Divaina - පොකුර දෙස විමසිල්ලෙන්...

e5

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

ugc15september

ඉන්දියාවේ කොරෝනා අනතුර වේගයෙන් ඉහල යනවා මිස අඩුවීමක් දක්නට නොලැබෙන බව පෙනී යයි. ලොව සිවුවැනියට වැඩිම ආසාදිතයන් ගණනක් වාර්තා වන්නේ ඉන්දියාවෙනි. රෝගීන් ප‍්‍රමාණය ලක්ෂ හතරද ඉක්මවා ගොස් ඇත්තේ බි‍්‍රතාන්‍යයද පසුකර යමිනි. එසේම ආසියාවේ වැඩිම බලපෑමක් එල්ල වූ රට වන්නේ ද ඉන්දියාවයි. සමහරු කේරලය දෙස බලන්නට කීවද කේරලයේද යළි රෝගීන් වාර්තා වීම වැඩිව ඇති බව පෙනේ. විශේෂයෙන් ඊයේ දිනයේ පමණක් රෝගීන් පහළොස්දහසක් වාර්තාවීම බරපතළ තත්ත්වයකි. මේ වනවිට අඛණ්ඩව දින නවයක් ඉන්දියාවෙන් නව කොරෝනා ආසාදිතයන් දසදහස ඉක්මවා වාර්තා විය. තමිල්නාඩුව යළිත් ලොක්ඩවුන් කර ඇත්තේ නැවත වරක් රෝගීන් වැඩිවීම නිසාය. මෙය බරපතළ වන්නේ කොරෝනාවට බියෙන් ඉන්දියානුවන් ලංකා ¥පතේ උතුරු පළාතට පලා ඒමේ අනතුරක් මතුව ඇති බැවිනි. එනිසා ඉන්දියානු පොකුර තමිල්නාඩු පොකුර දෙස විශේෂ අවධානයකින් සිටිය යුතුය. උතුරු මුහුදේ නාවික මුර සංචාර වැඩි කර ඇත්තේද මේ පොකුරු අනතුර හේතුවෙනි. මුල් සති කිහිපය තුළ ඉන්දියාවෙන් වාර්තා වූ නව කොරෝනා රෝගීන්ගේ සංඛ්‍යාව සංසන්දනාත්මකව පහල අගයක පැවතුණි. අධික ජනගහනය, තදබදය සහ අඩු පහසුකම් සහිත රෝහල් පැවතුනද ඉන්දියාව පුරා කොරොනා වෛරස් වසංගතය මුලදී දරුණු නොවීය. නමුත් ලොක්ඩවුන් නීති ලිහිල් කරන විට රෝගීන් වාර්තාවීම වැඩිවූ අතර එය එරට රෝහල් පද්ධතියට දරාගත නොහැකි විය. කොරෝනා වෛරසය ආසාදනය වී ඇති බවට සැක කළ හැකි රෝග ලක්ෂණ පෙන්නුම් කෙරෙන බොහෝ පුද්ගලයන් එම රෝහල්වලට භාර නොගෙන නැවත නිවෙස් කරා යවන බවට ද චෝදනා මතුවෙමින් පවතී. දිල්ලි ප‍්‍රාන්ත ආණ්ඩුවේ සෞඛ්‍ය ඇමැතිද කොරෝනාව වැළඳීමෙන් බරපතළ ලෙස රෝගී වී ඇති බව එරට මාධ්‍ය කියයි. ඇමැතිවරයා යොමුකර ඇත්තේ පුද්ගලික රෝහලකටය.
 
 සාමාන්‍ය රෝගීන්ට අගනුවර රජයේ රෝහලක ඇඳක් සොයා ගැනීමද අපහසු වීම බරපතළ ඛේදයකි. ඉන්දීය වෛද්‍ය විශේෂඥයන් පවසන්නේ ආසාදිතයන්ගේ සංඛ්‍යාව වර්ධනය වීමෙන් පෙන්නුම් කෙරෙන්නේ පමාවී ගොඩනැෙගන ප‍්‍රවාහයක් දක්නට ලැබෙන බවය. එය කොතනින් නතර වේද කිව නොහැක. මේ ආකාරයට ගියහොත් ලොව වැඩිම ආසාදිතයින් ඇති රට බවටද ඉන්දියාව පත් නොවන්නේ යැයි කාට කිව හැකිද? ඇත්තෙන්ම ඉන්දියාව ලොක්ඩවුන් ලිහිල් කරනු ලැබුවේ රට මුහුණ දෙමින් පවතින මහා ආර්ථික අර්බුදය වළක්වා ගැනීමටය. ඔවුනට වෙනත් විකල්පයක් නොවීය. එක පැත්තකින් චීනය සමග දේශ සීමා අවුලක පැටලී සිටින ඉන්දියාව අනෙක් පැත්තෙන් වුහාන් වෛරසය නිසා මහා වසංගත අනතුරකට මුහුණදී ඇත. මෙය දෙකොන විලක්කුවකි. නරේන්ද්‍ර මෝදි ආණ්ඩුවේ ප‍්‍රභාවද වේගයෙන් දියවී යන බව පෙනී යයි. පසුගිය දිනක කරනු ලැබූ නව සමීක්ෂණයකට අනුව හෙළිව ඇත්තේ එරට තරුණ ප‍්‍රජාව අගමැතිවරයාගේ පාලනය අසාර්ථක බව පිළිගෙන ඇති බවයි. ඉන්දියාවේ දේශපාලනය මෙන්ම වසංගතයද අපේ රටට බලපාන බැවින් මේ සියල්ල දෙස වඩා විමසිල්ලෙන් බලා සිටිය යුතුය.
 

kandos18

අද දිවයින

සිනමා කලා

niluks250

නවලිය

himaya250

දියග

sunils250

මීවිත

absekas250

More Articles