Divaina - Kathuwakiya

e5

The Island The Island Nawaliya Vidusara e-Paper Classifiedsරාහු කාලය

mobitel

ugc15september

වනාතවිල්ලූවේ අක්කර දෙසීයක පමණ වන ගහනයක් ගිනි තබා හෙළි පෙහෙළි කර කොළඹ පෞද්ගලික සමාගමකට අලෙවි කිරීමේ උත්සහයක් ගැන ඊයේ (06 දා) පුවත්පත් මගින් අනාවරණය කර තිබිණි. මේ ගිනි තැබීම සිදුකර ඇත්තේ අවුරුදු දෙතුන් සියය පැරණි පලූ, වීර, බුරුත, ගස් කපා ඉවත් කර ගැනීමෙන් පසුවය. අක්කර දෙසීයක දැව යනු පොඩි සෙල්ලමක් නොවේ. අඩුම ගණනේ මෙතැන රුපියල් කෝටි දෙසීයකවත් දැව තිබෙන්නට ඇත. එම දැව ඉවත් කරගත් පසු ඉතිරි වූයේ පඳුරු සහිත භූමියකි. එම පඳුරුවලට ගිනි තැබූ සැණින් ගින්න පැතිර යන අතර එමගින් නිකුත්වන කාබන් මොනොක්සයිඞ් ඇතුළු විෂ වායු වලාකුළු අතරට වැද වැසි වසින විට ආම්ලික ද්‍රාවණ බවට පත්වී මනුෂ්‍යයා විසින් පරිහරණය කරනු ලබන ඇළ, දොළ, ගංගා, ළිං, පොකුණුවලට මුසු වී මිනිසුන්ට පානය කිරීමට සිදු වේ. අපට ඇති දුක නම් වනය කෙළසා එයට ගිනි තැබූ කාලකණ්ණින්ට පමණක් නොව අපටද මේවා බීමට සිදු වීමය. වනාතවිල්ලූවේ වනාන්තරයෙන් අක්කර දෙසීයක් කෙළෙසීම හෙණ ගහන අපරාධයකි. ළඟ එන මෝසම් වර්ෂා සමයේදී මේ හෙණ පොළොවට ඉතා ආසන්නයෙන් පිපිරීමට ඉඩ තිබේ. වන සංහාරකයන් ප‍්‍රවේශම් වීමෙන් ඵලක් වේද යන්න අපි නොදනිමු. ස්වභාව ධර්මය මිනිසාගෙන් ඉතා දුෂ්ට ලෙස පලිගන්නා අවස්ථා තිබේ. සුනාමිය එවැනි අවස්ථාවකි. කොළොන්නාවේ කුණු කන්ද නාය යෑමද එවැනි අවස්ථාවකි. කොළොන්නාවේ කුණු කන්ද නාය යෑමට මොහොතකට පෙර කන්ද දෙසින් විශාල පිපිරුම් හඬක් නැ`ගිණි. එයට හේතුව කුණු කසළ පල් වීමේදී නිකුත් වන මීතේන් වායුව ගිනි ගැනීමෙනි. කොළොන්නාව කුණු කන්ද නාය යන්නේ එහි ගැබ්ව තිබූ මීතේන් වායුව ගිනි ගැනීමෙන් හටගත් අධික පීඩනය ස්ඵෝටනයක් බවට පත්වීමෙනි. අපගේ කතාව අන් අතක් යන බව පෙනේ. එබැවින් වනාතවිල්ලූ වන සංහාරය දෙසට හැරෙමු. ප‍්‍රශ්නගත අක්කර දෙසීයක වන බිම ආණ්ඩුවේ ඉඩමක් වන අතර ශ‍්‍රී ලංකා සිමෙන්ති සංස්ථාවට පනස් අවුරුද්දක් සඳහා බදු දුන්නකි. සිමෙන්ති සංස්ථාව කලක් හොරුන්ගේ සෙල්ලං බඩුවක් බවට පත්ව තිබුණි. චන්ද්‍රිකා කුමාරතුංගගේ ආණ්ඩුව තිබියදී පාකිස්ථානයේ ධනවත් පවුලක් වූ තවක්කාල් සහෝදරවරු වනාතවිල්ලූවට අයත් පුත්තලමේ සිමෙන්ති කොම්පැණිය මිලදී ගැනීමට මෙහි පැමිණියේය. තවක්කාල්වරු ඉතිහාසයේ කවදාවත් සිමෙන්ති හැ¥ අය නොවෙති. ඔවුන්ගේ අරමුණ වුණේ සිමෙන්ති කොම්පැණිය තුට්ටු දෙකට මිලට ගෙන එය සිමෙන්ති සෑදීමට දත් සමාගමකට ඩොලර් මිලියන සිය ගණනකට විකිණීමය. කෙසේ වුවද තවක්කාල් වැඬේ ගැස්සුණු අතර හොල්සිම් සමාගමට සිමෙන්ති කොම්පැණියේ අයිතිය ගියේය. අද මේ අයිතිය ඉන්සී නමැති බුරුම සමාගමක් අතට පත්ව තිබේ. සිමෙන්ති කොම්පැණිය වටේ තිබෙන අක්කර පන්දාහේම හුණු ගල් ඇත. තවක්කාල්වරුන් පුත්තලම් සිමෙන්ති කොම්පැණියට හරිආකාරව බැස්සේ නම් අක්කර පන්දාහේ කෙසේ වෙතත් අක්කර දාහකවත් හුණු ගල් මේ වන විට අතුරුදන්ය. වනාතවිල්ලූවේ වන ඉඩම් අක්කර දෙසීය සුද්ද පවිත‍්‍ර කර ගිනි තැබූ බ්‍රෝකර් ලා තුන් දෙනෙක් සහ බයර් කෙනෙක් මේ වන විට පොලිස් අත්අඩංගුවට ගෙන තිබේ. එම අත්අඩංගුවට ගැනීම සිදු කෙරුණේ සිමෙන්ති කර්මාන්ත ශාලාවේ නිලධාරීන් කිහිප දෙනකුගේ සහයෙනි.

එහෙත් වනය ගිනි තැබීමට ගිනි පත්තු කළ වුන්ද ඊට පෙට‍්‍රල් සහ ලයිටර් සැපයූ වුන්ද වන සංහාරක කාර්ය මණ්ඩලයට පඩි ගෙවූ වුන්ද අදටත් පොලිසියෙන් සැඟවෙමින් නිදහසේ ජීවත් වෙති. වන සංහාරයට යොදාගත් බැකෝ යන්ත‍්‍රය පොලිසිය එහි පැමිණීමට පෙර අතුරුදන් විය. බැකෝවක් යනු ඉඳිකට්ටක් නොවේ. එය ගොඩබිම මිස අහසින් නොයයි. වන විනාශයට පැමිණි මෙබඳු ලොකු බඩුවක් අතුරුදන් වීමට දේශපාලනඥයකුගේ සහාය අත්‍යවශ්‍යය. එම දේශපාලනඥයා ඔක්සිජන් වේවා කාබන් ඩයොක්සයිඞ් වේවා අත්අඩංගුවට ගත යුතුය. එම දේශපාලනඥයා පොහොට්ටුවේ හොර ගෙඩියකු වේවා, සමගි ජන බලවේගයේ හොර ගෙඩියකු වේවා අත්අඩංගුවට ගත යුතුමය. පරිසරය වැනසීමේ කටයුත්තේදී මේ රටේ සියලූ ආණ්ඩු එක හා සමාන ස්ථාවරයක් දරති. ඒ අනුව යහපාලන ආණ්ඩුව කෙළිය පිස්සුවම මේ ආණ්ඩුව ද කෙළින බව පෙනේ. සිංහරාජ අඩවිය හරහා කපන ලද ලංකාගම පාර පරීක්ෂා කිරීම සඳහා ජනාධිපති ගෝඨාභය රාජපක්ෂ එතැනට ගොස් එම ව්‍යාපෘතියේ ඇති සාධාරණත්වය ප‍්‍රකාශ කිරීම ඉතිහාසගත වරදකි. දේශපාලනඥයන් සහ කූට ව්‍යාපාරිකයන් කරන කුණු වැඩවලට බෙල්ල දීම සඳහා රටේ ජනාධිපති පෙළඹවීම නිලධාරීන් සහ දේශපාලනඥයන් විසින් කෙරුණු නීච ක‍්‍රියාවකි. යුද්ධය දිනූ ගෝඨාභය වනාන්තරයක් මැදින් කපන පාරකට නොපැරදිය යුතුය. මේ කතන්දරේ ඉතිරි ටික හෙට ලිවීම අපගේ අදහසය. එම ලියවිල්ලේදී කූට දේශපාලනඥයන් සහ කූට නිලධාරීන් කිහිප දෙනකුගේ නම් හෙළි කිරීමට අපට සිදුවුවහොත්, ඊට ද කරන්නට දෙයක් නැත.

 2016 වසරේ යාපනයේ පැවැති තෛපොංගල් උත්සවය අමතමින් එවක උතුරු මහ ඇමැති සී. වී. විග්නේශ්වරන්, උතුරු පළාතේ ආරක්ෂාව වෙනුවෙන් ස්ථානගත කර සිටින ශ‍්‍රී ලංකා හමුදාව හඳුන්වනු ලැබුවේ උතුර අල්ලා ගත් හමුදාවක් ලෙසිනි. උතුරේ සිටින ලක්ෂ එකහමාරක හමුදාව නිසා යුද වැන්දඹුවන්ට තර්ජනයක් එල්ල වී ඇති බවද හෙතෙම ප‍්‍රකාශ කර සිටියේය. එදා උතුර අල්ලාගත් හමුදාවක් සිටිනවා යැයි කියූ විග්නේශ්වරන්  පසුගිය සෙනසුරාදා කිලිනොච්චියේ ජනතාව අමතමින් ප‍්‍රකාශ කර සිටියේ කවරක්ද?
 
 දකුණේ ආණ්ඩුව කවර තීරණයක් ගත්තද දෙමළ ජනතාවගේ අයිතිවාසිකම් දිනා ගැනීම වෙනුවෙන් ඉන්දියාවේ සහාය ලබා ගෙන සටන් කරන බවයි. හදිසියේම විග්නේශ්වරන්ට ඉන්දියාව මතක් වූයේ මන්ද? ඉන්දියාවේ දිනකට කොරෝනා රෝගීන් අනූදහසක් වාර්තා වීම නිසාද? වෙනදා එක්සත් ජාතීන්ගේ සහාය බටහිර ලෝකයේ සහාය පැතූ විගී දැන් ඉන්දියාවේ සහාය පතන්නේ තමිල් මක්කල් දේශීය කුට්ටනි පක්ෂයට ආධාර අතහිත ලබා දෙන්නේ ඉන්දියාව නිසාද? දෙමළ සන්ධානය දෙකට බෙදා දෙමළ ජනතා සභාව පිහිටු වූ ඔහු පසුව එය වෙනම දේශපාලන පක්ෂයක් බවට පත් කර පාර්ලිමේන්තුවට පිවිස තිබේ.
 
 පළමු පාර්ලිමේන්තු කතාවෙන්ම සිංහලයට පහර ගැසූ හෙතෙම දිගින් දිගටම ප‍්‍රකාශ කරන්නේ ලොව පැරණිම බස දෙමළ බස බවත් මෙරට පැරණිම ජනයා දෙමළ ජනයා බවත්ය. ශ‍්‍රී ලංකාව ඈත අතීතයේ සිටම දෙමළ ජනතාවගේ නිජබිම බවට හැඳින්වීමට තරම් සාක්ෂි ඇති බවත් එහෙත් තමන් කිසි විටෙක ජාතිවාදය ඇවිස්සීමට කටයුතු නොකරන බවත් විග්නේශ්වරන් කිලිනොච්චියේදී යළි යළිත් පවසා තිබේ.
 
 දෙමළ වීරයාට ඇඳීමේ අනවරත අරගලයක නිරතවන විග්නේශ්වරන් නිසා සෙසු දෙමළ පක්ෂ නායකයන්ද අර්බුදයට පත්ව සිටින බව පැහැදිලිය. මොහුට අවශ්‍යව ඇත්තේ උතුරේ දෙමළ ජනතාව තුළ දකුණේ ආණ්ඩුව කෙරෙහි වෛරය ඇති කිරීම මිස සංහිඳියාව ගොඩනැගීම නොවේ.
 
 එක අවස්ථාවක වව්නියාවේ අබලන්ව ඇති වැව් සංවර්ධනය කිරීම සඳහා යුද හමුදාව යොදා ගැනීමට විරෝධය පළ කළ හෙතෙම ඒවා ග‍්‍රාමීය සංවර්ධන කමිටු වෙත භාරදිය යුතු බව ප‍්‍රකාශ කර සිටියේය. එනිසාම වැව් පිළිසකර කිරීම ඇන හිටි අතර ගොවි බිම් පාළුවී ගියේය. ඒ විග්නේශ්වරන්ගේ හමුදා විරෝධය නිසාය.
 
 උතුරු මහා ඇමැති ලෙස සිටිමින් දෙමළුනි නැගිටිව් කිව්වා හැරෙන්නට ඔහු උතුරේ දෙමළ ජනතාව නගා සිටුවීම වෙනුවෙන් කළ මෙහෙය කුමක්ද? ශ‍්‍රී ලංකාව ඈත අතීතයේ සිටම දෙමළ ජනතාවගේ නිජබිමයි යනුවෙන් මන්ත‍්‍ර ජප කිරීම තුළින් පීඩිත දෙමළ ප‍්‍රජාවගේ බඩගිනි නිවෙන්නේද? මේ රාජකීය සිසුවා සිය දේශපාලන කල්පැවැත්ම වෙනුවෙන් පමණක් ජාතිවාදය අවුලන බව පැහැදිලි කරුණකි.
 
 මොහුට දෙමළ ජනතාව වෙනුවෙන් පෙනී සිටීමට අයිතිය ඇති බව පැහැදිලිය. නමුත් ජාතිවාදය වපුරා නැවත උතුරේ ප‍්‍රජාව දෙමළ නාසිවාදය වෙත ඇද දැමීමට කටයුතු කිරීමට ඉඩ දිය යුතු නැත. පාර්ලිමේන්තුවේ කතා වලින් හෝ කිලිනොච්චි කතාවලින් දෙමළ ප‍්‍රශ්න විසඳෙන්නේ නැත. මේවා විගීට පහදා දෙන්නට ඉදිරිපත්වන්නේ කවරෙකුද? උතුරේ ප‍්‍රශ්න වලට අතදමන්නට දැන් ඉන්දියාව පැමිණෙන්නේ නැත. ඒ ඉන්දියාව අත්පුච්චා ගත් නිසාය. ඉන්දියාව ගනුදෙනු කරන්නේ සම්බන්ධන් සමග මිස විගී සමග නොවේ. දිල්ලියට පෙනෙන්නට නාඩගම් නැටුවාට උතුරට ලැබෙන වාසියක් නම් නැත.
 

korosපොදු ප‍්‍රවාහන සේවයේ සෞඛ්‍ය නිර්දේශ මුලින්ම කඩ කරන්නේ රියැදුරන් සහ කොන්දොස්තරලාය. මේ වන විට මේ පිරිසෙන් බහුතරයක් මුඛ ආවරණ පළඳින්නේ නැත. ඔවුන්ට අත් පිරිසිදු කරගැනීමට විෂබීජ නාශක දියර බස්රථවල නැත. රජය මේ පිළිබඳව සියලූ බස් සංගම් දැනුවත් කළ යුතුය. සෞඛ්‍ය නිර්දේශ කඩ කරන බස් රථ පිළිබඳව සොයා බැලීම මහජන සෞඛ්‍ය පරීක්ෂකවරුන්ගේ වගකීමය. ඔවුන්ට ඒ සඳහා බලය පැවැරීම රජයේ වගකීමය.

ශ‍්‍රී ලංකා දුම්රිය සේවාව මගීන්ට දැන් හොඳටම තිත්ත වී ඇත. වෙනත් රටක, අඩුම තරමින් ඉන්දියාවටවත් ගොස් දුම්රියක ගමන් කර නැති අයට නම් අපේ දුම්රියේ මේ නීරස කතන්දරය තේරෙන්නේ නැත. ඒ රටවල ප‍්‍රධාන ප‍්‍රවාහන මාධ්‍ය දුම්රිය නිසාදෝ, වෙලාවක් කිව්වොත් ඒ වෙලාවටම දුම්රිය පිටත් වේ.
 
 එසේම, එනවා යැයි කියන වෙලාවටම ඕනෑම දුම්රිය පළකට දුම්රිය ළඟාවෙන අතර, දුම්රියට නගින්නටවත්, ඉන් බසින්නටවත් පොරකන්නට ඕනෑ නැත. පෙට්ටි ගණන් දිග දුම්රියක වුවත් අපිට වෙන්කර ඇති පෙට්ටියට නගින්නට නම්, දුම්රිය වේදිකාවේ එම පෙට්ටියේ සංකේතය සලකුණු කර ඇති ස්ථානයේ රැුඳී සිටීම ප‍්‍රමාණවත්ය.
 
 තවද, ලෝකයම විදුලි දුම්රිය, මෙට්‍රොපොලිට‍්‍රන් (Sky Train) දුම්රිය ස්ථාපිත කරමින් නාගරික ප‍්‍රවාහන තදබදය අවම කරමින් මගීන්ට ඉතා හොඳ ප‍්‍රවාහන සේවාවක් ලබාදීමට කටයුතු කරද්දී අපිට තවම ඒවා සිහිනයක් පමණි.
 
 අඩුම තරමින් කොළඹ නගරයට කිලෝමීටර් 50 ක් ඇතුළත වේයන්ගොඩ - මීරිගම, ජාඇල-මීගමුව, කොට්ටාව-හෝමාගම, කළුතර-අලූත්ගම වැනි ප‍්‍රදේශවල සිට පැය භාගයකට වරක්වත් රේල් බස් සේවාවක්වත් පටන්ගන්නට බැරි වූ රටක දුම්රිය සේවාව ගැන තවදුරටත් කතා කිරීමෙන් ද ඵලක් නැත.
 
 ජනාකීර්ණ කොළඹ නගරයේ (කොටුව) සිට මාර්ග තදබදය වැඩි නාරාහේන්පිට හන්දියේ පිහිටි කම්කරු කාර්යාලයේ සේවයක්  ලබාගැනීමට බස් රථයේ එන අයකු ගැන සිතමු. අඩුම තරමින් ඔහුට එක් ගමන් වාරයකට පැයක්වත් බැගින් පැය දෙකක්වත් ඒ සඳහා කාලය වැය කිරීමට සිදුවේ. නමුත්, ඇත්ත නම් ඊට වඩා පාරට කාලය ගතවන බවය. මේ සඳහා දුම්රියෙන් ගතවන්නේ විනාඩි කිහිපයක කාලයකි. එනමුත්, නාරාහේන්පිටට දුම්රිය ස්ථානයක් තිබුණ ද, ඒ සඳහා ප‍්‍රමාණවත් දුම්රිය සේවයක් එහි නැත.
 
 මේ අප සඳහන් කළේ දිගු, අභිමානවත් දුම්රිය සේවයක් හිමි අපේ රටේ දුම්රිය සේවාව ගැන කරුණු බිඳකි. කාර්යාල වේලාවලදී කාර්යාල සේවකයින් දුම්රියේ යන්නට කරන මාරාන්තික යුද්ධය ගැන අප කියනවාට නොව, අලූතින් පත් කළ දුම්රිය ඇමැතිතුමාම පැමිණ බැලිය යුතු වෙනම කාරණයකි.
 
 අපට හදිසියේම දුම්රිය මතක් වූයේ යළිත් දුම්රිය සේවයේ අර්බුදයක් හටගෙන තිබෙන නිසාය. එම අර්බුදය විටෙක අප හැමදාමත් කියන දුම්රිය ප‍්‍රමාදයට ද සම්බන්ධ එකකි. එසේ හෙයින් එහි තොරතුරු විමසා බැලීම දුම්රිය මගීන්ටද වැදගත් වන්නකි.
 
 කෝටි ගණන් මුදල් වැයකර චීනයෙන් මෙරටට ආනයනය කර ධාවනයට එක්කර ඇති දුම්රිය මැදිරි හා එන්ජින්වල බරපතළ කාර්මික දෝෂ පවතින බව එම එන්ජින් රියදුරෝ පවසති. හරි හැටි තිරිංග පද්ධති ක‍්‍රියාත්මක නොවීම නිසා එය සෘජුවම දුම්රිය ප‍්‍රමාදයට හේතුවක් බවත්, අපේක්ෂිත පරිදි දුම්රිය ස්ථානවලදී දුම්රිය නවතා ගැනීම කළ නොහැකි බවත් ඔවුහු පවසති.
 
 එසේම, අනපේක්ෂිත පීලි පැනීම්, දුම්රිය ඉදිරියට පැනීම් වැනි ප‍්‍රශ්න ගණනාවක් මෙම චීන බලවේග කට්ටල දුම්රිය තුළ පවතින බැවින් හා දිගින් දිගටම පවතින අපහසුතා ගැන කීවද බලධාරීන් නෑසූ කන්ව සිටීම නිසා මෙන්ම එහි වගකීම තමන්ට ගත නොහැකි නිසා තමන් වෘත්තීය ක‍්‍රියාමාර්ගයක් ලෙස මෙම චීන දුම්රියවල සේවයෙන් ඉවත් වන බව එම රියදුරු සංගමය රජයට පවසයි.
 
 මෙය එක් අතකින් හොඳ ක‍්‍රියාමාර්ගයකි. සැබෑ තත්ත්වය ගැන බලධාරීන්ගේ මෙන්ම ජනතාවගේද අවධානය යොමු කිරීමකි. ජනතාව ලෙස අප මෙවන් තත්ත්ව දැනසිටිය යුතු කාරණයකි. කෝටි ගණන් මුදල් වැය කර, මෙරටට ගෙන්වන දුම්රිය හරියට පිටකොටුවේ විකුණන රුපියල් 20-30 චීන ප්ලාස්ටික් කෑලි වගේ වන්නේ නම් එය මහා අපරාධයකි. අන්තිමට අපට ඉතිරි වන්නේ යකඩ ගොඩවල් පමණි. දැනටමත් ඉන්දියාවෙන් ගෙන්වූ එන්ජින් රැුසක් ලංකාවේ මාර්ගවලට නොගැලපෙන බැවින් ඉවත් කර පසෙක ගාල් කර ඇත.
 
 මේවාට වගකියන්නේ කවුද යන්න අපට ඇති ප‍්‍රශ්නයයි. රටේ මුදල් ගිල දමන්නට පෙර සැබෑවටම මේවා රටට ගැලපෙනවා දැයි සොයා බැලිය යුතුය.
 
 කෙසේ හෝ රියැදුරන්ගේ වෘත්තීය ක‍්‍රියාමාර්ගයට රජයේ විසඳුම් ලැබී තිබේ. ඒනම්, යම් කාර්මික දෝෂයක (අනතුරක) වගකීම දුම්රිය බලධාරීන් විසින් දරාගැනීමය. නොහොත් අවදානම මගීන් පිට පැටවීමය. චීන දුම්රියවල 20 කෑලි ප‍්‍රශ්නයට ස්ථිරසාර විසඳුම් මිස මෙසේ ජනතාව බිල්ලට දෙන තීන්දු නොගන්නා ලෙස අප බලධාරීන්ගෙන් ඉල්ලා සිටින්නට කැමතිය.
 

අපට මේ කතාව හිටි හැටියේ මතක් වූයේ ජනාධිපති ගෝඨාභය රාජපක්‍ෂ මහතා ඊයේ පෙරේදා කළ කතා දෙකක් නිසාවෙනි. එක් කථාවකින් කියැවුණේ තමා රට වෙනුවෙන් කාර්ය බහුල නිසා උත්සව, ත්‍යාග ප‍්‍රදාන, මංගල උත්සව වැනි පෞද්ගලික කාරණාවලට තමාට ආරාධනා නොකරන ලෙසයි. ජනතාව තමන්ට පැවරූ ජාතික වගකීම ඉටුකිරීමට අවශ්‍ය තරම් කාලය ගතයුතු නිසා පෞද්ගලික උත්සව සඳහා තමන්ට ඇරයුම් නොකිරීමට කාරුණික වන්නැයි ජනාධිපතිවරයාගේ ඉල්ලීම විය. අප දන්නා ඉතිහාසයේ මෙවැනි ඉල්ලීමක් කළ ජනනායකු පිළිබඳව අපට මතක නැත.

kandos18

අද දිවයින

සිනමා කලා

maalani250

නවලිය

aaksa250

දියග

wejadas250new

මීවිත

yohanis250

More Articles