Divaina - Kathuwakiya

top banner

 

div

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

D Divaina 90x340px

 නිරෝධායනය ප‍්‍රතික්‍ෂෙප කරන කොරෝනා වෛරසය ආසාදිතයන්ට සිර දඬුවම් හෝ ස්ටර්ලීන් පවුම් 1000 ක දඩ මුදලක් නියම කිරීමට බි‍්‍රතාන්‍ය රජය තීරණය කර තිබේ. බි‍්‍රතාන්‍ය රජය මෙම පියවර ගෙන ඇත්තේ කොරෝනා ආසාධිත රෝගය පැතිරීම වැළැක්වීම පිණිසය.
 
 ශී‍්‍ර ලංකාවේ ඊයේ වනවිට කොරෝනා ආසාධිත රෝගීන්ගේ සංඛ්‍යාව විස්ස ඉක්මවීය. මෙම වෛරසය ව්‍යාප්ත වීම වළක්වා ගැනීම සඳහා විවිධ පිියවර ගනිමින් සිටී. කොරෝනා රෝගය ව්‍යාප්ත වීම වැළැක්වීම සඳහා අලූත් කි‍්‍රයාමාර්ග ගැනීමට රජය විසින් විශේෂ චක‍්‍රලේඛයක් ද නිකුත් කර තිබේ. කෙසේ වෙතත් මේ වනවිට කොරෝනා රෝගීන් බව තහවුරු කරගත් අයට අමතරව තවත් සැකකටයුතු සියයකට වැඩි පිරිසක් රෝහල්වල ප‍්‍රතිකාර ලබන බවද වාර්තා වෙයි.
 
 මෙම තත්ත්වය අපට සැහැල්ලූවෙන් සැලකිය නොහැකිය. ඊට හේතුවී ඇත්තේ කොරෝනා වෛරසයට ඉතා ඉක්මනින් ගොදුරුවීමේ අවදානම වැඩි නිසාවෙනි.
 
 අප දිගින් දිගටම පෙන්වා දුන් අයුරින් මේ මොහොතේ අප රටේ සියලූ පාර්ශ්ව වගකීමෙන් හා අවබෝධයෙන් කටයුතු කළ යුතුව ඇත. මෙම රෝගය මැඬ පැවැත්වීම සඳහා රජය, හමුදාව සහ සෞඛ්‍ය අංශ ගන්නා පියවරවලට අප අපේ උපරිම සහයෝගය ලබා දිය යුතුව ඇත. එසේ නොමැතිව කාට හෝ හිතු හිතූ අයුරින් හැසිරීමට මේ මොහොතේ ඉඩක් නොමැත.
 
 පසුගිය කාලයේදී වේගයෙන් ජනපි‍්‍රය වූ සන්නිවේදන මෙවලමක් වූයේ සමාජ මාධ්‍යයන්ය. ඉතාමත් කෙටි කාලයක් ඇතුළත පණිවිඩයක් ග‍්‍රාහකයා වෙත ගෙන යෑමේ හැකියාවක් තිබීම නිසාම මෙම මාධ්‍යයට සුවිශේෂී ඉල්ලූමක් ඇති විය. ස්මාර්ට් ෆෝන් එකක් අතේ ඇති අයකුට ඉතා ඉක්මනින් අන්තර්ජාලය සමග සම්බන්ධ වීමේ ඇති හැකියාව නිසා සමාජ මාධ්‍ය ජාලා වෙත නැඹුරුවීමේ ප‍්‍රවණතාව අප රටේ වැඩිවෙමින් පවතී.
 
 සමාජ මාධ්‍යවල සන්නිවේදන කි‍්‍රයාවලිය ඉක්මන් වුවද ඊට නිශ්චිත කර්තෘ කෙනෙක් නොමැත. ඒ නිසාම සමාජ මාධ්‍ය ඔස්සේ සිය ග‍්‍රාහකයන් අමතන ඇත්තන්ගේ කි‍්‍රයා කලාපය හා චින්තනය අනුව සමාජයට වන බලපෑම තීරණය කරනු ඇත.
 
 අප රටක් වශයෙන් ගත්තද අපටත් ආවේණික වූ සංස්කෘතියක් තිබේ. ඊට සමගාමීව දියුණු වූ ආගන්තුක සත්කාරයට හා සබැඳි මනුෂ්‍යත්වයටද ඉහළ තැනක් අප සමාජයේ වෙන්ව ඇත. විශේෂයෙන් විපතකදී අප අනෙකා තනි නොකරන ජාතියකි. ඒ නිසාම මේ මොහොතේදී අප රටේ සන්නිවේදන කි‍්‍රයාවලියට දායක වී සිටි සෑමදෙනාගේ යුතුකම හා වගකීම විය යුත්තේ රට මුහුණපා සිටින බැ?රුම්කම තේරුම් ගෙන ඊට අනුකූලව හැසිරීමය. සමාජ මාධ්‍යයට ද මෙම තත්ත්වය පොදුය. එහෙත් ඇතැම් සමාජ මාධ්‍ය කි‍්‍රයාකාරීන් මේ මොහොතේ කි‍්‍රයාකරනුයේ ඉතාමත් පවිටු අන්දමිනි. මේ වනවිටත් කොරෝනා වෛරසය පිළිිබඳව අසත්‍ය තොරතුරු ප‍්‍රචාරය කළ දෙදෙනකු අත්අඩංගුවට ගෙන ඇත. ඉන් එක් අයෙක් ති‍්‍රරෝද රථ රියැදුරෙකි. අනෙක් පුද්ගලා සැලොන් එකක වැඩ කරන අයෙකි. කොරෝනා රෝගය පිළිබඳව සමාජ මාධ්‍ය ඔස්සේ වැරැුදි තොරතුරු ප‍්‍රචාරය කළ තවත් හතළිස් දෙනකු ගැන පොලිස් පරීක්‍ෂණ අරඹා තිබේ. පටු දේශපාලන හෝ වෙනත් අපේක්‍ෂා පෙරදැරි කරගෙන විපත පවා මාර්කට් කිරීමට සැරසෙන මෙම සත්තු අල්ලා බැඳිය යුතුමය. සමහර විට ඔවුන් ගෙන යන ප‍්‍රචාර කොරෝනා වෛරසයටත් වඩා දරුණු වීමට පුළුවන. ඒනිසා මෙම පුද්ගලයන්ට නීතිය ඉහළින්ම කි‍්‍රයාත්මක කළ යුතුව ඇත.
 
 මෙම විපතින් ගැලවීමට රටේ පුරවැසියන් ද සිය යුතුකම් හා වගකීම් හොඳින් අවබෝධ කරගෙන කටයුතු කළ යුතුව ඇත. විශේෂයෙන් කොරෝනා රෝගයට ගොදුරු වූ රටවල්වලින් මෙරට පැමිණි නිරෝධායනයට ලක් නොවී කවුරු හෝ සිටින්නේ නම් වහාම සෞඛ්‍ය අංශ වෙත ස්වෙච්ඡුාවෙන් ම භාරවීම ඔවුන්ට රට වෙනුවෙන් කළ හැකි ලොකුම උපකාරයක් වනු ඇත. දකුණු කොරියාවේ සිට පැමිණ සිය නිවෙස් කරා ගොස් සිටි සිව්දෙනකු පසුගිය
 
 15 වැනිදා රත්නපුර රෝහල වෙත ගොස් භාරවී තිබිණි. ඔවුන් ආදර්ශයට ගෙන අන් අය ද කි‍්‍රයා කරන්නේ නම් කොරෝනා විපතින් රට මුදා ගැනීමේ මෙහෙයුමක නිරතව සිටින පාර්ශ්වයන්ට එය තවදුරටත් පහසුවක් වනු ඇත. අනෙක් අතට තම නිවෙස්වල අවදානම් ජීවිතයක් ගත කරමින් තම පවුලේ ආදරණීයන්ද විපතට නොහෙළා කටයුතු කිරීමේ වගකීමක් මේ උදවියට ඇත. බුද්ධිමත්ව, අවබෝධයෙන්, විමසිල්ලෙන් හා වගකීමෙන් මේ මොහොතේ කටයුතු කරන්නැයි අප අදාළ පාර්ශ්වයන්ගෙන් ඉල්ලා සිටිමු. 

අතීතයේ සිරිසඟබෝ රජ දවස රක්තාක්ෂි නම් රකුසෙකු නිසා පැතිර ගිය උණ රෝගයක් ගැන මහාවංශයේ සඳහන් වෙයි. ඇස් තද රතු පැහැ ගැන්වෙන බලවත් උණක් හටගත් බවත්, එසේ රෝගී වූවෙකුගේ ඇස් දෙස බැලූ විට අනෙකාට රෝගය හට ගත් බවත් එහි දැක්වෙයි. මේ රෝගයට ජනයා බිලිවෙද්දී සිරිසඟබෝ රජු විසින් අධිෂ්ඨාන පූර්වකව සිදු කළ සත්‍යක‍්‍රියාවක් නිසා රටෙහි රෝ බිය තුරන් කරන්නට හැකිවූ බව සඳහන් වෙයි. අද නම් රකුසන් ගැන අසන්නට නැත. නමුත් කොරෝනා නමින් ජනයා භීතියට පත් කරන වෛරස් රකුසෙකුට නම් ලෝකයම භීතියට පත්ව ඇත. ඇමරිකානු ජනපති ඩොනල්ඞ් ට‍්‍රම්ප් පවා විශේෂ පරීක්ෂාවකට ලක්ව ඇත්තේ කොරෝනා ආසාදනය වී ඇත්ද නැද්ද යන්න සහතික කරගැනීමටය. ලොව බලවත්ම නායකයා වුවත් ලොව සුපිරිම හමුදාවට අණදෙන සේනාධිනායකයා වුවත් වෛරසයෙන් ගැලවීමට පහසු නැත. කොළරාව, පාචනය, මැලේරියාව, සාර්ස්, මර්ස්, එබෝලා ආදී නම්වලින් හඳුන්වන ලද නොයෙක් වසංගත රෝග නිසා ලෝකයේ කලින් කල විශාල වශයෙන් ජීවිත හානි සිදු වූ අතර වසර සියයකට පසුව යළිත් ලෝකයම මහා වසංගතයකට මුහුණ දී ඇත. ලංකාවෙන්ද මේ වන විට ආසාදිතයන් එකොළහක් හමුව තිබේ. ඉතාලියේ සිට පැමිණ නිරෝධායනය එපා යැයි කියමින් චන්ඩි පාට් දැමූ දෙදෙනකුටත් රෝගය වැළඳී ඇති බව හෙළිව තිබේ. පැනඩෝල් බී රෝග ලක්ෂණ යටපත් කරගෙන පැමිණි මොවුන් හමුදාවටත් චන්ඩි පාට් දමා මුහුණු පොතෙහිද සජීවී නාටක පෙන්වූවද දැන් නිහඬය. හමුදාව ප්ලාස්ටික් බෝතල් කපා කෝපි දුන් බව මුහුණු පොතෙහි පෝස්ට් දැමූ ද්‍රෝහීන්ද දැන් මීක් නැත. මොවුන් සියල්ල ලංකාව අනතුරේ හෙළන්නට උත්සාහ දරන්නෝ වෙති. රට විරුවන් මෙන්ම රට විරු නමින් පෙනී සිටින ද්‍රෝහීන්ද හඳුනාගත යුතුය. පොලිස් මූලස්ථානය නිවේදනය කරන්නේ කොරෝනා වෛරසය වැළඳී ඇති බව වසන් කරමින් සිටී නම් එවැනි පුද්ගලයන්ට මාස 6 ක සිර දඬුවම් නියම කරන බවයි. එනිසාම ගුවන්තොටුපළේ කළහකාරී ලෙස හැසිරුණු පුද්ගලයන්ට මෙන්ම විශේෂයෙන්ම මරහඬ තැලූ ඉතාලියෙන් පැමිණි කාන්තාවන්ටද පමාවී හෝ නීතිය ක‍්‍රියාත්මක වීම වැදගත්ය. සමහරු තමන්ට තීරුබදු රහිත භාණ්ඩ මිලදී ගැනීමේ කලාපයට යෑමට ඉඩදෙන ලෙස ඉල්ලමින්ද කළහ කර ඇත. මොවුන් හැසිරී ඇත්තේ මුග්ධ පිරිසක් ලෙස බව පැහැදිලිය. ඒ මුග්ධ බව නිසාම තවත් කොපමණ පිරිසක් අපහසුවට පත්ව ඇත්ද? ඇත්තෙන්ම මාර්තු මස පළමු වැනිදා සිට 9 වැනිදා දක්වා ඉතාලියේ සිට මෙරටට පැමිණ නිරෝධායනය නොවූ ශ‍්‍රී ලාංකිකයන් හඳුනාගෙන ඔවුන්ද නිරෝධායනයට ලක් කිරීම ආරම්භ කරන බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා ඊයේ දිනයේ ප‍්‍රකාශ කර සිටියේය. මෙය සැබවින්ම පැසසිය යුතුය. රට පුරා හඳුනාගත් රෝගීන්ගේ බහුතරය ඉතාලියෙන් පැමිණ ඇති නිසා සැඟවී සිටින පුද්ගලයන් පවා නිවෙස් වලින් එළියට ගෙන නිරෝධායනය කළ යුතුය. ඒ රටේ සමස්තයේම යහපත පිණිසය. මේ අර්බුදකාරී මොහොතේ සියලූ රට වැසියන් සෞඛ්‍ය අංශවලට හා හමුදාවට පූර්ණ සහාය ලබාදී මේ වසංගතයෙන් ගැලවීමට එක්ව ක‍්‍රියා කළ යුතුය. 

corona1357ශ‍්‍රී ලංකාවද මෙම ගෝලීය වසංගතය මැඬපැවැත්වීම සඳහා පුළුල් වැඩපිළිවෙළක් දියත් කර තිබේ. එහි දැවැන්ත පියවරක් ඉදිරියට තබමින් රටේ සියලූම පාසල්වල වාර නිවාඩුව අද සිට අපේ‍්‍රල් 20 වැනිදා දක්වා ලබාදීමට අධ්‍යාපන අමාත්‍යාංශය පියවර ගෙන තිබේ. මේ වන විටත් ඉරානය, ඉතාලිය සහ දකුණු කොරියාව යන රටවලින් පැමිණි ශ‍්‍රී ලාංකික ගුවන් මගීන් 921 ක් නිරෝධායන කටයුතු සඳහා පොළොන්නරුව කන්දකාඩු සහ මඩකලපුව පෞද්ගලික විශ්වවිද්‍යාලය වෙත යොමු කර තිබේ. ඉරානය, ඉතාලිය සහ දකුණු කොරියාව යන රටවලින් ශ‍්‍රී ලංකාවට පැමිණෙන ගුවන් මගීන්, අනිවාර්යයෙන් දින 14 ක කාලයක් නිරෝධායන ක‍්‍රියාවලියකට ලක් කළ යුතු බවට රජය විසින් සෞඛ්‍ය අමාත්‍යාංශය හරහා චක‍්‍රලේඛයක් නිකුත් කර කර ඇති බැවින් මෙම රටවලින් පැමිණෙන මගීන් නිරෝධායන ක‍්‍රියාවලියට ලක්වීම අනිවාර්යය. ඒ වගේම එය 

මාරාන්තික කොරෝනා වෛරසය ලෝක වසංගතයක් බවට පත්වී මිනිසුන් මරා දමමින් සිටී. මේ වනවිට ආසාදිතයින් ගණන ලක්ෂය ඉක්මවා ඇත. 4000 ක් පමණ දෙනා මිය ගොසිනි. මෙවන් වසංගතයක් මින් පෙර ඉතිහාසයේ වාර්තා නොවන අතර, කවුරුන් කෙසේ කීවද මේ වනවිට ශ‍්‍රී ලංකාවේත් ගෙයි දොරකඩටම වසංගතය පැමිණ තිබේ. ශ‍්‍රී ලංකාවෙන් දැනටමත් 2 වැනි කොරෝනා ආසාදිතයා ද වාර්තා වී ඇති අතර, විදේශයන්හි වෙසෙන ශ‍්‍රී ලාංකිකයන් තිදෙනෙක් රෝගයට ගොදුරු වී සිටිති. රෝගය වසංගතයක් ලෙස පැතිර යන ඉතාලිය සහ දකුණු කොරියාව යන රටවල දිවි ගෙවූ ශ‍්‍රී ලාංකිකයින් විශාල ලෙස යළිත් මවු රට බලා පැමිණෙමින් සිටීමත් සමග රෝගය රට තුළට පැමිණීමේ වැඩි අවදානමක් උද්ගතව ඇත. දැනටමත් මෙම වසංගතය ගෙයි දොරකඩටම පැමිණ තිබේ යැයි අපට අනුමාන කළ හැක්කේ එනිසාය. එසේ හෙයින් ඉන් ගැලවෙන්නේ කෙලෙසද යන්න රටේ බලධාරීන් තුළ අදහසක් හා වැඩපිළිවෙළක් තිබිය යුතුය. රට තුළ මේ සඳහා ඉහළ සූදානමක් පැවති බව පෙනෙන්නට තිබූ නමුත් සමාජය තුළ කොරෝනා රෝගය කෙරෙහි තිබූ උනන්දුව අඩු වී ඇතැයි අපගේ කල්පනාවය. එනමුත් පවතින තත්ත්වය කිසිදු අයුරකින් සැහැල්ලූවකින් සලකා කටයුතු කිරීමේ හැකියාවක් කිසිවකුට හෝ නැත. මෙහිදී අප කිසිවකු ලෙස හඳුන්වන්නේ නිලධාරීන්, බලධාරීන් යන සියල්ල ඇතුළත්ව මහජනයාගේ වගකීම ද ඊට ඇතුළත්කරය.

මේ අතරින් මහජන වගකීම අප උපරිමව බලාපොරොත්තු වන්නේ රට තුළ සිටින ජනතාවටත් වඩා පිටරටින් මෙහි එන ජනතාවගෙනි. ඒ අතර සිටින ශ‍්‍රී ලාංකිකයින් හා විදේශිකයන් යන කොයි කවුරුන්ද වසංගතය මෙරට පැතිර යෑම වැළැක්වීමට තම සක‍්‍රීය දායකත්වය ලබාදීම අනිවාර්ය කටයුත්තකි. එනමුත් ඒ සඳහා වැඩපිළිවෙළ සකස් කළ යුත්තේ රජය මගින් මිස පැමිණෙන පුද්ගලයින් අතරින් නොවේ. කවුරුන් කෑ කොස්සන් ගැසූවද, වුවමනාවට වඩා අනුකම්පාව ඒ සඳහා අදාළ නොවේ. මන්ද මේ මොහොතේ වැදගත් වන්නේ රට හා සමස්ත ජනතාවය. එක් නිමේෂයකින් රට තුළට රිංගා ගන්නා කොරෝනා යක්ෂයාට යම් විටෙක රටක් විනාශ කරන්නට ගතවන්නේ කෙටි කාලයකි. ඉතාලියේ උදාහරණය ඊට කදිමට ගැලපේ. මේ වනවිට සමස්ත ඉතාලියම රතු කලාපයක් ලෙස නම් කර ඇත. ඊට ඇතුළුවීම හෝ පිටවීම තහනම් කර තිබෙන්නේ රටම විනාශ මුඛයට ඇද වැටීම නිසාය. ඉතාලිය අද අනුගමනය කරන්නේ නිවාස තුළම සිට ජනතාව ස්වයං නිරෝධායන ක‍්‍රියාවලියකට යොමු කිරීමකි. අපට එසේ කිරීම වුවමනා නොවීමට නම් ඒ සඳහා රජයට ජනතා සහාය ලබා දීම අත්‍යවශ්‍යය.

එසේම, මේ මොහොතේ හරිදේ හරි විදිහට කිරීම සඳහා රජය කෙළින් තීන්දු ගත යුතුය. නීති අවශ්‍යය. ඒවා ක‍්‍රියාත්මක විය යුතුව ද ඇත. පිටරටින් මෙහි පැමිණෙන සියල්ලන් සඳහා නිරෝධායනය අත්‍යාවශ්‍යය. එහෙත් ගුවන් තොටුපොළ ප‍්‍රමාදය අවම කර, පහසුකම් සැලසීම හා කඩිනමින් නිරෝධායන මධ්‍යස්ථාන වෙත රැුගෙන යෑම මගින් නැති ප‍්‍රශ්න ඇති නොවේ.

මේ මොහොතේ හෝ කුමන මොහොතක හෝ රට තුළට වසංගතයක් පරිදි රෝගය ඇතුළු වුවහොත් ආයිමත් කතා කරන්නට දෙයක් ඉතිරි නොවේ. සැබැවින්ම දේශපාලකයින් කියන රට බේරාගැනීමේ අවසන් අවස්ථාව වන්නේ මෙවන් වසංගත අවස්ථා මිස වෙන දේවල් නොවේ. අප මේ පැමිණ සිටින්නේ ලොවක් අත්දකින එවන් අති අවදානම් අවස්ථාවකට ය. ඒ බව සැවොම තේරුම් ගත යුතුය. එබැවින් රට තුළට වසංගතය ඇතුළුවීමට ඇති සියලූ මාර්ග වසා දැමිය යුතුව ඇත. ඉන් පළමුවැන්න ගුවන්තොටුපළ හරහාය. අපට ඒ සඳහා ඇත්තේ එක දොරටුවක් බැවින් පාලනය පැත්තෙන් ඉතා පහසුවක් තිබේ. එනමුත් ඇතැම් රටවලින් එන හුදකලා ගුවන් මගීන් (විශේෂයෙන් රාත‍්‍රී කාලයේදී* කිසිදු රෝග පරීක්ෂාවකින් තොරව පිටව යන බව දැනගන්නට තිබේ. මෙහිදී කොරියාවද, ඉතාලියද, ඉරානයද, චීනයද, ජපානයද නොව සමස්ත ගුවන් මගීන්ම රෝග පරීක්ෂාවට බඳුන් කළ යුතු බව අපි අවධාරණය කරන්නෙමු. එසේම රට තුළට රෝගය පැතිර ඇත්දැයි යන්න වහාම සොයා බැලිය යුතුව ඇත්තේ රවී කරුණානායක හිටපු මන්ත‍්‍රීවරයා කුදලාගෙන යන්නට පොලිසිය ඔහු හොයන ආකාරයෙනි.

අමතරව, රටේ ජනතාවගේ ස්වභාවික ප‍්‍රතිශක්තිය වැඩි කිරීම සඳහා දැනුවත් කිරීමත්, ප‍්‍රමාණවත් සහ අමතර සෞඛ්‍ය පහසුකම්වලින් සමන්විත වීමත්, ආහාර අර්බුදයක් රටේ නිර්මාණය වීමට ඉඩ නොදීමත් ලෝකයේ ආර්ථික කඩා වැටෙමින් පවතින මේ මොහොතේ කොරෝනා යක්ෂයාට මුහුණ දීමට අප සැලකිල්ල දැක්විය යුතු කාරණය. එසේ වුවහොත් යක්ෂයා ගෙට ඇතුළු වුවත් පෑළ දොරින් හෝ පලවා හැරීම පහසු වේ.

 මේ වන විට රටවල් 124 ක් කොරෝනා හෙවත් කොවිඞ් 19 වෛරසයට ගොදුරු වී ඇත. බරපතළ ව්‍යසනයක් නැති මුත් ශ‍්‍රී ලංකාව ද ඒ රටවල් අතර වෙයි. මෙම තත්ත්වය හමුවේ අනවශ්‍ය ලෙස කලබල විය යුතු නැත. එහෙත් ඒ පිළිබඳව විමසිල්ලෙන් සිට එය පාලනය කර ගත යුතුය. ඒ සඳහා රජයක් ලෙස ගන්නා උත්සාහය අප අගය කළ යුතුය. විශේෂයෙන් මෙහිදී සෞඛ්‍ය අංශයේ වෛiවරුන්, හෙදියන් ඇතුළු සියලූ නිලධාරීන් ද විශේෂයෙන් ආරක්‍ෂක අංශවල විරුවන් කරන කැපවීම ද අති විශිෂ්ටය.

sikuru


අද දිවයින

සිනමා කලා

tissa250

නවලිය

uda250

දියග

trump250

මීවිත

kanika250

More Articles