Divaina - Kathuwakiya

e5

The Island The Island Nawaliya Vidusara e-Paper Classifiedsරාහු කාලය

mobitel

ugc15september

koros  මෙවර කොරෝනාව පැතිර යන්නේ රට හරහා දිවෙන සමස්ත ලංකා මට්ටමේ මැරතන් එකක් පරිදිය. මේ මැරතන් එකේ යෂ්ටිය තවමත් කොරෝනා වෛරසය අතේ පවතී. එම යෂ්ටිය අතට ගන්නට ආණ්ඩුව කොතරම් උත්සහ කළත් කොරෝනා වෛරසය එය නොතකා තෙමේම යෂ්ටිය ගුලි කරගෙන රොකට් එකක් විදිනවාක් මෙන් දුවයි.

 

බ‍්‍රැන්ඩික්ස් ආයතනයේ (අ)කාරුණික අනුග‍්‍රහයෙන් රට පුරා පැතිර යමින් පවත්නා කොවිඞ් 19 රෝග තත්ත්වය නිසා ගම්පහ දිස්ත‍්‍රික්කයත් වසා දැමීමෙන් පසු එළඹ තිබෙන තත්ත්වය බෙහෙවින් අනපේක්ෂිතය.

පෑලියගොඩ මාළු වෙළෙඳපොළින් කොවිඞ් 19 ආසාදිතයන් හතළිස් ගණනක් සොයාගෙන ඇති අතර එයින් වැඩි හරියක් බයිසිකල් වලින් මාළු වෙළෙඳාම් කරන වෙළෙඳුන් බව හෙළිව තිබේ. පෑලියගොඩ මාළු කඬේට යන වෙළෙඳුන් මාළු විකුණන්නේ ගම්පහ දිස්ත‍්‍රික්කය පුරාය. මේ නිසා කොවිඞ් 19 ගම්පහ දිස්ත‍්‍රික්කයේ වැඩි කොටසක ව්‍යාප්ත වීමට ඉඩ ඇත. මාස්ක් නොදා පාරේ යන මිනිසුන් අල්ලා දසදහසක් දඩ ගසා හය මාසයකට හිරේ දමන වැඩපිළිවෙළක් පවතී. එහෙත් රටටම කොවිඞ් බෝ කිරීමට මඟ සලසා දුන් බ‍්‍රැන්ඩික්ස් ලොක්කන්ට නිය පිටින් දඬුවමක් කිරීමට ආණ්ඩුව තවමත් පියවර ගෙන නැත. බ‍්‍රැන්ඩික්ස් සමාගමේ ප‍්‍රධාන විධායක, අෂ්රෆ් ඔමාර් විසින් ඉකුත් මහ ඡුන්දය සඳහා පොහොට්ටුවට යහමින් මුදල් ආධාර දුන් බවට කතන්දරයක් පසුගිය දා පැතිර ගියේය. එහෙත් පොහොට්ටුවේ කට්ටිය එකහෙළාම මෙය ප‍්‍රතික්ෂේප කරති. ඡුන්දයක් එනවිට සෑම ධනවතකුම දෙතුන් පැත්තටම සල්ලි දෙති. දිනන පැත්ත ගැන හොඳ දැනුමක් ඔවුන්ට ඇති අතර එහි ප‍්‍රතිඵලයක් වශයෙන් කෝටි පහක් දිනන පැත්තට දෙනවා නම් කෝටි හතරක් පැරදෙන පැත්තට දෙති. මෙය 1970 න් පසු මේ රට තුළ උද්ගමනය වෙමින් පවතින ව්‍යාපාරික චාරිත‍්‍රයකි. කොවිඞ් 19 හෙවත් කොරෝනා වෛරසය ගැන බියවීමට හේතුවක් නැතත් ඇමෙරිකාව ඇතුළු ජාත්‍යන්තර ප‍්‍රජාව විසින් ඒ සම්බන්ධයෙන් වපුරා ඇති භීතිය නිසා මිනිස්සු මහත් සංත‍්‍රාසයට පත්ව සිටිති. කොරෝනා යනු උණකි. ඩෙංගු උණ හැදුනත්, මී උණ හැදුනත්, කුරුලූ උණ හැදුනත් ප‍්‍රතිශක්තිය දුර්වල එකා මියයෑම සාමාන්‍ය තත්ත්වයකි. කොවිඞ් දෙවැනි රැුල්ල බෝ වීමෙන් පසු මේ වනවිට මේ රට තුළ එකතු වී සිටින කොවිඞ් ආසාදිතයන් ගණන එක්කෝ හය දහසකි; නැත්නම් ඊට වැඩිය. එහෙත් ඉන් එකෙක්වත් මියගොස් නැත්තේ ඔවුන් විසින් සංසාරේ කරන ලද පිංවල මහිමයට වඩා කොරෝනා වෛරසයේ දුර්වලත්වය ඉදිරියට පැමිණ ඇති හෙයිනි. මේ වන විට රටේ ප‍්‍රදේශ කිහිපයක් වසා දැමීම නිසා නිරෝධායනය වන පිරිස් බෙහෙවින් වැඩිය. උදාහරණයක් වශයෙන් පෑලියගොඩ මාළු මාර්කට් එකෙන් මාළු ගන්නට ගොස් ආසාදිතයන් බවට පත් වූ හතළිස් ගණනම නිරෝධායනය කරනු ලැබේ. ඒ මිනිසුන්ගෙන් මාළු ගත් අය ද නිරෝධායනය කළ යුතුය. එසේ මාළු ගත් අයගේ ගෙවල්වලට ආගිය අය ද ඇෙඟ් මාළු ගෙඟ් නටමින් සිටින්නේ දෙවැනි ආශ‍්‍රිතයන් වීමේ පදනම මත නිරෝධායනය විය යුතු හෙයිනි. මේ ආකාරයෙන් මේ සා ජනගහනයක් නිරෝධායනය වනවිට ඒ අයට ආහාර සහ වෙනත් පහසුකම් සපයාදීමේ නෙට්වර්ක් එකක් අදටත් මේ රටේ නැත. මුළු රටම ඇඳිරි නීතිය යටතට පත්කොට ලොක් ඩවුන් කළ විට එළවළු ලොරි, හාල් ලොරි, පාන් ලොරි යනාදිය මහමඟ ගමන් කළ බැවින් මිනිසුන්ට වේල් තුනෙන් එකක් දෙකක් හෝ කා බී යැපෙන්නට හැකි විය. එහෙත් ලොක් ඩවුන් නොකළ පෙදෙස්වල තනි ගෙයක් නිරෝධායනය කළ විට ඒ ගෙදරට හිමිවන්නේ ලාදුරු රෝහලට ලැබෙන තත්ත්වයය. ලාදුරු රෝහල ඉදිරිපිටින් පයින් ගියාට කාටවත් ලාදුරු බෝ නොවේ. එසේම නිරෝධායනය කළ ගෙයක් ඉදිරියෙන් ගමන් කළාට කාටවත් කොරෝනා බෝ නොවේ. එහෙත් අපේ රටේ මැටි හරක් මේ බව නොදනිති. පීසීආර් පරීක්ෂණයක් කරන්නේ එම පරීක්ෂණයට ලක්වන්නා ඉන්තේරුවෙන්ම කොරෝනා රෝගියකු වීම නිසා නොව එසේ වී ඇත්දැයි දැනගනු පිණිසය. සමහරවිට එසේ නිරෝධායනය වන්නාට කොරෝනා නැති බව හෙළි වුව ද පීඑච්අයි කරන්නේ ගමේ ජනයා සතුටු කිරීම සඳහා ඒ නිවසේ ජනයා එම නිවසේ දවස් දාහතරක් හෝ විසි අටක් සිරකර තැබීමය. එසේ හිරවන මිනිසුන්ගේ ආහාර ප‍්‍රශ්නය විසඳීමට කවුරුවත් ඉදිරිපත් නොවන අතර එහි විභවය පිළිබඳව ඊයේ මේ තීරුව ඔස්සේ අප විසින් සාකච්ඡුා කරනු ලැබ ඇත.

(ඉතිරි කොටස හෙට)

හැඬේ අවුල සහ නමේ අවුල මිස වෙනත් ලොකු අවුලක් කොවිඞ් වෛරසයේ නැත. මෙය ද ඉන්ෆ්ලූවන්සා වෛරසයේම ඥාති සහෝදරයෙකි. සිදු වූ ලොකුම අවුල වූ කලී මේ සහෝදරයාට ජාත්‍යන්තර මට්ටමේ ප‍්‍රචාරයක් ලැබීමය. මේ වෛරසය මුල් වරට මතු වූයේ චීනයේ වූහාන් පළාතේ තිරිසන් සතුන්ගේ මස් විකුණන මාකට් එකකින් බව සියලූ දෙනාගේම සාමාන්‍ය දැනුමේ කොටසකි. මේ වෛරසය සීතලට දැඩි ලෙස ඔරොත්තු දෙන බැවින් ගිය අවුරුද්දේ දෙසැම්බර්, ජනවාරි සහ පෙබරවාරි මාසවල වූහාන් පළාත ප‍්‍රමුඛ පළාත් ගණනාවක පැතිර ගියේය. එවිට චීනය සමග ඇති රාජ්‍ය තාන්ත‍්‍රික එදිරිවාදිකම් පිරිමැසීමට කල්පනා කළ ඇමරිකන් ආණ්ඩුව ලෝකයේ භයානකම ලෙඩවලින් එකක් චීනයට බෝවී ඇති බව ප‍්‍රචාරය කළේය. මේ ප‍්‍රචාරයෙන් පැය හැත්තෑ දෙකකට පසු ඇමරිකාවට ද කොවිඞ් 19 බෝවූ අතර ඉන් මාස තුනකට පමණ පසු බි‍්‍රතාන්‍යයේ අගමැති බොරිස් ජොන්සන්ට ලෙඬේ බෝ විය. දැඩි සත්කාර ඒකකයට දමන ලද බොරිස් ජොන්සන් පණ බේරා ගත්තේ බොහෝ අමාරුවෙනි. ඉන් මාස කිහිපයකට පමණ පසු ඩොනල්ඞ් ට‍්‍රම්ප්ට ලෙඬේ බෝ විය. කොවිඞ් පැතිර යන මුල් අවස්ථාවේදී පමණක් නොව තමාට ලෙඬේ බෝ වන තුරුම මාස්ක් දැමීමේ පූර්ව ආරක්ෂාව ගණන් නොගත් ඩොනල්ඞ් ට‍්‍රම්ප් රෝගය වැළඳෙන බවට ඉඟි කෙරෙන පළමුවැනි කිවිසුම් දෙක තුන ගොස් නාසයෙන් සොටු දියර ගලන්නට වූ කලී වහාම මාස්ක් එකක් දා ගත්තේය. වැඩිදෙනා නොදන්නා කාරණය නම් කොරෝනා වෛරසයෙන් මියගිය ගාණට වඩා ලෙඬේ බෝ වී සනීප වූ පිරිස ලංකාවේ ජනගහනය මෙන් එකහමාරකටත් වැඩි බවය. මේ වනවිට කොවිඞ් දහනවය ආසාදනය වූ සමස්ත ලෝකවාසී ජනගහනය හාරකෝටි දොළොස් ලක්ෂ තිස් දහස් විසි හයකි. එයින් දෙකෝටි අනූනව ලක්ෂ අනූ පන්දහස් හාරසිය නවයක් හොඳටම සනීප වී ගෙවල්වලට ගොස් සුපුරුදු ජීවිත ගත කරති. ඒ අතර එකොලොස් ලක්ෂ දහසය දහස් පන්සිය නවයක් මිය පරලොව ගොස් සිටිති. සාමාන්‍යයෙන් කොවිඞ් දහනවයෙන් මිය යන්නේ ජීවන යන්ත‍්‍රය තවදුරටත් නඩත්තු කිරීමට බැරි තරමටම නරක් වූ වියපත් ජනතාවය. එසේම බේබදුකම නිසා ස්වෝත්සාහයෙන් ජීවන යන්ත‍්‍රය දිරාපත් කරගත් අය සිටිති. මේ නරක් වූ කොටස්වලට අමතර කොටස් ඇත්තේ අපායේ පමණි. එවැනි අය වැඩි ප‍්‍රසිද්ධියකින් තොරවම තම ගමනාන්තය කරා ගියහ. මේ වෛරසයට වඩා භයානක වෛරස් ලෝක ඉතිහාසයේ තිබේ. රෝම අධිරාජ්‍යය පැවති සමයේදී පැතිර ගිය දරුණු ඉන්ෆ්ලූවන්සා උණක් නිසා එවකට ලොව පැවති විශාලම යුද හමුදාව වූ රෝම හමුදාවෙන් සියයට අනූවක් මිය ගියහ. ඉතිරි වූ සියයට දහය ජීවිතය උදෙසා මාරයා සමග බලගතු සටනක නිරත වූ අය බැවින් යුද බිමට යෑමට තබා කෙලින් හිට ගැනීමටවත් හයියක් නැති නිසා වහා විශ‍්‍රාම ගැන්වීමට සිදුවිය. ඉන්පසු මුල සිටම අලූත් රෝම හමුදාවක් හදන්නට ද සිදුවිය. සාර්ස්, මර්ස්, ඉබෝලා වැනි අති භයානක වෛරස් පිළිබඳ අපි අසා ඇත්තෙමු. මේවා සෙල්ලම් ලෙඩ නොව ලෝකවාසීන්ගෙන් හතරෙන් එකක්, හතරෙන් දෙකක්, හතරෙන් තුනක් යනාදී වශයෙන් වළපල්ලට යැවීමට ශක්තිය තිබූ උග‍්‍ර වෛරස් වෙති. එහෙත් කවර හෝ තත්ත්වයන් මත එම රෝග පාලනය කිරීමට හැකි වූ අතර එම කිසිදු වෛරසයකින් පන්දහසකට වැඩි පිරිසක් මිය නොයෑම විශේෂ කාරණයක් ලෙස සටහන් කළ යුතුය. කොවිඞ් දහනවය වෛරසය සාර්ස්, මර්ස්, ඉබෝලා තරම් බලසම්පන්න නැති වුවද එය එකිනෙකාට බෝවීමට ඇති හැකියාව වැඩිය. මෙසේ බෝවන අතර ඇමරිකාව ලෝකයේ ජනප‍්‍රියම වෛරසය බවට එය පත් කළේය. අපගේ වැටහීමට අනුව මේ මොහොතේදී ලෝකයේ ජනප‍්‍රියම නාම පදය බවට පත්ව ඇත්තේ කොරෝනාය. දෙවැනි ජනප‍්‍රිය වචනය ඩොනල්ඞ් ට‍්‍රම්ප් විය යුතුය. කොවිඞ් කොරෝනා ඇරඹුණු චීනයේ වූහාන් පළාත ගැන ඒ රටේ ඈත දේශසීමාවල ජීවත්වන චීන්නු පවා නොදනිති.
 
 ලැබුණු ප‍්‍රචාරය සහ එම ප‍්‍රචාරයේ විභවය හේතුවෙන් ශ‍්‍රී ලංකාව විසින් කොරෝනා වෛරසය හඳුනාගෙන ඇත්තේ වසූරියටත් වඩා දරුණු ලෙඩක් ලෙසය. එසේම මේ වෛරසය ආසාදනය වූ අයෙක් හමු වූ විට ගෙවල් පිටින් නිරෝධායනය කිරීම එවැනි පුද්ගලයන් දෙතුන් දෙනකු සිටින ගමක් හමු වූ විට එම ගම සම්පූර්ණයෙන්ම ලොක් ඩවුන් කිරීම වැනි අත්‍යාවශ්‍ය ආරක්ෂක උපක‍්‍රම නිසා මේ රෝගයට ලැබුණු සන්ත‍්‍රාසදායි ජනප‍්‍රියත්වය භුක්ති විඳිනු පිණිස වෙනමම සෙට් වුණු පිරිසක්ද ලංකාවේ වෙසෙති. සෑම සිකුරාදාවකම ඔවුන්ගේ ප‍්‍රාර්ථනය වූයේ සෙනසුරාදා උදේ හයට ඇඳිරි නීතිය පනවා එම තත්ත්වය අඩුම ගාණේ සතියක්වත් පවතින්නේ නම් කොතරම් මැනව ද යන්නය. මේ රෝගයේ දේශීය විභවය කොතරම් ඝනකම් ද යත් ලංකා ඉතිහාසයේ බුද්ධි අංශ සහභාගි වූ පළමුවන රෝගය බවට පත්ව තිබේ. කොරෝනා වෛරසයේ ඉන්ෆ්ලූවන්සා ස්වරූපයට අනුව එයට භයවීමට වඩා වැදගත් වන්නේ ආරක්ෂා වීමය. අද අප ලිව්වේ රටේ පවතින නරක තත්ත්වය පිළිබඳ සරල සාමාන්‍ය කතු වැකියකි. හෙට බෝම්බයක් පත්තු කිරීමට අපි බලාපොරොත්තු වෙමු.

 ශ‍්‍රී ලංකාවේ වාර්තාවූ පළමු කොරෝනා රෝගියා ලෙස චීනයේ හුබෙයි පළාතෙන් ආ 44 හැවිරිදි චීන කාන්තාවක් ජාතික බෝවන රෝග නිවාරණ ආයතනයට ඇතුළත් කරනු ලැබුවේ පසුගිය ජනවාරි 27 වැනිදාය. එයින් පසු මෙරටින්ද කොරෝනා රෝගීන් හඳුනාගනු ලැබූ අතර අවසානයට වාර්තාවූ බ‍්‍රැන්ඩික්ස් මිනුවන්ගොඩ රෝගී පොකුර, දිවයිනෙන් වාර්තා වූ තෙවැනි ප‍්‍රධාන කොරෝනා පොකුර ලෙස සෞඛ්‍ය අමාත්‍යාංශය විසින් හඳුනාගෙන ඇත. බ‍්‍රැන්ඩික්ස් කම්හල ආශ‍්‍රයෙන් රෝගය ව්‍යාප්තවීම ආරම්භ වීමෙන් පසු මේ වන විට දිස්ත‍්‍රික්ක 21 කට සම්බන්ධ ආසාදිත පුද්ගලයින් හඳුනාගෙන තිබේ. බ‍්‍රැන්ඩික්ස් පොකුර ආරම්භ වූයේ කෙසේද යන්න පිළිබඳව ඇත්තේ බලවත් කුකුසකි. කොරෝනා දෙවන රැුල්ලේ මූලාරම්භය විදේශ රටක් වියහැකි බව යුද හමුදාපති ලූතිනන් ජෙනරාල් ශවේන්ද්‍ර සිල්වා මහතා ප‍්‍රකාශ කරයි. ඒ අනුව අපට පෙනෙන්නේ දෙවන රැුල්ල ඉන්දියාවේ පරිත්‍යාගයක් බවද? ඉන්දියාව කවරක් හෝ ලංකාවට එවීමට නොමසුරු වෙයි. එය හොඳට මෙන්ම නරකටද බලපායි. එය අතීතයට වර්තමානයට මෙන්ම අනාගතයටත් පොදුය. ඉන්දියාවේ කොරෝනා රෝගීන් ඉතිරී පැතිරී ගොස් ඇති අතර මේවන විට එම සංඛ්‍යාව ලක්ෂ 75 ද ඉක්මවා ගොස් ඇත. ඉන්දියාව නිසා ලංකාව යළිත් අනාරක්ෂිත වී ඇත. කාලයක් ඉන්දියාවේ අනුග‍්‍රහය ලැබූ ත‍්‍රස්ත කණ්ඩායම් නිසා ලංකාව අනාරක්ෂිත විය. පසුව ඉන්දියාවේ අනුග‍්‍රහය ලැබූ දේශපාලන කුමන්ත‍්‍රණ නිසා රට අවුලට පත්විය. මෙදා ප‍්‍රහාරය එල්ලවන්නේ දේශපාලනිකව නොව වෛරසයෙනි. මේ වෛරස ප‍්‍රහාරය රටේ ආර්ථිකයටද බලවත් ප‍්‍රහාරයක් එල්ල කරයි. කේරලය දෙස බලන්නයි සමහරු කීවද දැන් කේරලයේද රෝගීන් පොකුරු පිටින් යළි යළිත් හඳුනා ගැනේ. ඉන්දියාව සිය භූමියේ පළමු කොරෝනා ආසාදිතයා වාර්තා කළේ පසුගිය ජනවාරි මස අවසාන දිනවලය. මාර්තුවේ රට වසා දැමුවද කොරෝනා ව්‍යාප්තිය නැවැත්වීමට එය සමත් නොවූ බව දැන් පැහැදිලිවී තිබේ. සිදුවූයේ දසලක්ෂ ගණනකට රැකියා අහිමිවීමය. ඉන්දියාවේ කොරෝනා මරණවලට වඩා කුසගින්නේ මියයාම වැඩිවූ බව නොරහසකි. කොරෝනා වෛරස් වසංගතය හමුවේ, ඉන්දියාවේ දුප්පත් ම පුරවැසියන් වන සංක‍්‍රමණික කම්කරුවන්ට සැලකූ ලජ්ජා සහගත ආකාරය ලොවටම හෙළිවිය. ලංකාව කොරෝනා පළමු රැුල්ල ඉතා සාර්ථකව පාලනය කළද දැන් යළිත් අසල්වැසියාගෙන් ලැබුණු වෛරස් ප‍්‍රහාරයෙන් පීඩා විඳින්නට සිදුව ඇත. මේ රැුල්ල පාලනය සඳහා සෞඛ්‍ය අංශ හා ආරක්ෂක හමුදා විශාල කැපවීමක් සිදු කරන අතර ලක්වැසි ජනතාවද නිසි නිරෝධායන පිළිවෙත් අනුගමනය කරන්නේ නම් මේ පොකුරද පාලනය කරගත හැකි වනු ඇත. බ‍්‍රැන්ඩික්ස් පොකුර මතුවූ විට රට යළිත් ‘ලොක් ඩවුන්’ කිරීම ගැන විවිධ කතා ප‍්‍රචාරය වුවද එවැන්නක් සිදු වූයේ නැත. ඇත්තෙන්ම ‘ලොක් ඩවුන්’ කිරීම රෝග පාලනය වෙනුවෙන් වඩා සාර්ථකද යන්න ප‍්‍රශ්නයකි. එසේම ජනී ජනයාගේ ආර්ථික ප‍්‍රශ්න උග‍්‍ර කිරීමටත් එය හේතුවකි. එනිසාම කොරෝනා සමග ජීවත්වීමට දැන් සකල ලෝවැසියාම පුරුදු විය යුතුය. එය මෙරට වැසියන්ටද පොදුය. කොරෝනාවෙන් පසු ඇතිවන මහා සාගතය ගැන එක්සත් ජාතීන්ගේ සංවිධානය ප‍්‍රකාශ කලේ පසුගිය අපේ‍්‍රල් මාසයේදීය. එම සාගතය නිසා කුසගින්නට ගොදුරු වන ජන සංඛ්‍යාව මිලියන 135ත් 250 ත් අතර වනු ඇතැයි ද ඇස්තමේන්තු කරනු ලැබ ඇත. නමුත් තවම සාගතය එළඹ නැත. වසංගතය නොනැසී පවතී. අප පරිස්සමෙන් කටයුතු කළ යුතුව ඇත.

corona1357පීසීආර් එකක් වැරදුණොත් සිදුවන්නේ කුමක්ද? මෙය වැඩිමනත් සාකච්ඡුාවට ලක් නොවුණු වැදගත් ප‍්‍රශ්නයකි. පීසීආර් එකක් වැරදුණොත් එම වැරදීමට ලක් වූ අය මෙන්ම ඒ ගෙදර සිටින සියලූම දෙනාට දවස් දාහතරේ සිට විසි අට දක්වා කාලයක් ගෙදරම ලැගීමට සිදු වේ. මෙහිදී පීසීආර් එකක් වැරදීම ලෙස අප සඳහන් කරන්නේ අදාළ පුද්ගලයා තුළ කොරෝනා වෛරසය නැතත් (නෙගටිව්* එය ඇති බවට (පොසිටිව්* ලැබෙන පීසීආර් පරීක්ෂණ ප‍්‍රතිඵලය ය. මෙවැනි ප‍්‍රතිඵලයක් හටගත් සැණින් අදාළ තැනත්තා හෝ තැනැත්තිය වෙසෙන නිවසේ ඉදිරිපිට ස්ටිකරයක් අලවනු ලැබේ. එහි මෙසේ සඳහන් ය. නිරෝධායනය වන ස්ථානයකි. පිටතින් ඇතුළුවීම හෝ ඇතුළත අය පිටවීම තහනම්.

kandos18

අද දිවයින

සිනමා කලා

maalani250

නවලිය

aaksa250

දියග

wejadas250new

මීවිත

yohanis250

More Articles