Divaina - Kathuwakiya

top banner


div

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

delta

අප සිතා සිටියේ තිස් වසරක් පුරා මෙරට වෙළාගෙන තිබූ බෙදුම්වාදී ත‍්‍රස්තවාදය මෙරට පැවති (හෝ පවතින) ප‍්‍රමුඛතම ජාතික ව්‍යසනය බවටය. එහෙත් එය එසේ නොවන බව අන්තරාය ඖෂධවලට ඇබ්බැහි වූවන් පුනරුත්ථාපන කොමසාරිස් ජනරාල් බි‍්‍රගේඩියර් දර්ශන හෙට්ටිආරච්චි විසින් පොළොන්නරුවේ සේනපුර පිහිටි එම ඇබ්බැහි වූවන් පුනරුත්ථාපනය කෙරෙන මධ්‍යස්ථානයේ දී දක්වා ඇති අදහස්වලින් සමාජයට ඒත්තු යයි.
 
 ඔහු පවසන පරිදි රට මේ මොහොතේ බරපතළ ඛේදවාචකයක පවතී. එසේ වන්නට හේතුව සමාජය බරපතල අයුරින් මත් රකුසා විසින් ගිලගෙන තිබීමය. එය කෙතරම් අනතුරුදායක තත්ත්වයක පවතින්නේද යත්, කොමසාරිස් ජනරාල්වරයා පවසන පරිදි වයස අවුරුදු 18 අඩු රටේ දරුවන්ගෙන් ලක්ෂ 2 ට වඩා ප‍්‍රමාණයක් මත්ද්‍රව්‍යවලට ඇබ්බැහි වී සිටී.
 
 ඔහු පවසන පරිදි මෙන්ම අපට ද හැඟී යන පරිදි මෙය රටේ මහත් ඛේදවාචකයක් වන අතර, ශ‍්‍රී ලංකාව වැනි කුඩා රටකින් මෙවන් පුවතක් වාර්තාවීම අතිශය කනගාටු දායක තත්ත්වයකි. එසේම, දරුවන්ද වැඩිහිටියන් ද නොව, රටක් මත් රකුසාට ගොදුරුවීම එම රටේ, සමාජයේ පිරිහීම ඉන් කියැවේ. ශ‍්‍රී ලංකාව ඒ ‘අගනා නාමය’ දැනටමත් හිමිකරගෙන සිටීම ලජ්ජාවකි.
 
 බලයට පත්වූ බොහෝ රජයන් මෙරටින් මත් උවදුර පිටු දකින්නට කතා කළ අයුරු හා ඇතැම් ජනප‍්‍රිය ක‍්‍රියාමාර්ග ගත් අයුරු ද අපේ මතකයේ තිබේ. මතට තිත එවන් ජනප‍්‍රිය තේමාවකි. එහෙත් යන යන තැන හතු පිපෙන්නා සේ බාර් ඉදිවෙමින්, තම හිතවතුන්ට බාර් ලයිසන් ලබා දුන් කාලකන්නි ආණ්ඩු විසින්ම මතට තිත වෙනුවට තිතට මත් වන්නට අවකාශ ලබාදීමේ ප‍්‍රතිපල ලෙස ද මෙසේ ළමයින් මත් රකුසාට ගොදුරු වන්නට එක් හේතුවක් වන්නට ඇතැයි අපට කල්පනා කළ හැකිය.
 
 එසේම මත්ද්‍රව්‍ය බෙදාහැරීමේ ජාත්‍යන්තර මධ්‍යස්ථානයක් ලෙස කැත නමක් දිනා සිටින ශ‍්‍රී ලංකාව තුළ ලෝකයේ භාවිතයට ගන්නා ඕනෑම මත්ද්‍රව්‍යක් හොයා ගන්නට ගතවන්නේ නිමේෂයකි. ගංජා, හෙරොයින් (කුඩු), අයිස්, අබිං වැනි මෙකී නොකී සියලූ මත්ද්‍රව්‍ය දිවයිනේ බොහෝ පාසල් අසලින්ම සොයාගන්නට හැකිවීම දේශයේ දරුවන් පත්ව සිටිනා ඛේදවාචකය මැනවින් ප‍්‍රදර්ශනය කරවයි.
 
 ඊයේ (2දා) දිවයින පුවත්පත වාර්තා කරන තවත් පුවතකින් කියන්නේ මහනුවර ප‍්‍රදේශයේ මිශ‍්‍ර පාසලක ලොකු අය්යලා විසින් බලෙන් මත් ටොෆී කැවීම නිසා රෝගී වූ 6 පන්තියේ සිසුවෙකු රෝහල් ගත කර ඇති බවකි.
 
 පිටස්තර කල්ලියක් විසින් පාසලට බෙදාහැර ඇති මෙම මත් ටොෆිය ලොකු අය්යලා විසින් අනෙකුත් සිසුන් අතර බෙදා හරින බව පොලිස් පරීක්ෂණවලින් සොයාගෙන ඇත.
 
 මෙසේ වසංගතයක් හා පොළව නුහුලනා දරුණු ජාවාරමක් ලෙස පැතිර යන මෙම මත් උවදුර පිටුදකින්නට පාසල් අවට යුද හමුදා රැුකවල් දමන්නට යුද හමුදාපතිවරයා තීරණය කර ඇති නමුත් එය ජාතියේ අවාසනාව කියාපාන තත්ත්වයක් බව අපගේ හැඟීමයි. එනමුත් එසේ රැුකවල්ලා සිටින හමුදාවන් මගින් මෙම ජාවාරම්කරුවන් අල්ලා නිසි දඬුවම් ලබා දිය යුතු බවට ද අපි යෝජනා කරන්නෙමු.
 
 බි‍්‍රගේඩියර් දර්ශන හෙට්ටිආරච්චි කියන පරිදි ලෝකයේ බිහිසුණුම ත‍්‍රස්තවාදී හමුදාව පරාජය කළ අපේ හමුදාවට මේ මත් රකුසා පරාජය කිරීම අභියෝගයක් නොවේ. ඔහු කියන පරිදි දැනටමත් කන්දකාඩුව, සේනපුර කඳවුරෙන් පුනරුත්ථාපනය ලබා යළි සමාජගත වූ පිරිස 13000 කි. එසේම, තවත් පිරිසක් පුනරුත්ථාපනය ලබමින් ද පසුවේ. මේ කටයුත්තට වඩා වැදගත් වන්නේ මත් රකුසාට බිලිවීමට නොදී සමාජය (විශේෂයෙන් දරු පරපුර) ගලවාගැනීමය. ඒ භාරදූර කාර්යයන් දෙකම අද හමුදාව මගින් භාරගෙන තිබීම මත් රකුසාගෙන් ගිනි ගත් හදවත්වලට සිසිල් දිය පොදක් වැටීම හා සමාන වූවකි. මන්ද, මත්ද්‍රව්‍යවලට තම දරුවන් ගොදුරු වීම නිසා ගිනි උහුලනා දෙමවුපියන්ද, පියවරු, ස්වාමියන් නිසා දුක් උහුලනා දරුවන් හා බිරින්දෑවරුන්ට මෙය සැනසුම් සුසුමක් වන නිසාය.
 
 කෙසේ හෝ නව ජනාධිපතිවරයාගේ මැදිහත්වීමෙන් සැබෑ ලෙසම මතට තිත තැබීම සඳහා හමුදාව කැඳවීම අප අගය කරන අතර, පළමුවෙන්ම කළ යුතුව ඇත්තේ මෙරටට විවිධ ආකාරයේ මත්ද්‍රව්‍ය ගෙන එන ජාවාරම්කරුවන් හඳුනාගෙන ඔවුන්ට සුද්දය දීමය. ඒ සඳහා විටෙක පාර්ලිමේන්තුවද, ඇතැම් ලොකු ව්‍යාපාරික ආයතන හා මහා මන්දිර ද පීරීමට සිදුවන බවද හමුදාවට මතක් කර දෙන්නට අප කැමතිය.

 කොරෝනා වෛරසය පැතිරීමේ හා බලපෑමේ අවදානම ගෝලීයව ඉතා ඉහළ මට්ටමක පවතින අතර එය අනතුරු ඇඟවීමේ ඉහළම මට්ටමට ළඟාවී ඇති බව ලෝක සෞඛ්‍ය සංවිධානය ප‍්‍රකාශ කර ඇත. කෙසේ නමුත් ලෝක සෞඛ්‍ය සංවිධානය පවසන්නේ එය පාලනය කිරීම තවමත් කළ හැකි බවයි. කොරෝනා වෛරස් ව්‍යාප්තිය මේ වන විට ”තීරණාත්මක ස්ථානයකට” ළඟා වී ඇති අතර එය ”වසංගත තත්ත්වයක්” දක්වා වර්ධනය වීමේ අවදානමක් මතුව ඇතැයි ලෝක සෞඛ්‍ය සංවිධානයේ ප‍්‍රධානී වෛද්‍ය ටෙඩ්‍රෝස් ඝෙබි‍්‍රයේසස් මහතා ප‍්‍රකාශ කර තිබේ. රෝ බිය දසතම පැතිරෙන බව නම් සහතිකය. දකුණු කොරියානු ආණ්ඩුව ප‍්‍රකාශ කර ඇත්තේ තම රට වැසියන්ට නිවෙස් තුළටම වී සිටින ලෙසය. බුදුන් සමයේ පැවති අහිවාතක රෝගය ගැන අප අසා ඇති නමුත් වර්තමානයේ කොරෝනා භීතිය කෙළින්ම දකිමු. බුදුරජාණන් වහන්සේ රජගහනුවර වේළුවනාරාමයෙහි වැඩ වසන කාලයේ රජගහනුවර එක්තරා පවුලක් අහිවාතක රෝගයෙන් උවදුරට පත්විය. අහිවාතක රෝගය වැළඳීම නිසා එම නිවසේ එක් ස්ත‍්‍රියක් හැර අනික් සියල්ලෝම මිය ගියහ. ඇය නිවස ද නිවසේ වූ සියලූ ධන ධාන්‍යද හැර දමා මරණ භීතියෙන් ත‍්‍රස්තව බිත්තියක් පලාගෙන පැන ගියා ය. කොරෝනා වලට බිලි වූ විට බිත්තිය බිඳගෙන පලා යා නොහැකිය. චීනයට වඩා වැඩි ආසාදිතයින් පිරිසක් චීනයෙන් පිටත සෙසු රටවලින් වාර්තා වීම නිසා ලෝක සෞඛ්‍ය සංවිධානයද කලබල වී ඇත. ඉරානය සහ ඉතාලිය, වෛරසය පැතිරයෑමේ කේන්ද්‍රීය ස්ථාන බවට පත්ව තිබේ. එම රටවල සිට සංචාරය කරන්නන් මගින් වෛරසය තවදුරටත් පැතිර යමින් පවතී. මේ වන විට ඉරානයේ ඉහළ පෙළේ නිලධාරීන් කිහිප දෙනකුට ම කොරෝනා වෛරසය ආසාදනය වී ඇති අතර, වෛරසයට ගොදුරු වූ නවතම පුද්ගලයා වන්නේ, කාන්තා සහ පවුල් කටයුතු පිළිබඳ උප ජනාධිපතිනි මසූමේ එබ්ටෙකාර්ය. ඉරානය සිය පුරවැසියන්ට දන්වා ඇත්තේ, අනවශ්‍ය සංචාරවල නිරත නොවන ලෙසය. ටෙහෙරාන් ඇතුළු අනෙකුත් නගර ආශ‍්‍රිතව සිකුරාදා දේව මෙහෙයන් අවලංගු කර තිබිණි. චීනය, හොංකොං, ජපානය සහ ඉරාකය පාසල් වසා දැමීමට තීරණය කර තිබේ. කවර බලවන්තයෙක් වුවද වෛරසයෙන් ගැලවීමක් නොමැත. චීනයේ සංචාරය කළ නිසා මොංගෝලියානු ජනාධිපති ඛල්ට්මාජින් බතුල්ගා දින 14 ක නිරෝධායන ක‍්‍රියාවලියකට යොමු කිරීමට පියවර ගෙන ඇති බව ජාත්‍යන්තර මාධ්‍ය වාර්තා කර ඇත. නව කොරෝනා වෛරසයට මොංගෝලියාව කොතරම් බියවී ඇත්ද යත් චීනයට ගල් අඟුරු ලබා දීමද නතර කර තිබේ. වඩා බියජනක කාරණය නම් මේ අතර, කොරෝනා වෛරසය ආසාදනය වී ප‍්‍රතිකාර ලබා රෝහල්වලින් පිටව ගිය පුද්ගලයන්ගෙන් 14%ක ප‍්‍රතිශතයකගේ ශරීර තුළ යළිත් වෛරසය සක‍්‍රීය වී ඇති බව තහවුරු වී ඇතැයි චීන සෞඛ්‍ය බලධාරීහු පෙන්වා දී තිබීමයි. සෙම්ප‍්‍රතිශ්‍යාව වැළඳෙන වෛරස මිනිස් ශරීරයෙන් පිටත නොනැසී පවතින්නේ පැය 24 ක් පමණි. නමුත් කොරෝනා වෛරසය ශරීරයකින් පිටත මාස ගණනාවක් නොනැසී පවතියි. ලෝක සෞඛ්‍ය සංවිධානය පවසන පරිදි දින දහයත් දෙකත් ඇතුළත ආසාදිත පුද්ගලයෙකුගෙන් මෙම වෛරසය තවත් පුද්ගලයෙකුට සම්පේ‍්‍රෂණය වීමේ අවදානම පවතියි. කනගාටුව වන්නේ මේ සඳහා ස්ථීර ඖෂධයක් තවමත් සොයාගෙන නොමැතිවීමය. කොරෝනා වෛරසය පුද්ගලයන්ට ආසාදනය වීම වැළැක්වීමට කිසිදු එන්නතකට නොහැකිය. නමුත් එවැනි එන්නතක් නිර්මාණය කිරීමට විද්‍යාඥයෝ පරීක්ෂණ පවත්වමින් සිටිති. එනිසාම ලෝකය පුරාම අනාරක්ෂිත භාවයක් පැතිර තිබේ.
  

පවතින දැඩි වියළි කාලගුණික තත්ත්වය හමුවේ විසන්ධි කිරීමකින් තොරව අඛණ්ඩව විදුලිය ලබාදීම සඳහා මෙගාවොට් 128 ක විදුලිය කඩිනමින් මිලදී ගැනීමට විදුලිබල හා බලශක්ති අමාත්‍යාංශය තීරණය කර ඇති බව ඊයේ මාධ්‍ය මගින් වාර්තා කර තිබිණි. පවතින වියළි කාලගුණ තත්ත්වය හමුවේ විදුලි ධාරිතාව තවදුරටත් අඩුවන්නේ නම් විදුලිය සම්පේ‍්‍රෂණ පද්ධතිය පවත්වාගෙන යාම සඳහා විදුලිය විසන්ධි කිරීමක් සිදුවනු ඇතැයි ද එසේ නොවීමට නම්, මෙගාවොට් 128 ක අවිනිශ්චිත විදුලිබල ප‍්‍රමාණයක් ඉතා ඉක්මණින්ම මිලදී ගත යුතුව ඇතැයි ද විදුලිබල මණ්ඩලය මගින් අදාළ බලධාරීන්ට දන්වා ඇත. දාහයෙන් පීඩිතව හිරු එළියෙන් දැවෙන ජනතාවට විදුලි කප්පාදුවකට මුහුණ දීමට සිදුවුවහොත් එය අපා දුකක් වන බව නම් නොකිවමනාය. එනිසා අඛණ්ඩව විදුලිය සැපයීම ආණ්ඩුවේ කාර්යභාරය විය යුතුය. රටේ පවතින විදුලිය ඉල්ලූම වාර්ෂිකව 5%කට ආසන්න ප‍්‍රමාණයකින් ඉහළ යයි. එහෙත් ඊට සමගාමීව විදුලිය සැපයීම ඉහළ යන්නේ නැත. මේ හැරෙන්නට සෑම වසරකම නියං කාලය තුළ විදුලිය සැපයීම හා නිෂ්පාදනය පිළිබඳ ගැටලූ මතුවෙයි. දේශපාලකයන් මෙබඳු ගැටලූ ගැන සැලකිය යුතු කාලයක සිට කතා කරන මුත් තිරසාර විසඳුමක් ලැබී නැති බව පැහැදිලිය. යහපාලන ආණ්ඩු කාලයේ දෙපැත්තට ඇදෙමින් සිටියා විනා කිසිම නව විදුලි බලාගාරයක් ඉදි කෙරුණේ නැත. සිදු වූයේ පුරාජේරු කතා දෙසීම පමණකි. එයින් සිදු වූයේ කවරක්ද ? 2020 දී උග‍්‍ර විදුලි අර්බුදයක් මතුවීමය. මේ අතර විදුලිය අර්බුදය සම්බන්ධයෙන් වන විවේචන අතර විදුලිය සම්බන්ධ මාෆියාවකට චෝදනා එල්ල වෙයි. මෙය බැහැර කළ නොහැකිය. මන්ද කවර ආණ්ඩුවක් බලයට පත්වුවද මේ මාෆියාව සුරැුකෙන බැවිනි. අප‍්‍රිකානු රටවල් රැුසක සූර්ය බලශක්තිය විදුලිය නිෂ්පාදනය සඳහා සාර්ථකව යොදාගනිති. සූර්ය බලශක්තිය පිළිබඳ සංවාදය ශ‍්‍රී ලංකාව තුළ දීර්ඝ කාලයක සිට පවතී. ආදර්ශ වැඩසටහන් ගණනාවක්ද ක‍්‍රියාත්මක වී ඇත. සූර්ය කෝෂ අලෙවි කරන ආයතන නැතහොත් සමාගම් දෙසිය ගණනක් ද රට තුළ පවතී. එහෙත් සූර්ය බලශක්තිය රටේ ජනප‍්‍රිය නැත. කෙසේ නමුත් සූර්යතාපය නොමිලයේ ලැබුණත් ඉන් නිපදවන විදුලි ඒකකයකට රුපියල් 20ක් පමණ වැය කිරීමට සිදුවන බව ගණන් බලා තිබේ. එසේම සෙසු විකල්ප බලශක්ති හරහාද අපේ විදුලි අර්බුදයට නිසි විසඳුමක් සොයා ගැනීමට නොහැකිවී ඇත. ස්වභාවික වායු බලාගාර ඉදිකරන බව කලක් තිස්සේ ප‍්‍රකාශ කරනු ලැබ ඇතත් ඒ සඳහා මෙතෙක් හරියාකාර සැලැස්මක් නැත. මෙවැනි පර්යන්තයක් ඉදි කිරීමට අවම වශයෙන් වසර 4 ක කාලයක්වත් ගතවේ. එනිසාම පාඩු විඳිමින් පුද්ගලික
 
 බලාගාර වලින් විදුලිය මිලදී ගන්නට සිදුවේ. විදුලි මාෆියාවේ මඩිය තර වන්නේද මෙවිටය. හැමවිටම ජල විදුලිය ගැන දැඩි විශ්වාසයක් තැබීම කළ නොහැකිය. ලෝකයේ බොහෝ රටවල් දැඩි නියඟයකට මුහුණ දෙති. නියඟය ව්‍යාප්ත වන බවක් මිස එය අඩුවන බවක් පෙනෙන්නට නැත. මාසයක් හොඳ හැටි වැසි වැටුනද තවත් මාසයක් දෙකක් යද්දී නැවත අර්බුදය මතුවේ. විදුලිය කපා හැරීමකින් හා විදුලිය බිල වැඩි කිරීමකින් තොරව අඛණ්ඩව විදුලිය ලබාදීම සඳහා මෙම අර්බුදකාරී අවස්ථාවේ ජනතාවගේ සහයෝගය ද අවශ්‍ය වේ. එනිසාම ඔවුන් විදුලිය අරපිරිමැස්මෙන් භාවිත කිරීමට හුරු විය යුතුය. එමෙන්ම නිවසක විදුලි බල්බ එකක් දෙකක් දිනකට දැල්වීම අඩු කිරීමෙන්ද සෑම කුටුම්භයකටම රට වෙනුවෙන් යුතුකමක් ඉටුකළ හැකිය. කෙසේ නමුත් වත්මන් විදුලිය අර්බුදය සඳහා තාවකාලික විසඳුම් ලබාදීමෙන් රටට යහපතක් ඇති නොවන බව රට කරවන ඇත්තන් අවබෝධ කර ගැනීම වටී.
  

ශ‍්‍රී ලංකාවේ දෛනික ජීවන රටාව ගලායන්නේ සිනමා පටයක ටේ‍්‍රලරයක් මෙන්ය. තිස් අවුරුදු යුද්ධය, යුද්ධයට පසු සාමය, ස්වාභාවික ආපදා, දේශපාලන බල අරගල, වසංගත රෝග, ආර්ථික අර්බුද වැනි ප‍්‍රශ්න ඉදිරියට ගලායමින් තිබෙන්නේ රටේ අනාගතයට ඉතා හානිදායක ප‍්‍රතිපල අත්කර දෙමිනි. මෙම බරපතල ප‍්‍රශ්න සම්බන්ධයෙන් රටේ පොදු ජනතාවගේ බුද්ධිමය කතිකාව පවතින්නේ ඉතා පහළ මට්ටමේය. ඊට හේතුව වන්නේ මෙම ප‍්‍රශ්න රටේ පොදු ජනතාව දකින්නේ සංස්කරණය කරන ලද රූපරාමු තුළින් පමණි. එම රූපරාමු මෙහෙවන්නේ දේශපාලන විකටයන් බැවින් ඒවා හාස්‍ය රසයෙන් පරිපූර්ණ වී තිබේ. මේ නිසා ”ශ‍්‍රී ලංකාවේ අනාගතය” නමැති වාර්තාමය චිත‍්‍රපටයේ සැබෑ රූපරාමු පිළිබඳව ජනතාවට වැටහීමක් නැත.

 වැටුප් විෂමතා ඉවත් කිරීම, අධ්‍යාපනයට අයවැයෙන් සියයට හයක් වෙන්කිරීම, ගුරුවරුන්ට අනවශ්‍ය කොළ පිරවීම් නතර කිරීම ඇතුළු ඉල්ලීම් හයක් මුල් කරගෙන ලංකා ගුරු සංගමය වෘත්තීය ක‍්‍රියාමාර්ගයට අවතීර්ණ වී තිබේ. පෙරේදා ආරම්භ කළ මෙම වෘත්තීය ක‍්‍රියාමාර්ගය සියයට අනූඅටකින් සාර්ථක වූ බව සංගමයේ ප‍්‍රධාන ලේකම් මහින්ද ජයසිංහ පවසයි. ලේකම්වරයාගේ කතාව සත්‍යයකි. මෙම වෘත්තීය ක‍්‍රියා මාර්ගය හේතුවෙන් පෙරේදා දිවයිනේ පාසල් රැුසක අධ්‍යාපන කටයුතු මුළුමණින්ම බිඳ වැටී තිබුණි. තම ඉල්ලීම්වලට විසඳුම් ලැබෙන තෙක් ඉගැන්වීම් කටයුතු හැර වෙනත් කිසිදු රාජකාරියක නිරත නොවීමටත්, මාර්තු 16 සිට 20 දක්වා දින පහක කාලයක් වැඩ වර්ජනයක නිරත වීමටත් ගුරු විදුහල්පති වෘත්තීය සංගම් 30 ක් ඒකමතිකව තීරණය කළ බව ගුරු සංගමය දැනටමත් නිවේදනය කර තිබේ. මෙම වෘත්තීය ක‍්‍රියාමාර්ගය ඉදිරියට

sikuru


අද දිවයින

සිනමා කලා

geeta

නවලිය

tsuna250

දියග

saro250

මීවිත

wolg250

More Articles