෙස දැක්‌වේ. එහෙත් ඊට අලුතින් එක්‌වන පොළොන්නරුව මහනගර සභාව, මිල්ලනිය, නෝර්වුඩ්, ආගරපතන කොටගල හා මස්‌කෙළිය ප්‍රාදේශීය සභා නිසා එම සංඛ්‍යාව 341 දක්‌වා ඉහළ ගොස්‌ තිබේ.

කෙසේ හෝ ජනවාරි මාසයේ පවත්වන්නට නියමිත යෑයි කියෑවෙන පළාත් පාලන ඡන්දයේදී නාම යෝජනා කැඳවීමට නියමිතව ඇත්තේ පළාත් පාලන ආයතන 93 ක්‌ සඳහා පමණි. එම පළාත් පාලන ආයතන 93 "නඩු" නැති පළාත් පාලන ආයතන ලෙස හඳුනාගෙන ඇති බව මැතිවරණ කොමිසම සඳහන් කර තිබේ. ඇත්ත වශයෙන්ම නඩු විභාගයෙන් බලපෑමක්‌ ඇති පළාත් පාලන ආයතන 133 ක්‌ තිබේ. ඒ අතරින්ද 40 ක සීමා මායිම් විස්‌තර කිරීමේ ගැසට්‌ නිවේදනයේ මුද්‍රණ දොaෂ පවතින නිසා නාම යෝජනා කැඳවීමේ අපහසුතා මතුව තිබේ.

දැන් බාලගිරි අද නොවේ හෙට කියමින් කල් මරමින් හිඳ මේ පවත්වන්නට යන්නේ ශ්‍රී ලංකාවේ ප්‍රථම වරට මිශ්‍ර ක්‍රමයට පවත්වන පළාත් පාලන මැතිවරණයයි. තිබෙන ක්‍රමය නොව වැදගත් වන්නේ ජනතාවගේ ප්‍රජාතන්ත්‍රවාදී අයිතියට ගරු කරමින් පළාත් පාලන මැතිවරණය පැවැත්වීම බව පක්‍ෂ විපක්‍ෂ බොහෝ දෙනකුගේ මතය වී තිබිණි. මේ කතා සාධාරණය. හරියටම කීවොත් පුංචි ඡන්දයේ පමාව මේ ආණ්‌ඩුව පත්වූදා සිට මේ දක්‌වා කාලයට සමානය. ඡන්දය පැවැත්වීමට සූදානම් යෑයි කියන කාරණය වුව රටේ ජනතාවගේ පුදුමයට හේතුවක්‌ වී තිබේ නම් ඒ ගැන සැක සංකා තබාගත යුතු නැත. පුංචි ඡන්දය අහවල් ක්‍රමයට තබන්නට සූදානම් යයි කී කතාද, සීමා නිර්ණය පිළිබඳ කතාද අයවැය යෝජනා තරමටම ජනතාවට එපාවී තිබිණි. එසේ කිව් පමණින්ම මේ ආණ්‌ඩුව කියන කරන හැමදේම ජනතාවට "එපාවී" ඇතැයි වරදවා වටහාගත යුතු නැත. කෙසේ හෝ පසුගිය කාලය පුරාම පළාත් පාලන ඇමැතිවරයා මාධ්‍ය හමුවලදී කී කතා ඇහෙනවිට අපට හිතුනේ මේ අහිංසක මනුස්‌සයා මොනතරම් මානසික ආතතියකින් පෙළෙන්නට ඇතිද යන්නයි. කලකට ඉහතදී මැතිවරණ කොමසාරිස්‌වරයකුද එවැනිම ආතතියෙන් පෙලුණු බව අපට මතකය. අන්තිමේදී ඇමැතිවරයාට විශ්වාසභංගයක්‌ ඉදිරිපත් කර හෝ පුංචි ඡන්දය පවත්වන්නට පාර කැපීම ගැන කවුරු කවුරුත් සතුටු විය යුතුය.

ත්‍රස්‌ත සැමරුම් උතුරේ වඩා සාර්ථක අන්දමින් සිදුවේ. යාපනය විශ්වවිද්‍යාලයේදී කේක්‌ කපා ප්‍රභාකරන්ගේ උපන් දිනය සමරා තිබේ. කේක්‌ කපා සමරන්නේ යහපත් පුද්ගලයකුගේ උපන් දිනයද? රටම භීතියට පත්කළ ත්‍රස්‌ත නායකයා සැමරීමට යාපන විශ්වවිද්‍යාල සිසුන් පෙළඹීම භයානක පෙර නිමිත්තක්‌ නොවේද? මොවුන් ඉදිරියේදී යළිත් ප්‍රභා ගත් මග ගැනීමට උත්සාහ කරයිද? මේ ත්‍රස්‌ත සැමරුම් වැළැක්‌වීම සඳහා විශ්වවිද්‍යාල බලධාරීන් උත්සාහ කර නැත. සංහිsඳියාව නිසා මේවා නැවැත්වීමට ආරක්‌ෂක අංශ මැදිහත් වන්නේද නැත. රට යන්නේ කොයි අතටද? කේක්‌ කපන අතටද? වස කන අතටද? යළි ත්‍රස්‌ත භීෂණයක සේයා මතුවන්නේද? යාපනය විශ්වවිද්‍යාලයේ සිසුන් ප්‍රභාකරන් සමරා රටට දෙන පණිවිඩය කුමක්‌ද? නැවත තමන් ඊළාම් සටනට පණදෙන බවද? ඒ භීෂණකාරී අතීතය නිසා වඩා විශාලම හානිය සිදුවූයේ දෙමළ ජනතාවට බව මොවුන් නොදන්නේද? ප්‍රභාකරන්ට කේක්‌ කැපීම යනු අයිසින්වල තවරා සයනයිඩ් කෑමට ගැනීම හා සමාන නොවන්නේද? වැල්ලවැටිතුරේදී ද මේ ත්‍රස්‌ත භීෂකයාගේ උපන් දිනය සමරා තිබේ. මේ නොවැම්බරයේ ටික ටික එළියට බසින ඊළාම්වාදීන් ලබන නොවැම්බරයේ කවර නැටුමක්‌ නටයිද? යහපාලන ආණ්‌ඩුව මේ ත්‍රස්‌ත සැමරුම් තහනම් කිරීමට උත්සාහ නොකරන්නේ ජිනීවා මානව හිමිකම් කවුන්සිලයේ නිර්දේශ නිසාද? 2015 රෙජීම වෙනසට පෙර නම් මෙවැනි ආකාරයට නිදහසේ ත්‍රස්‌ත සැමරුම් කිරීමට කිසිවකුට ඉඩ ලැබුණේ නැත. පහන් පත්තු කළේද අතිශය රහසිගතවය.
 
 එසේ නම් දැන් කොටි හිතවාදීන් වඩා ප්‍රහර්ශයෙන් ප්‍රභාකරන් සමරන්නේ මන්ද? ප්‍රභාකරන් සැමරීමට නීතියෙන් කිසිදු ඉඩක්‌ නැත. එසේම මේ ත්‍රස්‌තවාදියා සැමරීමට ඉඩදීම ජාතියට නිග්‍රහයක්‌ නොවේද?
 
 කේක්‌ කපමින් කොටි සැමරීමේ අනතුර මේ ආණ්‌ඩුව නිසි ලෙස අවබෝධ කරගෙන ඇත්ද යන්න නම් ප්‍රශ්නයකි. කේක්‌ කපා ප්‍රභාකරන් සැමරීමෙන් පසුව මොවුන් කඩුව අතට ගනීද? තුවක්‌කුව අතට ගනීද? උතුර නැගෙනහිර පළාත්වල තවමත් කොටි සාමාජිකයෝ විsසිර සිටිති. මොවුන්ට තමන්ට පැරණි සටන් හරඹ අමතකව නැත. කේක්‌ කැපීමෙන් සිදුවන්නේ යළිත් බෙදුම්වාදයට උද්දීපනයක්‌ සැපයීම නොවන්නේද? මේ බෙදුම්වාදී උද්දීපනයේ අවසානය යළිත් රට අරාජිකත්වයට කරා යැම නොවේද? මේ අරාජිකත්වයට ඉඩ දී බකන්නිලාගෙන සිටීමට ආණ්‌ඩුවට හැකිද?
 
 ප්‍රභාකරන්ගේ ඊළාම් සටනින් දෙමළ වැසියන් දහස්‌ ගණනක්‌ මහපොළවට යටවිය. තවත් දහස්‌ ගණනකට උන්හිටිතැන් අහිමිවිය. පිරිසක්‌ ආබාධිත විය. දහස්‌ ගණනක්‌ වැන්දඹුවන් බිහිවිය. එහෙත් යළිත් කේක්‌ කපා උත්සාහ කරන්නේ අඳුරට අතීතයට අතවැනීමද? ඒ අඳුර ශාන්තියක්‌ද?ඒ අඳුර ශාප කළ යුතු වුවත් දැන් සිදුවන්නේ එයට ප්‍රේම කිරීම නොවේද?
 
 යාපනය විශ්වවිද්‍යාල සිසුන් ජනප්‍රියවීමේ අර්ථයෙන් ප්‍රභාකරන් සමරන්නේද? ප්‍රභාකරන් සැමරූ අතීත ශිෂ්‍ය ප්‍රජාවට යහපතක්‌ අත්වූවේද යන්න ඔවුන් සිතා බැලිය යුතුය. තැන්නම් මේ විශ්වවිද්‍යාල ප්‍රජාවට ද සිදුවන්නේ කේක්‌ කපා වස බොන්නට බව සටහන් කළ යුතුමය.

සංහිඳියාව වෙනුවෙන් බොහෝ විහිළු වැඩකරන රටක අලුත්ම සුපිරි විහිළුව වී ඇත්තේ "විරු සැමරුම්ය" ඒ, දකුණේ නොව උතුරේය. 1976 වඩුක්‌කොඩෙයි සමුළුවෙන් පටන්ගෙන ඒ සමුළුවද ඉක්‌මවා ගොස්‌ රට ලේ විලක්‌ කළ කෲරතර ත්‍රස්‌ත නායකයකු සහ ඒ සහපිරිවර සැමරීම මේ විරු සැමරුම්වල ඉලක්‌කය වී තිබේ. එම විරු සැමරුම් පවත්වන්නේද සාමකාමීව නොවේ, සංහිඳියාව ආරක්‍ෂා වන ආකාරයට නොවේ.  

kandos18

අද දිවයින

සිනමා කලා

maalani250

නවලිය

aaksa250

දියග

wejadas250new

මීවිත

yohanis250

More Articles