Divaina - Kathuwakiya

e5

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

divaina island Page 1

mcc මිලේනියම් චැලෙන්ජ් කෝපරේෂන් ගිවිසුම අත්සන් කරන ආණ්ඩුවක තමන් මොහොතක් හෝ නොසිටින බව ජා.නි. නායක විමල් වීරවංශ මහතා ප‍්‍රකාශ කර තිබේ. එය මිලේනියම් චැලෙන්ජ් කෝපරේෂන් නොව වෙනත් ඕනෑම නමකින් පැමිණියද තම මතය අදාළව බවද මෙරට ව්‍යවස්ථාදායකයට පවා උඩින් යන, අධිකරණයට පවා වග නොකියන, ලංකාවේ නීතිය අභිබවා යන තත්ත්වයක් ඇතිවෙන ගිවිසුම් කුමන නමින් ආවත් තම තමන්ගේ විරෝධය පළ කරන බව ද ඔහු පවසා තිබේ.

 ගෝලීය වශයෙන් ආසාදිතයන් වාර්තා වීම ඉහළ යමින් තිබෙන බැවින් තවදුරටත් රටේ කොරෝනා මර්දන ක‍්‍රියාවලිය සුපරික්ෂාකාරීව ඉදිරියට ගෙන යා යුතුව තිබේ. දේශපාලනික වාසි ලබා ගැනීමේ අරමුණෙන් ඇතැම් දේශපාලකයන් කොරෝනා මර්දනය කළ බවට වීරෝදාර ප‍්‍රකාශ නිකුත් කළද, රටේ සෞඛ්‍ය අංශ මේ මොහොතේ ඉතා වගකීමෙන් කටයුතු කළ යුතුය.

භික්ෂූන් වහන්සේ ඇතුළු ආගමික නායකයන් නැතිනම් රටත් ජාතියත් වළපල්ලේ බවද සිහිපත් කරනු කැමැත්තෙමු. වාරියපොළ සුමංගල, කුඩාපොළ, හික්කඩුවේ සුමංගල, මිගෙට්ටුවත්තේ ගුණානන්ද වැනි යතිවරයාණන් වහන්සේලාගේ පටන්, සෝම හිමියන්ගේ පටන් ජාතිය අවදි කරන වත්මන් ජාතිමාමක භික්ෂු පරපුරක් නොමැත්තේ නම් රටත් ජාතියත්, ආගමත් පත්වන ඉරණම ගැන අමුතුවෙන් කිව යුතු නැත.

දූෂිත නිලධාරීන්ගේ ක‍්‍රියා හේතුවෙන් බන්ධනාගාරය අපරාධකරුවන්ගේ ක‍්‍රීඩාපිටියක් බවට පත් වී ඇති බව නීතිපති දප්පුල ද ලිවේරා මහතා  පසුගිය සතියේ ප‍්‍රකාශ කර තිබිණි. එම නිසා මහජනයාට බන්ධනාගාර කෙරෙහි ඇති විශ්වාසය බිඳ වැටී ඇති බවද හෙතෙම අවධාරණය කර තිබුණේ කොළඹ රිමාන්ඞ් බන්ධනාගාරයේ නිල සංචාරයක් සඳහා සහභාගි වෙමිනි. නීතිපතිවරයාගේ මේ ප‍්‍රකාශය සැබවින්ම අගය කළ යුතු සේම සියලූ දෙනාගේ ඇස අරවන්නක් බව පැහැදිලිව සටහන් කළ යුතුය. කංජිපානි ඉම්රාන්ගේ සිරකුටිය ආවරණය වන ලෙස රෙදි එල්ලන්නේ කවුරුන්ද යන්න ආරක්ෂක ලේකම්වරයා විසින් පසුගිය දිනක හෙළිකර තිබිණි. අපරාධකරුවන්ට පාතාලය මෙහෙයවන්නට ඉතා හොඳ වටපිටාව සැලසෙන්නේ බන්ධනාගාරය තුළදී වීම ඛේදයකි. පාතාල මර්දනය වෙනුවෙන් බන්ධනාගාර නිලධාරි විනය සෑදීම අනිවාර්ය දෙයකි. නීතිපතිවරයා සිදු කළ කතාවේ මෙලෙස සඳහන් විය. ”මෙහි නිලධාරීන්ගේ විනයක් නෑ, රැුඳවියන්ගේ විනයක් නෑ. අල්ලස සහ දූෂණයට බන්ධනාගාර නිලධාරීන් ඇබ්බැහි වෙලා තිබෙන්නේ. ප‍්‍රබල අපරාධකරුවන්ගේ තහනම් භාණ්ඩ බන්ධනාගාරයට ඇතුළත් කිරීමට ඇබ්බැහි වෙලා. පාතාල කල්ලි සංවිධානය කෙරෙන්නේ  බන්ධනාගාරය තුළයි. මෙහි රැඳවියන්ව නිලධාරීන් ආරක්ෂා කරනවා, නිලධාරීන්ව රැඳවියන් ආරක්ෂා කරනවා. මේ දෙගොල්ලො අතර අන්තර් සහජීවනයක් තිබෙනවා. එය නැති විය යුතුයි. බන්ධනාගාරය අපරාධකරුවන් බිහි කිරීමේ මධ්‍යස්ථානයක් බවට පත්වෙලා.”
 
 බන්ධනාගාර නිලධාරීන් හා රැුඳවියන් අතර පවතින සහජීවනය හේතුවෙන් උදාකරන්නේ රටට අයහපත බව අමුතුවෙන් සඳහන් කළ යුතු නැත. මේ සඳහා සියලූ නිලධාරීන් වගකිව යුතු නැති වුවත් කිහිපදෙනකුගෙන් වුවත් සිදුවන්නේ මහත් විපතකි. කංජිපානි ඉම්රාන්ට රෙදි එලන්නේද මෙම දූෂිතයින්ය. ඔවුන්ද පාතාල සාමාජිකයින් ගොන්නටම දමා නිසි දඬුවම් දීම සුදුසුය. ඊයේ දිනයේ එක් ජාතික පුවත්පතක ප‍්‍රධාන සිරස්තලය වූයේ කුඩු ජාවාරමුන්ට දුරකථන ගෙන ගිය මාතර හා මහර බන්ධනාගාර නිලධාරීන් දෙදෙනකුගේ වැඩ තහනම් කිරීමක් පිළිබඳවය. නීතිපති කළ කතාවේ සත්‍යභාවය මේ පුවතින්ම යළි යළිත් තහවුරු නොවන්නේද? මෙවන් නිලධාරීන්ගේ වැඩ තහනම් කිරීම් පමණක් නොව නීතිය මගින් දැඩි දඬුවම් දීම ද අනිවාර්යයෙන් සිදු කළ යුත්තකි. එසේ නොවන්නේ නම් හෙටත් අනිද්දාත් බන්ධනාගාරය තුළට සිම්පත් යෑම නවතින්නේ නැත. සාමාන්‍යයෙන් කියන්නේ එළියේ හිඟ දේවල් පවා ඇතුලේ ඇති බවයි. මේ ඇතුළ අන් කවරක්වත් නොව ලංකාවේ බන්ධනාගාරයයි.
 
 සුළු වරදකට සිරගත වන තරුණයා බන්ධනාගාරයෙන් පිටවන්නේ තමා ද පාතාලයෙක් වන අරමුණු ඇතිවය. ඒ ඊනියා ශික්ෂණය ලැබෙන්නේ  බන්ධනාගාරයෙන් වීම කනගාටුවකි. එම නිසාම නිලධාරි පාතාලයෙන් බන්ධනාගාරය මුදා ගත යුතුය. මේ හේතුකොටගෙන නව බන්ධනාගාර කොමසාරිස් ජනරාල් තුෂාර උපුල්දෙණිය මහතාට විශාල කාර්යභාරයක් පැවරී ඇති බව පෙනේ. එය අභියෝගයකි. එනමුත් රටට සමාජයට යහපත පිණිස එය ඉටුවිය යුතුය. ඉටු කළ යුතුය.

කොස්ස, ඉදලේ සිට බෙහෙත් පෙත්ත දක්වා දේශීය නිෂ්පාදන වර්ධනය කිරීම කර්මාන්තකරුවන්ගෙන් අපේක්‍ෂා කරන බව ජනාධිපති ගෝඨාභය රාජපක්‍ෂ මහතා පසුගිය දිනෙක අවධාරණය කර තිබිණි. ජනාධිපතිවරයා මේ බව ප‍්‍රකාශ කර තිබුණේ ක්‍ෂේත‍්‍ර  රැසක කර්මාන්තකරුවන් සමග පැවති සාකච්ඡාවකදීය.
 
 කර්මාන්තකරුවන්ගේ සහායට රාජ්‍ය යාන්ත‍්‍රණයෙන් සියලූ ආයතන පෙළගස්වන බව ද එසේම තනි අංක පොලී අනුපාතිකයකට බැංකු ණය සම්පාදනය කරන බව ද කර්මාන්තකරුවන් හමුවේ ජනාධිපතිවරයා ප‍්‍රකාශ කර තිබිණි.
 
 දේශීය කර්මාන්ත නඟා සිටුවීම ජනාධිපතිවරයා අවධාරණය මෙම නව ප‍්‍රවේශය පිළිබඳව අප රටක් ලෙස සතුටු වීමට පුළුවන. කාලයක් අපේ රටේ දේශීය කර්මාන්ත වළපල්ලට ගියේ ඒ සඳහා රාජ්‍ය යාන්ත‍්‍රණය නිසි ලෙස ක‍්‍රියාත්මක නොවීම හේතුවෙනි. පසුගිය කාලය පුරා ඇල්පෙනිත්ත, බොත්තම වැනි ඉතා අල්ප තාක්‍ෂණය ඔස්සේ නිපදවිය හැකි දේ ද අප ගෙන්වාගනු ලැබුයේ පිටරටිනි. එපමණක් නොව රට වටේට මුහුද ඇතත් අප තවමත් ටින් මාළු ආනයනය කිරීමට වාර්ෂිකව මිලියන දහස් ගණනක් වැය කරති. ඉතා පහසුවෙන් අප රටේ නිෂ්පාදනය කළ හැකි කුළුබඩු ඇතුළු බොහෝ ආහාර වර්ග ආනයනය කරනු ලැබේ. පහසුවෙන් අප රටේ දියර කිරි නිෂ්පාදනය කළ හැකි වුවත් තවමත් ඒ සඳහා ක‍්‍රමානුකූල නිශ්චිත වැඩසටහනක් කිසිම රජයක් ක‍්‍රියාත්මක කර නැත.
 
 මෙලෙස ආනයනය කරනු ලබන අති විශාල භාණ්ඩ සඳහා වාර්ෂිකව වැයවන බිලියන ගණනක මුදල ඉතිරි කරගත හැකිනම් වැටී ඇති රට ඉහළට ඔසවා තැබීමේ හැකියාව වැඩි ඈතක නොවනු ඇත.
 
 විශේෂයෙන් කොරෝනා වසංගතය හමුවේ මුළු ලෝකයම ලොක්ඩවුන් වෙද්දි රටේ නිෂ්පාදන ක‍්‍රියාවලියක වැදගත්කම මෙන්ම ස්වයංපෝෂිත ආර්ථිකයක ඇති වටිනාකම අප රටට යළි පසක් කර දී තිබිණි.
 
 ජනාධිපතිවරයාගේ මෙම උත්සාහය මල්ඵල ගැන්වීමට නම් අප රටේ රාජ්‍ය නිලධාරීන් ද ඊට සමගාමීව සිය මෙහෙවර රට වෙනුවෙන් කිරීමට සූදානම් විය යුතුය. අප රටේ බොහෝ නිලධාරීන් තමන්ගේ කාලය, ශ‍්‍රමය හා දැනුම උපරිමයෙන් ලබාදෙන බවක් දක්නට නොලැබේ. විශේෂයෙන් අප රටේ ආර්ථිකය මෙහෙයවීමේ මර්මස්ථානයක් ලෙස සැලකෙන මහ බැංකුවේ නිලධාරීන්ට තදින් කතා කර ඔවුන්ව අවදි කිරීමට ජනාධිපතිවරයාට සිදුවන්නේ මෙවන් පසුබිමකය. මහ බැංකුව පමණක් නොව අප රටේ බොහෝ රාජ්‍ය ආයතනවල ඉහළ පුටු හොබවන සමහර නිලධාරීන් ක‍්‍රියාකරනුයේ නින්ද්‍රාශීලී ස්වභාවයෙනි. කොරෝනා වසංගතයත් සමග වැටී ඇති අප රට යළි ගොඩනැඟීමට මේ නිද්‍රාශීලී ස්වභාවයෙන් මිදිය යුතුමය.
 
 මේ රටේ රාජ්‍ය අංශයේ වේවා පෞද්ගලික අංශයේ වේවා සියලූ දෙනා රට ගොඩනැඟීමේ උත්තුංග කාර්යයට වෙර වීර්යයෙන් කැපවිය යුතුය. විශේෂයෙන් අප රටේ අනාගතය හෙට භාර ගැනීමට සිටින දරු පරම්පරාවට අතීතයට දොස් නොකියන ලෙසට කටයුතු කිරීම වැඩිහිටි අප සැමගේම අභිලාෂය විය යුතුය.
 
 උපන් රටට ණය නොවී තමන්ගේ වටිනා කාලය රට වෙනුවෙන් කැපකළ බවට යම් අයකුට සතුටු විය හැකිනම් ඊට වඩා මොලොවෙදී ලැබිය හැකි තවත් සතුටක් නොමැත. රට ගොඩනැඟීමේ මහා පිංකමට දායක වන්නැයි අප මේ රටේ සෑම පුරවැසියෙක්ගෙන්ම ඉල්ලා සිටීමට කැමැත්තෙමු.
 

අද දිවයින

සිනමා කලා

saranga250

නවලිය

nava250

දියග

irma250

මීවිත

udari250

More Articles