Divaina - Kathuwakiya

Divaina 365 x 90 Banner

luhundu19march

e5

The Island The Island Nawaliya Vidusara e-Paper Classifiedsරාහු කාලය

ලොව පළමුවන විවාහක රූ රැුජන සහ කොළඹ නගරාධිපතිනිය වන රෝසි සේනානායක සිය පෞද්ගලික කාර්ය මණ්ඩලයේ තනතුරු 8 ක් සඳහා නගර සභාවට අයත් නොවන පුද්ගලයන් 19 දෙනකු බඳවාගෙන ඇතැයි දැන ගන්නට තිබේ. මෙයට පෙර සිටි නගරාධිපතිවරුන් එසේ කර නැත. ඔවුන් තම පෞද්ගලික කාර්ය මණ්ඩලයට බඳවා ගෙන ඇත්තේ නගර සභාවේ නිලධාරීන් ය. එය ද නිල්ධාරීන් 8 කට අඩු ගණනකි. එයින් හැෙඟන්නේ එහි ඇත්තේ ඇබෑර්තු 8 ක් පමණක් බවයි. එසේ නම් රෝසි තම කැචර්ලා (මෙය අපගේ අදහසක් පමණි. ඔවුන් කැචර්ලා නොව ඇගේ නෑයන් වන්නටත් පුළුවන.කැචර්ලා හෝ නෑයන් නොවන්නටත් පුළුවන.* දහනව දෙනකු බඳවා ගත්තේ ඇයි? අපගේ අදහස සේවා මුර දෙකකට ඔවුන් වැඩ කරන බවය. කට්ටියක් පැය 8 ක් වැඩ; ඉතිරි කට්ටිය එතැන් සිට පැය 8 ක් වැඩ. තලතා අතුකෝරාළ, සුජීව සේනසිංහ, හිටපු පොලිස් ඉන්ස්පෙක්ටර් පාලිත රංගේ බණ්ඩාර, එවකට යූ.එන්. පියේ සිටි ජනප‍්‍රිය ගායක දයාසිරි ජයසේකර සමඟ එක්ව මහින්ද රාජපක්‍ෂගේ ආණ්ඩු කාලයේදී රනිල් වික‍්‍රමසිංහට බාල්දි පෙරළමින් සිටි රෝසි සේනානායකට පසුගිය මහ ඡුන්දයේදී පාර්ලිමේන්තුවට ගොඩවීමට බැරි විය. එහිදී සියලූ වාද භේද අමතක කළ අගමැති රනිල් වික‍්‍රමසිංහ රෝසි සේනානායක කැඳවා ඇගේ කඳුළු පිස දමා අගමැතිගේ කාර්ය මණ්ඩල නියෝජ්‍ය ප‍්‍රධානියා ලෙස ඇය පත් කළේය. වයස හැටක් වුවද තිහක පෙනුමැති මේ සුන්දර කාන්තාව කොළඹ නගර සභා ඡුන්දයේදී පැහැදිලි ජයක් වාර්තා කළාය. ඇගේ නරක කාලය පටන් ගත්තේ ඇය නගරාධිපති වීමට චුට්ටක් කලිනි. අර්ජුන් යුගලයේ බැඳුම්කර සංගමය සහ රෝසිගේ පුත‍්‍රයා වූ කනිෂ්ක සේනානායක අතර සම්බන්ධයක් තිබුණැයි යන ප‍්‍රශ්නයත් පළමුවන කෝප් වාර්තාවේ පිටපත් කනිෂ්ක විසින් අර්ජුන් ඇලෝසියස්ගේ පර්පෙචුවල් ටෙ‍්‍රෂරීස් සමාගමට ලබා දුන්නේ ද යන ප‍්‍රශ්නයත් 2017 දී මතුවිය. බැඳුම්කර කොමිසම ඉදිරිපිට සාක්‍ෂි දුන් පර්පෙචුවල් ටෙ‍්‍රෂරීස් සමාගමේ ප‍්‍රධාන ගැනුම්කරු Chief Dealer වූ නුවන් සල්ගාදු කියූ පරිදි පළමුවන කෝප් වාර්තාවේ පිටපත් කිහිපයක් අර්ජුන් ඇලෝසියස් අත තිබූ අතර, ඒවා ඔහුට ලැබී තිබුණේ ‘රෝසිගේ පුතා’ යන තැනැත්තකුගෙනි. මේ ගැන වැඩිදුර තොරතුරු බැඳුම්කර කොමිෂන් සභා වාර්තාවේ තිබෙන්නට ඇත. එය කියැවීමට අපට නොහැක. බැඳුම්කර වාර්තාවේ සම්පූර්ණ පිටපත රාජ්‍ය ලේඛනාගාරයේ මුද්‍රා තැබූ පෙට්ටියක් තුළ තැන්පත්ව පවතී. ආණ්ඩුවේ නීති රීතිවලට අනුව මෙය ප‍්‍රසිද්ධියට පත් කළ හැක්කේ අවුරුදු 30 කට පසුවය. මේ වාර්තාව එළියට යෑමට ඉඩනොදී සුරක්‍ෂිත කිරීමේ වගකීම නෝනා මහත්මියකට පවරා ඇතැයි කියනු ලැබේ. වාර්තාව ප‍්‍රසිද්ධ වන කාලය එනවිට රෝසිට අවුරුදු 90 කි.
 
 ඒ කතාව පැත්තකින් තබමු. ඉන් පසුව රෝසි සේනානායක ගැන මිනිසුන් කතා කරන්නට පටන් ගත්තේ නගරාධිපති නිල නිවසේ වැසිකිළිවලට අදාළවය. 2018 මැයි මාසයේ 09 වැනිදා හෝ ඊට ආසන්න දිනක ජ.වි.පෙ. නාගරික මන්ත‍්‍රීවරයකු කියූ පරිදි නගරාධිපති නිල නිවසේ වැසිකිළි අලූත්වැඩියා කිරීම සඳහා නගරාධිපතිතුමිය රුපියල් දසලක්‍ෂ 5.7 ක් වෙන් කර ඇත. ලක්‍ෂ පනස් හතක් වැය කර තනන වැසිකිළිය වඩාත් සුදුසු වන්නේ මළපහ කිරීමට නොව බත් දාගෙන කෑමටය. මේ ගැන නගරාධිපතිතුමියගෙන් විමසන ලද කල්හි ජවිපෙ. කියන ගණන සම්පූර්ණයෙන් ම වැරදි බවත් එම මුදල ලක්‍ෂ 52 ක් බවත් වැසිකිළි අලූත්වැඩියාව සඳහා රුපියල් ලක්‍ෂ 14 ක් වැය කරන බවත්, ඉතිරි මුදල වැය වනු ඇත්තේ නගාරාධිපති නිල නිවසේ අලූත්වැඩියා කටයුතු සඳහා බවත් නගරාධිපතිතුමිය කීවාය. ඒ අනුව ජ.වි.පෙ. රුපියල් ලක්‍ෂ 5 ක් වැඩියෙන් කීමෙන් ලොකු වරදක් කර ඇත. නගරාධිපති නිල නිවසේ වැසිකිළි 6 ක් ඇති අතර මේ අනුව එක් වැසිකිළියක් අලූත්වැඩියා කරනු පිණිස රුපියල් ලක්‍ෂ දෙකහමාරක් පමණ වැය වන්නේය. කොළඹ සිටින ජනගහනයෙන් සෑහෙන පිරිසකට වැසිකිළි නැත. එයින් කට්ටියක් පොදු වැසිකිළි පාවිච්චි කරති. කු්්ඩා දරුවෝ මහපාරවල එළි බසිති. සමහරකුට වැසිකිළි පිළිබඳ අවශ්‍යතාවක් මතු නොවන්නේ හරියාකාරව කන්නට නැති බැවිනි. කෑම නැති තැන පස්සා පැත්තෙන් වැඩක් නැත. එය අවශ්‍ය වන්නේ ඉඳගැනීමට පමණි. කොළඹ සාමාන්‍ය ජනයාගේ වැසිකිළි ප‍්‍රශ්නයෙන් යම් ප‍්‍රමාණයක් හෝ විසඳන ලද්දේ නැසීගිය ජනාධිපති ආර්. පේ‍්‍රමදාස පමණි. සෙසු නගරාධිපතිවරු පොදු පහසුකම් ප‍්‍රශ්න පැත්තක තබා දේශපාලන ප‍්‍රශ්න සහ පවුලේ ප‍්‍රශ්න විසඳමින් කල් ගත කළහ.
 
 කෙසේ වුවත් තනතුරු 8 ක් අවශ්‍ය තැනට 19 දෙනකු බඳවා ගැනීමේ තීරණය දෙසට අපි නැවතත් හැරෙමු. මෙය ස්ථිර වශයෙන්ම දේශපාලන තීන්දුවකි. මේ දවස්වල තිබෙන්නේ යහපාලන ආණ්ඩුව නිසා එය යහපාලන තීන්දුවක් ද විය හැකිය. අලූතෙන් ගත් 19 දෙනාට පඩි ගෙවන්නේ ආණ්ඩුවේ වියදමිනි. දඩාවතේ යන බල්ලන් මැරීමේ කාලකණ්ණි ක‍්‍රියාවට මුල්තැන දී කටයුතු කරන කොළඹ නගර සභාව හොර ගුහාවකි. නගරාධිපති රෝසි සේනානායක මුලින්ම කළ යුත්තේ කක්කුස්සි හැදීම නොව නගර සභාව හැදීමය. මේ හොර ගුහාවේ වැඩ කරන සමහරු උදේට සේවයට වාර්තා කර සේවා ස්ථානයෙන් පැන ගොස් පිටකොටුවේ මුට්ට කර ගැසීම, රේස් බයි රේස් කඩවල තුණ්ඩු ලිවීම, ගෙදරට වී නිදා ගැනීම වැනි දේවල නිරත වී හවස් වන විට සේවා ස්ථානයට යළි වාර්තා කරති. නගරාධිපති තුමියට තවත් කාරණයක් කියමු. එනම් පිටතින් සේවකයන් 19 දෙනා බඳවා ගත් ආකාරයට ම තවත් නගරාධිපති කෙනකු ද ඇය බඳවා ගත යුතුය. එවිට මේ දෙදෙනාට සේවා මුර දෙකකට වැඩ කළ හැකිය.

ඇත්තටම ආණ්‌ඩුව දඩ මුදල් ඉහළ දැම්මේ රටේ පොදු ජනතාව මාර්ග අනතුරුවලින් බේරා ගැනීමට ඇති ආදරයට නොව ආණ්‌ඩුවේ ආදායම වැඩි කර ගැනීමටය. මන්ද, දඩ මුදල් වැඩි කර අනතුරු අඩු කර ගත් රටක්‌ පෘථිවි ගෝලයේ නොමැති බැවිනි.

වැලිකඩ රිමාන්ඞ් හිරගෙදර සිටින කුඩු වෙළෙන්දියන් පහළොස්දෙනකු එහි වහලයට නැඟ තමන් නිදහස් කරන ලෙස ඉල්ලා කළ උද්ඝෝෂණය ගැන මේවන විට මුළු රටම දන්නේය. මේක හරි යකාගේ කතාවකි. කුඩු බිස්නස්කර අසුවී නඩු අසන තුරු රිමාන්ඞ් කළ විට මේ කුඩු වෙළෙන්දියන් පිරිස උත්සාහ කරන්නේ නඩු නැතිවම හිරෙන් නිදහස් වීමටය. කුඩු වෙළෙන්දියන් සමූහය කවර උසකට නැඟ්ගත් වැලිකඩ හිරගෙදර සිදුවන ¥ෂණවලට එරෙහිව සටන් කරන බව අධිකරණ ඇමැති තලතා අතුකෝරල කී බව අපි ඊයේ (15 වැනිදා* මෙහි ලියුවෙමු. ඇමැතිතුමිය එසේ කීවේ නිවිතිගල පැත්තේ පාලමකට මුල්ගල පැළකරන්නට ගිය අවස්ථාවේදී ය. පාලමට මුල්ගල තැබිය යුත්තේ මේසන් බාස් විසිනි. නැත්නම් පොළොවට අත්තිවාරම දමන කම්කරුවන්ගෙන් කෙනෙකි. රටේ මෙතරම් වැඩ තිබියදී මුල්ගල් පැළකිරීම සඳහා තලතා අතුකෝරල නිවිතිගල යෑම විකාරයකි. තලතා අතුකෝරල ඇමැතිතුමිය පමණක් නොව හැම පක්‍ෂයකම මහජන මන්ත‍්‍රීවරු ආණ්ඩුවේ වියදමින් රට පුරා ගොස් මුල්ගල් පැළ කරති. මේවා තලතා අතුකෝරල හෝ සෙසු මහජන මන්ත‍්‍රීවරුන් ගෙදරින් ගෙනා සල්ලි නොව බදු ගෙවන අපේ සල්ලිය. ජනාධිපතිතුමා සහ අගමැතිතුමා එක්ව මේ විකාර නැවැත්වීමට මැදිහත් විය යුතුය.
 
 ***  
 
 මේ අවුරුද්දේ ජුලි 26 වැනිදා වැලිකඩ හිරගෙදරට සුවිශේෂී වූ දවසකි. එම හිරගෙදර බුද්ධි අංශය විසුරුවා හැරීමේ නිර්භීත සහ බුද්ධිමත් තීරණය අධිකරණ ඇමැති තලතා අතුකෝරල විසින් ක‍්‍රියාත්මක කරන ලද්දේ එදා ය. ඉන් පසු ඇය වැලිකඩ හිරගෙදර ප‍්‍රධාන නිලධාරීන් තව කිහිපදෙනක්ම මාරු කළාය. වැලිකඩ හිරගෙදර බුද්ධි අංශය පිළිබඳව රසවත් කතාව මෙසේය. වැලිකඩ හිරගෙදරට බුද්ධි අංශයක් හඳුන්වා දෙන ලද්දේ එම හිරගෙදර කුඩු, ගංජා, බීඩි, සිගරට් යනාදියෙන් ස්වයංපෝෂිතව තිබූ 2013 අවුරුද්දේ දී ය. මේ කාලයේදී බොරැුල්ලේ හන්දියෙන් මිලදී ගත හැකි මිලට අඩුවෙන් වැලිකඩ හිරගෙදරින් කුඩු ලබා ගත හැකි විය. මේ අනුව වැලිකඩ හිරගෙදරට කඩා වැදුණ අලූත් බුද්ධි අංශය කුඩු බිස්නස් කරන සියලූදෙනා අල්ලා වසංගතය නිමා කළේය. ඉන්පසු වැලිකඩ හිරගෙදරට කුඩු එන සියලූ මාර්ග පිළිබඳ විමසිලිමත් වූ බුද්ධි අංශය තවත් විප්ලවීය කටයුත්තකට අත ගැසුවේය. ඒ වූ කලි වැලිකඩ හිරගෙදර කුඩු බිස්නස් එක තමන් අතට ගැනීමය. එදා සිට හිරගෙදර තුළට කුඩු ගෙනාවේ බුද්ධි අංශයේ ඇතැම් නිලධාරීන් විසිනි. ඔවුනට ගොට්ට ඇල්ලූ හිරකාරයෝ හිරගෙදර පුරා කුඩු අලෙවි කළහ. වැලිකඩ හිරගෙදර තුළ වෙනම ආර්ථිකයක් තිබේ. හිරකරුවන් අත ඇති එම ආර්ථිකය රුපියල් බිලියනයක් පමණ විය හැක. අප එම ආර්ථිකය ගණන් හදන්නේ විටින් විට හිරගෙදරින් අසුවන කුඩු තොගවල වෙළෙඳපොළ අගයට අනුවය. ඊට අමතරව ගංජා, අරක්කු, රටබීම, බීඩි, සිගරට්, බුලත්විට යනාදිය ද මේ ආර්ථිකයට දායක වෙයි. වැලිකඩ හිරගෙදර තුළ සල්ලි අච්චු ගසනු නොලැබේ. එහි ආර්ථිකයට අයත් රුපියල් බිලියනයම එන්නේ එළියෙනි. බුද්ධි අංශයේ නිලධාරීන් අතට කුඩු බිස්නස් එක ගිය විට සිදු වූයේ කුමක්දැයි බලමු. ඊට පෙර හිරගෙදර තුළ රුපියල් තුන්දහසට වික්ක කුඩු පැකට් එක රුපියල් විසිපන්දහට ගියේය. එහෙත් රුපියල් දාහට වික්ක ගංජා මිටිය රුපියල් පන්දාහක් විය. බීඩියක් රුපියල් දෙසීයට ද, සිගරට්ටුවක් රුපියල් දහට ද ගිය අවස්ථා තිබේ. අඩුම මිලට වික්කේ බුලත් විටය. ඒ එකක් රුපියල් එකසිය පනහ ගණනේ ය. මේ සියල්ල සිදුවන්නේ රාජපක්‍ෂ ආණ්ඩුවේ චන්‍ද්‍රසිරි ගජධීර අධිකරණ ඇමැතිව සිටි කාලයේදී ය. විනිසුරු සරත් අඹේපිටිය මැරවූ පොට්ට නවුෆර් නමැති කුඩු වෙළෙන්දා අදටත් හිරගෙදර තුළ සිටින ප‍්‍රධාන පෙළේ වාණිජ්‍යයකු බව කියනු ලැබේ. මේ අතර වරායෙන් පන්නා ගෙන කොටහේනේ යා(ර්*ඞ් එකකට ගෙනෙන හොර සිගරැුට් කන්ටේනරයක් පරීක්‍ෂා කිරීමට වැලිකඩ සිරගෙදර සිටින සිරකරුවකු මධ්‍යම රාත‍්‍රියේ එන බවත්, මාසයකට හෝ දෙකකට වරක් මේ අවස්ථාව එළැඹෙන බවත්, රාත‍්‍රියේ කොටහේනේ හිටියාට එළිවන විට සිරකරු හිරගෙදරදී අගේට දැක ගත හැකි බවත් කියනු ලැබේ. මේ කතාවේ ඇත්ත බොරු ගැන අපට වැටහීමක් නැත. මෙය බොරුවක් බව හිතුවොත් ජීවත් වීම ඉතා පහසුය. මෙය ඇත්ත බව කල්පනා කළොත් මේ ගැන වැඩිදුර හොයන්නට සිදුවන අතර, එවිට ජීවිතය ඉතා අපහසු ය.
 
 බොරැුල්ලේ පිහිටි අක්කර 48 ක වැලිකඩ හිරගෙදර පිහිටා තිබෙන අතර, මෙය ඡුරසපැ ඛ්බා හෙවත් ප‍්‍රමුඛ වාණිජ දේපළකි. මෙහි ‘ගබඩා’ කළ හැකි සිරකරුවන් ගණන දහසක් වන නමුත් එමෙන්ම දෙගුණයක් මෙහි සිටිති. මේ හිරගෙදර පහසුකම් ඉතා අඩු ය. එහි වැසිකිළිවලට දොරවල් නැත. හිරකාරයෝ කිටිකිටියේ මිරිකෙති. එවිට කාම අපරාධ මෙන්ම සමාජ රෝග පැතිර යෑම ද සිදුවෙයි. එක්සත් ජාතීන්ගේ හමුදාවක් ශ‍්‍රී ලංකාවට එනවා නම් ආ යුත්තේ යුද අපරාධකාරයන් ඇල්ලීමට නොව මෙවැනි බන්ධනාගාර පවත්වා ගෙන යන බන්ධනාගාර දෙපාර්තමේන්තුව ඇල්ලීමට ය. එබැවින් ආණ්ඩුව කළ යුත්තේ බෝගම්බර හිරගෙදර නුවර නගරයෙන් ඉවත් කළා සේ වැලිකඩින් හිරගෙදර ඉවත් කර එම අක්කර 48 චීනයට විකුණා වැලිකඩ හිරගෙදර මෙන් දෙගුණයක් විශාල වැඩි පහසුකම් සහිත හිරගෙයක් දුර පළාතක ඉදිකිරීම ය. එවිට ආණ්ඩුවත් ගොඩ ය. හිරකරුවනුත් ගොඩ ය. බිල්ඩිං කොන්ත‍්‍රාත්කාරයාත් ගොඩය. අවසාන ඵලයේදී චීනයත් ගොඩ ය.

එයින් කියෑවුණේ වැලිකඩ හිරගෙදර පිරිමි සිරකරු වාට්‌ටු තුළ තිබූ තුවක්‌කු, පිස්‌තෝල, ගංජා, සිගරට්‌, බීඩි, උපත් පාලන උපකරණ විශාල වශයෙන් තිබෙන බවය. පිරිමින් පමණක්‌ සිටින වාට්‌ටුවලට උපත් පාලන උපකරණ කුමකටද යන්න මෙහිදී පාඨකයා ප්‍රශ්න නොකළ යුතුය. මෙය තොරතුරු දැන ගැනීමේ පනත යටතේවත් හෙළි කිරීමට බැරි කාරණයකි.

 

මහජන මුදලින් සිදුකරන සංවර්ධන ව්‍යාපෘතිවලට දේශපාලනඥයන්ගේ නම් යෙදීම වැරදි බව ඔහුගේ එම අදහස ය. අපගේ අදහස මෙසේය; ශ‍්‍රී ලංකාව වූ කලී මෝඩ ජනතාවක් ගස් වශයෙන් ද, කුහක නීච කාලකණ්ණි දේශපාලකයන් පිරිසක් වන සතුන් වශයෙන් ද සිටින වනාන්තරයකි. චීන්නු ද, ඉන්දියානුවෝද මේ වනාන්තරයේ සෆාරි යති. යටත් විජිතවාදය නමැති විරේක බෙහෙත පානය කළ මේ රටට තවමත් බඩ යන එක නවත්වා ගැනීමට බැරිය.

kandos18

අද දිවයින

සිනමා කලා

kasuni250

නවලිය

kawmini250

දියග

viatnaam250

මීවිත

nilminit250

More Articles