Divaina - Kathuwakiya

slt mob 365 90 sin

Crystal Hand Sanitizer340x90 px 

e5

The Island The Island Nawaliya Vidusara e-Paper Classifiedsරාහු කාලය

උතුරේ වෙසෙන සිංහල ජනතාව දෙස උතුරු පළාත් සභාව සැමවිටම බැලුවේ කෝපයෙන් හා වෛරයෙනි. උතුරේ පන්සලක කඨින පෙරහැරක්‌ පැවත්වුවද එය බලවත් සංස්‌කෘතික ආක්‍රමණයක්‌ ලෙස පෙන්වීමට කොටි හිතවාදී මාධ්‍යවේදීහූ අදත් කටයුතු කරති. මේ රටේ වෙසෙන පුරවැසියන්ට දිවයිනේ ඕනෑම ස්‌ථානයක ජීවත් වීමට ඇති අයිතිය තහවුරු නොවන්නේනම් එය බරපතළ ප්‍රශ්නයකි. උපන් බිමේ සිංහලයන් අනාථවීමේ තත්ත්වයක්‌ උදාවී ඇති බව පැහැදිලි වන්නේ උතුරින් ලැබෙන මෙවන් ප්‍රවෘත්තියක්‌ නිසාය.
 
 මුලතිව් දිස්‌ත්‍රික්‌කයේ නයාරු සිට කෝකිලායි දක්‌වාත් වව්නියාවේ බෝගස්‌වැවේ සිට වැලිඔය දක්‌වාත් මහවැලිය යටතේ සිංහල වැසියන්ට ලබාදී ඇති සියලු ඉඩම් අහිමි වී යන තත්ත්වයක්‌ උදා වී ඇති බව මේ භයානක ප්‍රවෘත්තිය විය. උතුරු පළාත් ප්‍රධාන ඇමැතිවරයා මුලතිව් දිසාපතිවරිය අමතා ප්‍රකාශ කර ඇත්තේ දෙමළ සන්ධානයේ සියලු දෙනා මේ ඉඩම් ලබාදීමට විරුද්ධ බවයි. දැන් උතුරේ සිංහලයන්ගේ අනාගතය තීරණය කරන්නේ දෙමළ සන්ධානයද? මුලතිව් හි වෙසෙන සිංහලයන්ට සිය පාරම්පරික භූමි අයිතිය අහිමි වන තෙක්‌ ජනපතිවරයා හා අගමැතිවරයා නිහඬව බලා සිටින්නේද? එදා ප්‍රභාකරන් යුද්ධ කරන සමයේදීත් මුලතිව් දිස්‌ත්‍රික්‌කයට අයත් ගම්මානවල සිංහල වැසියෝ ජීවත්වූහ. එසේ නම් ප්‍රභාකරන්ටත් වඩා උග්‍ර සිංහල විරෝධයකින් උතුරු පළාත් සභාව කටයුතු කරන බව පෙනේ.
 
 උතුරේ සිංහල වැසියන්ට මහවැලිය යටතේ ඉඩම් ලබාදීම අනුමතව ඇත්තේ මීට වසර තිහකට පෙර එනම් 1988 දීය. දෙමළ සන්ධානය විශ්වාසභංගයට සහාය දුන්නේ උතුරින් මෙසේ සිංහලයන් එළවා දැමීමේ කූට අරමුණු සපල කර ගැනීමටද?
 
 වැලිඔය සිංහල ජනතාවට තම ඉඩකඩම්වල අයිතිය අහිමි වුවහොත් ඔවුනට කාගේ පිහිටක්‌ද? මෙය රට යළි අර්බුදයකට ඇද දැමීමකි. උතුරේ සිංහල ඉඩම් අයිතිය අහෝසි කිරීමට උතුරු පළාත් සභාවට විශේෂ බලයක්‌ පවරාදී නැත. හමුදාව උතුරේ ඉඩම් බලෙන් අල්ලාගෙන සිටිනවා යෑයි කෑ ගසන දෙමළ සන්ධානය අනෙක්‌ පැත්තෙන් උත්සාහ කරන්නේ සිංහල ඉඩම් අයිතියද ශූන්‍ය කර දැමීමටය
 
 උපන් බිමේ අනාථයන් වන්නට උතුරේ සිංහල ජනතාවට ඉඩ ලබාදිය යුතු නැත. දෙමළ සන්ධානය හමුදා කඳවුරු ඉදිරිපිටම පැමිණ උද්ඝෝෂණ කරන විට කොළඹ ආණ්‌ඩුව කලබලයට පත්වේ. එහෙත් උතුරේ සිංහලයන්ට ඉඩම් අයිතිය අහෝසි වන විට ආණ්‌ඩුව ක්‍රියාකරන්නේ කෙසේද යන්න අපි බලා සිටිමු.
 
 සිංහල ඉඩම් අයිතිය අහෝසි වුවහොත් එය රටම යළි අස්‌ථාවර කරන ජාතික සංහිඳියාව දැඩි ලෙස බිඳහෙළන වාතාවරණයක්‌ නිර්මාණය කරන බව නොකියාම බැරිය. මහජාතිය නොසලකා හැර සුළු ජාතීන් සතුටු කර රටට ඉදිරි ගමනක්‌ නැත. එම නිසා අසාධාරණ ලෙස උතුරේ සිංහලයන්ගේ ඉඩම් අයිතිය නැති නොකළ යුතුය. එසේ වුවහොත් එය ආණ්‌ඩුවට පාරාවළල්ලක්‌ වනු ඇත.

මනුෂ්‍යයන්ට වඩා හොඳින් දෙවියන්ට කන් ඇසෙන නිසා කෝවිලේ ශබ්දවාහිනී යන්ත්‍රවල හඬ වහා අඩුකොට දෙවියන් උදෙසා භක්‌තිමත්ව පූජා පවත්වන ලෙස යාපනය මහාධිකරණ විනිසුරු එම්. ඉලන්ෙච්ලියන් මහතා යාපනයේ නායන්මාර්කණ්‌ඩු කෝවිලේ පූසාරිවරයාට නියෝග කර තිබේ.

කැකිරාව - තලාව පාර සඳගල්පාය හන්දියේ පසුගියදා උද්ඝෝෂණයක්‌ පැවැත්විණි. මෙම උද්ඝෝෂණය සඳහා සහභාගී වී සිටි වැඩි පිරිස කාන්තාවන්ය. 'නිදහස්‌ සාමකාමී ගමක්‌ ගොඩනඟමු', 'මත් උවදුර සොර බිය තුරන් කරමු' ආදී වැකි ලියූ පුවරු මේ පිරිස අත තිබුණු බව පසුගියදා 'දිවයින' පුවත්පතේ පළ වූ වාර්තාවේ සඳහන්ව තිබිණි. කාන්තාවන් ප්‍රමුඛව පාරට බැස ඇත්තේ කවර හේතුව නිසාද? ගම ආරක්‌ෂා කර ගැනීමටය. බලධාරීන් නිහඬව සිටින නිසා මහජනතාවට පාරට බැස උද්ඝෝෂණය කරන්නට සිදුව ඇත්තේ මත් උවදුර මැඬලීම සඳහාය. සඳගල්පාය අයත් වන්නේ කවර පොලිසියටද? මේ ප්‍රදේශය පොලිසියක්‌ විසින් ආවරණය නොකරයිද? රටේ බොහෝ ප්‍රදේශවල ජනයා පීඩා විඳින ෙ€දය සඳගල්පාය වැසියන්ගේ උද්ඝෝෂණයෙන් ද පිළිබිඹු වන බවත් පැහැදිලිය.
 
 මෙය අනුරාධපුරයට පොදු වූවක්‌ නම් නොවේ. කොළඹ, කඩුවෙල, අතුරුගිරියට පොදු වූවක්‌ද නොවේ. නමුත් මේ මත් භීෂණය වැළැක්‌වීම සඳහා රජය වහා මැදිහත් විය යුතුව ඇත. සොරබිය ඇති වන්නේද පාතාල භීෂණය නිසාය. පසුගිය කාලය පුරාම රටේ තැන තැන වෙඩි පත්තු වූයේ පාතාල භීෂණය නිසාය. එහෙත් එය අද හෙට නතර වේද? පාතාල නායක මධුෂ්ගේ පියා බන්ධනාගාරගත කළ පසු මේ ප්‍රශ්න නිමවේද? නැත. එසේ නම් මේ සමාජ විරෝධී ක්‍රියා මැඬලීමට පොදු වැඩපිළිවෙළක්‌ ක්‍රියාත්මක විය යුතුය. එසේ නොවන්නේනම් අද උද්ඝෝෂණ කරන ජනයා හෙට පාරවල් වසා කෝලාහල කරනු ඇත. කෝලාහල කරන්නේ තමන්ගේ ජීවිතාරක්‌ෂාව වෙනුවෙනි. අඹු දරුවන්ගේ යහපත වෙනුවෙනි.
 
 සඳගල්පාය උද්ඝෝෂණය සඳහා පාසල් යන කුඩා දැරියන්ද සහභාගී වී සිටියෝ ය. ඔවුන් සහභාගී වූයේ ළමා මනසටද මේ මත් භීෂණය, සොර සතුරු උවදුර පීඩාවක්‌ බවට පත්ව ඇති නිසාය. යම් පවුලක පියා මත්ද්‍රව්‍ය ලෝලියෙක්‌ නම් එම පවුලම විනාශ වී යන්නේය. එවිට අඹු දරුවන්ට කාගේ පිහිටද? නිදහස්‌ රටක්‌ ගොඩනැඟීමට පැමිණි පිරිසට රට කෙසේ වෙතත් ගමවත් නිදහස්‌ කර ගැනීමට නොහැකි වී ඇත. ගම සාමකාමී නොවේ නම් එහි වැසියන්ට ජීවත් විය හැකිද? ඔවුන්ගේ ජීවිත සුරක්‌ෂිතද? නිරන්තරව අසහනයෙන් ජීවත් වීමට සිදු වේ. එය කිසිසේත් යහපත් දෙයක්‌ නම් නොවේ.
 
 අනුරාධපුරය භාර ජ්‍යෙෂ්ඨ පොලිස්‌ නිලධාරීන් හෝ මැදිහත්ව සඳගල්පාය මේ මත්උවදුරෙන්, සොර බියෙන් නිදහස්‌ කර ගැනීමට කටයුතු කළ යුතුය. එසේ නොවන්නේ නම් මේවා තවත් ගම්බිම් රැසක්‌ ආක්‍රමණය කරනු ඇත. එවිට සමාජයම අඳුරට නොවැටෙන්නේද? සඳගල්පාය වැසියන් උද්ඝෝෂණය කළේ සමාජය අඳුරෙන් ගළවා දෙන ලෙස ඉල්ලමිනි. මෙවැනි උවදුරුවලට එරෙහිව ජනයා නොබියව ඉදිරියට පැමිණ උද්ඝෝෂණය කිරීම යහපත් දෙයකි. එයින් ජාවාරම්කරුවන්ටද හොඳ පණිවුඩයක්‌ ලබා දෙයි. එසේම රටට ද ආදර්ශ ලබා දෙයි. ඒ නිසාම ගම සුරක්‌ෂිත කිරීම වෙනුවෙන් ගම් වැසියන්ම එළියට බැස සටන් කළ යුතුය. සඳගල්පායෙන් ලබාදෙන ආදර්ශය එයයි.

අද අමුතුම දවසකි. මේ රටේ ජනතාවට දොaෂාභියෝග, විශ්වාසභංග යනු අමුතුම දේවල් නොවුණා ද මෙය "අමුතුම" දවසක්‌ බවට පරිවර්තනය වී තිබේ. අගමැතිවරයාට එරෙහිව ඉදිරිපත් කර ඇති විශ්වාසභංගය යනු වත්මන් ආණ්‌ඩුවේ "තරම" පෙන්වන කැඩපතක්‌ බවට පත්ව ඇති බව අපේ විශ්වාසයයි. මේ ශ්‍රී ලංකා පාර්ලිමේන්තුවේදී ඉදිරිපත් කරනු ලබන 47 වැනි විශ්වාසභංග යෝජනාවයි.

අගමැතිවරයාට සහය පළ කිරීම සඳහා දෙමළ සන්ධානය යෝජනා රැසක්‌ ඉදිරිපත් කර තිබිණි. ඒ අතර හමුදාව සතු සියලු ඉඩම් ලබාදීම, දෙමළ සිරකරුවන්ට පොදු සමාවක්‌ ලබාදීම, ඉක්‌මනින්ම නව ව්‍යවස්‌ථාව සම්මත කිරීම යන කරුණු ඇතුළත් විය. එසේ නම් දෙමළ සන්ධානයට ලබා දුන් පොරොන්දු අගමැතිවරයාට ඉටු කරන්නට වෙයිද?

kandos18

අද දිවයින

සිනමා කලා

aau250

නවලිය

kuslani250

දියග

manos250

මීවිත

sulo250

More Articles