Divaina - පාරිභෝගිකයින් සූරාකන වෙළෙඳ මාෆියාව

top banner

 

div

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

D Divaina 90x340px

අපේ රටේ පාරිභෝගික භාණ්ඩ ව්‍යාපාරිකයන් හෝ ආනයනකරුවන් විසින් සිත්සේ මිල ඉහළ නැංවීම පාලනය කරන්නට නිසි ක‍්‍රමවේදයක් නොමැති වීම බරපතළ ගැටලූවක්වී තිබේ. අද වන විට විවිධ පුද්ගලික සමාගම්, ආනයනකරුවන් හෝ දේශපාලන හෙන්චයියන් විවිධ ආකාරවලින් රටේ ජනතාව සූරාකමින් සිටිති.
 
 රටේ ජීවන වියදම ඉහළ ගොස් ජනතාව දැඩි අසීරුවෙන් දිවි ගෙවන මෙවැනි අවස්ථාවක පවා රජය ඒ පිළිබඳව කිසිදු වගකීමකින් තොරව කටයුතු කරන බව පෙනේ.
 
 පසුගියදා කිරිපිටි මිල ඉහළ නැංවීමට පුද්ගලික සමාගම් කටයුතු කළේය. ඒ අනුව රුපියල් 920 කට අලෙවි වූ කිලෝ ග‍්‍රෑමයක් බරැුති කිරිපිටි පැකට්ටුවක මිල රුපියල් 15 කින් ඉහළ දමා ඇත. එහි නව මිල රුපියල් 935 කි. එසේම වෙළෙඳපොළේ රුපියල් 375 කට අලෙවි වූ ග‍්‍රෑම් 400 ක් බරැුති කිරිපිටි පැකට්ටුවක මිල රුපියල් 5 කින් ඉහළ නංවා ඇත. ශ‍්‍රී ලංකාවට ගෙන්වන කිරි පිටිවල තත්ත්වය සම්බන්ධයෙන් වරින් වර ගැටලූ මතුවෙමින් තිබේ. එසේ ගෙන්වනු ලබන කිරිපිටි වර්ගවලට මෙවැනි මිලක් ගෙවීම සාධාරණ දැයි සොයා බැලීමට නිසි කණ්ඩායමක් රජය මගින් පත් කළ යුතු බව අපගේ අදහසයි.
 
 මීට දින කීපයකට පමණ පෙර එක්වරම තිරිඟු පිටි සමාගම් විසින් තිරිඟු පිටි කිලෝවක මිල රුපියල් අටකින් වැඩි කළේය. පසුව ඒ සම්බන්ධයෙන් විවිධ පාර්ශවවලින් පැමිණි විරෝධය හේතුවෙන් එය යළිත් අහෝසි කරන ලදී. එහෙත් එය මිල සුත‍්‍රයක් හඳුන්වා දෙන බව පවසමින් යළිත් වරක් ළඟදීම ඉහළ නංවන්නට නියමිතව තිබේ. මේ තිරිඟු පිටි මාෆියාව පවත්වා ගෙන යනු ලබන්නේ බහු ජාතික සමාගම් දෙකක් හා එක්තරා දේශපාලනඥයන් පිරිසක් විසිනි. ඔවුන් මේ හරහා මාසයකට ලබන ශුද්ධ ලාභය රුපියල් බිලියන ගණනකි. වෙනත් පාර්ශවවලට ශ‍්‍රී ලංකාවට තිරිඟු පිටි ගෙන්වීම සිදුකළ නොහැකි පරිදි ඒ සඳහා විශාල බදු පැනවීමක් සිදුකර අදාළ ඒකාධිකාරය ලබාදී ඇත්තේ එම සමාගම් මගිනි.
 
 මෙරට සිමෙන්ති ව්‍යාපාරයද රටේ ජනතාව ගසා කන ප‍්‍රධානම ව්‍යාපාරයකි. ශී‍්‍ර ලංකාවේ සිමෙන්ති මිල ඉහළ දැමීමේ කිසිදු හේතුවක් නොමැතිව පසු ගිය කාලය පුරා වරින් වර ඉහළ ගියේය. සැබවින්ම අපේ රටේ පාරිභෝගික අධිකාරිය මගින් සිමෙන්ති සඳහා ලබාදී ඇති මිලට වඩා රුපියල් දෙසීයක් හෝ දෙසිය පනහක් අඩු මිලට මෙරට වෙළඳපොළේ මිලදී ගැනීමට තිබේ. මේ සිමෙන්ති වර්ග බොහොමයක නිෂ්පාදන රටවල් හා සමාගම් එකම වුවද මේවා මෙරටට ගෙන්වා විවිධ නම්වලින් ඇසුරුම් කර විවිධ මිල ගණන්වලට විකුණති.
 
 ලෝක වෙළඳපොළේ ගෑස් මිල සීඝ‍්‍රයෙන් පහළ ගොස් තිබේ. එහෙත් අපේ රටේ ජනතාව පැරණි මිලම තවමත් ගෙවමින් ගෑස් සමාගම් පොහොසත් කරමින් සිටිති. 2018 වසරේ ඇමරිකානු ඩොලර් 655 ක් වූ ගෑස් මෙටි‍්‍රක් ටොන් එකක මිල මේ වන විට ඩොලර් 370 කි. මේ සමාගම් ගසා කන්නේ රටේ අහිංසක ජනතාවය. මේවා ගැන සොයා බලන්නට ජනතාවට සහන සලසන්නට සිටින බොහෝ වගකිවයුත්තන් අදාළ සමාගම් සමග ඞීල් දමමින් ලාභය බෙදා ගනිති.
 
 රටින් ගෙන එන ඒවා පමණක් නොව අපේ රටේ නිෂ්පාදනය කරන බොහෝ නිෂ්පාදන පවා අතරමැදියන් විසින් විශාල ලාභ තබාගනිමින් විකිණීම පාලනය කරන්නට මේ දක්වා කිසිදු රජයක් අපොහොසත්වී තිබේ.
 
 අපේ රටේ ගොවීන්ගෙන් කුණු කොල්ලයට වී මිලදී ගෙන මෝල් හිමියන් රටේ සමස්ත ජනතාව ගසා කෑම පාලනය කරන්නට රජය අපොහොසත් වී තිබේ. මේවා පාලනය සඳහා අසරණ සිල්ලර වෙළඳසැල් හිමියන් අල්ලා නඩු පවරනු වෙනුවට මහාපරිමාණ මෝල් හිමියන්ට නීතිය ක‍්‍රියාත්මක කරන්නට කිසිවකු කටයුතු කරන්නේ නැත.
 
 ලොව අන්සියලූ රටවල අපේ රටේ මෙන් සතිපතා හෝ මාස්පතා භාණ්ඩ මිල වැඩිවීමක් සිදු නොවේ. ඒවායේ බොහෝ කාලයක් එකම මිල පවත්වා ගෙන යනු දැකිය හැකිය. පරිභෝහික අධිකාරිය අද වන විට තම කාර්ය භාරය ඉටු කිරීමට මුළුමනින්ම අපොහොසත්වී තිබේ. එම නිසා රටේ භාණ්ඩ මිල පාලනය සඳහා නිසි විනිවිදභාවයකින් යුතු ක‍්‍රමවේදයක් හා
 
 පාරිභෝගිකයන් ගසා කෑම වැලැක්වීම සඳහා දැඩි දඬුවම් ලබාදිය හැකි ක‍්‍රමවේදයක් වහාම ඇති කළ යුතුව තිබේ. ඒ හරහා නිෂ්පාදකයන්ට, ආනයනකරුවන්ට හා වෙළෙඳුන්ට ජනතාව ගසාකෑම සිදු කළ නොහැකි ආකාරයට නිසි ක‍්‍රමවේදයක් ඇති කළ යුතුය. ඒ හරහා අදාළ සියලූ පාර්ශ්ව මෙන්ම ජනතාවද රැකෙන නව ක‍්‍රමවේදයක් හා පූර්ණ බලැති ආයතනයක් ඇති කළ යුතුව තිබේ. එසේම ඒ සඳහා විශ‍්‍රාම ගිය ඇතැම් හොර අමාත්‍යාංශ ලේකම්වරුන් නොව අවංක ජනතා හිතවාදී නිලධාරීන් පත් කළයුතු බව අපගේ අදහසයි.
 

sikuru


අද දිවයින

සිනමා කලා

tissa250

නවලිය

uda250

දියග

trump250

මීවිත

kanika250

More Articles