Divaina - Kathuwakiya

top banner

 

div

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

D Divaina 90x340px

වසර 2017 අගෝස්‌තු 07 වැනිදා ලංකාවේ පුවත්පත්වල ඉතා බරපතළ ප්‍රවෘත්තියක්‌ පළ විය, ඒ වූකලී අමාත්‍ය මංගල සමරවීරගේ පෞද්ගලික සහකාර සමීර මනහර තරුණ මහතා අගෝස්‌තු 5 වැනිදා රැයෙහි මත්ද්‍රව්‍ය ප්‍රවාහනය කරන වාහනයක සිටියදී අත්අඩංගුවට පත්වූ බව ය. තරුණ මහතා සමඟ තවත් දෙදෙනකු ද අත්අඩංගුවට ගත් අතර තුන් දෙනාම එක මිටියට වැඩ බලන මහෙස්‌ත්‍රාත්වරයාට ඉදිරිපත් කරන ලදහ. සියලුදෙනාටම ඇප ලැබිණ. එදාම සමීර මනහර තරුණ මහතා තම තනතුරෙන් ඉල්ලා අස්‌ විය. ඊටත් ස්‌වල්ප වේලාවකට පසු මංගලගේ මාධ්‍ය ලේකම් නිවේදනයක්‌ නිකුත් කරමින් සමීර මනහර තරුණ මහතාට විරුද්ධව කිසිදු චෝදනාවක්‌ නැති බව කීවේය. මෙහිදී එකම එක ශුද්ධ පැනයක්‌ මතු විය. ඒ වූ කලී සමීර මනහර තරුණ මහතාට චෝදනාවක්‌ නැතිනම් ඔහු තනතුරින් ඉල්ලා අස්‌ වූයේ කවර මඟුලක්‌ අරභයා ද යන්න ය. අප නම් අදටත් හිතන්නේ මෙය මංගල සමරවීරට මඩගැසීම සඳහා රාජපක්‍ෂවරුන් කළ කුමන්ත්‍රණයක්‌ බව ය. මංගල යනු රාජපක්‍ෂලා සමග සිටි ඒ කාලයේදී රනිල් වික්‍රමසිංහටත්, රනිල් වික්‍රමසිංහ සමග සිටින මේ කාලයේදී රාජපක්‍ෂලාටත් මඩ පෝස්‌ටර් ගැසූ හෝ කැලෑ පත්තර ලියූ අයෙක්‌ නොවන පිරිසිදු චරිතයකි. එවැනි කෙනකුට හෝ ඔහු සමඟ සිටින කෙනකුට මඩ ගැසීම සහ අභූත චෝදනා කිරීම හෙණ ගහන වැඩකි. අප හිතන්නේ 2017 අගෝස්‌තු 07 වැනිදා රැයෙහි රාජපක්‍ෂලා මගරැක සිට, කොත්තු රොටියක්‌ ගෙන ඒමට යමින් සිටි සමීර මනහර තරුණ මහතා මත්ද්‍රව්‍ය ප්‍රවාහන කළ වාහනයට බලහත්කාරයෙන් පටවන ලද බව ය.
 
 ඒ කතාව පසෙක තිබියේවා, ඊයේ (16 දා) මේ කතුවැකිය ඉවර කළ තැනින් පටන් ගනිමු. අප කියමින් සිටියේ පිලිපීනය තම රටේ කුඩ්ඩන්a ඝාතනය කළ ආකාරය ය. වසර 2016 දී පිලිපීනයේ 16 වැනි ජනාධිපති තෝරා ගැනීම සඳහා ජනාධිපතිවරණයක්‌ පැවැත්විණ. මෙයට ඉදිරිපත් වූ රොඩ්රිගු ඩුටර්ට්‌ නමැති දේශපාලනඥයා ජනපතිවරණ පූර්ව ප්‍රචාරක ව්‍යාපාරයේදී විශේෂ ඡන්ද පොරොන්දුවක්‌ දුන්නේය. ඒ වූ කලී තමන් බලයට ආවොත් පිලිපීනයේ සිටින කුඩ්ඩන් සහ කුඩු ජාවාරම්කාරයන් දහදහස්‌ ගණනක්‌ මරා දමන බවය. ඊට අමතරව කුඩ්ඩන් දුටු තැන මරණ ලෙස ඔහු ජනතාවගෙන්ද ඉල්ලා සිටියේය. ඔහු ඡන්දය දිනූ පසු කඩු පොලු තුවක්‌කු රැගත් "දබාවෝ" නමැති මාර සෙනඟක්‌ රට පුරා දිව යමින් කුඩ්ඩොත්, කුඩු මුදලාලිලාත්, ගැට කපන්නෝත්, හරක්‌a හොරුත්a මරන්නට පටන් ගත්හ. මෙය ඉතා ෙ€දජනක තත්ත්වයක්‌ වූයේ ශ්‍රී ලංකාවේ ඡේවීපී - යූඑන්පී භීෂණය පැවැති කාලයේදී මෙන් කුඩු අස්‌සේ පෞද්ගලික තරහ මරහද පිරිමසාගත් නිසා ය. මෙහිදී සිඟන්නෝ ද, වීථි දරුවෝද ඝාතනය වූහ.
 
 පිලිපීන ජනතාවගෙන් දස ලක්‍ෂයක්‌ පමණ දෙනා ගංජා කාරයෝ වෙති. තවත් තිස්‌ ලක්‍ෂයක්‌ පමණ කුඩු ගසති. ජනාධිපති පදවියේ දිවුරුම් දෙන දවසේදී ඩුටර්ට්‌ කියා සිටියේ සාපරාධී සිද්ධිවල සැකකරුවන් පවා මරා දමන ලෙසය. මේ අනුව දබාවෝ මැර හමුදාව තම ඇඟේ හැපුණු මිනිහා, තම කකුල පෑගූ මිනිහා, තමන් දෙස රවා බැලූ මිනිසා ඇතුළු හැම දෙනාම මැරීය. "දබාවෝ" යනු ප්‍රා සංවිධානය හා සමාන මැර කල්ලියක්‌a බව විශේෂයෙන් මතක්‌ කරමු. අන්තිමේදී මේ නීච සංහාරයට එරෙහිව මානව හිමිකම් සංවිධාන කලබල කරන්නට පටන් ගත් විට ජනාධිපති ඩුටර්ට්‌ගේ නිලධාරීන් කියා සිටියේ කිසිදු ආකාරයක මානව හිමිකම් කැඩීමක්‌ සිදුව නැති බවය. මෙතරම් අපරාධයක්‌ කරලාත් ජනාධිපති ඩුටර්ට්‌ට කිසිදු හෙණයක්‌ අදටත් නැත. ඔහු අදටත් රටේ ජනාධිපති ය.
 
 ඇම්නෙස්‌ටි ඉන්ටර්නැෂනල්, හියුමන් රයිට්‌ස්‌ වොච් වැනි මානව හිමිකම් සංවිධාන මොන තරම් සෙවල සංවිධානද යන්න මේ සිද්ධියෙන් පැහැදිලි වෙයි. පිලිපීනයේ සිදුවූ දෙයින් කෝටියෙන් එකක ප්‍රමාණයක්‌ අපේ රටේ සිදුවී නම් පිටරටවල් එකතුව අප හම ගසා අපට පිදුරු හා පුන්නක්‌කු ගිල්ලවනවා ඇත.
 
 කුඩුකාරයන් සහ කුඩු ජාවාරම්කාරයන් සම්බන්ධයෙන් රටවල් රැසක ප්‍රතිපත්තිය ඉතාම දරුණුය. කුඩු ගැසීමට පුරුදු වූ නව යොවුන් තරුණියකට මුහුණින් ලේ පනින තුරු පහරදී ඇය බිම වැටුණු පසු ඇඟට පෙට්‍රල් වත්කර ගිනි තබන වීඩියෝවක්‌ පසුගිය දිනවල සමාජ වෙබ් අඩවිවල සැරිසැරුවේය. මෙය ලතින් ඇමරිකන් රටක මහදවල් මහ සෙනඟ මැද සිදුවූවකි. මෙය විසෙන් විස නැසීමේ ක්‍රියා පිළිවෙතය. කෙසේ වුවදා පිලිපීන ජනාධිපති රොඩ්රිගු ඩුටර්ට්‌ වැන්නෙක්‌ ලංකාවේ පහළ නොවීම පෙර පිනකි. ඔහු වැන්නෙක්‌ මෙහි වී නම් මංගල සමරවීරගේ පෞද්ගලික සහකාර සමීර මනහර තරුණ මහතාට සැඟවී සිටීම සඳහා අමුතුවෙන්ම කැලෑ සිටුවීමට සිදුවෙනවා ඇත. එසේම මනහර තරුණයා පෞද්ගලික සහකාර ලෙස පත් කිරීමේ වරදට අමාත්‍ය සමරවීරට සැඟව සිටීම සඳහා ඉන්දියාවෙන් අලුත් කැලෑ කුලියට ගැනීමට සිදු වනවා ඇත. ඒ අතරේ අපට පැහැදිලිව පෙනෙන දෙයක්‌ ඇත. එනම්, ජනාධිපති මෛත්‍රිපාල සිරිසේන කියන කවර දේටත් එරෙහි වීමේ ප්‍රතිපත්තියක්‌ මේ දිනවල යූ.එන්.පී. යට ඇති බවය. කුඩ්ඩන් එල්ලමු යෑයි ජනපති කීවොත් ඔවුහු එයට විරුද්ධයහ. කුඩ්ඩන් නොඑල්ලමු යත් ජනපති කීවොත් ඔවුන් එයටද විරුද්ධ වනවා ඇත. කුඩ්ඩන් එල්ලන්නට වාගේ සිට නොඑල්ලමු යෑයි ඔහු කීවොත් යූඑන්පිය එයටත් විරුද්ධ වීමට ඉඩ තිබේ. මේ වූ කලී නම්බර් ටූ විසින් නම්බර් වන්ට ෂොට්‌ දෙන විදියයි. මෙවර ඒ ෂොට්‌ එක සඳහා ලැබුණ අත් බෝම්බය මංගල සමරවීර ය.

රේගුව, පොලිසිය, වලානේ දූෂණ මර්දන ඒකකය යනාදී ආයතන කුඩු අල්ලන මේ ඇල්ලිල්ලේ හැටියට පැහැදිලි වන කාරණයක්‌ තිබේ. ඒ වූ කලී මේ රටේ පාන් පිටි පරිභෝජනයට වඩා මත් කුඩු පරිභෝජනය ඉහළ යන දවස ඉතා ළඟ බවය. ඒ අනුව ඉදිරියේදී කුඩු හෙවත් හෙරොයින් වලින් සාදන ලද පාන්, හෙරොයින් බනිස්‌, හෙරොයින් ලැවරියා, හෙරොයින් හැලප, හෙරොයින් ඥානකතා වැනි දැ පහල වීමට ඉඩ ඇති අතර, මත්කුඩු සමාජ ගත වූ සුලභ පාරිභෝගික ද්‍රව්‍යයක්‌ වීම නිසා පාන් පිටි ආගන්තුක ද්‍රව්‍යයක්‌ වී එකී පාන් පිටි අත තබා ගන්නා අය අත්අඩංගුවට ගැනීමට පොලිසිය යුහුසුළු වීමට ඉඩ තිබේ. හෙරොයින් යනු ප්‍රාතිහාර්ය ජනක මත්කුඩු වර්ගයකි. හෙරොයින් කුඩු අල්ලා රස පරීක්‍ෂකට යෑවූ පසු කහ කුඩු බවට පත්වන අවස්‌ථා තිබේ. නො එසේ නම් කුඩු කිලෝ දෙකහමාරක ප්‍රමාණය ග්‍රෑම් තුනකට සංකෝචනය වීමට ඉඩ තිබේ. හෙරොයින් නමැති මත්කුඩු වර්ගය ඉංග්‍රීසි භාෂාව තුළ ද කිසියම් විඡ්ජාවක්‌ කිරීමට සමත් ය. හෙරොයින් මත්කුඩු ඉංග්‍රීසියෙන් ලියන්නේ යෑරදසබ යනුවෙනි. එහෙත් මේ වචනය අගට e අකුර යොදා යෑරදසබැ යනුවෙන් ලියූ විට එන්නේ හැරොයින් හෙවත් වීරවරිය යන අරුතය. මෙය හිරොයින් ලෙස ද උච්ඡාරණය කෙරේ¾ දිගින් දිගටම කුඩු ගැන කතු වැකි ලිවීම ගැන පාඨකයා අපට සමාව දිය යුතුය. අප මේවා ලියන්නේ දේශපාලන ගං කබරයන්ට නොව බුද්ධිමත් පාඨකයන්ට ය.
 
 හිර ගෙදර තුළ සිට කුඩු බිස්‌නස්‌ මෙහෙයවන අයගේ එල්ලා මැරීමේ නියෝග ක්‍රියාත්මක කරන බව ජනාධිපති මෛත්‍රිපාල සිරිසේන පසුගියදා කීවේය. ඉන් පැය හතළිස්‌ අටකට පසු මුදල් ඇමැති සහ මාධ්‍ය ඇමැති තනතුරු දරන මංගල සමරවීර කියා සිටියේ කුඩු කාරයන් එල්ලා මැරීමෙන් කුඩු නැති කිරීමට බැරි බවය. කුඩුකාරයන්ට මරණ දණ්‌ඩනය දීමත් මුදල් හා ජනමාධ්‍ය අමාත්‍යාංශයත් අතර තිබෙන සම්බන්ධය අපට තේරෙන්නේ නැත. කොහොම වුණත් හීනෙන් අවදි වී කියූවක්‌ වැනි මේ කතාවෙන් මංගල සමරවීර, තුන්වන පාර්ශ්වයක වුවමනාව පරිදි ජනාධිපති තුමාට 'ෂොට්‌ එකක්‌' දුන් බවක්‌ පමණක්‌ අපට වැටහෙයි. එය කුඩු පිළිබඳ කැක්‌කුමක්‌ හෝ කුඩුකාරයන් එල්ලීම ගැන හටගත් කැක්‌කුමක්‌ නොව දේශපාලන අවශ්‍යතාවක්‌ සම්පූර්ණ කිරීමක්‌ විය හැකිය. එසේ නොවනවාත් විය හැකිය. 'දිවයින' සමඟ ඒ හැටි ඇයි හොඳයියක්‌ නැති වුවද, මංගල සමරවීර යනු ඉතා සොඳුරු දේශපාලන පුෂ්පයකි. ඔහු කුරුඳු පොලු සමඟ පක්‍ෂ දේශපාලනය එකතු කළ මෙරට පළමුවන දේශපාලනඥයා ය. ඔහුගේ දේශපාලන ගමන් මගේ බැතිබර දායකත්වය චJද්‍රිකාගෙනි. කොළඹ නගරය සහ තදාසන්න ප්‍රදේශය ක්‍රමවත් බිමක්‌ බවට පත් කිරීමේ පළමු පියවර තබන්නේ මංගල ය. එසේම කටුනායක ගුවන් තොටුපළ මේ තිබෙන මට්‌ටමට නවීකරණය කර ජාත්‍යන්තර තලයකට ගෙනාවේ මංගලය. ඒ පිළිබඳ සියලු ගෞරවය ඔහුටය. එසේම මරණ දඬුවම දීමෙන් රටේ කුඩු නැති කරන්නට බැරිය යන මෝඩ කතාවේ අගෞරවය ද ඔහුටය. සමහර විට ඔහු එම කතාව කීවේ පහත අර්ථයෙන් විය හැකිය. එනම් ගෑනු හුටපටයකදී පිහියෙන් ඇන මිනිහකු මරණ එකා එල්ලීමෙන් රටේ කුඩු නැති කළ නොහැක. එසේම හොර අරක්‌කු හුටපටයකට මිනිසකුට වෙඩි තබන එකා එල්ලීමෙන් රටේ කුඩු නැති කළ නොහැක. හොර සල්ලි කේස්‌ එකකදී බෝම්බ ගසා මිනී මැරුමක්‌ කරන එකා එල්ලීමෙන් ද රටේ කුඩු නැති කළ නොහැක.
 
 හෙරොයින් බහුල ලතින් ඇමරිකානු රටවලත් (විශේෂයෙන් කොළොම්බියාව) පිලිපීනයේ කුඩු ජාවාරම කුඩේ කුඩු කරන ලද්දේ ''මරණය' නමැති ආයුධය පාවිච්චි කිරීමෙනි. එකී මරණ දණ්‌ඩනය ශ්‍රී ලංකාවේ පරිහරණය කෙරෙන දණ්‌ඩ නීති සංග්‍රහයේ 296 වන වගන්තිය යටතේ එන එල්ලා මැරීමේ දඬුවමට වඩා ඉතා කෲර, ඉතාම භයානක ඉතාම වේදනා සහගත මරණ දණ්‌ඩනයකි. විශේෂයෙන් ම පිලිපීනයේ කුඩුකාරයන්ට මරණ දඬුවම දෙන්නේ පිහියෙන් ඇනීම. කඩුවලින් කැපීම, පොලුවලින් ගසා අතපය - හිස කුඩු කිරීම වැනි ඉතාම නරක සහ නීච ක්‍රමවලිනි. මේ මරණ දණ්‌ඩනය ක්‍රියාත්මක කිරීමට රටේ යුද හමුදාව සහ පොලිසිය ද සාමාන්‍ය ජනතාව ද එකතු වෙති. මෙකී සාමාන්‍ය ජන කණ්‌ඩායම්වලට ඪසටසක්‌බඑ ඨරදමච යයි කියනු ලැබේ. විශේෂයෙන් මෙයට මාස කිහිපයකට පෙර පිලිපීනයේදී කුඩු වෙළෙඳුන්, කුඩු සැපයුම්කරුවන්, කුඩු ගසන්නන් යනාදී වශයෙන් 26,000 ක්‌ මරණ ලදී. සියලුම මරණ දණ්‌ඩන සිදු වූයේ මහපාරේදී, පිට්‌ටනිවලදී සහ හන්දි වලදී කඩු, පොලු, කිනිසි තුවක්‌කු ආධාරයෙන් ධබ ඔයෑ Sචදඑ ලෙසය. මංගල සමරවීර පිලිපීනයේ මුදල් සහ ජනමාධ්‍ය ඇමැති ලෙස කටයුතු කළේ නම් මේ වන විට සිටින්නේ ඇන්ටාක්‌ටිකාවේ සරණාගතයකු ලෙසය. මන්ද කුඩුකාරයන් මරණවාට වඩා විරුද්ධවන විට සාමාන්‍ය ජනයා ඊළඟට කඩු පොලු අරගෙන එන්නේ ඔහු පසුපසය.
 
 (තව කොටසක්‌ හෙට)

මරණ දණ්‌ඩනය ලංකා ඉතිහාසය තරම පරණය. මධ්‍යකාලීන යුගයේදී රජු ගැන විහිළුවක්‌ කළත් උල තබනු ලැබේ. රජ බිසවට ඇහැක්‌ ගහන්නට හිතූ බව ආරංචි වුණත් හිස ගසනු ලැබේ. හොරකම් කළොත් ඇතුන් ලවා පාගවනු ලැබේ. රජුට විරුද්ධව කටකතා පැතිරවුවොත් පුවක්‌ ගස්‌ දෙකක්‌ ළංකර ලණුවක්‌ ගැටගසා විත්තිකරුගේ දෙපා එහි බැඳ ලණුව කපා විත්තිකරු දෙකට ඉරී යන්නට සලස්‌වනු ලැබේ.

විදේශිකයන් විසින් මෙරට සාදන ලද පළමුවන බලකොටුව යාපනේ කොටුවය. 1505 දී අහම්බෙන් ශ්‍රී ලංකාව සොයාගත් පෘතුගීසී වෙළෙඳුන් ආපසු පෘතුගාලයට ගොස්‌ එරට ආණ්‌ඩුවට ඔත්තුව දී 1506 දී හමුදාවක්‌ සමඟ මෙහි පැමිණ මුහුදුබඩ අල්ලා ගත් බව කියනු ලැබේ. ඉන්පසු ඔවුහු යාපනයට ගියහ. එකල යාපනයේ සිටියේ පළමුවන සංකිලි හෙවත් සේකර සේකරම් නමැති ප්‍රාදේශීය පාලකයෙකි. පෘතුගීසින් දුටු සේකර සේකරම් උන් සමඟ මරාගන්නට ගිය බව කියනු ලැබේ. ඒ වෙලාවේ ගැටුමක්‌ හටගැනීම සුදුසු නැති බව කල්පනා කළ පෘතුගීසීහු සේකර සේකරම් සමඟÊසාම කතා පවත්වා ඔහු රවටා ගත්හ. ඉන්පසු යාපනයේ හින්දු ආගමික දෙමළ මිනිසුන් කතෝලික සමයට හරවන්නට පටන් ගත්හ. එවිට සේකර සේකරම් නැවත වරක්‌ පෘතුගීසීන් සමඟ මරාගන්නට සූදානම් විය. මිනිහා ලෙඩෙක්‌ බව වටහා ගත් පෘතුගීසි ආණ්‌ඩුව සංකිලි පරම්පරාව පලවා හැර එදිරිමාන්නසිංහම් නමැති දෙමළ පාලකයා පත්කර ගත්හ. 1618 වන විට පෘතුගීසීහු යාපනයේ බලකොටුව තනන්නට පටන් ගත් බව කියනු ලැබේ. අවුරුදු 10 කින් වැඩේ නිම වූ අතර 1658 වන විට ලන්දේසීහු ද, 1795 වන විට ඉංගී්‍රසීහු ද යාපනය කොටුවේ බලය අල්ලා ගත්හ. 1956 දී මේ බලකොටුව කොටි සංවිධානය අතට පත්විය. 1986 දී එය ශ්‍රී ලංකා යුද හමුදාව අතට පත්විය. හමුදාව බලකොටුව අල්ලන බව දැනගත් කොටි එය හැකි පමණින් බිමට සමතලා කළහ. මෙය වූ කලී යාපනයේ බලකොටුවේ ඉතිහාසය දැන ගැනීමට කිසිදු කෙනකුට වුවමනාවක්‌ ඇති කාලයක්‌ නොවේ. එහෙත් බලකොටුව ගැන අලුත් ප්‍රශ්නයක්‌ හට ගෙන ඇත. මේ මොහොතේදී යාපනය කොටුව කියන්නේ කුමක්‌ද යන්න පාඨකයා දැන ගත යුතුය. මොකද්ද මේ හටගෙන ඇති අලුත් ප්‍රශ්නය? යාපනේ කොටුවේ හමුදා කඳවුරක්‌ ඉදිකිsරීමට ආණ්‌ඩුව කටයුතු කරගෙන යනු ලැබේ. දෙමළ ජාතික සන්ධානය සහ උතුරු පළාත් සභාව මේ ඉදිකිරීමට විරුද්ධය. මෙතැන් සිට අපේ කතාව පටන් ගනිමුá
 
 ගමට පොලිසියක්‌ එනවාට විරුද්ධ කවුද? පොල් හොරු, හරක්‌ හොරු, හොරට කෙහෙල්කැන් කපන අය, කසිප්පු පෙරන අය ගමට පොලිසියක්‌ එනවාට විරුද්ධය. වලාන දූෂණ මර්දන ඒකකයට විරුද්ධ කවුද? කුඩුකාරයෝත්, කේරළ ගංජාකාරයෝත් එයට විරුද්ධ ය. ළමා හා කාන්තා කාර්යාංශයට විරුද්ධ කවුද? ළමා අපචාරකයෝත් ස්‌ත්‍රී දූෂකයෝත් එයට විරුද්ධ ය. ප්‍රදේශයට හමුදා කඳවුරක්‌ එනවාට විරුද්ධ කවුද? ත්‍රස්‌තවාදීහු ය. හොරට ගිනි අවි පරිහරණය කරන අය ය. එසේ නම් යාපනේ හමුදා කඳවුරට විරුද්ධ වන දෙමළ ජාතික සන්ධානය සහ උතුර පළාත් සභාවේ මන්ත්‍රී පිරිස ත්‍රස්‌තයෝද? කොටි සංවිධානයේ උරුමය ඉදිරියට ගෙන යන්නෝ ද?
 
 යාපනේ කොටුව තුළ යුද හමුදා කඳවුරක්‌ ඉදිකිරීමට ඉහත සඳහන් පිරිස විරුද්ධ වීම ඉතාම සැක කටයුතුය. මහජන ඡන්දයෙන් පත් වූ නීත්‍යනුකූල ආණ්‌ඩුවකට රටේ ඕනෑම තැනක හමුදා කඳවුරක්‌ තැනිය හැකි ය. රටේ ඕනෑම තැනක පොලිසියක්‌ ඉදිකිරීමට හැකි ය. මේ කාරණාවලට දෙමළ සන්ධානය විරුද්ධ වන්නේ නම් ඔවුන් සූදානම් වන්නේ යළි කොටි සංවිධානයට පණ දීමට බව අපේ හිත් කියයි. විජයකලා මන්ත්‍රීවරිය පසුගිය දිනවල කළ ප්‍රකාශවල සැබෑ රහස දැන් අපට පැහැදිලි ය.
 
 බලකොටුවක්‌ යනු යුද කේන්ද්‍රයකි. බලකොටුවක්‌ යනු විහාරස්‌ථානයක්‌ නොවේ. හෝටලයක්‌ හෝ පල්ලියක්‌ නොවේ. එය ඉදිරි යුද කටයුතු සඳහා නැවත නැවතත් යොදාගත හැකි ය. ත්‍රස්‌තවාදය යළි මතුවෙමින් පවත්නා මෙවැනි මොහොතක යාපනේ කොටුවේ හමුදා කඳවුර ඉදි කළ යුතුම ය. එයට විරෝධය පළ කරන පිරිසක්‌ වෙත්නම් රාජ්‍ය ආරක්‍ෂාවට බාධා කරන්නන් සේ සලකා අත්අඩංගුවට ගත යුතු ය. මෙය අප කියන්නේ ජාතිවාදී මෝඩ චූන් එකක්‌ ලෙස සලකා නොවේ. ඊළඟ ත්‍රස්‌ත නැගිටීම මැඬපවත්වනු පිණිස ය.
 

රටේ වගා කරන බෝගවලින් සියයට හතළිහක්‌ වන සතුන් විනාශ කරන බවත් මීට විසඳුමක්‌ ලබා නොදුනහොත් ජනතාවට කුසගින්නේ සිටීමට සිදුවනු ඇති බවත් ජනාධිපති මෛත්‍රිපාල සිරිසේන මහතා පවසයි. පසුගියදා මධ්‍යම පළාතේ දිළිඳුකම පිටුදැකීමේ ප්‍රගතිය සොයා බැලීමේ සමුළුවකට සහභාගි වෙමින් ජනාධිපතිවරයා මේ බව පවසා තිබිණි. ජනාධිපතිවරයා විසින් මතුකර තිබෙන්නේ ඉතා බරපතළ කාරණාවකි. ස්‌වභාවික ආපදාවලින් රටේ වගා භූමි සුසාන භූමි බවට පත්ව ඇති මොහොතක, රටේ ආහාර අවශ්‍යතාව ආනයන වෙළෙඳපොළ මත තීරණය වන යුගයක, රටේ වගාකරන බෝගවලින් 40% ක්‌ වන සතුන් ගිල දමයි නම් කොයි මොහොතක හෝ රටේ උග්‍ර ආහාර අර්බුදයක්‌ ඇතිවීම වැළැක්‌විය නොහැක. නමුත් මෙහි ඇති සැබෑ ගැටලුව වන්නේ මෙම වගා හානිය වැළැක්‌වීමට ආණ්‌ඩුව ගන්නා විසඳුම් කොතරම් ප්‍රායෝගික ද යන්නය.

sikuru


අද දිවයින

සිනමා කලා

tissa250

නවලිය

uda250

දියග

trump250

මීවිත

kanika250

More Articles