Divaina - Kathuwakiya

e5

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

divaina island Page 1

who135කන්දකාඩු පොකුර තවමත් පවතින්නේ ඉතා සක‍්‍රීය මට්ටමේය. එම නිසා රටේ කොරෝනා මර්දන ක‍්‍රියාවලිය ඉතා සීරුවෙන් ඉදිරිය ගෙන යෑමට ආණ්ඩුව වග බලා ගත යුතුය. ඒ වගේම දිනකට කරන කොරෝනා පරීක්ෂණ ප‍්‍රමාණය ඉහළ දැමීම අනිවාර්යෙන්ම සිදු කළ යුතුය. මේ වන විට සෞඛ්‍ය අමාත්‍යාංශය සිදු කර ඇති මුළු පී.සී.ආර්. පරීක්ෂණ ගණන එක්ලක්ෂ පනස් දහස ඉක්මවා ගියේ පෙරේදාය (27*. එම පරීක්ෂණ ප‍්‍රමාණය, දින ගණනින් බෙදූ විට අප දෛනිකව සිදු කර ඇත්තේ පී.සී.ආර්. පරීක්ෂණ 1200ක් පමණි.

දරුවන් අපචාරයට ලක්කර එම දරුවන් යොදාගෙන අසභ්‍ය වීඩියෝ හැදූ කාලකණ්ණි ටියුෂන්කාරයෙක් මේ වනවිට සිටිනුයේ රිමාන්ඞ් භාරයේය.
 
 රූපවාහිනී නාළිකාවල රියැලිටි වැඩසටහන් පසුතල නිර්මාණකරුවකු මෙන්ම ඉංග‍්‍රීසි උගන්වන ටියුෂන්කාරයෙකු ලෙස මොහු කටයුතු කර ඇත. වයස අවුරුදු 10 - 12 පිරිමි දරුවන් දිගු කාලයක් තිස්සේ මොහු විසින් අපයෝජනයට ලක්කර ඇති බව පරීක්‍ෂණවලදී හෙළි වී ඇත.
 
 මෙම කාලකණ්ණි ටියුෂන්කාරයා ළඟ තිබී සී ඞී තැටි 135 ක්, පෙන්ඩ‍්‍රයිව්, හාර්ඞ් ඩිස්ක්, මෙමරි කාඞ්, කැමරා, ජංගම දුරකථන ඇතුළු උපකරණ රැුසක් පොලිසියට භාරගත් බව ද වාර්තා වෙයි.
 
 මෙම ටියුෂන්කාරයාගේ ක‍්‍රියා කලාපය දෙස බැලීමේදී පෙනී යන්නේ දෙමාපියන්ට තමන්ගේ දරුවන් මෙවැනි විකෘති කාමාතුරයන්ගෙන් බේරාගැනීම සඳහා සුවිශේෂී වගකීමක් ඇති බවයි.
 
 විශේෂයෙන් මෙම ටියුෂන්කාරයා රියැලිටි වැඩසටහන්වලදී දරුවන්ට සමීප වී සමහරක් දරුවන් ඔහුගේ පන්නිපිටියේ පිහිටි නිවසට ගෙනැවිත් අපචාරයට ලක්කර ඇත. ඇතැම් දරුවන් අපයෝජනයට ලක් වී ඇත්තේ එම දරුවන්ගේ නිවෙස් තුළදීම බව ද අනාවරණය වී ඇත.
 
 අප සමාජයේ ගැහැනු දරුවන්ට සාපේක්‍ෂව පිරිමි දරුවන්ට රැකවරණයක් ඇතැයි මිථ්‍යා මතයක් තිබේ. මෙම සිද්ධිය සැලකීමේදී මෙම ටියුෂන්කාරයා තම අපචාර ක‍්‍රියාවලිය දිගින් දිගටම කරගෙන ගොස් ඇත්තේ ඊට මුවා වී බව පැහැදිලිය. තමන්ට ගැහැනු දරුවන් සිටිය ද පිරිමි දරුවන් සිටිය ද ඒ සියලූ දරුවන්ගේ සුරක්‍ෂිතතාව වෙනුවෙන් දෙමාපියන් උකුසු ඇස යොමාගෙන සිටිය යුතුය. ඒ තරමටම අප සමාජය දූෂිත වී ඇත. විකෘති කාමාතුරයන්ගේ කෙළිබිමක් බවට මෙම ධර්මද්වීපය පත්ව ඇත.
 
 තමන්ගේ දරුවන් ගැන කවුරුන් හෝ වැඩි සැලකිල්ලක් දක්වන්නේ නම් අනවශ්‍ය ලෙස සමීප වන්නේ නම් එය හඳුනාගැනීමට දෙමාපියන්ට හැකියාවක් තිබිය යුතුය. විශේෂයෙන් අනවශ්‍ය තෑගිබෝග ලබාදෙමින් දරුවන්ගේ අවධානය දිනා ගැනීමට කවුරුන් හෝ පෙළඹෙන්නේ නම් එතැන යම් ව්‍යසනයක් තිබිය හැකි යැයි දෙමාපියන්ට අවබෝධ විය යුතුය. ”අනේ...හොඳ සර්”,
 
 ”අනේ...එයා හොඳ මහත්මයා”. අපේ දරුවන්ට පණ වගේ ආදරේ යැයි කියා ඕනෑවට වඩා අන් අය ගැන සහතික දෙන දෙමාපියන් අපි අනන්තවත් දැක ඇත්තෙමු. එතරම් බොළඳ නොවන්නැයි අපි දෙමාපියන්ගෙන්
 
 ආයාචනා කිරීමට කැමැත්තෙමු. දරුවන් රටකට සම්පතකි. ආයෝජනයකි. දරුවන් යනු රටේ අනාගතය බව අප කවුරුත් අවබෝධ කරගත යුතුය. රටක අනාගතය භාර ගැනීමට සිටින දරුවන් අපයෝජනයට ලක් කිරීම සහගහන අපරාධයකි. අපචාරයට ලක්වූ දරුවකු සමාජගත වනුයේ විකෘති අද්දැකීමක් සමගිනි. එනිසා යහපත් නිරෝගී මනසක් සහිත දරුවකු සමාජගත කිරීම අප කාගේත් වගකීමක් බව අවබෝධ කරගත යුතුය.
 
 අප ඉහතින් සඳහන් කළ ටියුෂන්කාරයා පමණක් නොව අප සමාජයේ බොහෝ පිරිස් අතින් දරුවන් අපයෝජනය වන බව රහසක් නොවේ. දරුවන් අපයෝජනයට ලක්වන බව දිනපතා වාර්තා වන තරමට ළමා අපයෝජන ඉහළ ගොස් ඇත. ඇතැම් විට දරුවන් අපයෝජනයට ලක්වන්නේ තම ළඟම ඥාතීන් අතින් වීම ද ඛේදවාචකයකි. මව ගෘහ සේවය සඳහා විදෙස්ගත වූ විට තම ලෙයින් උපන් දියණිය අඹුකමට ගන්නා කාලකණ්ණි පියවරු සිටිනුයේ ද අප රටේ බව රහසක් නොවේ. එනිසා සමස්ත සමාජයම දරුවන්ගේ සුරක්‍ෂිතතාව වෙනුවෙන් ඉදිරියට ආ යුතුව ඇත. අවුරුද්දකට වාරයක් ලෝක ළමා දිනය සැමරීමෙන් පමණක් දරුවන් සුරක්‍ෂිත වනු ඇතැයි අපේක්‍ෂා කළ නොහැක. ලෝක ළමා දිනයේදී දරුවන්ගේ අයිතිය වෙනුවෙන් හඬ නඟන බොහෝ සංවිධාන ඉතිරි දවස් තුන්සිය හැටහතරේම සිටිනුයේ නිදාගෙනදැයි සාධාරණ සැකයක් අපට මතුවේ. රාජ්‍ය යාන්ත‍්‍රණය, රාජ්‍ය ආයතන, සැබෑ ස්වෙච්ඡුා ආයතන, පූජ්‍ය පක්‍ෂය හා අන් සියලූ ආගමික නායකයන් මෙන්ම දෙමාපියන් ද එකතු කරගෙන පුළුල් කථිකාවක් දරුවන්ගේ සුරක්‍ෂිතතාව වෙනුවෙන් ගොඩනැඟිය යුතුය. එම කථිකාව ප‍්‍රායෝගික යථාර්ථයක් බවට පත්කර ගතහොත් හෙට දවසේ අපේ දරු පරපුරට යහපත් අනාගතයක් උදාවෙනු ඇත.
 
 (සැ. යු. අප මෙහි ටියුෂන්කාරයා ලෙස අදාළ චරිතය හැඳින්වූයේ ඔහු ගුරුවරයකු ලෙස නම් කිරීම ද ගුරු වෘත්තියට වන නිගාවක් නිසාවෙනි.)
 

buwaneka135නගරාධිපතිවරයාට එරෙහිව නීතිය ක‍්‍රියාත්මක කරන ලෙස මුලින්ම හඬ අවදි කරනු ලැබුවේ පුරාවිද්‍යා දෙපාර්තමේන්තුව නොව, ආණ්ඩු පක්ෂයේ ප‍්‍රබල දේශපාලන මතධාරියකු වන විමල් වීරවංශ මහතාය. විනාශය සොයා බැලීමට ආණ්ඩුව කමිටුවක් පත් කරනු ලබන්නේ ඉන් පසුවය රටේ ජාතික උරුමය ගැන සහ පෞරාණික ගොඩනැගිලි කළමනාකරණය ගැන මනා දැනුමක් ඇති ජනාධිපති ගෝඨාභය රාජපක්ෂ මහතා මෙම පුරාවිiා විනාශය පිළිබඳව ඉතා සංවේදීව කටයුතු කරනු බව ජනතාවගේ විශ්වාසයය.

ලෝක උරුම දුම්බර (නකල්ස්) වනාන්තරයෙන් ඉතා දුලබ සුදු ගෝනෙකු හමු වූ ප‍්‍රවෘත්තියක් වාර්තා වේ. එසේම, ආසියානු අලින් වාර්තා වන රටවල් අතරින් නිවුන් අලි පැටවුන්ගේ උපතක් පළමුව ශ‍්‍රී ලංකාවෙන් වාර්තා වී තවමත් සතියක්වත් ගතවී නැත. තවත් මෙවැනිම අතිශය දුර්ලභ කඳුකර කළු කොටියකු පසුගියදා ලෝක උරුම ශ‍්‍රී පාද රක්ෂිතයෙන් වාර්තා වූ නමුත්, අවාසනාවකට එම සත්වයා එහිදී වාර්තාවන්නේ රුදුරු මනුසතා විසින් අටවන ලද උගුලක පැටලීය. අවසානයේ එම සත්වයා ශ‍්‍රී ලංකාව හැර යන්නේ එම උගුල නොහොත් ප‍්‍රදේශයේ වතු කම්කරුවකු විසින් අටවන ලද මන්දකට ගෙල හිරවීමෙන් ලද මාරාන්තික තුවාල හේතුවෙනි.
 
 එපමණක් නොව, මීට පෙර අප රටෙන් වාර්තා වූ (සිංහරාජ ලෝක උරුම වනාන්තරයෙන්) තවත් කළු කොටි දෙදෙනකුම මිය යන්නේ දඩයක්කරුවන් විසින් අටවන ලද මදු හා ගිනි බටවලට ජීවිත පූජා කරමිනි.
 
 ප‍්‍රශ්නය එය නොවේ. ශ‍්‍රී ලංකාවට පමණක් ආවේණික කොටින් (Panthera pardus kotiya) අතරින් තවත් විශේෂත්වයක් ගන්නා කඳුකර කොටි රැුසක් අකාලයේ මදුවලට පැටලී මෙරටින් තුරන්වීමය. ශ‍්‍රී පාද කළු කොටියා මිය යෑමෙන් පසුවත් කඳුකර කොටි සිව් දෙනෙකු පමණ මදුවලට පැටලූණු අතර, ඉන් දෙදෙනකුම මිය ගියහ. මේ අනුව 2020 මේ වසරේදී පමණක් වනජීවී සංරක්ෂණ දෙපාර්තමේන්තුවට වාර්තා වන, මියගිය කොටි ගණන 06 දෙනෙකි. එසේම, එම දෙපාර්තමේන්තුව කියන පරිදි 2010 -2020 අතර වසර 10 ක කාලයේදී රට තුළ කොටියන් 48 දෙනෙකු මිය ගොස් තිබේ.
 
 වන අලි - මිනිස් ගැටුම ගැන පමණක් බොහෝ විට කතා කරන මෙරට වනජීවී ක්ෂේත‍්‍රයට මෙම තත්ත්වය වෙනම කතා කළ යුතු වන මාතෘකාවක් නොවන්නේද...? වසරකදී සාමාන්‍යයෙන් වන අලි 300 ක් හා මිනිස් ජීවිත 50 ක් අහිමි වන තැනට මෙරට අලි - මිනිස් ගැටුම උග‍්‍ර වී ඇති බව ඇත්තකි. එනමුත් ශ‍්‍රී ලංකාවේ අභිමානය ලොවට පසක් කරන, මුළු ලොවෙන්ම ශ‍්‍රී ලංකාවේ පමණක් දක්නට ලැබෙන හා අන්තර්ජාතික රතු දත්ත වාර්තාවේ පවා දැඩි තර්ජනයට ලක්ව සිටින සත්වයකු ලෙස ප‍්‍රචලිත ශ‍්‍රී ලංකානු දිවියා නොහොත් කොටියා මෑතක සිට මුහුණ පා ඇති ජීවිත අවදානම කිසිසේත් නොසලකා සිටිය හැක්කක් නොවේ.
 
 සමස්ත ශ‍්‍රී ලංකාවටම සිටින්නේ කොටින් 850 ක් පමණ බව පවතින විශ්වාසයයි. ඒ අතර පහතරට වියළි කලාපීය කොටි හැරුණු විට කඳුකර කොටි ප‍්‍රමාණය ඉතා සීමිත බව
 
 පිළිගැනීමයි. එසේම, තේ වතු (කම්)කරුවන්ගේ හා උඩරට ගොවීන්ගේ මදුවලට ගොදුරුවී මෙයින් සැලකිය යුතු ප‍්‍රමාණයක් මිය යන අතර, අද කඳුකර කොටි හා මිනිස් ඝට්ටනය උග‍්‍ර අතට හැරී ඇති බව ඉහත මරණ ප‍්‍රමාණය පසක් කරවයි.
 
 ඒ අනුව, පරිසරවේදීන් නගන හඬ දැන් රජයේ ඉහළ බලධාරීන්ට ඇසී තිබේ. එය සතුටට කරුණකි. එනම්, කොටින් මුහුණ දෙන ගැටලූ හඳුනාගෙන වහාම කොටි ගහනය සුරක්ෂිත කරන්නයි අගමැති මහින්ද රාජපක්ෂ මහතා වනජීවී අධ්‍යක්ෂ ජනරාල්වරයාට උපදෙස් ලබාදී තිබේ. කළු කොටියා ඇතුළුව දිගින් දිගටම කොටින් මිය යෑම පිළිබඳව වහා පියවර ගන්නා ලෙස අගමැතිවරයා මෙහිදී බලධාරීන්ට තදින් කියා සිටීම පරිසර ලෝලීන් අගය කරන කාරණයකි.
 
 මේ පිළිබඳව වනජීවී දෙපාර්තමේන්තුව ද පියවර රැසක් මේ වනවිට ගෙන තිබෙන බව වාර්තා වේ. දැනටමත් මදු දහසක් ඉවත් කරන ලද බවද, මින් ඉදිරියට වනසත්ව අපරාධ වාර්තා වන (තේ) වතුවල පාලනාධිකාරියට ද විරුද්ධව නඩු දමන බවද මේ අතර වනජීවී අධ්‍යක්ෂ ජනරාල්වරයා පවසයි.
 
 කෙසේ හෝ අපට දැනගන්නට ලැබෙන්නේ විශේෂයෙන් මැදරට කලාපයේ හන්තාන, දෙල්තොට, ගලහ, ගලබොඩ, ගම්පොල, නාවලපිටිය කලාපය මෙන්ම නුවරඑළිය, බගවන්තලාව, හැටන්, මස්කෙළිය වැනි ඉහළ කඳුකර කලාපය ද කොටින්ට මාරාන්තික ප‍්‍රදේශ බවට පත්වී ඇති බවයි. මදු ගැසීමට අමතරව, වස දැමීම මගින් මරා දමන කොටින්ගේ ගණන් හිලව් වාර්තා නොවන බවද පරිසරවේදීහු පවසති.
 
 කෙසේ හෝ නාවලපිටියේදී සුවිසල් කොටි ධේනුවක අකාලයේ මන්දක පැටලීමෙන් පසු ප‍්‍රමාදවී හෝ අගමැතිවරයා ගත් තීන්දුව අතිශය වැදගත් වූවකි. ඊට වනජීවී බලධාරීහු වහා ප‍්‍රතිචාර දක්වා ක‍්‍රියාත්මක වනු ඇතැයි අපි බලාපොරොත්තු වෙමු. නැතහොත් මේ අගනා සත්වයා ශ‍්‍රී ලංකාවෙන් තුරන්ව යන දිනය වැඩි ඇතක නොවනු ඇත.
 

ශ‍්‍රී ලංකාවේ පෙරහැර සමය ලෙස සැලකෙන්නේ ඇසළ සමයයි. ජූලි, අගෝස්තු මාස ඊට අයත්ය. මහනුවර ඇසළ පෙරහැර ලෝකයේ පැරණිම උත්සවයක් ලෙස පිළිගැනේ. ඇසළ පෙරහැර වැස්ස අනුකරණය කරයි. වැස්ස ලබාගැනීමට නම්, වැස්ස අනුකරණය කළ යුතු යැයි  පැරැණියෝ සිතූහ. වහින්නට පෙර හෙණ ගැසීම්, විදුලිය කෙටීම් වැනි වලාකුළු ආදිය මේ මහනුවර පෙරහැරේ දක්නට ලැබේ. ඇසළ පෙරහැර අවසන් වන්නේ වැසි පොද වැටෙන පරිදි දිය කැපීමේ මංගල්‍යයකිනි. ඇසළ පෙරහැරේ අලංකාරවත් රාත‍්‍රිය විඳ ගැනීමට මෙවර රටවැසියන්ට නොහැකිව ඇත්තේ නව කොරෝනා වසංගතය නිසාය. එය මහනුවරට පමණක් නොව දිවයිනේ සියලූම පෙරහැරට අදාළය. නමුත් රටක් ලෙස කවර අර්බුද ඇතිවුවද මේ අතීත උරුමය නොකඩවා පවත්වාගෙන යෑම වැදගත්ය. එය කිසිවිටක අත්හල යුතු නැත. රටට සෞභාග්‍යය උදාවෙන සේ වර්ෂාවත්, ශ‍්‍රී දළදා වහන්සේගේ ආශිර්වාදයත් ලබා දෙන ලෙස වසරක් පාසා සිදු කෙරෙන මහනුවර ඇසළ පෙරහැර මංගල්‍යය සිංහල බෞද්ධයන් මෙන්ම සමස්ත රට වැසියාම උතුම් කොට සලකන බව අමුතුවෙන් කිවයුතු නොවේ. මේ උතුම් පෙරහැරට සහරාන් හෂීම්ගේ ත‍්‍රස්ත නඩය පහරදීමට සැලසුම් කළ අයුරුද දැන් එලිවෙමින් පවතී. නමුත් ඒවා උතුම් දළදා හිමිගේ ආනුභාවයෙන්ම වැළකිණි. ඇත්තෙන්ම ඇසළ පෙරහැර මංගල්‍යය සුවිශේෂී පූජෝපහාර මංගල්‍යයකි. මෙම පූජා මංගල්‍යය හුදු විනෝදය සලසාදීමේ අටියෙන් පවත්වන්නක් නොවේ. මහනුවර ඇසළ පෙරහැර පවත්වනුයේ, රටට සෙත් ශාන්තිය හා රැුකවරණය සලසාලන දළදා වහන්සේගේ ගුණ මහිමයට පූජෝපහාරය දක්වා, කලට වැසි ලැබ රටේ සමෘද්ධිය හා සෞභාග්‍යය සලසාගනු පිණිසත්, බෞද්ධ සංස්කෘතියේ අනන්‍යතාව හා ශ‍්‍රී විභූතිය ලොවට ප‍්‍රදර්ශනය කිරීමත් වෙනුවෙනි. දෙවියන් උදෙසා පැවැත්වෙමින් තිබූ දේව පෙරහැර සමග දළදා පෙරහැර සම්බන්ධ කරනු ලැබූයේ කීර්ති ශ‍්‍රී රාජසිංහ රජුය. ඒ දහඅට වැනි සියවසදී ය. පෞඪ ඉතිහාසයේ අභීතවත් හෙළ සිරිත් විරිත් චාරිත‍්‍ර වාරිත‍්‍ර ආර්ථික සමාජයීය සංස්කෘතිය ආගමික සහජීවනය ආදී සියලූ සාධක පිළිබිඹු වන ඇසළ පෙරහැර මංගල්‍යය අද වන විට ජාත්‍යන්තරයේ පැසසුමට ලක්ව තිබීම ජාතික ආගමික පිබිදීමක් වැන්න. එනිසාම වසංගත බිය දුරු කරන්නට මේ පෙරහැර පැවැත්වීම අනිවාර්යයෙන් සිදුවිය යුත්තකි. මහ පොළොවේ ඇති සංස්කෘතික උරුමය නොපෙනෙන වෛරසයකට යටපත්වීමට ඉඩ දිය යුතු නැත. අනුරාධපුර යුගයේ පටන් පැවැති දළදා පෙරහැර වරින්වර ඇතිවූ ආක‍්‍රමණවලදී උත්කර්ෂවත් අන්දමින් පවත්වන්නට නොහැකි වුවත්, අනෙකුත් සමයන්හිදී දළදා වහන්සේ උදෙසා දර්ශනීය මාලිගා කරවා පොළොන්නරු, දඹදෙණි, කුරුණෑගල, යාපහුව ආදී යුගවල සිටි රජවරුන් හා භික්ෂූන් වහන්සේ අඛණ්ඩව දළදා පෙරහැර පවත්වා ඇති බව මූලාශ‍්‍ර ග‍්‍රන්ථයන්හි සඳහන් වේ. එනිසාම මේ උරුමය රැුකීම සියලූ දෙනාගේ වගකීමකි. මේ වසරේදී ලක්වැසියනට රූපවාහිනිය ඔස්සේ දළදා පෙරහැර සජීවීව නරඹා සිත් පහන් කරගත හැකිය. කොරෝනා වසංගතය නිසා වෙසඟ සමරන්නටද නොහැකි විය. පොසොන් සමයේ මිහින්තලා වන්දනාවද කරගත නොහැකි විය. එම නිසා දළදා පෙරහැර අසිරියද නිවසේ සිට විඳ ගැනීම නිරෝධායන නීති කඩ කිරීමක්ද නොවේ. ඒ ගැන කම්පා විය යුතු නැත.

අද දිවයින

සිනමා කලා

saranga250

නවලිය

nava250

දියග

irma250

මීවිත

udari250

More Articles