Divaina - Kathuwakiya

e5

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

divaina island Page 1

කොරෝනා වසංගතයත් සමඟ මහජන සෞඛ්‍ය පරීක්‍ෂකවරුන් නැතහොත්  පී.එච්.අයිලාට සුවිශෙෂී භූමිකාවක් හිමිවිය. විශෙෂයෙන් කොරෝනා රෝගය වැළඳුණු අයගේ ආශ‍්‍රිතයන් සොයා යෑමේදී  ඔවුන්ගෙන්වුණු සේවය අතිමහත්ය.
 
 නිරෝධායන කටයුතුවලදී මෙන්ම කොරෝනා ව්‍යාප්ත වෙද්දී ඉන් ආරක්‍ෂාවීමට කි‍්‍රයාකරන්නේ කෙසේද යන්න මහජනතාව දැනුවත් කිරීමේදී මහජන සෞඛ්‍ය නිලධාරීන් සුවිශේෂී කාර්යභාර්යයක් හිමිවිය. ඊට ආසන්නම හේතුව වූයේ ඔවුන් ගමේ මෙන්ම නගරයේ සිටින ජනතාව ගැන හොඳින් දන්නා නිසාවෙනි. එහෙත් මේ වන විට මහජන සෞඛ්‍ය නිලධාරිවරුහු කොරෝනා මැඬපැවැත්වීමේ කටයුතුවලින් පමණක් නොව, ඩෙංගු සහ අනෙකුත් රෝග මර්දන කටයුතුවලින්ද ඉවත්වී සිටිති. මෙය අප දකිනුයේ නොවිය යුත්තක් ලෙසිනි. විශේෂයෙන් කොරෝනා රෝගය අප රටට අභියෝගයක් වී ඇති මොහොතක එය මර්දනය කිරීම පිණිස ඉදිරිපත්ව සිටින කුමන හෝ පාර්ශ්වයක් අදාළ භූමිකාවෙන් ඉවත්වීම අනුමත කළ නොහැක. එසේම යම් කිසි පාර්ශ්වයක් මේ මොහොතේ නිශ්චිත භූමිකාවක සිටියදී ඊට අදාළ වටිනාම අවතක්සේවට ලක්කිරීම ද නොවිය යුත්තකි.
 
 මහජන සෞඛ්‍ය පරීක්‍ෂකවරුන්ගේ සංගමයේ සභාපති උපුල් රෝහණ පෙන්වා දෙන්නේ මහජන සෞඛ්‍ය පරීක්‍ෂකවරුන්ට තම සේවය කරගෙන යෑමේදී මතුවී තිබෙන නීතිමය අවහිරතා ඉවත්කර දෙන ලෙසයි. විශේෂයෙන් කොරෝනා මර්දන කටයුතුවලදී අවශ්‍ය නීතිමය බලතල මෑතකදී නිකුත් කරන ලද මැතිවරණය සඳහා වන කොරෝනා මර්දන සෞඛ්‍ය පිළිවෙත් ඇතුළත් ගැසට් නිවේදනයට ඇතුළත් විය යුතු බව ඔහු අවධාරණය කර සිටී. මෙය බැලූ බැල්මට ම සාධාරණ ඉල්ලීමකි. එමනිසා අදාළ සාධාරණ ඉල්ලීම්වලට අදාළ පාර්ශ්වයන් සුදුසු කි‍්‍රයාමාර්ගයන් ගත යුතුය. විශේෂයෙන් පළමු බලධරයා ලෙස සෞඛ්‍ය ඇමැතිවරයාත් මුළු දිවයිනට ම වගකිව යුතු බලධාරියා ලෙස සෞඛ්‍ය අධ්‍යක්‍ෂක ජෙනරාල්වරයාත් මේ සම්බන්ධයෙන් ඉතා ඉක්මණින් පියවර ගතයුතු බවද මහජන පරීක්‍ෂකවරුන්ගේ සංගමයේ අදහස වී ඇත. මෙය විසඳාගත හැකි ප‍්‍රශ්නයකි. ඒ සඳහා බලධාරීන්ගේ අවධානය ඉතා ඉක්මනින් යොමුවීම ඉතා වැදගත්ය.
 
 එහෙත් මෙහිදී මතක් කළ යුතු විශේෂ කරුණක් ද ඇත. පොලිස් හා මත්ද්‍රව්‍ය නාශක කාර්යාංශය පිළිබඳ මහජනතාව තුළ තිබූ පැහැදීම මේ වනවිට මුළුමනින්ම බිඳවැටී ඇත. ඊට හේතුවූයේ කුඩු අල්ලන්න සිටි පිරිසක්ම කුඩු ජාවාරමේ නිරත වීමය. එය සිදුවූවේ ඔවුන්ට ලබාදුන් බලතල අනවශ්‍ය ලෙස පරිහරණය කිරීමට අවශ්‍ය පසුබිම එහි තිබෙන නිසාවෙනි. විශේෂයෙන් නාකොටික් නිලධාරීන් ගැන නිරන්තර අවධානයෙන් සිටින, පසුවිපරම් කරන කණ්ඩායමක් නොසිටීම නිසා නාකොටික් බලධාරීන් පිරිසකට රිසි සේ මත්කුඩු ජාවාරමේ නිරත වීමට හැකි විය. එහි අවසන් ප‍්‍රතිඵලය වූයේ මේ තරුණ පිරිසට රජයේ බලතල ඇතිවීම කුඩු බෙදාහැරීමට පසුබිමක් සැකසීමයි.
 
 මහජන සෞඛ්‍ය නිලධාරීන්ට ද අවශ්‍ය බලතල ලබාදීම අනිවාර්යයෙන්ම විය යුත්තකි. එහෙත් බලතල ලබාදීමකින් අනතුරුව යම් මහජන සෞඛ්‍ය පරීක්‍ෂකවරයකු නම් බලතල අයුතු ලෙස භාවිත කරන්නේ නම් එය නැවැත්වීමට අවශ්‍ය විධි විධාන ද නව සංශෝධනයකට ඇතුළත් විය යුතුය. සමස්තයක් ලෙස මහජන සෞඛ්‍ය නිලධාරීන්ගේ සේවය ගැන මේ රටේ මහජනතාව තුළ ඇත්තේ ප‍්‍රසාදයකි. එම මහජන සැලකිල්ල සහ ගෞරවය රැුකගැනීම යනු අදාළ වෘත්තියේ යෙදී සිටින සියලූ දෙනාම තෘප්තිමත් විය හැකි කාරණයකි. එහෙත් මේ අතර සිටින එක්කෙනෙක් දෙන්නෙක් පිස්සු කෙළියොත් සමස්ත මහජන පරීක්‍ෂකවරුන් කරන සේවයම හෑල්ලූවට ලක්වන්නේය. එවැනි දේ නොවීමට අලූත් සංශෝධනයකදී පියවර  ගැනීමද අවශ්‍යයෙන්ම කළ යුත්තක් බව අවධාරණය කරනු කැමැත්තෙමු.
 

පළමු ලෝක යුද්ධයෙන් අනතුරුව බි‍්‍රතාන්‍ය අධිරාජ්‍යවාදීන් විසින් නිර්මාණය කරන ලද තෙල් ටැංකි සංකීර්ණය මුලින් ටැංකි 101 න් සමන්විත වූ අතර දැන් එයින් ඉතිරිව තිබෙන්නේ 99 ක් පමණි. එය ඛනිජ තෙල් ගබඩා කිරීම සඳහා ශ‍්‍රී ලංකාව සතුව තිබෙන එකම තෙල් ටැංකි සංකීර්ණය වේ. ජනාධිපති ජේ. ආර්. ජයවර්ධන මහතා සහ ඉන්දීය අගමැති රජීව් ගාන්ධි අතර 1987 ජුලි මාසයේ අත්සන් තබන ලද ඉන්දු ලංකා ගිවිසුම ප‍්‍රකාර ත‍්‍රිකුණාමලයේ තෙල් ටැංකි සංකීර්ණය සම්බන්ධයෙන් ඉන්දියාව හැර වෙනත් කිසිදු රටක් සමග ගනුදෙනු නොකිරීමට ශ‍්‍රී ලංකාව බැඳී සිටී.
 
 2003 දී එවක පැවති ආණ්ඩුව හා ඉන්දීය ඛනිජ තෙල් සමාගම සමග ගිවිසුමකට අත්සන් තැබිණි. මෙම ගිවිසුම අනුව ත‍්‍රිකුණාමලයේ තෙල් ටැංකි අනූනමය වසර 37 ක කාලයක් සඳහා බදු දීම මෙන්ම ශ‍්‍රී ලංකාව තුළ ඛනිජ තෙල් බෙදාහැරීමේ කටයුතුවලින් තුනෙන් එකක් ඉන්දීය සමාගමට පැවරිණි. කෙසේ නමුත් වර්තමානයේ යළි මෙම තෙල් ටැංකි 20 ක් ඛනිජ තෙල් නීතිගත සංස්ථාවේ භාවිතාව සඳහා ලබා ගැනීමට සාකච්ඡුා සිදුවෙමින් පවතින බවට පුවත් පළවී තිබේ. ඇත්තෙන්ම මෙය සතුටුවිය හැකි රටේ බලාපොරොත්තු දල්වන කාරණයකි. ලංකාවේ උරුමය ඉන්දියාවට පවරා දීම කිසි විටකත් සිදු විය යුතු නැත. ඉන්දියාවට අවශ්‍ය සිනහසෙමින් අපේ සම්පත් සූරා කෑමටය. ත‍්‍රිකුණාමලයේ තෙල්
 
 ටැංකිවලින් ඉන්දීය තෙල් සමාගම භාවිත කරන්නේද 17 ක් පමණකි. ලංකා ඛනිජ තෙල් සංස්ථාවේ සේවකයන් නිරන්තරව කියා සිටියේ මේ ටැංකි ඉන්දියාවට පැවරීම කිසිසේත් අනුමත නොකරන බවයි. සේවක බලාපොරොත්තුද ඉහළ නංවමින් ලංකාවේ භාවිතය සඳහා තෙල් ටැංකි 20 ක් ලබා ගැනීමේ සාකච්ඡුා ආරම්භ වී ඇත. ආසියාවේ ඇති විශාලතම තෙල් පර්යන්තවලින් එකක් ලෙස සැලකෙන ත‍්‍රිකුණාමලයේ තෙල් ටැංකි සංකීර්ණය ඉන්දියාවත් සමග එක්ව සංවර්ධනය කර භාවිතයට ගැනීමට කළ යෝජනාවකට කැබිනට් මණ්ඩලය 2018 අගෝස්තු මාසයේ අනුමැතිය පළ කර තිබිණි. එහෙත් එය ක‍්‍රියාත්මක වූයේ නැත. රටේම මේ යෝජනාවලට බරපතළ විරෝධයක් මතු විය. නව කොරෝනා වසංගතය ලොව පුරා පැතිරීමත් සමග ලෝක තෙල් මිල පහළ බැස ඇති නිසා මේ කාලයේ වැඩියෙන් තෙල් මිලදී ගෙන ගබඩා කර තැබීම ඉදිරියේදී රජයට ඉමහත් වාසියක් අත්කර දෙන බව පැහැදිලිය. ඒ සඳහා සුදුසුම ස්ථානය වන්නේ ත‍්‍රිකුණාමලයයි. මේ ජාතික සම්පතෙන් අප නිසි ප‍්‍රයෝජන ගත යුතු නොවේද? ඒ සඳහා වත්මන් රජය ක‍්‍රියාත්මක වීම අගය කළ යුතුය. ඇත්තෙන්ම ඩොලර් මිලියන 10 ක වියදමකින් ප‍්‍රතිසංස්කරණය කර ත‍්‍රිකුණාමලයේ තෙල් ටැංකි 16 ක් නැවත භාවිත කළ හැකි බවට වාර්තාවක් ඛණිජ තෙල් සංස්ථාවේ පළපුරුදු ඉංජිනේරුවන් පිරිසක් 2016 රජයට ඉදිරිපත් කර තිබිණි. උතුරු නැගෙනහිර පළාත් වලට ඛනිජ තෙල් බෙදා හැරීමේ කටයුතුවලට ත‍්‍රිකුණාමලයේ තෙල් ටැංකි ලබා ගැනීම මගින් මහත් වාසියක් සැලසේ. එය ඛනිජ තෙල් සංස්ථාවේ ලාභය ඉහළ නංවන්නකි. මෙයින් වාසිය සැලසෙන්නේ රටටමය. එනිසාම ඉතා ඉක්මනින්ම මේ තෙල් ටැංකි 20 යළි ලක්වැසියන්ගේ ප‍්‍රයෝජනය සඳහා භාවිතයට ගැනීමට කටයුතු කළ යුතුය.
 

cor1කොරෝනා වෛරසයෙන් බලපෑමට ලක් වූ සෑම රටක්ම වෛරසය සමග ඉදිරියට යෑමට සැලසුම් සකස් කර තිබේ. නමුත් එම සැලසුම් දියත් වන්නේ කොරෝනා ආසාදිතයන් හඳුනා ගැනීමේ පරීක්ෂණ ප‍්‍රමාණය දිනෙන් දින වැඩි කරමින්, එලෙස හඳුනා ගන්නා ආසාදිතයන් නිරෝධායනයට ලක් කරමිනි. කොරෝනා වෛරසයට එන්නතක් නිපදවීම අවසන් අදියරට පැමිණ ඇති බැවින් වෛරසය පරාජය කිරීම පිළිබඳව ලෝකය සුබවාදී බලාපොරොත්තු තබාගෙන සිටියි. නමුත් එන්නත සාර්ථක වන තෙක් කොරෝනා වසංගතය පාලනය කිරීමේ වගකීම ලෝකයේ සෑම රටකටම පැවරී තිබේ.

jungහදිසියේ වත්මන් රජයට මේ දිසාපති කැලෑ නොහොත් රජයේ වෙනත් කැලෑ නොහොත් අවශේෂ වනාන්තර මතක් වී තිබේ. ඒ ගොවීන්ට ලබාදීමට ඉඩම් හිඟයක් රටේ පවතින නිසා යයි පවසමිනි. එනමුත්, පරිසරවේදීන් කියන පරිදි සත්‍ය එය නොවේ. ඉහත කරුණ ඉදිරියට දමාගෙන නොහොත් මුට්ටිය දමාගෙන රජය මේ සැරසෙන්නේ චීනය, සිංගප්පූරුව ඇතුළු කොම්පැණිකාරයින් සඳහා තොග පිටින් ඉඩම් ලබාදීම සඳහා බව ඔවුහු කියා සිටිති. ඒ සඳහා රජය මෙම වෙනත් වනාන්තර සංරක්ෂණය කරනු ලබන 5/2001 චක‍්‍රලේඛය අහෝසි කිරීමට සැරසේ. එයින් මෙම සම්පූර්ණ වනාන්තර හෙක්ටයාර් ලක්ෂ 5 ම අනාරක්ෂිත වන අතර, දේශපාලකයින්ට ඕනෑ ඕනෑ විදිහට පරිහරණය කරන්නට නිදහස ලැබේ.

katuwaමහජන සාමය මූලික කරගෙන එය ඇති කිරීමට කතිකාවක් සමාජය තුළ ඇරඹිය යුතුව ඇත. ඒ සඳහා නොපමාව  පෙළගැසෙන්නැයි පොලිසියේ මහත්වරුන්ගේ මෙන්ම මහජන සාමය උදෙසා පෙනී සිටින සියලූ පාර්ශ්වයන්ගෙන් ඉල්ලමු. දෙපාර්ශ්වය අතර බිඳුණු හොඳහිත යළි රෙපෙයාර් කිරීමේ වැඩි වගකීම ඇත්තේ පොලිසියේ ඉහළ නිලධාරීන්ට බව අමතක නොකළ යුතුය. එනිසා වගකීමක් සහ වගවීමක් සහිතව පොලිසිය සහ මහජනතාව අතර විශ්වසනීයභාවය ඇති කිරීමට සියලූ පාර්ශ්වයන්ගේ දායකත්වය ලබා එක්වන්නැයි දිය යුතුව ඇත.

අද දිවයින

සිනමා කලා

saranga250

නවලිය

nava250

දියග

irma250

මීවිත

udari250

More Articles