Divaina - Kathuwakiya

top banner

 

div

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

D Divaina 90x340px

මධ්‍යම පළාත් විගණන අධිකාරි ලලිත් අඹන්වල මහතාට ඇසිඩ් ප්‍රහාර එල්ල කළ නඩුවේ චූදිතයන් සත්දෙනාට බරපතළ වැඩ සහිත සිරදඬුවම් නියම වූයේ 2012 වසරේදී ය. ඒ ඇසිඩ් ප්‍රහාරය සමාජය කම්පනය කළ පුවතක්‌ විය. එහෙත් මේ චූදිතයන්ට සිරදඬුවම් නියම වුවද යහපත් නීතිගරුක රාජ්‍ය සේවකයන්ට ඇසිඩ් ප්‍රහාර එල්ල වීම නතර වී නම් නැත. කෑගල්ල සමුපකාර සංවර්ධන සහකාර කොමසාරිස්‌ ඩබ්. කරුණාතිලක මහතාට ඇසිඩ් ප්‍රහාරයක්‌ එල්ල වූයේ පසුගිය සතියේය. මෙයින් නැවත ප්‍රකාශ වන්නේ කුමක්‌ද? නීතිගරුක නිලධාරීන්ට එරෙහිව මාරාන්තික හස්‌ත ක්‍රියාත්මක වන බව නොවේද? ඉන්දියාවේ සිදුවන ආකාරයට මෙරටදී ඇසිඩ් ප්‍රහාර බහුල නොවූවද, රාජ්‍ය සේවකයන් ඉලක්‌ක කරගෙන සිදුවන මේ ප්‍රහාර ගැන රජයේ දැඩි අවධානය යොමු විය යුතු ය.
 
 ඉන්දියාවේ නම් වසරකට දහසක්‌ පමණ ඇසිඩ් ප්‍රහාරයට ලක්‌වේ. මේ ඇසිඩ් ප්‍රහාර එරට සමාජයේ ප්‍රබල මාතෘකාවක්‌ බවට පත්ව තිබෙන්නේ බොහෝවිට මේ ප්‍රහාරවලට ඉලක්‌ක වන්නේ කාන්තාවන් වීම නිසා ය. එහෙත් මේ ක්‍රියාව ඉතාම බිහිසුණුq මෙන්ම ම්ලේච්ඡ ක්‍රියාවකි. 2017 වසරේදී එංගලන්තයේ මාස හයක්‌ ඇතුළත ඇසිඩ් ප්‍රහාර හයසියයක්‌ වාර්තා වී තිබිණි. ඉන්දියාවේ නම් මේ ඇසිඩ් රැල්ල නැවැත්වීමට අදාළ අත්‍යවශ්‍ය පුද්ගලයන්ට පමණක්‌ ඇසිඩ් අලෙවි කළ යුතු යෑයි අධිකරණය නියෝග කර ඇත. විකිපීඩියා වෙබ් අඩවියට අනුව ලොව වැඩියෙන්ම ඇසිඩ් ප්‍රහාර සිදුවන්නේ බංගලාදේශයේ ය. එසේම පකිස්‌තානයේද මෙවැනි සිද්ධීන් බහුලය.
 
 කවරක්‌ නමුත් ලංකා දිවයිනේ මේ කුරිරු ප්‍රචණ්‌ඩත්වය පැවැතීම කිසි ලෙසකින් අනුමත කළ නොහැකිය. 2013 වසරේදී අනුරාධපුරයේ ආයුර්වේද කොමසාරිස්‌වරයාට ද ඇසිඩ් ප්‍රහාරයට ලක්‌ වන්නට සිදුවිය. මේ ප්‍රහාරය එල්ල කළ සාහසිකයන් පොලිසිය මගින් අත්අඩංගුවට ගැනීමට හැකිවිය. ඇසිඩ් ප්‍රහාර පුද්ගලයකු කායික මෙන්ම මානසික අතින්ද විකෘතිභාවයට පත් කරන බව සඳහන් කළ යුතුය. එම නිසාම මෙවැනි ක්‍රියා කිසි ලෙසකින් හෝ අනුමත කළ නොහැකිය. දඬුවම් ඉතාම දැඩි විය යුතුය.
 
 නිදහසේ සිය රාජකාරිය කිරීමට නොහැකි නම් එතැනදී රාජ්‍ය සේවකයා අධෛර්යයට පත්වීම නොවැළැක්‌විය හැකිය. මෙලෙස ඇසිඩ් ප්‍රහාර එල්ල කරමින් සිදුකරන්නේ කවරක්‌ද? සමස්‌ත රාජ්‍ය යාන්ත්‍රණයම භීතියට පත් කිරීමක්‌ නොවේද? මේ භීතිය රාජ්‍ය සේවයේ ඉදිරි ගමනට මෙන්ම රටේ ඉදිරි ගමනටත් බාධාවකි.
 
 කෑගල්ල සමුපකාර සංවර්ධන සහකාර කොමසාරිස්‌ කරුණාතිලක මහතා තමන්ට අත්විඳින්නට සිදුවූ බිහිසුණු අත්දැකීම හෙළි කරමින් ප්‍රකාශ කර ඇත්තේ "එකපාරටම මූණ දැවිල්ලෙන් පිච්චුනා ඇසිඩ් ගැහුවා කියා මා කෑගැසුවා" යනුවෙනි. මේ ඇසිඩ් ගැසිල්ලෙන් සියලු රාජ්‍ය සේවකයන්ගේ හදවත් දැවුණු බව සටහන් කළ හැකිය. සමුපකාරවල මුදල් අඩුවීම් වංචා සිදුවෙනවා. පසුගිය කාලය තුළ මෙවැනි වංචාවන් පිළිබඳ විමර්ශනය කරලා තියනවා. එයින් පීඩාවට පත් වූ හොරුන් තමයි මෙහෙම වැඩ කරන්නේ යෑයි කරුණාතිලක මහතා වැඩිදුරටත් ප්‍රකාශ කර ඇත. එසේ නම් පොලිසියේ රාජකාරිය වන්නේ මේ ඇසිඩ් ප්‍රහාරය පිටුපස සිටින සියලුම තක්‌කඩීන් සොයා අත්අඩංගුවට ගැනීමය.

 ආණ්‌ඩුවේ නව ඇමැතිවරුන් දිවුරුම් දීම හා ටික දිනකින් එම ඇමැතිවරුන්ගේ විෂය පථ වෙනස්‌ කිරීම රටේ සිදුවන ස්‌වභාවික ආපදා මෙන් ජන ජීවිතයේ කොටසක්‌ බවට පත්ව තිබේ. ඇත්තටම, රට හමුවේ ඇති ලොකුම ආපදාව මේ යෝධ ඇමැති මණ්‌ඩලයයි. මෙම ඇමැති මණ්‌ඩලයේ එක්‌ ඇමැතිවරයකු නඩත්තුවට වසරකට රුපියල් බිලියන ගණනක මහජන මුදල් වැයවන බව රටේ හිටපු ජ්‍යෙෂ්ඨ ඇමැතිවරයකු වූ මහාචාර්ය ජී. එල්. පීරිස්‌ මහතා පවසා තිබුණි. එය සැබෑවකි. නමුත් අවාසනාව වන්නේ ජී.එල්. පීරිස්‌ මහාචාර්යවරයාද නියෝජනය කරනුයේ එම ඇමැති කුලකය වීමය.

 

බුදුන්වහන්සේ තෙවනවරට ලංකාද්වීපයට වැඩම කළ අවස්‌ථාවේ කිහිරි වනයේ වැඩසිටිමින් ධර්ම දේශනා කළ බව ඉතිහාසයේ දැක්‌වේ. ඒ කිහිරිවනයේ පසු කාලයකදී ඉදිවූ චෛත්‍යරාජයාණන්වහන්සේ කිරිවෙහෙර විය. ක්‍රි.පූ. පළමු සියවසේ ඉදිවූ මේ මහා චෛත්‍යරාජයාණන් වහන්සේ සිංහල බෞද්ධයන්ගේ අතිශය වන්දනා මානයට පත්වන බව අමුතුවෙන් සටහන් කළ යුතු නැත. එහෙත් මේ ඓතිහාසික පුද බිමේද වෙඩි පත්තුවූ පුවතක්‌ නිසා ලංකාවාසීන් කම්පනයට පත්ව තිබේ.
 
 බුද්ධපාදස්‌පර්ශයට පත්වූ මේ පින්බිම කිළිටි කළෝ කවරහුද? දැනට පොලිස්‌ පරික්‌ෂණ අනුව හෙළි දරව් තොරතුරු අනුව මෙම වෙඩි තැබීමේ සිද්ධියට කතරගම කිරිවෙහෙර මහසෙන් දේවාලයේ හිටපු ප්‍රධාන කපු මහතා සහ ඔහුගේ සහෝදරයකු සැකරන බව පොලිසයි පවසයි.
 
 කිරිවෙහෙර රාජමහා විහාරාධිපති රුහුණු මාගම්පත්තුවේ ප්‍රධාන සංඝනායක කොබවක ධම්මින්ද නාහිමියන්ට වෙඩි තබනු ලැබුවේ පෙරේදා රාත්‍රියේය. කිරිවෙහෙර නාහිමියන් තවත් ස්‌වාමීන් වහන්සේ නමක්‌ සමග කිරිවෙහෙර වන්දනාකර ආපසු එමින් සිටියදී මේ වෙඩි ප්‍රහාරයට ලක්‌ව ඇත. කිරිවෙහෙර ශුද්ධ භූමියද ලෙයින් නැහැවීමට ක්‍රියා කළ සාහසිකයෝ ඉතා ඉක්‌මනින් නීතියේ රැහැනට හසුකර ගැනීම පොලිසියේ වගකීමකි. භික්‌ෂුවකට වෙඩි තබා ලබන ජය කුමක්‌ද?
 
 එදා ත්‍රස්‌තවාදීන් ශ්‍රී මහා බෝධියට දළදා මාලිගාවට ප්‍රහාර එල්ල කළා හා සමානව අවිගත් මෙම මැරයෝ කිරිවෙහෙරට ද ප්‍රහාර එල්ල කර ඇත. කිරිවෙහෙරේ මහසෙන් දේවාලයේ ප්‍රශ්නයක්‌ මේ වෙඩි ප්‍රහාරයට හේතු වී ඇතැයි ප්‍රකාශවේ. මෙහි සත්‍ය අසත්‍යතාව කෙසේ වෙතත් සියල්ල පරයා අවියේ බලය ඉදිරියට පැමිණීම ගැන බෞද්ධයන් තුළ ඇත්තේ දැඩි සංවේගයකි.
 
 පන්සල්වලට දේවාල සංස්‌කෘතියක්‌ එනු ලැබුයේ පොලොන්නරුව යුගයේදීය. මෙරට රජ කළ රජවරුන්ට ඉන්දියාවෙන් කුමරියන් ගෙන්වීම සමග රජතුමා පන්සලට යද්දී රාජකුමාරිකාවන්ට කෝවිල්වලට යැමට සිදුවිය. එම තත්ත්වය හමුවේ රජතුමා පන්සලට යද්දී එම කුමාරිකාවන්ට තමන්ගේ ආගම ඇදහීමට පන්සල තුළම දේවාල ඉදිකිරීමෙන් නව සංස්‌කෘතියක්‌ ඇතිවිය. මහායාන සංකල්පය අනුව ඇතිවූ මෙම තත්ත්වය දිගින් දිගටම වර්ධනය විය. අද රජවරුන් කුමරියන් නැතත් එදා ඇතිවුණ එම සංස්‌කෘතිය අදටත් ඒ ආකාරයෙන්ම පවතිනු දැකිය හැකිය.
 
 කවරක්‌ වේවා දේවාලයට ගොස්‌ ආශිර්වාද ලබා ගන්නා බැතිමත්හු තමන්ගේ පවතින දුක්‌ කරදර නිමාවේවා යෑයි ප්‍රාර්ථනා කරති. ඒ සඳහා කපු මහත්වරු සෙත් පතා බැතිමතුන්ගේ ජීවිතවලට එල්ලවන වන දුක්‌ පීඩා දුරුවීමට යාතිකා කරති. එවන් දෙවියන් වැඩ සිsටින දොවොලක යක්‌ෂයන් වැඩ සිටිය නොහැක. දැනට කිරිවෙහෙරේ සිදුවී ඇති වෙඩි තැබීමේ සිද්ධියට කපු මහත්වරුන්ගේ යම් සම්බන්ධයක්‌ තිබේ නම් එය කිසිසේත් අනුමත කළ නොහැක. දෙවියන් වැඩ සිටින යක්‌ෂයන් පිෂාචයන් කුම්භාණ්‌ඩයන් සිටිය නොහැක. ඒ නිසා කිsරිවෙහෙරේ නාහිමිට වෙඩි තැබීමේ සිද්ධියට සම්බන්ධ යක්‌ෂයන් කුම්භාණ්‌ඩයක්‌ පිෂාචයන් වෙත්නම් වහාම නීතියේ රැහැනට හසුකර ගැනීම පොලිසිය ඇතුළු ආරක්‌ෂක අංශවල වගකීමක්‌ බව අවධාරණය කරනු කැමැත්තෙමු.

 ශ්‍රී ලංකා නිදහස්‌ සමරුවදා බ්‍රිතාන්‍ය මහ කොමසාරිස්‌ කාර්යාලය අසලදී නින්දිත උද්ඝෝෂණයක යෙදුණු දෙමළ ඩයස්‌පෝරාවට විරෝධය පෑ බ්‍රිගේඩියර් ප්‍රියංක ප්‍රනාන්දුට අපේ සමහර සාම මහත් හොරුන්, සංහිඳියා කවටයිනුත් දැඩි සයිබර් ප්‍රහාර එල්ල කළ ආකාරය කාටත් අමතක නැත. එතැනදී බ්‍රිගේඩියර්වරයා දැඩි දෝෂ දර්ශනයට ලක්‌ කළ ඒ උදවිය කීවේ ඔහු කළ ක්‍රියාව සංහිඳියාවට බරපතළ තර්ජනයක්‌ බවයි.

මේ ආන්දෝලනාත්මක කැබිනට්‌ පත්‍රිකාව කුමක්‌ද? මියගිය කොටි සාමාජිකයන් වෙනුවෙන් ඔවුන්ගේ ඥතීන්ට වන්දි ගෙවීම ස`දහා වූ පත්‍රිකාවකි. මෙලෙස ලංකා රාජ්‍යය දෙකඩ කිරීමට සටන් වැදුණු ත්‍රස්‌තයන්ට වන්දි ගෙවිය හැකිද? ආර්.ප්‍රේමදාස ජනාධිපතිවරයා ඝාතනය කළ කොටි මරාගෙන මැරෙන බෝම්බකරුවාගේ ඥතීන්ට ද සහන සැලසිය යුතු ද ?

sikuru


අද දිවයින

සිනමා කලා

tissa250

නවලිය

uda250

දියග

trump250

මීවිත

kanika250

More Articles