Divaina - Kathuwakiya

mobitel

 B Divaina 90x340px

e5

The Island The Island Nawaliya Vidusara e-Paper Classifiedsරාහු කාලය

පළාත් පාලන මැතිවරණය අවසන් වීමත් සමඟ ආණ්‌ඩුවේ බල තුලනය පුපුරා ගොස්‌ තිබේ. පළාත් පාලන මැතිවරණයකින් ආණ්‌ඩුවේ බලය පුපුරා යා නම් තවදුරටත් මෙවැනි ආණ්‌ඩුවකින් රටට අත්වන යහපත කුමක්‌දැයි අපට යළි යළිත් අසන්නට සිදුව තිබේ. වසර තුනක්‌ වැනි කෙටි කාලයක්‌ ඇතුළත ජාතික ආණ්‌ඩුව කෙරෙහි තිබූ මහජන විශ්වාසය මීතොටමුල්ල කුණු කන්ද මෙන් නාය ගියේ ඇයි ද යන්න ගැන ස්‌වයං විවේචනයක යෙදිය යුතුය.

මහින්ද දේශප්‍රිය මහතා මෙසේ ප්‍රකාශ කර ඇත. "මේක මහා අවුලක්‌ පළාත් පාලන පනතට අනිවාර්ය කාන්තා නියෝජනය දාපු මිනිහා හිටියොත් වෙඩි තියන්න තරම් කේන්තියකින් තමයි දේශපාලන පක්‍ෂවල ලේකම්ලා ඉන්නේ. කාරතිව් ප්‍රාදේශීය සභාවට පත්වෙලා ඉන්නේ එකම කාන්තාවයි. එතැන සියයට 25 නැහැ. එහෙමනම් මේ සභාව පිහිටුවන්න බැරිද? මා නම් කියන්නේ එක කාන්තාවක්‌ හිටියත් 25% නැති වුණත් එම ප්‍රාදේශීය සභාව ක්‍රියාත්මක විය යුතු යෑයි කියලා."

යහපාලන ආණ්‌ඩුව වසර තුනක්‌ තුළ ජනතා අප්‍රසාදයට පත්වී ඇති බව පැහැදිලිය. යහපාලන ජනප්‍රියතාවය බින්දුවට බැස ඇත. මහින්ද රාජපක්‌ෂ මහතා වහා මහ මැතිවරණයක්‌ ඉල්ලා සිටින විට එක්‌සත් ජාතික පක්‌ෂය තනි ආණ්‌ඩුවක්‌ සෑදීමට උත්සුක වේ. මේ තනි ආණ්‌ඩුව හදන්නට යන්නේ දෙමළ සන්ධානයත් සමගය. දෙමළ සන්ධානයේ බෙදුම්වාදි ඉල්ලීම් හමුවේ ආණ්‌ඩුවේ ඉදිරි ගමන සුබදායක වෙයිද? අන්තවාදීන්ට දොළ පිදේනි ලබාදීම තුළින් සිදුවන්නේ ඒකීය රාජ්‍යයේ මළගම නොවේද?

 

පුංචි ඡන්දයේ උණුසුම තවමත් පහව ගොස්‌ නැත. රටේ තොටේ තවමත් කතා බහ ඒ ගැනය. ඊට ප්‍රධානතම හේතුව පොදුජන පෙරමුණ ගත් ඓතිහාසික ජයග්‍රහණයය. එය එසේ මෙසේ ජයග්‍රහණයක්‌ නොව ඓතිහාසික ජයග්‍රහණයකි. එය දෙවැනි වන්නේ 56 පෙරළියට පමණක්‌ යෑයි කියන්නේ ඒ නිසාය. කාරණා කිහිපයක්‌ නිසාම මේ ජයග්‍රහණය ගැන කතා කළ යුතුය. ඉන් පළමුවැන්න මෙම මැතිවරණය පැවැත්වූයේ කේවල හා මිශ්‍ර ක්‍රමයක්‌ යටතේ නියෝජිතයන් තෝරා ගන්නා මැතිවරණ ක්‍රමයක්‌ යටතේ ප්‍රථමවරට වීමය. දෙවැන්න එම ක්‍රමය යටතේ මැතිවරණයට මුහුණ දුන් ලාබාලම පක්‍ෂය (එනම් පිහිටුවා කෙටි කලක්‌ ඇතුළත ඡන්දයට මුහුණ දුන්) වූයේ පොදුජන පෙරමුණ වීමය. තුන්වැන්න මෙම මැතිවරණය පැවැත්වූයේ රටේ ප්‍රධානම පක්‍ෂ දෙකක්‌ (එහි නායකයන් ජනපති හා අගමැතිවරයා වශයෙන් සිටියදී) බලයේ සිටියදීම වීමය. ගෙවී ගිය වසර 70 ක කාලය තුළ වරින්වර රටේ පාලනය භාරගත්තේ එජාපය හෝ ශ්‍රීලනිපයයි. ඉනිදු පසුකාලීනව දීර්ඝ කාලයක්‌ ආණ්‌ඩු බලය හිමිකර ගත්තේ ශ්‍රීලනිපයයි. කොටින්ම කීවොත් මේ පක්‍ෂ දෙකෙන් පිට වෙනත් කිසිදු පක්‍ෂයකට බලය හිමි නොවන මට්‌ටමේ කතා බහක්‌ද සමාජගත වී තිබිණි. ඒ නිසාම එදිනෙදා දේශපාලන සංවාද, වාද විවාද, ගෝරිවලට පැටලුන බොහෝ දෙනෙක්‌ "කැපුවත් කොළ", "කැපුවත් නිල්" මට්‌ටමේ අය විය. 2015 ජනවාරි 08 වැනිදා මේ පාර්ශ්වයන් දෙකම එකට එකතුවී ආණ්‌ඩුවක්‌ පිහිටුවා ගත්තේය. එය යහපාලනය නම් විය. ශක්‌තිමත් පක්‍ෂ දෙකක්‌ එකට එකතුවූ විට රටේ විශාල පෙරළියක්‌ ඇතිවනු ඇතැයි රටේ ජනතාව බලාපොරොත්තු වුවද එය එසේ සිදුවූයේ නැත. "ගැටවර පක්‍ෂයකට" රටේ බලය "පුංචිම තැන" සිට අල්ලන්නට පාර කැපුණේ එහෙමය. "කැපුවත් කොළ", "කැපුවත් නිල්" කියතත් බහුතරයක්‌ ජනතාව කුරහන් පාටට, එතරම් ආකර්ෂණය වූයේ යහපාලනයට අවුරුදු තුනක්‌ ගතවීත් "ජනතාව තේරුම් ගන්නට" අපහසු වීම නිසාය.
 
 ඊයේ (12 දා) පුවත්පත් බොහොමයක ජනාධිපතිවරයා හා අගමැතිවරයා 2020 තෙක්‌ම සම්මුති ආණ්‌ඩුව ගෙන යන්නට තීරණය කර ඇති බව කියෑවෙන ප්‍රවෘත්ති වාර්තා පළ කර තිබිණි. එමෙන්ම "ආණ්‌ඩුව ඇතුළේ ජනතාවට දැනෙන වෙනසක්‌ කරනවා" යෑයි ජනාධිපතිවරයා ශ්‍රී ලංකා නිදහස්‌ පක්‍ෂයේ ඇමැතිවරුන්, රාජ්‍ය ඇමැතිවරුන් හා නියෝජ්‍ය ඇමැතිවරුන් කැඳවා කී බවද වාර්තාවී තිබිණි. පසුගිය අවුරුදු තුන පුරාවටම වරින්වර රටේ ජනතාවට මේ "දැනෙන වෙනස" ගැන විවිධ කතා අහන්නට ලැබිණි. ඇත්තෙන්ම කීවොත් ඒ කාලය තුළ ජනතාවට "දැනී" තිබුණු "වෙනස" මේකදැයි අප අහන්නට ඉක්‌මන් වන්නේ නැත. ඒ බව යහපාලන ආණ්‌ඩුවේ කොයි කවුරුත් තේරුම්ගත යුත්තකි. යහපාලන ආණ්‌ඩුව පත්වූ දා පටන් මේ වනතෙක්‌ "පුද්ගල විවේචන" සඳහා වැඩි ප්‍රමුඛතාවක්‌ ලබාදී තිබුණු බව අමුතුවෙන් කිව යුතු නැත. උදාහරණයක්‌ ලෙස හොරු අල්ලනවා යෑයි කියා "පුද්ගල විවේචන" කරනවා මිස සිද්ධි විග්‍රහ කිරීමක්‌ හෝ විමර්ශන, ක්‍රියාත්මක වීම් දකින්න ලැබුණේ ඉතාම අඩුවෙනි. කොහොමත් ජනතාව මේ ගෙන ඇති තීන්දුව තරමක්‌ බරපතළ එකකි. ජනතා වරමට පිටුපා යන කවරෙකුට වුවද අත්වන ඉරණම මෙය බව වත්මන් ආණ්‌ඩුවත්, ආණ්‌ඩු පිහිටුවීමට යන උදවියත් තේරුම් ගැනීම යහපත්ය.
 

කොටස්‌ වෙළෙඳපොළ අස්‌ථාවර වී තිබේ. රුපියල තවත් බාල්දු වීම නිසා ඇමරිකානු ඩොලරයකට රුපියල් 155.90 ක්‌ ගෙවීමට සිදුව ඇත. මේ සියලු අර්බුද හට ගන්නේ රටේ උද්aගතව ඇති දේශපාලන අර්බුදය නිසාය. එජාපය හා ශ්‍රීලනිපය අතර අර්බුදය සීතල යුද්ධයක්‌ බවට පත්ව ඇත. තමන්ට නිසි ජනවරම නොලැබීම නිසා ආණ්‌ඩුවේ නායකයෝ තක්‌බීර් වී සිටිති. යහපාලනය ජනතාව ප්‍රතික්‌ෂේප කර ඇති හෙයින් තවදුරටත් මේ ආණ්‌ඩුව පවත්වාගෙන යැමේ සදාචාරාත්මක හැකියාවක්‌ තිබේද යන්න ප්‍රශ්නයකි. වෙනස අවුල් වී එයින් රටේ ආර්ථිකයට බරපතළ ප්‍රශ්න ඇති වුවහොත් එයින් පීඩාවට පත් වන්නේ කවරකුද? මහජනතාවය. පරාජයට හේතු සෙවීමෙන් රටට යහපතක්‌ අත් නොවේ. වහාම මේ දේශපාලන අර්බුදය විස¹ ගැනීමට අපහසු වුවහොත් මාලදිවයිනේ තත්ත්වය මෙරටටත් ආදේශ විය හැකිය. ලංකාවේ දේශපාලන අර්බුදය නිසා ඇමරිකානු හා ඉන්දියානු තානාපතිවරු ද කලබලයට පත්ව තිබේ. මේ දෙදෙනාම ජනපතිවරයා සහ අගමැතිවරයා හමුවී පැවසුවේ කුමක්‌දැයි අප දන්නේ නැත. නමුත් පළාත් පාලන ඡන්දයේ ප්‍රතිඵල නිසා ඉන්දියාවත්, ඇමරිකාවත් කලබල වන්නේ ලංකාවේ දේශපාලන න්‍යාය පත්‍රය වෙනස්‌ විය හැකි වන නිසාය. යහපාලන දේශපාලන න්‍යාය පත්‍රය සකස්‌ කිරීමට ඇමරිකාව හා ඉන්දියාව ප්‍රමුඛ මෙහෙයක්‌ කළ බව රහසක්‌ නොවේ. නමුත් රාජපක්‌ෂ ආගමනයෙන් මේ සියලු න්‍යාය පත්‍ර ආපසු හැරෙන බව මේ දෙරට අවබෝධ කරගෙන සිටිත්ද?
 
 ඉන්දියාවට හා ඇමරිකාවට අවශ්‍ය ලෙස මෙරට දේශපාලනය තීරණය විය යුතු නැත. මෙරට දේශපාලන ඉදිරි ගමන තීරණය කරන්නේ ලාංකික ඡන්ද දායකයාය. ඒ හඬට රටේ නායකත්වය සවන් දිය යුතුය. සවන් නොදීමෙන් සිදු වන්නේ ස්‌ථාවර රට අස්‌ථාවර වීමය. කොටස්‌ වෙළෙඳපොළ කඩාවැටී රුපියල වේගයෙන් බාල්දු වීමද මෙයට හොඳ උදාහරණයකි. වෙනදා නම් දේශපාලන අස්‌ථාවර භාවයක්‌ ඇති වූ විට පාර්ලිමේන්තුව විසුරුවා හැරීමේ බලතල ජනපතිවරයා සතු විය. නමුත් සිවිල් සමාජය සතුටු කිරීම වෙනුවෙන් ඉදිරිපත් කළ 19 වැනි සංශෝධනය නිසා සිදුව ඇත්තේ කුමක්‌ද? විධායක ජනපතිගේ බලතල අඩු වීමය. මෙයින් රටට යහපතක්‌ අත්ව නැත. සිදුව ඇත්තේ අස්‌ථාවරත්වයක්‌ ගොඩනැඟීමය. මේ ඊනියා සංශෝධනවලින් සිදු වන්නේ රට අගාධයට ඇදී යැමකි. මේවා වෙනුවෙන් කෑමොර දුන් ඊනියා සිවිල් ක්‍රියාධරයෝ අද පෙනෙන්නට නැත. මොවුන් සැඟවී ඇති සෙයකි.
 
 කෙසේ නමුත් රට අස්‌ථාවරත්වයට පත් නොකර සෘජු තීන්දු ගැනීම ජනපතිවරයා සතු යුතුකමකි. දිගින් දිගටම දේශපාලන අර්බුද පැවැතුණහොත් සිදු විය හැක්‌කේ මහජන කැළඹීමකි. එය ගැටුමක්‌ බවට පත් වුවහොත් සිදු වන්නේ අනර්ථයකි. ඔළු ගෙඩි මාරුවකින් පමණක්‌ දේශපාලන ස්‌ථාවරත්වය ඇති කළ නො හැකිය. ඒ සඳහා මේ මොහොතේ බුද්ධිමත්ව කටයුතු කළ යුතුව ඇත.

kandos18

අද දිවයින

සිනමා කලා

pinna250

නවලිය

urani250

දියග

wijeweee250

මීවිත

tarumin250

More Articles