විගස පුවත්
- Hits: 351
කටුගස්තොට පාලමෙන් ගඟට පැන්න තරුණියක දියේ ගිලෙමින් සිටියදී පාලම මත මාර්ගය අවහිර වනසේ වාහන නවත්වා තරුණිය දියේ ගිලෙන දර්ශන ජංගම දුරකථන මගින් වීඩියෝ ගත කළ බව කියන රියැදුරන් 15 දෙනකුට තරයේ අවවාද කරමින් රුපියල් 2000.00 බැගින් දඩ පත‍්‍රිකා නිකුත් කිරීමට. කටුගස්තොට පොලිසිය පියවර ගෙන ඇත.
පසුගිය 11 දින පෙරවරුවේ මෙම තරුණිය පේ‍්‍රම සම්බන්ධතාවක් හේතුවෙන් ඇතිවූ සිත්තැවුලක් නිසා ගඟට පැන ඇති අතර ඇය එහිදී මරණයට පත්ව ඇත. එම අවස්ථාවේ 300 ක පමණ පිරිසක් පාලම මතට රැුස්ව තරුණිය දියේ ගිලෙන ආකාරය ජංගම දුරකතන මගින් වීඩියෝ ගත කරමින් සිට ඇත.
පාලම මතින් ගමන් ගනිමින් තිබූ වාහනවල රියැදුරන්ද වාහන පාලම මතම නවත්වා සිද්ධිය විඩියෝ ගත කිරීමට උත්සහ කිරීම නිසා මාර්ගයේ දැඩි වාහන තදබදයක් ඇතිවූ බව පොලිසිය පවසයි.
මාර්ගය අවහිර වනසේ රථවාහන නවතා තැබීම යටතේ අදාළ රියැදුරන්ට දඩ පත‍්‍රිකා නිකුක් කර තිබේ.
පුරවැසි වගකීම් අමතක කර සෙසු ජනතාවටද අපහසුතාවට පත්වන සේ යළිත් කටයුතු නොකරන ලෙස අදාළ පිරිසට අවවාද කිරීමට කටුගස්තොට පොලිසියේ ස්ථානාධිපති ඩබ්ලිව්. එම්. එස්. උවින්දසිරි මහතා පියවරගෙන ඇත.
කටුගස්තොට පොලිසියේ රථවාහන අංශයේ ස්ථානාධිපති පොලිස් පරීක්ෂක බණ්ඩාර මහතා ඇතුළු රථවාහන නිලධාරීන් මාර්ගය අවහිර කරමින් වාහන නවතා ගෙන සිටි රියැදුරන්ට දඩ පත‍්‍රිකා නිකුත් කිරීමට පියවර ගෙන තිබේ.
සමන්තී වීරසේකර
- Hits: 212
පාතාලයට අපි බියවන්නේ නැහැ. රැුඳවියන් කරන තර්ජනවලට බියවන්නේ නැහැ. කුමන තරාතිමක අයකුට එරෙහිව වුවත් නීතිය තදින්ම ක‍්‍රියාත්මක කරන බව ආරක්‍ෂක ලේකම් විශ‍්‍රාමික මේජර් ජෙනරාල් කමල් ගුණරත්න මහතා ප‍්‍රකාශ කළේය.
ආරක්‍ෂක ලේකම්වරයා මෙම කරුණු හෙළි කළේ බෝගම්බර බන්ධනාගාරයේ නිරීක්‍ෂණ චාරිකාවකට එක්වූ අවස්ථාවේ දී ය. එහිදී ඔහු මෙසේ ද පැවසීය.
බූස්ස බන්ධනාගාරයේ රැුඳවියන් පිරිසක් මේ වන විට මාරාන්තික උපවාසයක යෙදී සිටිනවා. ඒ අයගෙන් විසි ගණනක් දැන් මාරාන්තික උපවාසය අතහැර ආහාර ගන්නවා. අනිත් අයත් ඒ ආකාරයට ආහාර ගැනීම ආරම්භ කරයි කියා හිතනවා. ඔය මාරාන්තික උපවාසවල යෙදුණු කිසිවකු කුසගින්නේ මියගොස් නැහැ. මාරාන්තික උපවාසයේ යෙදී සිටි එක් පුද්ගලයකු පමණක් මියගොස් තිබෙනවා. ඒත් ඔහු රෝගියකු වු නිසයි.
කුමන කාරණයක් හෝ මුල්කැර ගෙන පසුව මාරාන්තික උපවාසය අත්හරිනවා. එක්කෝ වගකිවයුතු කෙනෙකු සමඟ සාකච්ඡුාවක් කැර තැඹිලි වතුර ටිකක් පානය කර මාරාන්තික උපවාසය අත්හරිනවා.
බූස්සේ බන්ධනාගාරයට ඇතුළුවීමට යන කවුරු වුණත් පරීක්‍ෂාවට ලක් කරනවා. මා ගියත් බන්ධනාගාර කොමසාරිස් ජනරාල් ගියත් පරීක්‍ෂා කිරීමෙන් පසුවයි බන්ධනාගාර ඇතුළට ගන්නේ. රැුඳවියන් ඔවුන් ගැන පමණක් නොව ඔවුන්ගේ නීතිඥයන් ගැනත් කතා කරනවා. ඔවුන්ගේ නීතිඥයන් පරීක්‍ෂා කරන්ට එපා කියනවා. රැුඳවියන් ඉල්ලන හැම දෙයක්ම කරන්ට බැහැ.
‘සිරකරුවොත් මනුෂ්‍යයෝය කියා සලකන නිසයි ඔවුන්ට තව තවත් පහසුකම් සලසන්නට ඉඩකඩ සොයන්නේ.
පාතාලයට අපි බියවන්නේ නැහැ. රැුඳවියන් එල්ල කරන තර්ජනවලට බිය වෙන්නේ නැහැ. කුමන තරාතිරමක කෙනෙකු වුවත් නීතිය තදින්ම ක‍්‍රියාත්මක කරනවා.
කුඩු ජාවාරමත්, පාතාලයත් මර්දනය කිරීමට ආරක්‍ෂක අංශවලට පමණක් තනිවම පුළුවන්කමක් නැහැ. ජනතාවගේ සහයෝගයත් අවශ්‍යයි. ඒ නිසා ආරක්‍ෂක අංශවලට තොරතුරු ලබා දෙන ලෙස ජනතාවගෙන් ඉල්ලීමක් කරනවා. තොරතුරු දෙන අයට ත්‍යාග පිරිනැමීමටත් කටයුතු කරනවා. එසේ තොරතුරු දෙන අයට තෑගි ප‍්‍රදානය කිරීමේ වැඩපිළිවෙළක් අතීතයේ සිටම පවතිනවා.
බෝගම්බර පැරණි බන්ධනාගාරයේ දැනට ප‍්‍රයෝජනයක් නොගෙන තිබෙන ගොඩනැඟිලි කඩිනමින් ප‍්‍රතිසංස්කරණය කර රක්‍ෂිත බන්ධනාගාරගත කරන රැුඳවියන් සඳහා ප‍්‍රයෝජනයට ගන්නා බව ද ආරක්‍ෂක ලේකම් කමල් ගුණරත්න මහතා පැවසීය.
බන්ධනාගාර කොමසාරිස් ජනරාල් තුෂාර උපුල්දෙණිය මහතා ඇතුළු නිලධාරි පිරිසක් ද මෙම අවස්ථාවට සහභාගි වූහ.
සිරිල් විමලසුරේන්‍ද්‍ර
- Hits: 355
ඉතාම ඉක්මනින් මේ රටේ කුඩු ව්‍යාපාරය තුරන් කරනවා. ඒ විතරක් නෙමෙයි පාතාලය මර්දනය කරනවා. ඉස්සර නම් සෑහෙන සංඛ්‍යාවක් දුරකථන තියාගෙන ඇතුලේ ඉඳලා ක‍්‍රියාත්මක වුණේ. දැන් අපි එය පාලනය කර තිබෙනවා. අපි ඔවුන් අතහරින්නේ නෑ. කුඩු පාතාලය මර්දනය කරන්න පුළුවන්. පාතාලයට වැඩි ඈතක් නෑ. ඉතාම කෙටි කාලයකින් අවසන් කරනවා.
- Hits: 273
2005 දී අපි බලයට එන විට එළියට බහින්න බැහැ, හැමතැනම කුණු ගොඩවල්. එදා මගේ නිල නිවසේ සිට යාර 100ක් ඇතුළත කුණු ගොඩවල් 03 ක්. කුණු ඉවත් කිරීම ඉතා පහසු දෙයක්. හැම අමාත්‍යාංශයකටම සරල වැඩවලින් දිගු ගමනක් යන්න පිළිවන් යැයි ජනාධිපති ගෝඨාභය රාජපක්ෂ මහතා ඊයේ (10 දා* ජනාධිපති කාර්යාලයේ දී රාජ්‍ය අමාත්‍යවරුන් අමතමින් පැවසීය.
- Hits: 405
ගින්න නිවා දැමූ නිව් ඩයමන්ඞ් ඉන්ධන ප‍්‍රවාහන නෞකාවේ අලූත්වැඩියා කටයුතු මේ වන විට සිදුකරමින් තිබෙන බව නාවික හමුදා මාධ්‍ය ප‍්‍රකාශක කපිතාන් ඉන්දික ද සිල්වා මහතා ඊයේ (13දා) පැවැසීය.
මෙම නෞකාව නැගෙනහිර මුහුදු සීමාවේ නාවුක සැතපුම් 45 ක් පමණ දුරක ස්ථාපිත කර තිබෙන අතර නැවේ ගිනිගැනීම් ඇතිවීම නිසා පුපුරා ගිය ස්ථාන විදෙස් සමාගමක පිරිසක් විසින් පිළිසකර කරමින් සිටින බව ඒ මහතා කීය. නැවේ එංජින් කාමරයේ ඇතිවූ ගින්න නිසා එන්ජින් කාමරයට දැඩිලෙස හානි සිදුවී ඇති බවද ඒ මහතා කීය.
නිව් ඩයමන්ඞ් නෞකාව එහි හිමිකාරිත්වය හිමි රටට හෝ වෙනත් ස්ථානයකට රැුගෙන යෑමට සුදුසු තත්ත්වයට පත්ව ඇති බවට පිළිසකර කරන සමාගම වාර්තාවක් ලබාදෙන තෙක් එම ස්ථානයේම තබා ගැනීමට කටයුතු කරන බවද නාවික හමුදා මාධ්‍ය ප‍්‍රකාශකවරයා කීය.
ගිනිගත් නැවේ ගබඩා කර තිබූ තෙල්තොගවලට කාන්දුවීමක් සිදුවී නොමැති බවත් නෞකාවේ ප‍්‍රවාහන කටයුතු සඳහා උපයෝගි කරගත් තෙල් යම් ප‍්‍රමාණයක් මුහුදේ ස්ථාන ගතවී තිබුණත් එම තෙල් තට්ටුවද මේ වනවිට කාණ්ඩ කිහිපයකට කැඞී විසිර ගොස් තිබෙන බවත් ඒ මහතා කීය. එම තෙල් තට්ටු මතට රසායනික ද්‍රව්‍ය ඉසීම නිසා එම තෙල් ගොඩබිමට නොපැමිණ මුහුදේ පතුලට බසිනු ඇතැයි අපේක්‍ෂා කරන බවද කී මාධ්‍ය ප‍්‍රකාශකවරයා නැවෙන් යම් අයකර ගැනීමක් ලබාගැනීම ඇතුළු අවශ්‍ය කරුණු මෙරට නීතිපති දෙපාර්තමේන්තුව ඇතුළු අංශ කිහිපයක් සිදුකරමින් තිබෙන බවද වැඩිදුරටත් පැවැසීය.
චමින්ද සිල්වා
