Divaina - විගස පුවත්

top banner


div

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

delta

ලොව පුරා රටවලින් වාර්තා වන කොරෝනා වයිරස් ආසාදිතයින්ගේ සංඛ්‍යාව ඊයේ (02දා) රාත්‍රියේ දස ලක්ෂය ඉක්මවා  ගියේය .මේ අනුව අද (03දා) උදැසන 9 වන විට ලොව පුරා රටවල් හා කලාප  204 කින් කොරෝනා වයිරස් ආසාදිතයින් දසලක්ෂ පහළොස්දහස් හත්සියවිසිඅට දෙනෙකු (1,015,728) වාර්තා වී තිබිණි .ලොව පුරා කොරෝනා වයිරස් ආසාදිතයින්ගේ මරණ සංඛ්‍යාවද ඊයේ 50,000 ඉක්මවා ගිය අතර අද උදැසන වන විට ලොව පුරා රටවලින් වාර්තා වී තිබු එම මරණ සංඛ්‍යාව පනස් තුන්දහස් දෙසියදෙදෙනෙකු (53,202) විය.

මෙතෙක් වාර්තා වී ඇති කොරෝනා වයිරස් ආසාදිතයින්ගෙන් සුවය ලබා ඇති පිරිස  දෙලක්ෂ දොළොස්දහස් නවසිය අනු එකකි  (212,991).මේ අනුව බහුතරය තවමත් ආසාදිත තත්ත්වයේ පසු වේ.

මෙතෙක් වැඩිම කොරෝනා වයිරස් ආසාදිතයින් සංඛ්‍යාවක් වාර්තා වී ඇත්තේ ඇමරිකා එක්සත් ජනපදයෙන් වන අතර එම සංඛ්‍යාව දෙලක්ෂ හතලිස්පන්දහස ඉක්මවා තිබේ,ලොව වැඩිම කොරෝනා වයිරස් මරණ සංඛ්‍යාව ඉතාලියෙන් වාර්තා වී ඇති අතර එම සංඛ්‍යාව දහතුන්දහස ඉක්මවා ගොස් ඇත,මේ වන විට චීනය කොරෝනා ආසාදිතයින්ගේ සංඛ්‍යාව අතින් 05 වැනි ස්ථානයට පත්ව ඇති අතර ඇමරිකා එක්සත් ජනපදය හා ඉතාලිය මුල් ස්ථාන දෙකේ පසු වේ.

                       ඒමන්ති මාරඹේ 

ශ්‍රී ලංකාවේ රැඳී සිටින සියලුම විදේශිකයන්ගේ වීසා කාලය අප්‍රේල් 12 දක්වා දීර්ඝ කිරීමට රජය තීරණය කර ඇත.

මේ අනුව දැනට විදේශිකයන් ලබාගෙන තිබෙන සියලුම වර්ගයේ වීසාවන්හි වලංගු කාලය මාර්තු 14 වැනිදා සිට අප්‍රේල් 12 දක්වා තෙක් දීර්ඝ කිරීමට පියවර ගෙන ඇති බව ආගමන හා විගමන දෙපාර්තමේන්තුව සඳහන් කරයි.

එසේම මෙම කාලය තුළ දිවයිනෙන් බැහැර වීමට අදහස් කරන විදේශිකයන්ට ඉහත වීසා දීර්ඝ කිරීමට අදාළ වීසා ගාස්තු පමණක් ගුවන් තොටුපළට වෙත ගෙවා බැහැරවීමටත් එහිදී කිසිදු දඩ මුදලක් අය නොකරන බවත් එම දෙපාර්තමේන්තුව වැඩිදුරටත් පවසයි.

ලසිත දුමින්ද

කොරෝනා ආසාදිත තවත් පුද්ගලයකු මීට සුළු මොහොතකට උඩදී අංගොඩ අයි.ඩී.එච්.රෝහලේදී මියගොස් තිබේ.
මෙලෙස මියගොස් ඇත්තේ 58 හැවිරිදි අයෙක් බව සෞඛ්‍ය සේවා අධ්‍යක්ෂ ජනරාල් වෛද්‍ය අනිල් ජාසිංහ මහතා "දිවයින"ට පැවැසීය.
මොහු නිවුමොනියා තත්ත්වය උත්සන්න වීම හේතුවෙන් මියගිය බවද හෙතෙම කීය.
මේ අතර මෙරටදී  සිදුවූ 4 වැනි කොරෝනා ආසාදිත මරණය මෙය වේ.

  ඒමන්ති මාරඹේ
ප්‍රදීප් ප්‍රසන්න සමරකෝන්



කොරෝනා වෛරසය සඳහා එන්නතක් සොයා ගැනීමට ලෝකයේ සමාගම් 35ක් පර්යේෂණවල නිරතව සිටී.
මෙම එන්නත නිපදවීම සාර්ථක කර ගැනීමට අවශ්‍ය, කොවිඩ් -19 වෛරසයට මූලික වන සාර්ස්-කෝවි -2 හි ජානමය ද්‍රව්‍ය අනුපිළිවෙලට සකස් කිරීම සඳහා චීනය සිය උපරිම දායකත්වය ලබාදෙමින් සිටී. චීනය එම ජාන අනුක්‍රමය ජනවාරි මස මුලදී එන්නත නිපදවීමට පර්යේෂණයේ නියුතු සමාගම් සමඟ බෙදා ගත් අතර ලොව පුරා පර්යේෂණ කණ්ඩායම්වලට සජීවී වෛරසය වර්ධනය කිරීමට සහ එය මිනිස් සෛල ආක්‍රමණය කර මිනිසුන් රෝගාතුර කරන්නේ කෙසේදැයි අධ්‍යයනය කිරීමට ඉඩ ලබා දුන්නේය.

ලෝකයට තර්ජනයක් වන මීළඟ බෝවන රෝගය කිරීටක වෛරසයක් මගින් සිදුවනු ඇතැයි කිසිවෙකුට අනාවැකි කිව නොහැකි වුවද - උණ සාමාන්‍යයෙන් විශාලතම වසංගත අවදානමක් ලෙස සැලකේ. කොරෝනා වෛරසය මඟින් මෑතකදී වසංගත දෙකක් ඇති වී තිබේ. එම වසංගත නම් 2002- 2004 කාලයේදී චීනයේ ඇති වූ දරුණු උග්‍ර ශ්වසන සින්ඩ්‍රෝමය (සාස්) සහ 2012 දී සෞදි අරාබියේ ආරම්භ වූ මැද පෙරදිග ශ්වසන සින්ඩ්‍රෝමය (මර්ස්)ය. මෙම අවස්ථා දෙකෙහිම එන්නත එන්නතක් නිපදවීමේ කටයුතු ආරම්භ වී පසුව අත්හිටුවන ලදී.

සියලුම එන්නත් එකම මූලධර්මය අනුව ක්‍රියාත්මක වේ. එන්නතක් මඟින් සිදුවන්නේ රෝගකාරක වෛරසය එන්නත් ස්වරූපයෙන් සහ අඩු මාත්‍රාවකින් මිනිස් ප්‍රතිශක්තිකරණ පද්ධතියට ඇතුළු වී
රෝග කාරකයට ප්‍රතිදේහ නිපදවීමට පද්ධතිය පොළඹවා ගැනීමට උදව් වීමය.
(ද ගාඩියන්)


වයස අවුරුදු 60 ඉක්මවුවන්ට කොරෝනා වයිරසය ආසාදනය වීම ජීවිත අවදානමක් මතු කරන බවට ලොව පුරා වෛද්‍යවරු පවසා ඇතත් එම මතය පරාජය කරමින් ඉතාලියේ වයස අවුරුදු 101 ක් වයසැති තැනැත්තෙකු මෙන්ම  ඉන්දියාවේ 93 හැවිරිදි පිරිමි අයෙකු හා 88 හැවිරිදි කාන්තාවක කොරෝනා වයිරසයට ගොදුරුව සිට සම්පුර්ණ සුවය ලැබීමේ සිද්ධීන් දෙකක්  වාර්තා වේ.

මෙහිදී කොරෝනා වයිරසයට ගොදුරැ වී ප්‍රතිකාර හරහා සම්පුර්ණ සුවය ලැබූ 101 හැවිරිදී ඉතාලි ජාතිකයා මේ වන විට රෝහලින් නික්ම ගොස් ඇති අතර 93 හැවිරිදි වියෙහි පසුවන ඉන්දීය ජාතිකයා හා 88 හැවිරිදි ඔහුගේ බිරිය මසක පමණ රෝහල් ප්‍රතිකාරවලින් පසු  සුවය ලබා ළඟදීම රෝහලින් මුදා හැරීමට නියමිත ඇත.

"මිස්ටර් -පී " නමින් හඳුන්වා දී ඇති 10 අවුරුදු වියේ පසුවන ඉතාලි ජාතික කොරෝනා වයිරසය ආසාදිත වූ තැනැත්තා එම වයිරසය ශරීරගතව ඇති බව තහවුරු වීමෙන් පසු වයඹ දිග ඉතාලියේ "රිම්නි " නගරයේ රෝහලකට ඇතුළත් කර ඇත්තේ ඉකුත් සතියේදී වන අතර ඔහු ඉතා කෙටි කලකදී ප්‍රතිකාර හරහා සුවය ලබා ඇති බව වාර්තා වේ .දකුණු ඉන්දීය ප්‍රාන්තයක් වන කේරළ ප්‍රාන්තයේ පදිංචි කොරෝනා වයිරසයෙන් ආසාදිත වයස්ගත යුවළට එම වයිරසය ආසාදනය වී ඇත්තේ ඉතාලියේ සිට පැමිණි සිය දියණියගෙන් හා බැනා ගෙන් බව අනාවරණය වී තිබේ.

   ඒමන්ති මාරඹේ 

sikuru


සිනමා කලා

geeta

නවලිය

tsuna250

දියග

saro250

මීවිත

wolg250

More Articles