Divaina - ගෝඨාභය රාජපක්ෂට කියවීම පිණිසයි (3) - (මේ කරදරය අදින් අවසන්ය)

e5

The Island The Island Nawaliya Vidusara e-Paper Classifiedsරාහු කාලය

mobitel

ugc15september

පාසල්වලට ළමුන් ඇතුළත් කිරීම සඳහා බලවතුන්ගෙන් ගෙනෙන ලිපි සපුරා පිළිකෙව් කරන්නැයි ජනපති ලේකම් විදුහල්පතිවරුන්ට දුන් නියෝගය ගැන ඉකුත් දෙදින අපි කතා කළෙමු. ලියුම්වලින් වැඩ කිරීම අපට පුරුදු කරන ලද්දේ අධිරාජ්‍යවාදය විසිනි. ආරච්චිලගේ පණිවිඩයත් රැගෙන පොලිස් විදානේ වෙත යන හරක් හොරා ගුටි නොකා බේරෙයි. ආණ්ඩුවේ ඒජන්තගේ රෙකමදාරුව රැුගෙන කච්චේරියේ සම්මුඛ පරීක්ෂණයට යන එකා රස්සාවට තේරෙයි. අරක්කු රේන්දය කරන ධනවත් මුදලාලිගෙන් ලියුම් කෑල්ලක් රැුගෙන අධ්‍යාපන දෙපාර්තමේන්තුවට යන එකා ගුරුකමට තේරෙයි. කාගෙන්වත් ලියුමක් ලැබීමට තරම් ක්‍දබඒජඑ එකක් නැති එකා කිසිවකට නොතේරෙයි. යටත්විජිතවාදය විසින් අතීත ශ‍්‍රී ලංකාවේ සමාජ සංවිධානය නඩත්තු කරන ලද්දේ මේ ආකාරයෙනි. 1948 නිදහස ලැබීමෙන් පසු ආරච්චිල, ආණ්ඩුවේ ඒජන්ත, රේන්ද රාළ වැනි සමාජ ස්ථර නියෝජිතයන්ගේ තැනට මන්ත‍්‍රීතුමා නමැති චරිතය පත්විය. ඉවක් බවක් නැති උගත්කමක් නැති මන්ත‍්‍රී චරිතය යනු ඛේදවාචකයකි. රස්සා සඳහා මෙන්ම පරස්තා සඳහා ද හෙතෙම රෙකමදාරු ලියුම් නිකුත් කළේය. 1970 දී සමගි පෙරමුණ ආණ්ඩුව බලයට පත්වීමෙන් පසු මන්ත‍්‍රී කෙනකුගේ ලියුමට කරන්නට බැරි වැඩක් තිබුණේම නැත. ගැමි පළාත්වලින් එන අසරණ ගැහැනු ළමුන් අපහරණය කළ මන්ත‍්‍රීතුමා ඒ සඳහා වන්දි ගෙව්වේ ආණ්ඩුවේ ආයතනයකට රෙකමදාරු ලියුමක් දී ඇයට රජයේ රැුකියාවක් ලබා දීමෙනි. 1988 - 89 වකවානුවේදී දේශපේ‍්‍රමී ජනතා ව්‍යාපාරය නමැති සංවිධානය ලියුම්වලින් රට පාලනය කළේය. (ජනතා විමුක්ති පෙරමුණ සමග කිසිම සම්බන්ධයක් නැති දේශපේ‍්‍රමී ජනතා ව්‍යාපාරය ත‍්‍රස්තවාදී සංවිධානයක් හෝ ජ.වි.පෙ. සන්නද්ධ අංශය ලෙස පැතිර ඇති කතාව බොරුවකි. මෙය කුලඟන සමිතියක් සහ මරණාධාර සමිතියක් ලෙස ක‍්‍රියා කළ ස්වෙච්ඡා සංවිධානයකි)
 
 ඊළඟ අවුරුද්ද සඳහා පාසල්වල පළමුවන වසරට නවක සිසුන් බඳවා ගැනීම පිණිස සම්මුඛ පරීක්ෂණ මේ දිනවල පැවැත්වේ. මේ සඳහා මවුපියන් සැරසෙන්නේ දරුවන් ඉපදීමටත් පෙරය. උපදින්නට යන්නේ කෙල්ලෙක්දැයි කොල්ලෙක්දැයි නොදන්නා මූලික ගර්භණී සමයේ වෙසෙන මව්වරු සිය වල්ලභයන්ද පොලඹවා ගෙන උසස් බාලිකා විදුහලක් හා උසස් පිරිමි විදුහලක් අසල නිවාස දෙකක් එකවර බදු ගනිති. ඡුන්ද හිමි නාම ලේඛන දෙකටම නම් දමා ගනිති. බදු ඔප්පුව අවුරුදු පහක් පමණ පරණවීම එම ඔප්පුවේ නම සඳහන් මවුපියන්ගේ දරුවා පාසලට ඇතුළත් කිරීමේදී ප්ලස් පොයින්ට් එකක් ලෙස සලකනු ලැබේ. මේ බදු ඔප්පුවට සමගාමීව නීත්‍යනුකූල ලයිට් බිල්, වතුර බිල්, වරිපනම් බිල් සෑදීමට ළමයා උපදින්නටත් පෙර සිට මවුපියෝ යුහුසුළු වෙති. ලයිට් බිල් ගෙව්වත්, වතුර බිල් ගෙව්වත්, වරිපනම් බදු ගෙවීමට මෙරට වැසියා කැමති නැත. නිවසකට වරිපනම් ලියාපදිංචියක් දීමට නගරසභාවේ වරිපනම්කාරයන් එනවිට නිවැසියෝ ගෙවල දොරගුළු දමා පැන දුවති. මේ රටේ ජනයා සිය කැමැත්තෙන් වරිපනම් ගෙවීමට ඉදිරිපත් වන එකම අවස්ථාව ළමයින් පාසලට ඇතුල් කරන අවස්ථාව විය යුතුය. අප මේතාක් විස්තර කළේ දරුවෙක් ජනප‍්‍රිය ජාතික සුපිරි පාසලකට ඇතුළත් කිරීමේදී දෙමාපියන් විසින් කරන ලද නීත්‍යනුකූල ක‍්‍රියාවලියයි. මෙහිම ව්‍යාජ වැඩපිළිවෙළක් හෙවත් වැඬේ හොරට කරන වැඩපිළිවෙළක් ද තිබේ. ඒ අනුව බදු ඔප්පුවක් හොරට සෑදිය හැක. ලයිට් බිල්, වතුර බිල් සහ වරිපනම් සහතික හොරට සෑදිය හැක. මේ හොරකම් සියල්ලම කිරීමෙන් පසුවත් සම්මුඛ පරීක්ෂණයේදී දෙමවුපියන්ට ලකුණු මදි වීමෙන් දරුවාට පාසල අහිමි වෙයි. මේ රටේ ජාතික පාසල්වලට ශිෂ්‍යයන් ඇතුළත් කර ගැනීම සඳහා පැවැත්වෙන සම්මුඛ පරීක්ෂණ සිදුකරන ඉන්ටර්වීව් බෝර්ඞ් වල සිටින ඇතැම්හු මළ යකුන් වැනි රුදුරු මිනිස්සු වෙති. ඔවුන් බලන්නේම කවර හෝ ඇදයක් පෙන්වා දරුවා පාසලට නොගෙන සිටීමටය. ඔවුහු දෙමව්පියන්ගෙන් විවිධ දේ අපේක්ෂා කරති. පාසලට ඇති දුර, පදිංචිය, ආදි ශිෂ්‍ය පදනම, ක‍්‍රිකට් පදනම, ෆුට් බෝල් පදනම, ඇට බෝල පදනම පමණක් නොව ගෙදර අත්තිවාරමේ පදනමට පවා ඔවුහු ලකුණු ලබා දෙති. මෙය කළ හැකි මඟුලක්ද? මේ ආකාරයට ළමයින් පාසල් යැවිය හැකිද? මන්ත‍්‍රී කෙනකුගේ හෝ ඇමැති කෙනකුගේ හෝ උසස් නිලධාරියකුගේ හෝ ලියුමක් බලසම්පන්න ආයුධයක් බවට පත්වන්නේ මෙන්න මේ කියන අවස්ථාවේදීය. ලියුම් මගින් පාසල්වලට දරුවන් දැමීමේ ක‍්‍රමය අවලංගු කිරීමට රටේ ඉහළම තැනින් ගන්නා උත්සාහය අපගේ සිත් පහන් කරයි. ළමයින් පාසල් දැමීමට පමණක් නොව කිසිම දේකට ලියුම් නොදෙන, ලියුම්වලින් විනිර්මුක්ත සමාජයක් ගොඩනැගීමට හැකිනම් එය ඉතා වැදගත්ය. මේ වන විට මේ රටේ ජනයාට දේශපාලන්ඥයන්ගෙන් පෞද්ගලිකව කරගත හැකි එකම කටයුත්ත වූ කලී ලියුමක් ලබා ගැනීමය. සමහර විට මේ ලියුම ලබා දීම සඳහා දේශපාලන බ්‍රෝකර්වරු දහස් ගණන් මුදල් අය කරති. ලියුම් හරහා වැඩ කරගන්නා ක‍්‍රමය නැති කළ හැකි නම් දේශපාලනඥයන්ගේ අවශ්‍යතාව ඡුන්දදායකයාට දැනෙනු ඇත්තේ ඉතාම අඩුවෙනි. මේ රටේ ලියුම් කර්මාන්තය පැවතිය යුත්තේ තැපැල් දෙපාර්තමේන්තුව අත පමණි. ලියුම් සිස්ටම් එක නැතිවුණ දවසට දේශපාලන ප‍්‍රභූවරුන්ගේ බලය සියයට හැත්තෑපහකටත් වඩා පහත වැටෙනවා ඇත.

kandos18

අද දිවයින

සිනමා කලා

maalani250

නවලිය

aaksa250

දියග

wejadas250new

මීවිත

yohanis250

More Articles