Divaina - Kathuwakiya

top banner

 

div

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

D Divaina 90x340px

මහ බැංකු වාර්තාවට අනුව 2017 වසරේදී තැපැල් දෙපාර්තමේන්තුවේ ආදායම රුපියල් බිලියන 7 දක්‌වා 6.4% කින් ඉහළ ගොස්‌ තිබේ. නමුත් මේ සඳහා මෙහෙයුම් වියදම රුපියල් බිලියන 12.6 ක්‌ දක්‌වා 2.6% කින් ඉහළ යැම නිසා 2017 වසරේ තැපැල් දෙපාර්තමේන්තුවේ සමස්‌ත අලාභය රුපියල් බිලියන 5.6 ක්‌ හෙවත් කෝටි 560 ක්‌ වී තිබේ.

ඩී. එම්. ස්‌වාමිනාදන් ඇමැතිවරයාගේ කැබිනට්‌ පත්‍රිකාව තුළින් බලවත් ලෙස නිග්‍රහයට පත්වන්නේ මවුබිම වෙනුවෙන් දිවි කැප කළ රණවිරුවන් හා ආබාධිත වූ රණවිරුවන්ය. ස්‌වාමිනාදන්ගේ කැබිනට්‌ පත්‍රිකාව අනුව රණවිරුවන් හා ත්‍රස්‌තයන් අතර වෙනසක්‌ නැත. ඔවුන් සටන් වැදුණේ කුමකටද? උක්‌ වගාවක්‌ බේරා ගැනීමට නම් නොවේ.

ඉන්ෆ්ලුවෙන්සා "ඒ" රෝගය හේතුවෙන් දකුණු පළාතේ කරාපිටියේ මරණ ගණන 20 ට නැඟ ඇති බව ඊයේ වාර්තා වී තිබිණි. එපමණක්‌ නොව රෝගය රට පුරාම පැතිර ඇති බවක්‌ද වාර්තා වේ. මේ කරුණු ආණ්‌ඩුව අපහසුතාවට පත් කරන්නට විරුද්ධ පක්‍ෂයෙන් පතුරන කට කතා නොව සෞඛ්‍ය අධ්‍යාපන කාර්යාංශයේ අධ්‍යක්‍ෂ, වසංගත රෝග විද්‍යාඥ විශේෂඥ වෛද්‍ය පබා පළිහවඩන මහත්මිය අනාවරණය කරන ලද කාරණාය.



උතුරේ ත්‍රස්‌තවාදය අවසන් කෙරුණේ 2009 වර්ෂයේදීය. ජනතාවට බිය සැක නොමැතිව ජීවත්වීමේ අවස්‌ථාව තවදුරටත් වැඩි කිරීමේ අරමුණින්ම කොළඹ හා කොළඹින් පිට බොහෝ ප්‍රදේශවල ප්‍රචණ්‌ඩත්වය වපුරමින් සිටි "පාතාලය" මර්දනය කිරීමේ මෙහෙයුම් ද ඇරඹිණි. ත්‍රස්‌තවාදය පැවැති වකවානුවේ ප්‍රභාකරන්ට හෝ ත්‍රස්‌තවාදය මෙහෙය වූ කිසිදු නායකයකුට රටින් පනින්නට හෝ ඉඩක්‌ තිබුණේ නැත. එහෙත් පාතාල මර්දනයේදී පාතාලයේ "ගෝඩ් µdදර්ලා" යෑයි කී පාතාල නායකයෝ බොහෝ දෙනෙක්‌ රටෙන් පලා ගියහ. එදා සමාජයේ ඇති කළ වෙනස කොතරම් ද කිවහොත් නමගිය මත්ද්‍රව්‍ය ජාවාරම්කරුවන් බියෙන් සලිත වී ගියහ. නමගිය මත්ද්‍රව්‍ය ජාවාරම්කරුවෝ භීෂණය පතුරුවන පාතාල නායකයෝ බුරුතු පිටින් රටින් පලා ගියහ. එපමණක්‌ නොව පාතාලය මෙහෙයවූ බොහෝ මැරයෝ අත්අඩංගුවට පත් වූහ. එහෙත් 2015 න් පසු වසර තුනක කාලයක සිට මේ උදවිය නැවත සිය වැඩකටයුතු ආරම්භ කර ඇති බවක්‌ පෙනේ. විශේෂ කාර්ය බලකායට ස්‌තුතිවන්ත වන්නට එය තරමක්‌ දුරට මැඬ පැවැත්වීමෙහි හැකියාව ලැබී තිබුණද අපට විශ්වාසයෙන් කිව හැක්‌කේ එය සතුටුදායක මට්‌ටමටම පැමිණ නැති බවය. මාසයකට මිනිස්‌ ඝාතන කිහිපයක්‌ ගැන අසන්නට ලැබේ.

 එමෙන්ම මත්ද්‍රව්‍ය ජාවාරම්කරුවන්ගේ ක්‍රියාකාරකම් ගැනද අසන්නට ලැබේ. පාතාලය දැන් බස්‌නාහිර පළාතේ නොව, දකුණෙත්, මධ්‍යම පළාතෙත් සිය ක්‍රියාකාරකම් දියත් කර ඇති බව පෙනේ. සමහරවිට එය සෙසු පළාත්වලට ද ව්‍යාප්ත වූවක්‌ වන්නට පුළුවන. ගිනි අවි රට පුරාම අලෙවි වන ආකාරයක්‌ පෙනේ. පාතාලයන් සිය ඝාතන මංකොල්ලකෑම් සහ විවිධ අපරාධ සඳහා යොදා ගන්නා ගිනි අවිවල වර්ධනයක්‌ මිස අඩුවක්‌ දකින්නට නැත. කරුණු කාරණා සලකා බලන විට පාතාලයත්, නීතිවිරෝධී ජාවාරම්කරුවනුත් සියලු පහසුකම් සහිතව සිය මෙහෙයුම් ක්‍රියාත්මක කරන බව පෙනේ. අති නවීන, සුඛෝපභෝගී වාහන මේ පාතාලයන් සතුව තිබේ. ගිනි අවි එමටය. හිරේ ලැග සිටිය ද සුපිරි තාක්‍ෂණයෙන් යුත් ජංගම දුරකතන භාවිත කරයි. ඊයේ (18 වැනිදා) "දිවයින" පුවත්පතේ වාර්තාවක දැක්‌වුණේ "බන්ධනාගාරයේ විශේෂ රැකවල් යොදා තිබියදීත් වෙලේ සුදාට දුරකථන පහසුකම් ලැබුණේ කෙසේද?" යන්නය.

ඇත්තටම අපේ විශ්වාසය නම් මේවා පුදුමයට කාරණා නොවන බවය. පාතාලයට උදව් දෙනවා යෑයි ප්‍රකට ස්‌ථරයන් අතර මුලින්ම හිඳින්නේ දේශපාලනඥයන් ය. දෙවනුව පොලිසියයි. තුන්වැන්න බන්ධනාගාර දෙපාර්තමේන්තුවයි. මේ කරුණු කියන්නේ අප නොවේ. මීට පෙර බන්ධනාගාරය පැත්තෙන්ද, පොලිසිය පැත්තෙන්ද මෙවැනි තොරතුරු ඕනෑ තරම් වාර්තා විය. හැමදෙනාම නැතත් නිලධාරීහු සුළුතරයක්‌ හෝ පාතාල ප්‍රවණතාවය සමඟ එක්‌ව හිඳින බව කිව යුතුය. අපි තවමත් විශ්වාස කරන්නේ අපේ රටේ තිබෙන්නේ හොඳම බුද්ධි අංශයක්‌ බවය. ඉඳහිට හෝ නම කැත කරගත්ත ද පොලිසිය ද රාජකාරිය හොඳින්ම ඉටු කර ඇති අවස්‌ථා එමටය. විශේෂ කාර්ය බලකායේ ද අනෙකුත් ආරක්‍ෂක අංශවල ද විශිෂ්ට මෙහෙයුම් ගැන පුන පුනා කිවයුතු නැත. අපට තිබෙන ප්‍රශ්නය එසේ වීත් පාතාලය මැඬලන්න බැරි ඇයි ද යන්නය.

ඉන්දීය සම්භවයක්‌ ඇති ඇමරිකානුවෙක්‌ වන අතුල් කේෂාප් මෙරට ඇමරිකානු තානාපති ලෙස වැඩ භාර ගත්තේ පසුගිය 2015 වසරේදීය. කේෂාප් මහතා සිය තානාපති ධුර කාලය ඉකුත් වී තව ටික දිනකින්ම මෙරටින් පිටව යනු ඇත. කේෂාප් මහතා මීට සති දෙකකට පමණ පෙර හිටපු ජනාධිපති මහින්ද රාජපක්‍ෂ මහතා හමුවූයේ විඡේරාම මාවතේ පිහිටි හිටපු ජනපති නිල නිවසේදීය. හිටපු ජනාධිපතිවරයා හා ඇමරිකානු තානාපති අතර පැවැත්වූ සාකච්ඡාව ගැන මුලින්ම කරුණු හෙළිකර තිබුණේ යාපනයේ පළවන දෙමළ පුවත්පතක්‌ විසිනි. එහි සඳහන්ව තිබුණේ කුමක්‌ද? ඇමරිකාව ඇතුළු බටහිර රාජ්‍යයන් ගෝඨාභය රාජපක්‍ෂ මහතාට මෙරට ජනපති වීමට ඉඩ ලබා නොදෙන බව තානාපතිවරයා විසින් හිටපු ජනපතිට අවධාරණය කර ඇති බවයි. යාපනයේ පුවත්පත කරනු ලැබූ මේ හෙළිදරව්වත් සමඟම දකුණේ මාධ්‍යයද මේ හමුව ගැන උනන්දු විය. කවරක්‌ නමුත් බොහෝ දෙනා ප්‍රශ්න කර සිටියේ මෙරට ජනපති අපේක්‍ෂකයා තෝරන්නට හෝ ඔහුගේ හොඳ නරක විග්‍රහ කරන්නට ඇමරිකාවට ඇති අයිතිය කුමක්‌ද යන්නයි. ලංකාවේ හත්වැනි ජනාධිපතිවරයා තෝරාපත් කර ගත යුතු වන්නේ ඇමරිකාවට අවශ්‍ය පරිදි නම් නොවේ. ඇමරිකානු රාජ්‍ය දෙපාර්තමේන්තුව ලෝකයේ බොහෝ රාජ්‍යයන්වල බල හුවමාරුව සඳහා මැදිහත් වේ. එය ඔවුනට සූදුවක්‌ වැන්න. එහෙත් මේ හුවමාරු නිසා සාර්ථක රාජ්‍යය අසාර්ථක රාජ්‍යයන් බවට පත්විය. 1956 මැයි මාසයේ මෙරට පැවැති මහ මැතිවරණයට ඇමරිකාවේ බලපෑම් එල්ල වූ බව ප්‍රකට කරුණකි. එදා සිට අද දක්‌වාම කොළඹ ඇමරිකානු තානාපති කාර්යාලය උත්සාහ කරන්නේ තමන්ට අවශ්‍ය ලෙස මෙරට නායකයන් මෙහෙයවීමටය. ඇමරිකානු රාජ්‍ය දෙපාර්තමේන්තුව ගෝඨාභය රාජපක්‍ෂ මහතාට කැමැති වුවත් අකැමැති වුවත් එය මෙරට ජනතාවට ප්‍රශ්නයක්‌ නොවේ. කොළඹ ඇමරිකානු තානාපති කාර්යාලයේ උපදෙස්‌ මෙරට ඡන්ද දායකයන්ට වැදගත් නැත. 2015 ජනාධිපතිවරණයටත් විදේශ බලපෑම් ඉතා දැඩි විය. එහිදී වොෂින්ටනය මෙන්ම දිල්ලිය ද ප්‍රමුඛ කාර්යභාරයක්‌ ඉටු කළෝය. නමුත් රට ඉදිරියට ගොස්‌ ඇත්ද? නැතිනම් එක තැන පල්වන තත්ත්වයට පත්ව නැද්ද?
 
 අතුල් කේෂාප් ප්‍රමුඛ ලොව සෑම රටකම වෙසෙන ඇමරිකානු තානාපති නිලධාරීන්ගේ මැදිහත්වීම් යහපත් හෝ ශුද්ධ කාරණා ලෙස දකින්නට නොහැකිය.
 
 අද සිරියාවේ සිදුවන්නේ කුමක්‌ද? ලිබියාව කෑලි කෑලිවලට කැඩී බෙදී වෙන්වීමේ තත්ත්වයක්‌ උදාවී ඇත්තේ කුමන හේතුවක්‌ නිසාද? ඉරාකය ෙ€දජනක ඉරණමකට මුහුණපා ඇත්තේ මන්ද? මේ සියල්ලම ඇමරිකාවේ අතපෙවීම් නිසාය. 2003 දී ඇමරිකාව ඉරාකය ආක්‍රමණය කළේය. මේ ආක්‍රමණය නිසා ඉරාක වැසියන් ලක්‍ෂ හයකට අධික පිරිසක්‌ මරණයට පත්විය. අද ඇමරිකාව ඉරාකය අතහැර දමා ගොස්‌ ඇතත් දිනපතා බෝම්බ පිපිරීම් වලින් මියයන ප්‍රමාණයේ නම් අඩුවක්‌ නැත. සදාම් හුසේන් යටතේ ඉරාකය සාර්ථක රාජ්‍යයක්‌ විය. සුන්නි - ෂියා භේද තිබුණේ නැත. අයිසිස්‌ ත්‍රස්‌ත කණ්‌ඩායම් බිහිව තිබුණේ නැත. සදාම් විනාශ කර ලෝක සාමය ඇති කිරීමේ ඇමරිකන් උපාය නිසා සිදුවූයේ කුමක්‌ද? කලාපයම අස්‌ථාවර වීම නොවේද? අදත් ඉරාකයේ මිනී කඳු ගොඩගැසේ. ලිබියාවේ පාලක ගඩාµs යටතේ එම රාජ්‍යය සාර්ථක රාජ්‍යයක්‌ විය. අරාබි වසන්තය සමඟ ගඩාµs එළවීමට ඇමරිකාව ප්‍රමුඛවම සහාය ලබාදුන්නා පමණක්‌ නොව ගුවන් ප්‍රහාර ද එල්ල කිරීමට නිර්ලෝභී විය. නමුත් ගඩාµs නැති ලිබියාව අපායක්‌ වී ඇති බව නොදන්නේ කවරකුද?
 
 මේ උදාහරණ කිහිපයක්‌ පමණි. ඇමරිකාව කිසි විටක සද්භාවයෙන් දේශපාලන මැදිහත්වීම් සිදු නොකරයි. ඒ සියල්ල කපටි තක්‌කඩි මැදිහත් වීම්ය. එනිසාම ඇමරිකාවේ කැමැත්ත අකැමැත්ත කවරක්‌ වුවත් හත් වැනි ජනාධිපතිවරයා තෝරා ගැනීමේ පූර්ණ අයිතිය ඇත්තේ ශ්‍රී ලාංකිකයන්ටය. මෙරට දේශප්‍රේමී ජනතාව ඇමරිකානු තානාපතිවරුන්ගේ කූට උපායන් ගැන හොඳ අවබෝධයෙන් කටයුතු කිරීම වටී.

sikuru


අද දිවයින

සිනමා කලා

tissa250

නවලිය

uda250

දියග

trump250

මීවිත

kanika250

More Articles