Divaina - Kathuwakiya

luhundu19march

e5

965x87px Web Banner Cvd new

 

The Island The Island Nawaliya Vidusara e-Paper Classifiedsරාහු කාලය

බැලූ බැල්මට ගොඩහේවා සුපිරි වැඞ්ඩෙකි. අයි ටී ඉංජිනේරුවෙකි. අර්ථශාස්ත‍්‍රඥයෙකි. ව්‍යාපාර කළමනාකරුවෙකි. එක්ස්ප‍්‍රස් පර්ල් නැව නිසා හටගත් තෙල් පැල්ලම ඉතා කුඩා එකක් බවත් එක්ස්ප‍්‍රස් පර්ල් නැවද පුංචි නැවක් බවත් ඔහු කීවේය.  වියත් මගේ සාමාජිකයකු වූ ඔහු ආණ්ඩු බලය සහ ඇමැතිකම ලැබුණු ගමන් දුරකථන ඇමතුමකටවත් උත්තර නොදෙන පරිදි අතුරුදන් විය. ඊළඟට ඔහු නැවත වතාවක් මතුවන්නේ එක්ස්ප‍්‍රස් පර්ල් නැව ගිලී ගිය සාගරයේ හටගත් තෙල් පැල්ලම තුළිනි.

kandumudunwalaකොරෝනා වසංගතය නිසා අප රටේ වඩාත් බලපෑමකට ලක්වූ ක්‍ෂේත‍්‍රයක් වන්නේ අධ්‍යාපනයයි. ඉනුත් විශේෂයෙන් පාසල් අධ්‍යාපන කටයුතු දැඩි අර්බුදයකට ලක්ව ඇත. මේ මොහොතේදී අප රටේ පාසල් ක්‍ෂේත‍්‍රය යළි සකී‍්‍රය කිරීමේ කි‍්‍රයාවලිය පිළිබඳ ඉ`ගියක්වත් පළ නොවන්නේ ඉන් මෙරට ඇති සමාජ ආර්ථික කි‍්‍රයාවලිය පවා යළි යතා තත්ත්වයට පත්කිරීමට නොහැකි වී ඇති නිසාවෙනි.
 
 කොරෝනා උවදුර කවර කාලයක් තුළ අප රටෙන් මුළුමනින්ම පාලනය කර ගැනීමට හැකිවෙනු ඇත්දැයි කිසිදු පාර්ශ්වයකට මේ මොහොතේ කිව නොහැක. සිංහල අලූත් අවුරුද්දට පෙර දිනකට කොරෝනා ආසාදිතයන් හමුවීමේ ප‍්‍රමාණය සියයක් වැනි අවම මට්ටමක පැවතිණි. එහෙත් සිංහල අලූත් අවුරුද්දට රට විවෘත වීමත් සමඟ අප රටින් තෙවැනි කොරෝනා රැුල්ලක් නිර්මාණය විය. එක දිගට සති කීපයක් පසුගිය දිනවල සංචරණ සීමා පැනවුවද දිනකට හමුවෙන ආසාදිතයන් ප‍්‍රමාණය දෙදහස ඉක්මවා තිබෙන තත්ත්වයක් නිර්මාණය වී ඇත. එනිසාම එළඹෙන සඳුදා (21වැනිදා) රටෙහි සංචරණ සීමා ඉවත් කළත් අප පරිස්සමෙන් ජීවිතය ගත කළ යුතුය. එසේ නොවුණහොත් කොරෝනාව අපට තවදුරටත් බැට දෙනු නිසැකය. එහි අවසන් ප‍්‍රතිඵලය වනුයේ පාසල් විවෘත කිරීමේ දිනය ඈතින් ඈතට යෑම පමණි.
 
 කෙසේ නමුත් කොරෝනාව විසින් පාසල් වැසෙද්දී දරුවන්ට අධ්‍යාපනය ලබාදීම සඳහා අපි අන්තර්ජාලයේ පිහිට පැතුවෙමු. එනිසා මේ මොහොතේත් අන්තර්ජාලය ඔස්සේ අධ්‍යාපනය ලබාදීමේ කි‍්‍රයාවලිය අප රටේ කි‍්‍රයාත්මකය. කොරෝනාවෙන් දරුවන් බේරාගෙන ඔවුනගේ අධ්‍යාපනය ද ලබාදීම සඳහා මේ මොහොතේ ඇති හොඳම විකල්පය අන්තර්ජාලය භාවිතා කිරීම බවට විවාදයක් නොමැත. එහෙත් අප මෙහිදී අමතක නොකළ යුතු කාරණයක් වන්නේ මෙම ක‍්‍රමවේදය ඔස්සේ අධ්‍යාපන කි‍්‍රයාවලිය ඉදිරියට යද්දී ඊට සාපේක්‍ෂව තවත් දරුවන් පිරිසකට අධ්‍යාපනය ලබාගැනීමේ අයිතිය අහිමි වීමයි. අන්තර්ජාලය ඔස්සේ අධ්‍යාපන කටයුතු කිරීමට නම් පරිගණක හෝ අවම වශයෙන් ස්මාර්ට් ෆෝන් අවශ්‍යය. නිවසක ගෘහස්ථ අධ්‍යාපන කටයුතුවල නිරතවන දරුවන් හතර පස්දෙනෙක් සිටියහොත් මේ සියලූ දෙනාට අදාළ පහසුකම් ලබාදෙන්නේ කෙසේද යන්න දෙමාපියන් බොහෝ පිරිසකට පවතින ගැටලූවකි.
 
 අනෙක් කාරණය වන්නේ ඬේටා ප‍්‍රශ්නයයි. කොරෝනාවෙන් බැටකා ආර්ථික වශයෙන් දුර්වල වී සිටින ජනතාවට මෙම අමතර වියදම ද මහා බරක් බව අමුතුවෙන් කිවයුතු නැත.
 
 එනිසාම තවදුරටත් අප රටේ පාසල් දරුවන්ට අන්තර්ජාලය ඔස්සේ අධ්‍යාපනය ලබා දෙන්නේ නම් අදාළ පහසුකම් ලබා දීමට ක‍්‍රමවත් වැඩපිළිවෙළක් රජය විසින් සකස් කළ යුතුව ඇත. එය සම්පූර්ණ නොකළහොත් අන්තර්ජාලය ඔස්සේ අධ්‍යාපනය ලබාදීමේදී පාසල් දරුවන් අතරේ දැනුම් මට්ටම් දෙකක් නිර්මාණය වීම වැළැක්විය නොහැක.
 
 අන්තර්ජාලය ඔස්සේ අධ්‍යාපනය ලබාගැනීමේ අනෙක් අර්බුදය වන්නේ අදාළ සම්බන්ධතාවලට සංඥා (සිග්නල්) නොමැති වීමයි. එනිසාම තම දුරකථනවලට හෝ පරිගණකවලට සිග්නල් සොයමින් කඳු බඩගාන දරුවෝ අප රටේ වෙති. සමහර අවස්ථාවල තම ජීවිත අවදානම ද නොතකා විවිධ කුලූනුවලට නැග සිග්නල් සොයන දරුවෝ ද අපි පසුගිය කාලයේදී දුටුවෙමු. මෙවැනි සිදුවීම් හරහා ඛේදවාචක නිර්මාණය වීමට පෙර අදාළ විසඳුම් ලබාදීම බලධාරීන්ගේ වගකීම බව අප මේ මොහොතේ දැඩිව අවධාරණය කරන්නෙමු.
 
 අප රටේ දැනට පවතින ක‍්‍රමවේදය අනුව පාසල් දරුවන්ට අධ්‍යාපනය ලබාදීමේදී දැඩි විෂමතාවයන් පවතින බව කවුරුත් දන්නා කරුණකි. අප රට තුළ ජනපි‍්‍රය සහ එසේ නොවන පාසල් වර්ග දෙකක් නිර්මාණය වී ඇත්තේ එහි ප‍්‍රතිඵලයක් වශයෙනි. ජනපි‍්‍රය පාසල්වල සියලූ විෂයයන්ට ගුරුවරු වෙති. එම පාසල්වලට දරුවන්ගේ අධ්‍යාපනය ඉදිරියට ගෙන යෑමට විiාගාර ඇතුළු අනෙකුත් පහසුකම් සුලබය. එහෙත් ගමේ බොහෝ පාසල්වල මෙම පහසුකම් තවමත් නැත. තම දරුවා නගරයේ ජනපි‍්‍රය පාසලකට ඇතුළත් කර ගැනීමට දෙමාපියෝ නොනවතින අරගලයක යෙදී සිටින්නේ එනිසාවෙනි. තත්ත්වය එසේ තිබියදී කොරෝනාව විසින් අධ්‍යාපන ක්‍ෂේත‍්‍රයට එල්ල කර ඇති බලපෑම හොඳින් අධ්‍යනය කර අධ්‍යාපන බලධාරීන් ඒ ගැන තීන්දු තීරණ නොගතහොත් තත්ත්වය තවත් බරපතල විය හැකිය. සෑම දරුවකටම සම අධ්‍යාපනය ලැබීමට ඇති අයිතියට දැනටමත් එල්ල වී ඇති බලපෑම තවදුරටත් පුළුල් වනු ඇත. මේවා ගැන ගැඹුරින් අධ්‍යනය කර නිසි තීන්දු තීරණ ගැනීම අධ්‍යාපන බලධාරීන් තවත් ප‍්‍රමාද නොවිය යුතුය.
 

රටට ඇතිවෙන්නට ආපදා පැමිණ තිබේ. කොරෝනා පළමුවැනි, දෙවැනි, තුන්වැනි රැළිවලින් රට හොඳටෝම හාන්සි කරවා ඇත. ආසාදිතයින් අච්චරයි, මෙච්චරයි, මියගිය අය මෙච්චරයි කියමින් දැන් ඉතින් සංඛ්‍යාලේඛන ගැන කතා කරනවාට වඩා වැදගත් වන්නේ මේ බියකරු වසංගතය ඉක්මණින් සමනය කර, රට යළිත් සාමාන්‍යකරණයට ලක්කිරීමය. ඒ සඳහා සහයෝගයක් නොදක්වන්නන් තවදුරටත් සිටී නම් හමුදාව හෝ යොදවා උන් කුදලාගෙන ගොස් සිර කර, සෞඛ්‍ය අංශ කියන අයුරින්ම ආණ්ඩුව සංචරණ සීමා ආරක්ෂා කිරීමට කටයුතු කළ යුතුය.
 
 මන්ද, අද (10) වන විට සංචරණ සීමා දමා දින 20 ක් ගතවී ඇත. නමුත් තවමත් කොරෝනා රෝගීන් වාර්තාවීමේ සැලකිය යුතු අඩුවක් පෙනෙන්නට නැත. ඒ අතර මරණ ද සිදුවේ. ලබන 14 වැනිදා වනවිට රට යළි විවෘත කිරීමට නියමිත වුවද, යහපත් ප‍්‍රතිපල ලබන්නට නම් අඩුම තරමින් මාසයක්වත් (21 දක්වාවත්) සංචරණ සීමා පැනවිය යුතු බව සෞඛ්‍ය අංශවල මතයයි. නමුත් ඇත්ත නම් හා අපට තිබෙන ගැටලූව නම්, සංචරණ සීමා හරි හැටි ක‍්‍රියාත්මක වන්නේ ද යන්න ය. දිනකට කොළඹට අත්‍යවශ්‍ය සේවා වශයෙන් වාහන ලක්ෂයක් පැමිණෙන බව නියෝජ්‍ය පොලිස්පති දේශබන්දු තෙන්නකෝන් මහතා පවසයි.
 
 මේ අතර සංචරණ සීමා කඩකරමින් ඇතැම් පුද්ගලයින් කටයුතු කරනු පෙනේ. එනම්, ආණ්ඩුව මෙම සංචරණ නීති සමහරුන් වෙනුවෙන් ලිහිල් කරන බව හෝ රජයට, ජනාධිපතිවරයාට, සෞඛ්‍ය බලධාරීන්ට හොරෙන් හා පොලිසියට බලපෑම් කර තවත් සමහර අදිසි බලධරයෝ අමු අමුවේ සංචරණ නීති කඩමින් කටයුතු කරන බව පසුගියදා ගාල්ලේදී පැවැති එන්නත්කරණ වැඩසටහන කදිමට සාක්ෂි සපයයි.
 
 සංචරණ සීමා පනවා තිබියදී පමණක් නොව පළාත් අතර දැඩි සංචරණ සීමා පනවා ඇති බව යුද හමුදාපතිවරයා සහ පොලිස් මාධ්‍ය ප‍්‍රකාශවරයා පුන පුනා කියද්දීත් ”වෙස්ටන් ප්‍රොවින්ස්” අංක තහඩු ඇති වාහන තොගයක් ගාල්ලට ගියේ කොහොමද යන්න ප‍්‍රශ්නයකි. අපට අසන්නට ඇත්තේ අධිවේගී මාර්ගවලට සංචරණ සීමා නැද්ද යන්න හා සල්ලිකාරයින්ට රටේ නීති කඩන්නට අධිවේගී මාර්ග භාවිත කරන්නට හැකිද යන්නයි.
 
 කෙසේ හෝ එම එන්නත්කරණයේ දී ගාල්ලේ ජනතාව සඳහා ඇති එන්නත් කොළඹ බලපුළුවන්කාරයින්ට ලබා දීමත්, ඉවරයි කී ඇස්ට‍්‍රාසෙනෙකා එන්නත් ඇති තරම් මෙහිදී එළියට ඒමත් දෙබිඩි පිළිවෙතකි. ඒ ගැන විධිමත් පරික්‍ෂණයක් අනිවාර්යයෙන්ම කළ යුතුය.
 
 තවත් අතකින් නිරිත දිග මෝසම සක‍්‍රීය වී ඇති තරම් රටට වැසි ලැබෙමින් පවතින්නේ ගංවතුර හා නාය යෑමේ අනතුරු සමයක් රටට උදාකරමිනි. මේ නිසා දැනටමත් ජීවිත 20 ක් අහිමි වී ඇති අතර, විපතට පත් පිරිස ලක්ෂ දෙකකට වැඩිය. මේවා සුළු කොට තැකිය හැකි නොවේ. කොරෝනා වසංගතයෙන් බැටකමින් සිටි දකුණු ලක ජනතාවට මේ සිදුව ඇත්තේ ගහෙන් වැටුණු මිනිහට ගොනා ඇන්නා වගේ සංසිද්ධියකි. ඔවුන්ගේ ජන ජීවිතය එක පැත්තකින් නොව දෙතුන් පැත්තකින් අඩාල වී ඇත.
 
 ඒ මදිවාට අහක යන ඒවා ගෙට ගන්නට ගොස් සිදු වූ නාවික විපත ය. තවත් කල්ප කාලාන්තරයකට ඒ විනාශයෙන් ගොඩ එනු නොහැකිය. වයඹ, බස්නාහිර සිට දකුණු ලක දක්වා ධීවරයින්ගේ රැකියා එක පැත්තකින් අනතුරේය. තවත් පැත්තකින් මත්ස්‍යයින්, ඩොල්පින් වැනි ක්ෂීරපායින්, කැස්බෑවන්, මුහුදු සර්පයින්, කොරල්පර වැනි මෙකී නොකී සමුදුරු ජෛව විවිධත්වයම අනතුරේය. මේ විනාශයේ හොඳ හරිය දැනෙන්නේ තව ඉදිරියට ය.
 
 මේ අතර රටේ පොහොර හිඟයක් මතුව ඇත. තැන තැන ඊට එරෙහිව ජනතාව නගන විරෝධතා ය. මහ කන්නයේ සිට රසායනික පොහොර තහනමක් එන නිසා යලට ගෙනා ඇතැම් පොහොර තොග කූට වෙළෙඳුන් විසින් හංගාගෙන සිටින විට ඉඳ හිට පාරිභෝගික සේවා අධිකාරිය පැන ඒවා අල්ලනවා අපි දුටිමු.
 
 එසේම, රාජ්‍ය යාන්ත‍්‍රණය මගින්ද යල කන්නයට පොහොර හරිහැටි නිකුත් කර නොමැති බැවින් අපකීර්තියට පත්වන්නේ රජය හා ජනාධිපතිවරයා ය. එසේ හෙයින් ඒ සඳහා ද හමුදාව හෝ යෙදෙව්වාට අපගේ අකැමැත්තක් නැත. ජනතාව ද හොඳ කියනු ඇත. සත්‍ය නම් අල්ලසට, දූෂණයට, පගාවට හුරු වූ රාජ්‍ය අංශය තවමත් සියයට සියයක් පිරිසිදු වී නැති නිසා මෙන්ම ඊට හූමිටි තියන දේශපාලකයින් විසින්ද එක ප‍්‍රශ්නයකින් තවත් ප‍්‍රශ්න වැලක් නිර්මාණය කරන නිසාය. මේ නිසා ජන ජීවිතය අවුලෙන් අවුලට යන අතර, ආර්ථිකයේ සිදුරු ඇතිවේ. එය වළකා ලිය යුතුමය.

කෙනකු සමරිසියකු හෙවත් සමලිංගිකයකු ලෙස මෙලොවට බිහිවන්නේ ස්වභාවධර්මයේ කැමැත්ත අනුව බව අපි ඊයේ මේ කතු වැකිය ඔස්සේ සාකච්ඡුා කළෙමු. සමලිංගිකයන්ගේ අයිතිවාසිකම්වලට අප ගරු කළ යුතු බවට පාර්ලිමේන්තු මන්ත‍්‍රී හර්ෂ ද සිල්වා විසින් සමාජ මාධ්‍යයක් ඔස්සේ කර තිබූ ප‍්‍රකාශයක් මේ කතු වැකියට නිමිත්ත විය. මතවාදී වශයෙන් හර්ෂ ද සිල්වා සහ අප සිටින්නේ දෙතැනකය. එහෙත් සමරිසි අයිතිවාසිකම් සම්බන්ධයෙන් හර්ෂ ද සිල්වා මෙන් අප ද සිටින්නේ එක තැනකය. ඒ තැන මනුස්සකම යන තනි වචනයෙන් හඳුන්වනු ලැබේ. සමරිසි හෝ සමලිංගික අයිතිවාසිකම් ප‍්‍රවර්ධනය විය යුතුය යනුවෙන් අප අදහස් කරන්නේ කුමක්ද? පිරිමි පිරිමි හෝ ගැහැනු ගැහැනු විවාහ ප‍්‍රසිද්ධියේ සිදු කිරීමද? නැතහොත් පිරිමින් දෙදෙනකුට හෝ ගැහැනුන් දෙදෙනකුට මහා පාර මැද මුඛ චුම්බන කර්තව්‍යයක යෙදීමට ඉඩදීමද? නැත. අප කියන්නේ සමරිසි ප‍්‍රජාවට සාමාන්‍ය මිනිසුන් ලෙස ජීවත්වීමට අයිතිවාසිකම් දියයුතු බවය. සමරිසි නමැති ප‍්‍රස්තුතය ගෙන එය පිටරටවල්වලට අලෙවි කර, සමරිසි අභිවෘද්ධිය වෙනුවෙන් එම රටවලින් ගාන කපා ගන්නා කලම්බු සෙවන් සමරිසි ප‍්‍රභූවරුද මේ රටේ සිටිති. එසේ ගෙන්වා ගන්නා මුදලින් ස්වකීය ලිංගික අභිලාෂයන් සපුරා ගනිමින් ඔවුන් සුව පහසු ජීවිත ගත කරද්දී වරප‍්‍රසාද නොලත් සමරිසි ප‍්‍රජාව නාවර පෙරාගෙන මහා පාරේ ගණිකා වෘත්තියේ යෙදෙති. ඉරාජ් වීරරත්න, වස්ති ප‍්‍රඩක්ෂන්ස්, හේෂිත ඇතුළු යූ ටියුබ් චැනල්කාර මතවාදී හිඟන්නන් වෙතින් අපහාසයට ලක්වෙති.
 
 සමරිසියකු අල්ලා ගෙන ඔහු ලිංගික ගොදුරක් බවට පත්කර ගැනීම මේ රටේ ලිංගික මෝල් අමාරුකාරයන්ගේ විනෝදාංශය බවට පත්වී තිබේ. ශ‍්‍රී ලංකාව තුළ ගණිකා වෘත්තීය තහනම් ය. එහෙත් කිසියම් ගැහැනියක් හා පිරිමියෙක් කාමරයක් තුළ රති කෙළියෙහි නිරත වන්නේ නම්, එය කෙරෙන්නේ මුදලට වේවා මුදලට නොවේවා එම යුවළ අත්අඩංගුවට ගැනීමට කාටවත් බැරිය. එහෙත් එම යුවළ සිටින කාමරය පරීක්ෂා කිරීමේ අයිතිය පොලිසියට ඇත. කාමරය පරීක්ෂා කිරීමෙන් පසු පොලිසිය කරන්නේ එම යුවළගෙන් ප‍්‍රශ්න කර ඔවුන් පොලිසියට ව්‍යාජ තොරතුරු සැපයුවේය යන චෝදනාව දමා අත්අඩංගුවට ගෙන උසාවි දැමීමය. මෙවැනි විටකදී මහෙස්ත‍්‍රාත්වරුන්ගෙන් බලූ බැනුම් අසන පොලිස්කාරයන් අපි දැක ඇත්තෙමු. ගණිකාවන් කාමරවලට ගෙන ගොස් ඔවුන් සමග හැසිරී තමන් පොලිස් නිලධාරියකු බව කියා ඔවුන් අත තිබෙන මුදල් කොල්ලකන පොලිස්කාරයෙක් පසුගිය කාලයේදී මිරිහාන පොලිසියේ සිටියේය. ගණිකා වෘත්තියේ යෙදෙන අය අත්අඩංගුවට ගැනීමට පොලිසිය පාවිච්චි කරන්නේ පාදඩ ආඥා පනතයි. මෙහිදී පොලිසිය විසින් තේරුම්ගනු ලැබිය යුතු කාරණයක් තිබෙයි. එනම් ආඥා පනතේ නමට ගැළපෙන පරිදි තමන් නොහැසිරිය යුතු බවයි.
 
 සමලිංගිකයන් වැඩිදෙනා ගණිකා වෘත්තියේ නිරත වෙති. නීතිමය ඔප්පු කිරීමක් මත ඔවුන් අත්අඩංගුවට ගෙන මුදලට ඇඟ විකිණීමේ චෝදනාව ඔප්පු කර අධිකරණයෙන් ඔවුන්ට දඬුවම් ලබා දීමට පොලිසියට හැකි නම් අප එයට විරුද්ධ නැත. මන්ද යත් අප, රටේ නීතිය සමග එකඟය. එහෙත් සමලිංගිකයන් අත්අඩංගුවට ගැනීමේදී අනුගමනය කෙරෙන ක‍්‍රමවේදය විෂමය. සමරිසි ප‍්‍රජාවගේ ජීව විද්‍යාත්මක අවස්ථා හඳුනා ගැනීමට පොලිසියට නොහැක. උදාහරණයක් වශයෙන් ට‍්‍රාන්ස් ජෙන්ඩර් හෙවත් ලිංගික සංක‍්‍රාන්ති සමයක් පසුකරන පුද්ගලයකු ගැන දැනුමක් පොලිසියට නැත. සංක‍්‍රාන්ති සමයකදී සිදුවන්නේ ගැහැනියක් පිරිමියකු බවට පත්වීම හෝ පිරිමියෙක් ගැහැනියක බවට පත්වීමය. මේ ක‍්‍රියාවලිය සිදුවෙමින් පවත්නා අවස්ථාවලදී එයට භාජන වන්නා පිරිමියෙක් නම් ඔහු අඳින්නේ කාන්තා ඇඳුම්ය. ඔහුගේ ගමන ගැහැනු ස්වභාවයක් ගන්නා අතර ඉරියව්, සිනහව යනාදිය තුළ ඇත්තේද ස්ත‍්‍රීත්වයයි. මෙවැනි කෙනකු ගණිකා වෘත්තියෙහි යෙදීමේ චෝදනාව මත අත්අඩංගුවට ගන්නා පොලිසිය ඔහුගෙන් නම විමසයි. මේ වනවිට ඔහු සිය නම කාන්තා නාමයක් බවට පරිවර්තනය කරගෙන ඇති අතර පොලිසියට එම කාන්තා නම දෙයි. ඉන්පසු පොලිසිය ඔහුගේ ජාතික හැඳුනුම්පත පරීක්ෂා කරනවිට එහි ඇත්තේ ඔහුගේ මුල් පිරිමි නමය. මෙවිට ඔහුට පාර මැදදීම පහරදෙන පොලිසිය, පොලිසියට ව්‍යාජ තොරතුරු සැපයීමේ චෝදනාව මත අත්අඩංගුවට ගෙන ජීප් එකට විසිවෙන පරිදි ඔහුට පයින් ගසයි. ඉන්පසු ලිංගික සංක‍්‍රාන්තිකයා පොලිස් කූඩුවට දමනු ලැබේ. මේ පුද්ගලයා තුළ සිදුවන ලිංගික විපර්යාස තත්ත්වය ගැන කූඩුව තුළ සිටින සෙසු කුඩුකාරයොත්, හොරුත්, පාදඩයෝත් දනිති. ඔවුහු එළිවන තුරු මේ අසරණයා දූෂණය කරති. සමහරවිට ලෝකයේ අනිත් රටවල තත්ත්වයත් මෙයම විය හැකියි. එම තත්ත්වයන් පිටුදැකීම සඳහා හැම දියුණු රටක්ම කටයුතු යොදා ඇත. ලංකාව දියුණු රටක් වනතුරු සිටියොත් සමරිසි සහ සමලිංගික ප‍්‍රජාව ඉතා දරුණු දුක් විඳ සමාජ රෝග වාහකයන් බවට පත්වනවා ඇත. මේ ප‍්‍රශ්නය කිසිදු ප‍්‍රසිද්ධ මාධ්‍යක් මගින් සාකච්ඡා නොකෙරේ. එසේ තිබියදී මෙවැනි සංවාදයක් කරන්නට ලැබීම අපට ගෞරවයකි.

deshapalanamal135නැවතවරක් ජනාධිපතිවරණයට ඉදිරිපත්වීමට අපේක්ෂා කරනබව ජනාධිපති ජේ.ආර්. සිය බිරියට කීවේය. ඇය කීවේ මෙපමණකි. ”මිනිස්සු අපට හිනාවෙයි නේද?” ජේ.ආර්. ජයවර්ධන වචනයක්වත් කතාකළේ නැත. පසුදා පක්ෂයේ කෘත්‍යාධිකාරී මණ්ඩලයට ගිය ඔහු ”ඊළඟ සැරේ මම ජනාධිපතිවරණයට එනවට මගේ මැතිනිය කැමති නැහැ” කියමින් ෆයිල්එක වසාදැමීය. එලීනා ජයවර්ධන වැනි නිහතමානී සහ ප‍්‍රතිපත්තිගරුක කාන්තාවන් කිහිපදෙනෙක් අදටත් මේ රටේ සිටිති. ඔවුන්ගේ නම්කීම අවශ්‍ය නැත. ඔවුන්ගේ චර්යාව ඔවුන්ගේ ගුණසුවඳයි. එන්නත් නැතිව මැරුණත් පෝලිම් කඩාගෙන යන කුණුසිරිත ඔවුන්ටනැත.

kandos18

අද දිවයින

සිනමා කලා

agasthi250

නවලිය

iranganiserasinghe250

දියග

rovel250

මීවිත

mahesh250

More Articles