Divaina - Kathuwakiya

mobitel

 B Divaina 90x340px

e5

The Island The Island Nawaliya Vidusara e-Paper Classifiedsරාහු කාලය

දැන් රට තිබෙන්නේ සුනාමියක්‌, කුණාටුවක්‌ ආ ගාණටය. රටේ ජනතාව හිඳින්නේ "බ්‍රේකින් නිව්ස්‌" (BREAKING NEWS) මානසිකත්වයකය. දැන් සියල්ලන්ටම රටේ ප්‍රශ්න අමතකය. බඩු මිල ඉහළ යැම ගැන, රුපියල අව ප්‍රමාණය වීම දැන් මේ රටේ ප්‍රශ්න නොවේය. දැන් රටේ ජනතාවට බැඳුම්කරය ගැන වගේ වගක්‌ නැත. "අල්ලන්නට යෑයි කියන හොරු පිරිසක්‌" සිටි බවද සියල්ලන්ටම අමතක වී තිබේ. වෛද්‍ය ශිෂ්‍යයන් සයිටම් විරෝධී සටන නැවත ආරම්භ කරන බව කීවත් ඒ ගැන උනන්දුවක්‌ දක්‌වන කෙනෙක්‌ දකින්නට නැත. රටේ ගොවියාට පොහොර ප්‍රශ්නයක්‌ තිබුණු බව දේශපාලන අධිකාරියට අමතකය. ඌරන් කැකුණ තලන විට හබන් කුකුළන්ට ජය මඟුල් කීවා සේ ඒ වාසිය ගන්නේ නිලධාරි පැලැන්තියය. ගොවි ප්‍රශ්න නොව රටේ කිසිදු ප්‍රශ්නයක්‌ වගකිවයුත්තන් කිසිවෙකුත් මායිම් කරන්නේ නැත. එකම උත්තරය "රටේ විශාල දේශපාලන අර්බුදයක්‌ මතුව ඇති නිසා, මේ මොහොතෙහි කිසිවක්‌ කළ නොහැකිය" යන්නය. රටේ ප්‍රශ්නයක්‌ නැති විටදීත් වගකිවයුතු අය ක්‍රියා කළේ ඔය ආකාරයටම නිසා ඒ ගැන එතරම් සිතිය යුතු නැත. කෙසේ හෝ මේ සියල්ල ඇත්තය. දැන් රටේ කිසිවක්‌ සිදුවන්නේ නැත. ඉලව් ගෙදරක්‌ වුව හත් දවසේ දානයෙන් පසු හොඳ අතට පෙරළෙන නමුත්, මේ රටේ පුංචි ඡන්දයෙන් පසු සිද්ධ වුණේ හත් දවසේ මඟුල් කෑමක්‌ය. ඒ ආණ්‌ඩුව නොව ඒකාබද්ධ විපක්‍ෂයය. එතැනින් එහාට සතියක්‌ ගතවූ පසු රට ඇත්තේ මළ ගෙදරක ස්‌වරූපයෙනි. රූපවාහිනි නාලිකාවල දේශපාලනඥයන්ගේ කතා ඇසෙන විට හිතෙන්නේ ඒ අය නොහඬා හඬන බවය. ඒ අය සමග එකතුවී රටේ ජනතාවද හඬා වැටේ. නොඑසේනම් එදා වගේ මොකක්‌දොa එකක්‌ වැටෙන කල් බලා හිටියා මෙන් ආණ්‌ඩුවක්‌ හදන පක්‍ෂය දෙස බලා සිටී.

පුංචි ඡන්දයේදී ජනතාව ඡන්දය භාවිත කළේ ආණ්‌ඩුව පෙරළන්නට නොවේ. වල් වැදී ඇති ගම හදන්නට ජනතා නියෝජිතයන් පත්කර ගන්නටය. එහෙත් දැන් ආණ්‌ඩුව කරන උදවියටත්, විපක්‍ෂයේ සියලුම පක්‍ෂවලටත්, රටේ ජනතාවටත් ඒ බව අමතක වී තිබේ. අවුරුදු ගණනාවක්‌ කල් ගතවී ප්‍රාදේශීය සභා මැතිවරණය පැවැත්වූයේ ගමට වැඩක්‌ කරගන්නට වුව දැන් සිදුව තිබෙන්නේ ඊටත් වඩා අලකලංචියකි. එක්‌කෝ ගම හැදිය යුතුය. නැතිනම් රට හැදිය යුතුය. දැන් කිසිවක්‌ සිදුවන්නේ නැත. රටේ පවතින දේශපාලන අස්‌ථාවරත්වය රටේ ඉදිරි ගමනට ඉතා නරක අන්දමින් බලපාන බව කිව යුතුය. එළැඹෙන මාර්තුවට පෙර තෙල් මිල හා විදුලිය මිල ඉහළ දැමිය යුතු බව මූල්‍ය අරමුදල නිර්දේශ කර ඇති බව වාර්තා වේ. ජාත්‍යන්තර මූල්‍ය අරමුදල ශ්‍රී ලංකාවට ලබාදෙන මීළඟ ණය වාරිකය මාර්තුවේ නිදහස්‌ කිරීමට පෙර එය සිදුකළ යුතු බව කියෑවේ. ඇත්තම ප්‍රශ්න, අර්බුද යනු ඒවාය. රටේ ජනතාවට දැනෙන එවැනි ප්‍රශ්න අමතක කර මෙවැනි දේශපාලන අර්බුදයක්‌ තොරොම්බල් කරමින් සිටීම ගැන ආණ්‌ඩුවත්, පක්‍ෂ විපක්‍ෂ කවර දේශපාලන පක්‍ෂයක්‌ වුව වරක්‌ දෙවරක්‌ නොව කිහිප වරක්‌ කල්පනා කළ යුතුය.

රුපියල රැකීම සඳහා මේ වසරේ මුල් මාසයේදී ඩොලර් මිලියන 194ක්‌ විදේශ වෙළෙඳපොළෙන් මිලදී ගත්බව ශ්‍රී ලංකා මහ බැංකුව ප්‍රකාශ කර ඇත. වත්මන් දේශපාලන අස්‌ථාවරත්වය නිසා රුපියල බාල්දුවීම නැවැත්වීමට ඩොලර් මිලියන ගණනින් නොව බිලියන ගණනින් වැය කරන්නට වේ දැයි පැහැදිලි නැත. ආර්ථික විශේෂඥයන් ප්‍රකාශ කරන්නේ රට අස්‌ථාවර වීම විශේෂයෙන් දේශපාලන අස්‌ථාවර භාවය ආර්ථිකයට ඉතාම නරක අන්දමින් බලපාන බවයි.
 
 පොහොට්‌ටුව ජයග්‍රහණය කර දැන් සතියක්‌ ගතවී ඇතත් රටේ දේශපාලන ස්‌ථාවරත්වය ශක්‌තිමත් වී නැත. කවර පාර්ශ්වයකට රට යයි ද නැද්ද යන්න අවිනිශ්චිතය. මේ අවිනිශ්චිතභාවය රජ කිරීම පැතූ වෙනසද? වෙනස නිසා නම් සිදුව ඇත්තේ අරාජිකත්වයට පාර කැපීම නොවේද? රටේ නායකයා වශයෙන් ජනපතිවරයා පැහැදිලි තීන්දුවක්‌ ගත යුතුය. ඒ පැහැදිලි තීන්දුව මත අනාගතය රැඳී තිබෙන බව සටහන් කළ යුතුය. එසේ නොවන්නේනම් රුපියලට මුක්‌කු ගැසීමට මහ බැංකුවට මහත් වෙහෙසක්‌ ගැනීමට සිදුවනු ඇත. රුපියල බාල්දුවෙන් සිදුවන්නේ කවරක්‌ද?. සෑම භාණ්‌ඩයකම මිල ඉහළ යැම නොවේද? ජනතාව ආණ්‌ඩුqවට රතු එළි දැල්වූයේ ජීවන වියදම අහස උසට ඉහළ ගොස්‌ ඇති නිසාය. මේ දේශපාලන අස්‌ථාවර භාවය නිසාම තවදුරටත් අත්‍යවශ්‍ය භාණ්‌ඩවල මිල ඉහළ යැමේ අනතුර මතුව ඇත.
 
 වෙනදා නම් මහ මැතිවරණයක්‌ පවත්වා දින කිහිපයක්‌ ඉක්‌ම යන්නට මත්තෙන් ආණ්‌ඩුව පිහිටුවා කැබිනට්‌ මණ්‌ඩලය දිවුරුම් දී රට ස්‌ථාවරත්වයට පත් වේ. එහෙත් වෙනදා අත් නොදකින අමුතුම දේශපාලන අත්දැකීමක්‌ මෙවර දර්ශනය වේ. ජනවාරි 08 වැනිදා වෙනසින් පසුව ද රටේ අස්‌ථාවර භාවයක්‌ ඇතිවූයේ නැත. නමුත් ජනවාරි 08 වෙනස පෙබරවාරියේදී ලොප් වූ විට අවිනිශ්චිතභාවයක්‌ පැතිර යමින් තිබේ.
 
 ඇත්තෙන්ම මේ අවුල විස¹ ගත හැකි හොඳම මාර්ගය නම් මහා මැතිවරණයක්‌ කැඳවීමය. එසේ නොවන්නේ නම් රට එකතැන පල්වීම වැළැක්‌විය නොහැකිය. එවිට ඩොලරයක්‌ සඳහා රුපියල් දෙසීයක්‌ ගෙවන්නට වේ දැයි අපි නොදනිමු. මේ අස්‌ථාවරභාවය නිසා අයෝජකයන් ලංකාවට පැමිණෙයිද? කොටස්‌ වෙළෙඳපොළ බිඳ වැටෙන්නේ ද මේ අස්‌ථාවර භාවය නිසාය.
 
 යහපාලනය වෙනුවෙන් ඇතිකළ 19 වැනි සංශෝධනය නිසා සිදුව ඇත්තේ කුමක්‌ද? රටේ විධායකය සතු බලතල කප්පාදුව නොවේද? විධායකය අඩපණ වීම නිසා අගමැති ඉවත් කිරීම ගැන සෙවීමටත් නීතිවේදීන් පසුපස යන්නට සිදුව ඇත. එනිසාම මේ අස්‌ථාවරත්වයට 19 වැනි සංශෝධනයත් වගකිවයුතු නොවේද? පළාත් පාලන මැතිවරණයෙන් පසු ආරම්භ වී ඇති දේශපාලන නාටකය දෙස ජනතාව බලා සිටින්නේ කලකිරීමෙනි. ඒ මන්ද මේ දේශපාලන රැඟුම් ජවනිකා නිසා රට ස්‌ථාවරත්වයට ගමන් නොකරන නිසා ය. මන්ත්‍රීවරුන්ගෙන් අත්සන් එකතු කිරීම හැම පැත්තෙන්ම සිදුවේ. පිල්මාරු, නව සන්ධාන, නව විපක්‍ෂ නායක ගැන විවිධ කතා පැතිරේ. එහෙත් මේ නාටක වල අවසානයක්‌ නැත. මහජනතාව කියන්නේ කුමක්‌ද? කරන දෙයක්‌ ඉක්‌මනට කරපල්ලා කියා නොවේද?

මහින්ද දේශප්‍රිය මහතා මෙසේ ප්‍රකාශ කර ඇත. "මේක මහා අවුලක්‌ පළාත් පාලන පනතට අනිවාර්ය කාන්තා නියෝජනය දාපු මිනිහා හිටියොත් වෙඩි තියන්න තරම් කේන්තියකින් තමයි දේශපාලන පක්‍ෂවල ලේකම්ලා ඉන්නේ. කාරතිව් ප්‍රාදේශීය සභාවට පත්වෙලා ඉන්නේ එකම කාන්තාවයි. එතැන සියයට 25 නැහැ. එහෙමනම් මේ සභාව පිහිටුවන්න බැරිද? මා නම් කියන්නේ එක කාන්තාවක්‌ හිටියත් 25% නැති වුණත් එම ප්‍රාදේශීය සභාව ක්‍රියාත්මක විය යුතු යෑයි කියලා."

කොටස්‌ වෙළෙඳපොළ අස්‌ථාවර වී තිබේ. රුපියල තවත් බාල්දු වීම නිසා ඇමරිකානු ඩොලරයකට රුපියල් 155.90 ක්‌ ගෙවීමට සිදුව ඇත. මේ සියලු අර්බුද හට ගන්නේ රටේ උද්aගතව ඇති දේශපාලන අර්බුදය නිසාය. එජාපය හා ශ්‍රීලනිපය අතර අර්බුදය සීතල යුද්ධයක්‌ බවට පත්ව ඇත. තමන්ට නිසි ජනවරම නොලැබීම නිසා ආණ්‌ඩුවේ නායකයෝ තක්‌බීර් වී සිටිති. යහපාලනය ජනතාව ප්‍රතික්‌ෂේප කර ඇති හෙයින් තවදුරටත් මේ ආණ්‌ඩුව පවත්වාගෙන යැමේ සදාචාරාත්මක හැකියාවක්‌ තිබේද යන්න ප්‍රශ්නයකි. වෙනස අවුල් වී එයින් රටේ ආර්ථිකයට බරපතළ ප්‍රශ්න ඇති වුවහොත් එයින් පීඩාවට පත් වන්නේ කවරකුද? මහජනතාවය. පරාජයට හේතු සෙවීමෙන් රටට යහපතක්‌ අත් නොවේ. වහාම මේ දේශපාලන අර්බුදය විස¹ ගැනීමට අපහසු වුවහොත් මාලදිවයිනේ තත්ත්වය මෙරටටත් ආදේශ විය හැකිය. ලංකාවේ දේශපාලන අර්බුදය නිසා ඇමරිකානු හා ඉන්දියානු තානාපතිවරු ද කලබලයට පත්ව තිබේ. මේ දෙදෙනාම ජනපතිවරයා සහ අගමැතිවරයා හමුවී පැවසුවේ කුමක්‌දැයි අප දන්නේ නැත. නමුත් පළාත් පාලන ඡන්දයේ ප්‍රතිඵල නිසා ඉන්දියාවත්, ඇමරිකාවත් කලබල වන්නේ ලංකාවේ දේශපාලන න්‍යාය පත්‍රය වෙනස්‌ විය හැකි වන නිසාය. යහපාලන දේශපාලන න්‍යාය පත්‍රය සකස්‌ කිරීමට ඇමරිකාව හා ඉන්දියාව ප්‍රමුඛ මෙහෙයක්‌ කළ බව රහසක්‌ නොවේ. නමුත් රාජපක්‌ෂ ආගමනයෙන් මේ සියලු න්‍යාය පත්‍ර ආපසු හැරෙන බව මේ දෙරට අවබෝධ කරගෙන සිටිත්ද?
 
 ඉන්දියාවට හා ඇමරිකාවට අවශ්‍ය ලෙස මෙරට දේශපාලනය තීරණය විය යුතු නැත. මෙරට දේශපාලන ඉදිරි ගමන තීරණය කරන්නේ ලාංකික ඡන්ද දායකයාය. ඒ හඬට රටේ නායකත්වය සවන් දිය යුතුය. සවන් නොදීමෙන් සිදු වන්නේ ස්‌ථාවර රට අස්‌ථාවර වීමය. කොටස්‌ වෙළෙඳපොළ කඩාවැටී රුපියල වේගයෙන් බාල්දු වීමද මෙයට හොඳ උදාහරණයකි. වෙනදා නම් දේශපාලන අස්‌ථාවර භාවයක්‌ ඇති වූ විට පාර්ලිමේන්තුව විසුරුවා හැරීමේ බලතල ජනපතිවරයා සතු විය. නමුත් සිවිල් සමාජය සතුටු කිරීම වෙනුවෙන් ඉදිරිපත් කළ 19 වැනි සංශෝධනය නිසා සිදුව ඇත්තේ කුමක්‌ද? විධායක ජනපතිගේ බලතල අඩු වීමය. මෙයින් රටට යහපතක්‌ අත්ව නැත. සිදුව ඇත්තේ අස්‌ථාවරත්වයක්‌ ගොඩනැඟීමය. මේ ඊනියා සංශෝධනවලින් සිදු වන්නේ රට අගාධයට ඇදී යැමකි. මේවා වෙනුවෙන් කෑමොර දුන් ඊනියා සිවිල් ක්‍රියාධරයෝ අද පෙනෙන්නට නැත. මොවුන් සැඟවී ඇති සෙයකි.
 
 කෙසේ නමුත් රට අස්‌ථාවරත්වයට පත් නොකර සෘජු තීන්දු ගැනීම ජනපතිවරයා සතු යුතුකමකි. දිගින් දිගටම දේශපාලන අර්බුද පැවැතුණහොත් සිදු විය හැක්‌කේ මහජන කැළඹීමකි. එය ගැටුමක්‌ බවට පත් වුවහොත් සිදු වන්නේ අනර්ථයකි. ඔළු ගෙඩි මාරුවකින් පමණක්‌ දේශපාලන ස්‌ථාවරත්වය ඇති කළ නො හැකිය. ඒ සඳහා මේ මොහොතේ බුද්ධිමත්ව කටයුතු කළ යුතුව ඇත.

පළාත් පාලන මැතිවරණය අවසන් වීමත් සමඟ ආණ්‌ඩුවේ බල තුලනය පුපුරා ගොස්‌ තිබේ. පළාත් පාලන මැතිවරණයකින් ආණ්‌ඩුවේ බලය පුපුරා යා නම් තවදුරටත් මෙවැනි ආණ්‌ඩුවකින් රටට අත්වන යහපත කුමක්‌දැයි අපට යළි යළිත් අසන්නට සිදුව තිබේ. වසර තුනක්‌ වැනි කෙටි කාලයක්‌ ඇතුළත ජාතික ආණ්‌ඩුව කෙරෙහි තිබූ මහජන විශ්වාසය මීතොටමුල්ල කුණු කන්ද මෙන් නාය ගියේ ඇයි ද යන්න ගැන ස්‌වයං විවේචනයක යෙදිය යුතුය.

kandos18

අද දිවයින

සිනමා කලා

isuru250

නවලිය

niros250

දියග

basur250

මීවිත

rukan250

More Articles