Divaina - Kathuwakiya

e5

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

ugc15september

කොහුබත් අපනයනය කරන බවට වන ව්‍යාජ ලේඛන රේගුවට ඉදිරිපත් කර, කලක පටන් මහා පරිමාණයෙන් කසළ තේ ඉරාකයට අපනයනය කරන ජාවාරමක් අල්ලා ගැනීමට රේගුවේ අවදානම් කළමනාකරණ ඒකකය සමත්වී ඇත.
 
 මේ ජාවාරමෙන් හෙළිවන තවත් වැදගත් ප‍්‍රවෘත්තියක් වන්නේ මෙසේ ඉරාකයට ගිය සියලූම කසළ තේ තොග ශ‍්‍රී ලංකාවේ උසස්ම තේ බවට මෙම තේ ඇසුරුම්වල සඳහන්ව තිබීමය. එනම්, මේ ජාවාරම්කරුවන් විසින් කෙළෙසා දමා ඇත්තේ ‘සිලෝන් ටී’ නොහොත් ශ‍්‍රී ලංකාවේ උසස් තේ නාමයය.
 
 ශ‍්‍රී ලංකාවේ තේ ගැනුම්කරුවන් අතර ඉරානය මෙන්ම ඉරාකය වැදගත් තේ ගැනුම්කරුවන් වන අතර, ඔවුන් දෙවැනි වන්නේ සුවිසල් තේ ගැනුම්කරු වන රුසියාවට පමණි. එක් අතකින් මෙවන් ස්ථිර තේ ගැනුම්කරුවකු සඳහා සිදුකරන වංචාව ශ‍්‍රී ලංකාවට අනාගතයේදී නරක ප‍්‍රතිපල උදාකරදෙනු ඇත. එය හරියට යහපාලන රජය සමයේදී රිෂාඞ් බදුර්දීන් ඇමැතිවරයා (හා එම ආණ්ඩුව) විසින් ශ‍්‍රී ලංකාවේ උසස් ගම්මිරිස් බවට හඟවා වියට්නාමයෙන් බාල ගම්මිරිස් කෙලින්ම ඉන්දියාවට පටවා ශ‍්‍රී ලංකාව ඇනගත් ඇනගැනිල්ලට සමාන වන්නකි.
 
 එනම්, ඉන්දියාව හා ශ‍්‍රී ලංකාව අතර ඇතිකරගත් වෙළෙඳ ගිවිසුම  (Sri Lanka-India Trade Agreement) පරිදි ශ‍්‍රී ලංකාවේ උසස්, ගුණාත්මක ගම්මිරිස් ඉන්දියාවට අපනයනය කිරීමට අපට අවස්ථාව උදාවිය. එනමුත්, එහි බොරදියේ මාළු බාන්නට තීන්දු කළ හිටපු වෙළෙඳ ඇමැති තම හිතවතුන්ට වියට්නාමයෙන් බාල ගම්මිරිස් තොග පිටින් ඉන්දියාවට පටවන්නට අවස්ථාව ලබා දුන්නේය. අවසානයේ එයින් නරක ප‍්‍රතිපල රැුසක් අපට ඉතිරි විය. එකක්, ඉන්දියාව අපේ ගම්මිරිස් ප‍්‍රතික්ෂේප කිරීමය. අනෙක දේශීය ගම්මිරිස් මිල පහත වැටී අපේ ගම්මිරිස් ගොවියා දිවි නසාගන්නා තැනට පත්වීමය. මේ හේතුවෙන් අපට තවමත් ගම්මිරිස්වලින් විදේශ ආදායමක් නොලැබෙන තරම්ය.
 
 සුද්දාගේ කාලයේ පටන් නමක් දිනාගෙන සිටි සිලෝන් ටී නාමයටත් දැන් සිදුවී තිබෙන්නේ ඒ ටිකමය. කසළ තේ ගැටලූව සෑහෙන කලක පටන් ඔඩු දුවන තුවාලයකි. සෑම තේ කම්හලකම කසළ තේ නිෂ්පාදනය වන අතර, එම කසළ තේ අදාළ කම්හල් ඉඩමේ හෝ තේ වගාව තුළ විනාශ කිරීම (Denature) තේ පනතේ දක්වා ඇති නීතියකි. තේ මණ්ඩලයේ තේ පරීක්ෂකවරයා පැමිණ මෙම කසළ තේ තොග විනාශ කිරීමට අනුමැතිය ලබාදීම සාමාන්‍ය නීතියකි. අවසානයේ කසළ තේ (තේ නිෂ්පාදනයේදී ඉවත් කෙරෙන තේ රොඩු) වගාවේ කොම්පෝස්ට් බවට පත් කෙරේ. නමුත් එය පොතට පමණක් සීමා වූ නීතියකි. සෑම තේ කම්හලකම කසළ තේ අද කළු කඩයේ විකිණේ. කසළ තේ ජාවාරම්කරුවන් අතරට යන අතර ඊට දර දිය අදින්නේ තේ මණ්ඩලය බව රහසක් නොවේ. තේ මණ්ඩලය තම වගකීම හරිහැටි ඉටුනොකර කසළ තේ ජාවාරම්කරුවන්ගේ තුරුලේ නැළවෙන තවත් නාකොටික් පිරිසක් බවට පත්වී සිටින බව කියන්නේ අප නොව තේ කර්මාන්තයේ යෙදී සිටින අවංක තේ කර්මාන්තකරුවන්මය.
 
 අද මෙසේ නිමි කළු තේ බවට පත්වී හොර රහසේ රට රටවලට යන්නේ මෙම කසළ තේ තොගය. මෙම කසළ තේ, කළු තේ (Black Tea) බවට පත්වන්නේ නිකම්ම නොවේ. ඒ සඳහා ඩයි වර්ග, නොයෙක් රසායන වර්ග, අළුහුණු, පොටෑසියම් පර්මැන්ගනේට් වැනි ද්‍රව්‍ය එකතුකරනු ලැබේ. සිලෝන් ටී ලෙස අපනයනය වන්නේ මෙවන් කසළ තේ ය.
 
 වාර්තා වන පරිදි මෙසේ ව්‍යාජ තොරතුරු ඉදිරිපත් කර කසළ තේ අපනයන කරද්දී කොටුකරගෙන ඇත්තේ ප‍්‍රධාන පෙළේ තේ ව්‍යාපාරිකයින් දෙදෙනෙකි. එක් අයකු දැනටමත් අත්අඩංගුවට ගෙන ඇත. මොවුන් දෙදෙනා 2017 සිට 2019 නොවැම්බරය දක්වා ව්‍යාජ තේ කිලෝ ලක්ෂ 45 ක් අඩංගු කන්ටේනර් 250 ක් ඉරාකයට යවා තිබේ. මෙම ජාවාරම්කරුවන්ට ජනාධිපති නීතිවේදීන් පිරිසකගේ රැුකවරණය ලැබෙන බවද රේගු ආරංචි මාර්ග පවසයි.
 
 මෙසේ කසළ තේ තොගපිටින් රැස්කරන ස්ථාන, ප‍්‍රවාහනය කරන අවස්ථාවලදී මෙන්ම අපනයනය කරන මෙවන් අවස්ථාවලදීද අත්අඩංගුවට ගැනීම් වාර්තා වුවත්, ඒ සියලූ තේ තොග අවසානයේ විනාශකිරීම (Denature) සඳහා භාරවන්නේ ද තේ මණ්ඩලය වෙතය.
 
 එනම්, ඒ සියලූ තේ තොගද, කර්මාන්තශාලාවල කසළ තේ තොගද තේ මණ්ඩලයේ තේ පරීක්ෂකවරුන් යටතේ විනාශ කළ යුතු වුවත්, ඒ තේ තොගවලින් බහුතරය, හෙරොයින් ඇතුළු කුඩු තොග නාකොටික් විසින් ගිලගන්නා පරිදිම තේ මණ්ඩලයේ ‘තේ කොටින්’ විසින් අතරමගදී යළිත් කසළ මාෆියාවටම විකුණා දමන බවට කරුණු කාරණා කියැවේ.
 
 එසේ හෙයින් ශී‍්‍ර ලංකාවේ කසළ තේ මාෆියාව නවතා දමා ‘සිලෝන් ටී’ නාමය පිරිසිදු කරන්නට නම් නාකොටික්ට තැබූ අත තේ මණ්ඩලයට ද වහා තැබිය යුතුව ඇත.

who135කන්දකාඩු පොකුර තවමත් පවතින්නේ ඉතා සක‍්‍රීය මට්ටමේය. එම නිසා රටේ කොරෝනා මර්දන ක‍්‍රියාවලිය ඉතා සීරුවෙන් ඉදිරිය ගෙන යෑමට ආණ්ඩුව වග බලා ගත යුතුය. ඒ වගේම දිනකට කරන කොරෝනා පරීක්ෂණ ප‍්‍රමාණය ඉහළ දැමීම අනිවාර්යෙන්ම සිදු කළ යුතුය. මේ වන විට සෞඛ්‍ය අමාත්‍යාංශය සිදු කර ඇති මුළු පී.සී.ආර්. පරීක්ෂණ ගණන එක්ලක්ෂ පනස් දහස ඉක්මවා ගියේ පෙරේදාය (27*. එම පරීක්ෂණ ප‍්‍රමාණය, දින ගණනින් බෙදූ විට අප දෛනිකව සිදු කර ඇත්තේ පී.සී.ආර්. පරීක්ෂණ 1200ක් පමණි.

ශ‍්‍රී ලංකාවේ පෙරහැර සමය ලෙස සැලකෙන්නේ ඇසළ සමයයි. ජූලි, අගෝස්තු මාස ඊට අයත්ය. මහනුවර ඇසළ පෙරහැර ලෝකයේ පැරණිම උත්සවයක් ලෙස පිළිගැනේ. ඇසළ පෙරහැර වැස්ස අනුකරණය කරයි. වැස්ස ලබාගැනීමට නම්, වැස්ස අනුකරණය කළ යුතු යැයි  පැරැණියෝ සිතූහ. වහින්නට පෙර හෙණ ගැසීම්, විදුලිය කෙටීම් වැනි වලාකුළු ආදිය මේ මහනුවර පෙරහැරේ දක්නට ලැබේ. ඇසළ පෙරහැර අවසන් වන්නේ වැසි පොද වැටෙන පරිදි දිය කැපීමේ මංගල්‍යයකිනි. ඇසළ පෙරහැරේ අලංකාරවත් රාත‍්‍රිය විඳ ගැනීමට මෙවර රටවැසියන්ට නොහැකිව ඇත්තේ නව කොරෝනා වසංගතය නිසාය. එය මහනුවරට පමණක් නොව දිවයිනේ සියලූම පෙරහැරට අදාළය. නමුත් රටක් ලෙස කවර අර්බුද ඇතිවුවද මේ අතීත උරුමය නොකඩවා පවත්වාගෙන යෑම වැදගත්ය. එය කිසිවිටක අත්හල යුතු නැත. රටට සෞභාග්‍යය උදාවෙන සේ වර්ෂාවත්, ශ‍්‍රී දළදා වහන්සේගේ ආශිර්වාදයත් ලබා දෙන ලෙස වසරක් පාසා සිදු කෙරෙන මහනුවර ඇසළ පෙරහැර මංගල්‍යය සිංහල බෞද්ධයන් මෙන්ම සමස්ත රට වැසියාම උතුම් කොට සලකන බව අමුතුවෙන් කිවයුතු නොවේ. මේ උතුම් පෙරහැරට සහරාන් හෂීම්ගේ ත‍්‍රස්ත නඩය පහරදීමට සැලසුම් කළ අයුරුද දැන් එලිවෙමින් පවතී. නමුත් ඒවා උතුම් දළදා හිමිගේ ආනුභාවයෙන්ම වැළකිණි. ඇත්තෙන්ම ඇසළ පෙරහැර මංගල්‍යය සුවිශේෂී පූජෝපහාර මංගල්‍යයකි. මෙම පූජා මංගල්‍යය හුදු විනෝදය සලසාදීමේ අටියෙන් පවත්වන්නක් නොවේ. මහනුවර ඇසළ පෙරහැර පවත්වනුයේ, රටට සෙත් ශාන්තිය හා රැුකවරණය සලසාලන දළදා වහන්සේගේ ගුණ මහිමයට පූජෝපහාරය දක්වා, කලට වැසි ලැබ රටේ සමෘද්ධිය හා සෞභාග්‍යය සලසාගනු පිණිසත්, බෞද්ධ සංස්කෘතියේ අනන්‍යතාව හා ශ‍්‍රී විභූතිය ලොවට ප‍්‍රදර්ශනය කිරීමත් වෙනුවෙනි. දෙවියන් උදෙසා පැවැත්වෙමින් තිබූ දේව පෙරහැර සමග දළදා පෙරහැර සම්බන්ධ කරනු ලැබූයේ කීර්ති ශ‍්‍රී රාජසිංහ රජුය. ඒ දහඅට වැනි සියවසදී ය. පෞඪ ඉතිහාසයේ අභීතවත් හෙළ සිරිත් විරිත් චාරිත‍්‍ර වාරිත‍්‍ර ආර්ථික සමාජයීය සංස්කෘතිය ආගමික සහජීවනය ආදී සියලූ සාධක පිළිබිඹු වන ඇසළ පෙරහැර මංගල්‍යය අද වන විට ජාත්‍යන්තරයේ පැසසුමට ලක්ව තිබීම ජාතික ආගමික පිබිදීමක් වැන්න. එනිසාම වසංගත බිය දුරු කරන්නට මේ පෙරහැර පැවැත්වීම අනිවාර්යයෙන් සිදුවිය යුත්තකි. මහ පොළොවේ ඇති සංස්කෘතික උරුමය නොපෙනෙන වෛරසයකට යටපත්වීමට ඉඩ දිය යුතු නැත. අනුරාධපුර යුගයේ පටන් පැවැති දළදා පෙරහැර වරින්වර ඇතිවූ ආක‍්‍රමණවලදී උත්කර්ෂවත් අන්දමින් පවත්වන්නට නොහැකි වුවත්, අනෙකුත් සමයන්හිදී දළදා වහන්සේ උදෙසා දර්ශනීය මාලිගා කරවා පොළොන්නරු, දඹදෙණි, කුරුණෑගල, යාපහුව ආදී යුගවල සිටි රජවරුන් හා භික්ෂූන් වහන්සේ අඛණ්ඩව දළදා පෙරහැර පවත්වා ඇති බව මූලාශ‍්‍ර ග‍්‍රන්ථයන්හි සඳහන් වේ. එනිසාම මේ උරුමය රැුකීම සියලූ දෙනාගේ වගකීමකි. මේ වසරේදී ලක්වැසියනට රූපවාහිනිය ඔස්සේ දළදා පෙරහැර සජීවීව නරඹා සිත් පහන් කරගත හැකිය. කොරෝනා වසංගතය නිසා වෙසඟ සමරන්නටද නොහැකි විය. පොසොන් සමයේ මිහින්තලා වන්දනාවද කරගත නොහැකි විය. එම නිසා දළදා පෙරහැර අසිරියද නිවසේ සිට විඳ ගැනීම නිරෝධායන නීති කඩ කිරීමක්ද නොවේ. ඒ ගැන කම්පා විය යුතු නැත.

buwaneka135නගරාධිපතිවරයාට එරෙහිව නීතිය ක‍්‍රියාත්මක කරන ලෙස මුලින්ම හඬ අවදි කරනු ලැබුවේ පුරාවිද්‍යා දෙපාර්තමේන්තුව නොව, ආණ්ඩු පක්ෂයේ ප‍්‍රබල දේශපාලන මතධාරියකු වන විමල් වීරවංශ මහතාය. විනාශය සොයා බැලීමට ආණ්ඩුව කමිටුවක් පත් කරනු ලබන්නේ ඉන් පසුවය රටේ ජාතික උරුමය ගැන සහ පෞරාණික ගොඩනැගිලි කළමනාකරණය ගැන මනා දැනුමක් ඇති ජනාධිපති ගෝඨාභය රාජපක්ෂ මහතා මෙම පුරාවිiා විනාශය පිළිබඳව ඉතා සංවේදීව කටයුතු කරනු බව ජනතාවගේ විශ්වාසයය.

දරුවන් අපචාරයට ලක්කර එම දරුවන් යොදාගෙන අසභ්‍ය වීඩියෝ හැදූ කාලකණ්ණි ටියුෂන්කාරයෙක් මේ වනවිට සිටිනුයේ රිමාන්ඞ් භාරයේය.
 
 රූපවාහිනී නාළිකාවල රියැලිටි වැඩසටහන් පසුතල නිර්මාණකරුවකු මෙන්ම ඉංග‍්‍රීසි උගන්වන ටියුෂන්කාරයෙකු ලෙස මොහු කටයුතු කර ඇත. වයස අවුරුදු 10 - 12 පිරිමි දරුවන් දිගු කාලයක් තිස්සේ මොහු විසින් අපයෝජනයට ලක්කර ඇති බව පරීක්‍ෂණවලදී හෙළි වී ඇත.
 
 මෙම කාලකණ්ණි ටියුෂන්කාරයා ළඟ තිබී සී ඞී තැටි 135 ක්, පෙන්ඩ‍්‍රයිව්, හාර්ඞ් ඩිස්ක්, මෙමරි කාඞ්, කැමරා, ජංගම දුරකථන ඇතුළු උපකරණ රැුසක් පොලිසියට භාරගත් බව ද වාර්තා වෙයි.
 
 මෙම ටියුෂන්කාරයාගේ ක‍්‍රියා කලාපය දෙස බැලීමේදී පෙනී යන්නේ දෙමාපියන්ට තමන්ගේ දරුවන් මෙවැනි විකෘති කාමාතුරයන්ගෙන් බේරාගැනීම සඳහා සුවිශේෂී වගකීමක් ඇති බවයි.
 
 විශේෂයෙන් මෙම ටියුෂන්කාරයා රියැලිටි වැඩසටහන්වලදී දරුවන්ට සමීප වී සමහරක් දරුවන් ඔහුගේ පන්නිපිටියේ පිහිටි නිවසට ගෙනැවිත් අපචාරයට ලක්කර ඇත. ඇතැම් දරුවන් අපයෝජනයට ලක් වී ඇත්තේ එම දරුවන්ගේ නිවෙස් තුළදීම බව ද අනාවරණය වී ඇත.
 
 අප සමාජයේ ගැහැනු දරුවන්ට සාපේක්‍ෂව පිරිමි දරුවන්ට රැකවරණයක් ඇතැයි මිථ්‍යා මතයක් තිබේ. මෙම සිද්ධිය සැලකීමේදී මෙම ටියුෂන්කාරයා තම අපචාර ක‍්‍රියාවලිය දිගින් දිගටම කරගෙන ගොස් ඇත්තේ ඊට මුවා වී බව පැහැදිලිය. තමන්ට ගැහැනු දරුවන් සිටිය ද පිරිමි දරුවන් සිටිය ද ඒ සියලූ දරුවන්ගේ සුරක්‍ෂිතතාව වෙනුවෙන් දෙමාපියන් උකුසු ඇස යොමාගෙන සිටිය යුතුය. ඒ තරමටම අප සමාජය දූෂිත වී ඇත. විකෘති කාමාතුරයන්ගේ කෙළිබිමක් බවට මෙම ධර්මද්වීපය පත්ව ඇත.
 
 තමන්ගේ දරුවන් ගැන කවුරුන් හෝ වැඩි සැලකිල්ලක් දක්වන්නේ නම් අනවශ්‍ය ලෙස සමීප වන්නේ නම් එය හඳුනාගැනීමට දෙමාපියන්ට හැකියාවක් තිබිය යුතුය. විශේෂයෙන් අනවශ්‍ය තෑගිබෝග ලබාදෙමින් දරුවන්ගේ අවධානය දිනා ගැනීමට කවුරුන් හෝ පෙළඹෙන්නේ නම් එතැන යම් ව්‍යසනයක් තිබිය හැකි යැයි දෙමාපියන්ට අවබෝධ විය යුතුය. ”අනේ...හොඳ සර්”,
 
 ”අනේ...එයා හොඳ මහත්මයා”. අපේ දරුවන්ට පණ වගේ ආදරේ යැයි කියා ඕනෑවට වඩා අන් අය ගැන සහතික දෙන දෙමාපියන් අපි අනන්තවත් දැක ඇත්තෙමු. එතරම් බොළඳ නොවන්නැයි අපි දෙමාපියන්ගෙන්
 
 ආයාචනා කිරීමට කැමැත්තෙමු. දරුවන් රටකට සම්පතකි. ආයෝජනයකි. දරුවන් යනු රටේ අනාගතය බව අප කවුරුත් අවබෝධ කරගත යුතුය. රටක අනාගතය භාර ගැනීමට සිටින දරුවන් අපයෝජනයට ලක් කිරීම සහගහන අපරාධයකි. අපචාරයට ලක්වූ දරුවකු සමාජගත වනුයේ විකෘති අද්දැකීමක් සමගිනි. එනිසා යහපත් නිරෝගී මනසක් සහිත දරුවකු සමාජගත කිරීම අප කාගේත් වගකීමක් බව අවබෝධ කරගත යුතුය.
 
 අප ඉහතින් සඳහන් කළ ටියුෂන්කාරයා පමණක් නොව අප සමාජයේ බොහෝ පිරිස් අතින් දරුවන් අපයෝජනය වන බව රහසක් නොවේ. දරුවන් අපයෝජනයට ලක්වන බව දිනපතා වාර්තා වන තරමට ළමා අපයෝජන ඉහළ ගොස් ඇත. ඇතැම් විට දරුවන් අපයෝජනයට ලක්වන්නේ තම ළඟම ඥාතීන් අතින් වීම ද ඛේදවාචකයකි. මව ගෘහ සේවය සඳහා විදෙස්ගත වූ විට තම ලෙයින් උපන් දියණිය අඹුකමට ගන්නා කාලකණ්ණි පියවරු සිටිනුයේ ද අප රටේ බව රහසක් නොවේ. එනිසා සමස්ත සමාජයම දරුවන්ගේ සුරක්‍ෂිතතාව වෙනුවෙන් ඉදිරියට ආ යුතුව ඇත. අවුරුද්දකට වාරයක් ලෝක ළමා දිනය සැමරීමෙන් පමණක් දරුවන් සුරක්‍ෂිත වනු ඇතැයි අපේක්‍ෂා කළ නොහැක. ලෝක ළමා දිනයේදී දරුවන්ගේ අයිතිය වෙනුවෙන් හඬ නඟන බොහෝ සංවිධාන ඉතිරි දවස් තුන්සිය හැටහතරේම සිටිනුයේ නිදාගෙනදැයි සාධාරණ සැකයක් අපට මතුවේ. රාජ්‍ය යාන්ත‍්‍රණය, රාජ්‍ය ආයතන, සැබෑ ස්වෙච්ඡුා ආයතන, පූජ්‍ය පක්‍ෂය හා අන් සියලූ ආගමික නායකයන් මෙන්ම දෙමාපියන් ද එකතු කරගෙන පුළුල් කථිකාවක් දරුවන්ගේ සුරක්‍ෂිතතාව වෙනුවෙන් ගොඩනැඟිය යුතුය. එම කථිකාව ප‍්‍රායෝගික යථාර්ථයක් බවට පත්කර ගතහොත් හෙට දවසේ අපේ දරු පරපුරට යහපත් අනාගතයක් උදාවෙනු ඇත.
 
 (සැ. යු. අප මෙහි ටියුෂන්කාරයා ලෙස අදාළ චරිතය හැඳින්වූයේ ඔහු ගුරුවරයකු ලෙස නම් කිරීම ද ගුරු වෘත්තියට වන නිගාවක් නිසාවෙනි.)
 

kandos18

අද දිවයින

සිනමා කලා

niluks250

නවලිය

himaya250

දියග

sunils250

මීවිත

absekas250

More Articles