Divaina - Kathuwakiya

slt mob 365 90 sin

Crystal Hand Sanitizer340x90 px 

e5

The Island The Island Nawaliya Vidusara e-Paper Classifiedsරාහු කාලය

 එක්සත් ජාතීන්ගේ මානව හිමිකම් මහ කොමසාරිස් මිෂෙල් බැෂලේ විසින් නිකුත් කර ඇති ශ‍්‍රී ලංකාව පිළිබඳ නවතම වාර්තාව මගින් මෙරටට එරෙහිව ජාත්‍යන්තර අපරාධ අධිකරණයේ අපරාධ නඩු විභාග කිරීම සහ යුද අපරාධ පිළිබඳ චෝදනා සොයා බැලීමට හා සාක්ෂි රැස් කිරීමට ජාත්‍යන්තර යාන්ත‍්‍රණයක් සැකසීමට නිර්දේශ කර තිබේ. එසේම ”මානව හිමිකම් උල්ලංඝනය කිරීම් සම්බන්ධයෙන් විශ්වාසදායක ලෙස චෝදනා ලැබ සිටින” ශ‍්‍රී ලාංකිකයන් සඳහා වත්කම් තහනම් කිරීම සහ සංචාර තහනම් කිරීම වැනි ඉලක්කගත සම්බාධක යෝජනා කිරීමට සිදුවන බවද එහි ස`දහන් කර ඇත. මෙය බරපතළ තත්ත්වයකි. මෙයින් සිදුවන්නේ ලංකාවේ පවතින සංහි`දියාව විනාශ වීම පමණකි. නැති අවුල් නිර්මාණය කිරීම ස`දහා මානව හිමිකම් කවුන්සිලය උපරිමයෙන් කටයුතු කරන බව පැහැදිලිවේ. නව වාර්තාව හරහා ලංකාවේ සිරියාව හා සම කිරීමට මිෂෙල් බැෂලේ කටයුතු කර ඇති බව පෙනී යයි. සිරියාවේ යුද්ධයෙන් ලක්ෂ හතක් මියගියද ලංකාවේ එවැනි ජන සංහාර සිදු වූයේ නැත. ඇත්තෙන්ම දෙමළ සන්ධානය හා දෙමළ ඩයස්පෝරාවේ සතුට උපරිම කරනු පිණිස මේ වාර්තාව නිකුත්ව ඇති බව නම් සහතිකය. වගවීම සහ සංහිඳියාව වෙනුවෙන් අර්ථාන්විත පියවර කිසිවක් ගැනීමට ශ‍්‍රී ලංකා රජය පසුගිය වසර එකොළහ තිස්සේම අපොහොසත්ව ඇති හෙයින් පසුගිය යුද සමයේදීත් ඉන් පසුවත් මෙරට සිදුවූ යුද අපරාධ, මානව හිමිකම් උල්ලංඝනය කිරීම් පිළිබඳව විමර්ශනය කිරීම සඳහා ස්වාධීන යාන්ත‍්‍රණයක් පිහිටුවන්නැයි දෙමළ දේශපාලන පක්ෂ සහ සංවිධාන 11ක් එක්සත් ජාතීන්ගේ මානව හිමිකම් කවුන්සිලයෙන් ඉල්ලීමක් කර තිබුණේ මීට සතියකට පමණ පෙරය. එම ඉල්ලීමට මානව හිමිකම් මහ කොමසාරිස් නිසි පරිදි පිළිතුරු දී ඇත්තේ මේ වාර්තාව මගින්ද? ලංකාවේ නායකයන් හෝ හමුදා ප‍්‍රධානීන් ජාත්‍යන්තර අපරාධ අධිකරණයට පැමිණවීම දෙමළ සන්ධානය මෙන්ම කොටි හිතවාදීන්ගේ ප‍්‍රමුඛ අරමුණ විය. ඔවුනගේ අරමුණු හා මිෂෙල්ගේ අරමුණු සමපාත වී තිබේ. එක්සත් ජාතීන්ගේ මානව හිමිකම් මණ්ඩලය ‘‘දේශපාලන පක්ෂග‍්‍රාහිත්වයේ අසූචි ගොඩක්” බව පවසමින් ඇමෙරිකා එක්සත් ජනපදය ඉන් ඉවත් වූයේ 2018 වසරේදීය. ‘‘කුහක සහ ආත්ම ලාභය” වෙනුවෙන් ක‍්‍රියාකරන මානව හිමිකම් මණ්ඩලය ‘‘මානව හිමිකම් සමච්චලයට ලක්කරන” බව එවක එක්සත් ජාතීන්ගේ ඇමෙරිකානු නියෝජිතවරිය වන නිකී හේලි ස`දහන් කර තිබිණි. නව ඇමෙරිකානු ජනපති ජෝ බයිඩන් යටතේ මේ ස්ථාවර වෙනස් විය හැකි වුවද හිටපු ජනපති ඩොනල්ඞ් ට‍්‍රම්ප්ගේ මතයට අපිද ගරු කරමු. ‘‘කුහක සහ ආත්ම ලාභය” වෙනුවෙන් මේ කමිටුව ලංකාවට එරෙහිව කටයුතු කරන බව අපටද පැහැදිලි වූයේ වසර ගණනාවක සිටය. මානව හිමිකම් මහ කොමසාරිස් පෙනී ඉන්නේ ත‍්‍රස්තයන් වෙනුවෙන්ද නැත්නම් ප‍්‍රජාතන්ත‍්‍රවාදී රාජ්‍යයන් වෙනුවෙන්ද යන ප‍්‍රශ්නය බරපතළ ලෙස මතුව තිබේ. ත‍්‍රස්තයන් පිරිසකගෙන් දෙමළ ජනයා මුදාගැනීම මානව හිමිකම් කවුන්සිලයට බලවත් ප‍්‍රශ්නයකි. දෙමළ ඩයස්පෝරාවේ වෛරයට පාත‍්‍රවූ හමුදා ප‍්‍රධානීන්ට ද`ඩුවම් කරන්නැයි මිෂෙල් බැෂලේත් පුන පුනා කියයි. ඒ අනුව මිෂෙල් මහත්මියගේ අතුරු වාර්තා සකසන්නේ කොටි හිතවාදීන් බව පැහැදිලිය. මේ අවුල නිරාකරණය කිරීමේ වගකීම වත්මන් ආණ්ඩුවට පැවරී ඇත.

ami135අටුළුගම ඇමියා මෙන්ම පිස්සු කෙළීමට කාටවත් අයිතියක් නොමැත. තවමත් අටුළුගම ඇමියා මෙන් හැසිරෙන පිරිස් අප සමාජයේ සිටීම කනගාටුවට කරුණකි. මුහුණු ආවරණ පළඳින ලෙසට දැනුම් දී තිබියදී ඒ ගැන නොතකා ක‍්‍රියා කරන අටුළුගම ‘ඇමියා’ වැනි හිතුවක්කාර මෝඩයින් තවමත් අප සමාජයේ සිටීම කනගාටුවට කරුණකි. දැන්වත් මේ මෝඩකම් අත්හළ යුතුය. අටුළුගම ඇමියාගෙන් හෝ පාඩම් උගෙන කොරෝනා හමුවේ නිසි ලෙස වගකීම් සහිතව හැසිරෙන්නැයි අපි රටේ සියලූ පුරවැසියන්ගෙන් ඉල්ලා සිටිමු.

අතිශය සංවේගය දනවන ඡුායාරූපයක් ඉකුත් සෙනසුරාදා (16)  පෙරවරුවේ මුහුණු පොතේ සහෘදයකුගේ පිටුවක පළවී තිබිණි. වැඩි අවධානයකට ලක් වූ එම ඡුායාරූපය අනතුරුව බොහෝ මුද්‍රිත හා විද්‍යුත් මාධ්‍ය මගින් මුල් පිටුවල ද උපුටා දක්වන ලදී. වැඩි පාඨක හා පේ‍්‍රක්ෂක අවධානයක් දිනාගත් මෙම ඡායාරූපයේ දක්නට ලැබුණේ ගෙල කපා මරා මස් කර රැුගෙන ගිය මී ගවයින් දෙදෙනකුගේ හිස් දෙකක් එකට තබා තිබූ සංවේදනීය දර්ශනයකි. අදාළ ඡුායාරූපය එම පරිසරලෝලියා විසින් රැුගෙන තිබුණේ ලෝ ප‍්‍රකට දුම්බර (නකල්ස්* කඳු පෙතේ උතුරු අන්තයේ රිවර්ස්ටන් ගිරි දුර්ගයට පහළින් පිහිටි වන සංරක්ෂණ දෙපාර්තමේන්තුව යටතේ පාලනය කෙරෙන ආරක්ෂිත භූමියක් වන පිටවල පතනේ පුංචි ලෝකාන්තය අසලදීය.
 
 සටහනක් ද සමගින් මෙම ඡායාරූපය තම මුහුණු පොතේ පළ කර, මෙම පාපතර ක‍්‍රියාව පිළිබඳව වැඩි ජන අවධානයකට ලක් කළ ඒ පරිසර ලෝලියාට අප පළමුව ස්තූතිය පුද කළ යුතු වෙමු. මන්ද, මෙම ප‍්‍රදේශයේ වසර ගණනාවක සිට දිගින් දිගටම සිදුවනවා යයි කියන හරක් සොරකම් ගැන හා ගව ඝාතන පිළිබඳව ගම්මුන් කොතරම් පොලිසිය හා වනසංරක්ෂණ නිලධාරීන් දැනුවත් කළත් ඒ අහිංසකයින්ගේ දුක් අඳෝනා අසන්නට කෙනෙකු නැතිව සිටි මොහොතක මේ ඡායාරූප වාර්තාව ඊට කදිම පසුබිම සකසා දී ඇති නිසාය.
 
 මෙම වාර්තාවත් සමග මාතලේ දිස්ත‍්‍රික්කයේ පොලිස් වසම් හයක සිදුවී ඇති මහා පරිමාණ හරක් සොරකම් රැුසක් පිළිබඳව දැන් කරුණු අනාවරණය වෙමින් පවතී. ඒ දඹුල්ල, සීගිරිය, ගලේවෙල, නාඋල, විල්ගමුව හා ලග්ගල යන පොලිස් බලප‍්‍රදේශවලිනි. එපමණක් නොව මාතලේ ජ්‍යෙෂ්ඨ පොලිස් අධිකාරිවරයා විසින් මේ පිළිබඳව සොයා බැලීම සඳහා වහාම විශේෂ පොලිස් කණ්ඩායමක් පත්කර ඇති බවද දැනගන්නට ලැබේ.
 
 මාතලේ රිවර්ස්ටන් ප‍්‍රදේශය යනු අතිශය නිහඬ, නිසල පරිසරයකින් යුක්ත ගිරිදුර්ග, ජලදුර්ගවලින් ගහන ප‍්‍රදේශයකි. එනමුත් මෙම ප‍්‍රදේශයේ ලග්ගල උඩසියපත්තුවට අයත් ගම්මාන රැුසක් පිහිටා තිබේ. එම ගම්මාන වැසියන් සියල්ලෝම පාහේ කුඹුරු ගොවිතැනෙන් දිවි සරිකරගන්නෝය. තවමත් කුඹුරු සී සා, මඩකර, ගොයම පාගා ගන්නේ ද මේ ගවයින්ගෙන්මය. ගවයින්ට තම දරු පැටවුන්ටත් වඩා ආදරය කරන ගැමියන් වෙසෙන මේ ගම්මාන තුළට හොර රහසේ කඩාවදින මස් ලොබ තුප්පහි නොසන්ඩාලයන් ගැමියන්ගේ තුරුළේ සිටින මේ ගවයින් උදුරාගෙන ගොස් මස් කරයි නම්, එම ගැමියන් මේ දුක ඉවසා දරාගන්නේ කෙලෙසදැයි අපි නොදනිමු.
 
 පසු ගිය තෛපොංගල් නිවාඩු දිනය යෙදුණු 14 වැනිදාට එළිවන රාත‍්‍රියේ මෙසේ පිටවල ප‍්‍රදේශයේදී මරාදමා තිබූ මී ගවයින්ගේ ප‍්‍රමාණය හතර දෙනෙකු බව ගම්මු පවසති. නමුත් මේ මෙවන් සිද්ධියක් වූ පළමු අවස්ථාව මෙය නොවන බවද ගම්මු කියා සිටිති. මීට පෙර ගව පට්ටි පිටින් සොරකම් කළ අවස්ථාවක ගම්මු රැුකසිට අකුරණ ප‍්‍රදේශයේ සිට මස් ජාවාරමේ පැමිණි මුස්ලිම්වරු පිරිසක් අල්ලාගෙන පොලිසිවලට කතා කර ඇති නමුත් කිසිවකුත් එහි පැමිණ තිබුණේ නැත. රත්තොට පොලිසියට හෝ ලග්ගල පොලිසියට මෙහි සිට අවම වශයෙන් කිලෝමීටර් 35 ක දුරක්වත් ඇත. මේ දුෂ්කර මග ගෙවාගෙන පොලිසිය මෙහි රාජකාරියකට පමණක් නම් පැමිණෙන්නේ නැත. එන්නේ එක්කෝ රා කට්ටක් ගසන්නට හෝ කටගැස්මක් වැළඳීමත් සඳහාය.
 
 නැතිනම්, කලක සිට පවතින මේ හරක් සොරකම් ගැන පොලිසිය හෝ වන සංරක්ෂණයෙන් පියවරක් ගත යුතුව තිබිණි. වන රක්ෂණයට අයත් නකල්ස් සංරක්ෂණ මධ්‍යස්ථානය පිහිටා ඇත්තේ මෙසේ මී ගවයින් මරා ඇති ස්ථානයට මීටර් 500 ක් දුරිනි. නමුත් ඔවුන් තම රාජකාරිය පැහැර හැර ඇත. මෙසේ මරාගන්නා මී ගවයින්ගේ මස් ගෝන මස් ලෙසට ද ප‍්‍රදේශයේ අලෙවි වන බව හා ඇත්තටම වැලිමුවන් හා ගෝනුන් ද මේ මස් ජාවාරම්කරුවන් විසින් මරා දැමුවද වන රක්ෂණයෙන් සොයා බැලීමක් සිදු නොකරන බවට ද චෝදනා ඇත. එනිසා ඉලූක්කුඹුර හෝ පිටවල පතන වන කාර්යාල පරිශ‍්‍රය තුළ වනජීවී කාර්යාලයක් ද ස්ථාපිත කරන ලෙස පරිසරවේදීහු ඇමැති සී. බී. රත්නායකගෙන් ඉල්ලා සිටිති.
 
 කෙසේ හෝ මෙසේ අමු අමුවේ මරා දමන්නේ කිරි දරුවන් මෙන් සෙනෙහසින් හදා ගන්නා තමන්ගේ වස්තුව බව ගම්මු කියති. ඡුායාරූපයට පසුබිම් වූ මී ගවයින් දෙදෙනාගේ හිමිකරු මාධ්‍යයට හැඬු කඳුළින් කියන්නේ කුඹුර මඩකර උන් දෙන්නාට මහන්සියවත් ඇරගන්න වෙලාවක් තිබුණේ නෑ... වඩාගන්න පුළුවන් එවුන් නම් වඩාගෙන ඉන්නවා මහත්තයෝ... කියාය.
 
 මේ දුක් අඳෝනා අපගේ හදවත් පසාරු කරගෙන යනු දැනේ. නමුත් මස් වැද්දන්ට, මස් ලොබ කාලකණ්ණි පාහරයින්ට මේ දුක තේරෙන්නේ නැත. මරාගෙන යන මේ දෙනුන්ගේ, මී ගවයින්ගේ මස් එක්කෝ රත්තොට පොලිසිය හරහා හෝ ලග්ගල පොලිසිය හරහා යායුතු හෙයින් මෙම පොලිසිවල ලොක්කන්ට ද මේ වගකීමෙන් ගැලවී යන්නට නොහැකිය.
 
 මාතලේ ජ්‍යෙෂ්ඨ පොලිස් අධිකාරී අනුරුද්ධ බණ්ඩාරනායක මේ අතර කියන්නේ තමන් මේ අපරාධය මඩින්නට දැඩිව ක‍්‍රියාකරන බවයි. මේ සඳහා විශේෂ පොලිස් කණ්ඩායමක් දැනටමත් යොදවා ඇති බවයි.
 
 මාතලේ පමණක් නොව දිවයිනේ සෑම ප‍්‍රදේශයකම පාහේ සිදුවන ගව ඝාතනයට එරෙහිව වහා පියවර ගතයුතුව ඇති බව රජයට සිහිපත් කරන්නට මෙය අවස්ථාවක් කරගන්නා අතර, කිරි අම්මාවරුන් මරණ පාහරයින්ට නිසි දඬුවම් දෙන ලෙසද අපි බලධාරීන්ගෙන් ඉල්ලා සිටින්නෙමු.

faceෆේස්බුක් අන්තවාදියකුගේ බැංකු ගිණුමේ කෝටි 7 ක් සොයා ගැනීම පිළිබඳව ඊයේ මාධ්‍ය මගින් වාර්තා කර තිබිණි. ”ශ‍්‍රී ලංකාවේ ඉස්ලාමීය රාජ්‍ය පිහිටුවීම” වෙනුවෙන් මුහුණ පොත හරහා ප‍්‍රචාර ගෙන ගිය දෙහිවල පදිංචි මොහොමඞ් ෆසාල් නිසාර් නමැති මෙම සැකකරු අන්තවාදය ප‍්‍රවර්ධනය කිරීමේ චෝදනා මත අත්අඩංගුවට ගෙන රක්ෂිත බන්ධනාගාර ගත කර තිබිණි. පසුව කරනු ලැබූ පරීක්ෂණ අනුව මොහුගේ බැංකු ගිණුම්වල කෝටි ගණනින් මුදල් සංසරණය වන බව අපරාධ පරීක්ෂණ දෙපාර්තමේන්තුව මගින් හෙළි කරගෙන තිබිණි.

දෙමළ ජාතික සන්ධානයට නැවත වරක් යුද හමුදාව මතක් වී තිබේ. ඔවුන්ට යුද හමුදාව මතක්වී ඇත්තේ උතුරට සාමය උදාකළ නිසාවත්, ස්වාභාවික ආපදවලදී ජීවිතය පරදුවට තබා සටන් කළ නිසාවත්, කොරෝනා වසංගතය මැඬලීමට ජීවිත පරිත්‍යාගයෙන් ඉදිරිපත් වූ නිසාවත් නොව යුද හමුදාව යුද අපරාධ සිදුකළ බවට ජාත්‍යන්තරයට නැවතවරක් චෝදනා පත‍්‍රයක් ඉදිරිපත් කිරීමට ඔවුන්ට ඇති නොනිමි ආශාව නිසාය. පසුගියදා ද්‍රවිඩ සන්ධානය ප‍්‍රමුඛ සංවිධාන 11 ක් විසින් යුද හමුදා නිලධාරීන් 59 දෙනකු සමූල ඝාතන සිදුකළ බවට සඳහන් කරමින් ජිනීවා කවුන්සලයේ සාමාජික රටවල් 17 කට සංදේශයක් භාරදී තිබේ. යුද්ධය අවසන්වීමෙන් පසු මෙවැනි යුද අපරාධ ඇතුළත් බේගල් සංදේශ ජාත්‍යන්තරයට භාරදීම දෙමළ සන්ධානයේ දේශපාලන චර්යාවේ ප‍්‍රධාන අංගයක් බවට පත්වී තිබේ.

kandos18

අද දිවයින

සිනමා කලා

aau250

නවලිය

kuslani250

දියග

manos250

මීවිත

sulo250

More Articles