Divaina - විගස පුවත්

e5

The Island The Island Nawaliya Vidusara e-Paper Classifiedsරාහු කාලය

mobitel

ugc15september


 2019 වසර අපොස උසස් පෙළ විභාගයට   පෙනී සිටි අපේක්ෂකයින්ට අදාල විශ්වවිද්‍යාල ප්‍රවේශ කඩඉම් ලකුණු අද (26දා) සවස නිකුත්  කරන බව විශ්ව විද්‍යාල ප්‍රතිපාදන කොමිසම සඳහන් කරයි.

p3 5- 20 අත්පත් කරගත් බලයෙන්

- මෙරට දියුණු කිරීමට විසි වැනි ව්‍යවස්ථා සංශෝධනය හෝ තුනෙන් දෙකක බලයක් රජයට අවශ්‍ය නොවන බවත් වත්මන් ආණ්ඩුව විසිවැනි ව්‍යවස්ථා සංශෝධනයෙන් අත්පත් කරගත් බලය කිසිවක් රටේ සංවර්ධනය සඳහා භාවිතා නොකරනු ඇති බවත් ජනතා විමුක්ති පෙරමුණේ ජාතික සංවිධායක බිමල් රත්නායක මහතා ඊයේ  (25 වැනිදා) පැවසීය.

වත්මන් ආණ්ඩුව දේශපේ‍්‍රමී සළු පිළි දරා ගෙන බරපතළ වංචාවක් සිදු කරමින් ඇති බවත් එහෙයින් ආණ්ඩුවේ බොරු දේශපේ‍්‍රමී ගුලි ගිලින්න එපා යැයි ජනතාවට දන්වා සිටින බවත් හෙතෙම පැවසීය.

ජනතා විමුක්ති පෙරමුණේ ජාතික සංවිධායක බිමල් රත්නායක මහතා ඊයේ ( 25 වැනිදා) මෙම අදහස් පළ කළේ පැලවත්ත බත්තරමුල්ලේ පිහිටි එම පක්ෂ ප‍්‍රධාන කාර්යාලයේ පැවති මාධ්‍ය හමුවකදීය .

මෙහිදී වැඩිදුරටත් අදහස් දැක්වූ බිමල් රත්නායක මහතා මෙසේද පැවසීය.

ඔක්තෝබර් මාසයේ 28 වැනිදා ඇමරිකානු රාජ්‍ය ලේකම් මයික් පොම්පියෝ මෙරටට එන බව නිල වශයෙන් ඇමරිකාවත්, ශ‍්‍රී ලංකාවත් තහවුරු කර තිබෙනවා. පසුගිය මාස කිහිපය තුළදී ලෝකයේ බලවත් රටවල් ශ‍්‍රී ලංකාවට සුවිශේෂී මැදිහත්වීමක් කළ බව කවුරුත් දන්නවා. ඒ පිළිබඳව ජනතා විමුක්ති පෙරමුණ හැටියට ජනතාව දැනුවත් කරන්න ඕනෑ. පවතින කොවිඞ් තත්ත්වය යටතේ ජනතාවත් සෞඛ්‍ය අංශත් අදාළ නිරෝධායන කටයුතු අනුව කටයුතු කළත් ශ‍්‍රී ලංකා රජයත් විදේශ බලවත් රාජ්‍යයනුත් ඒ නීතිරීති කිසිවක් පිළිපදින්නේ නැහැ. ජනතාවට මුඛවාඩම් දාගන්න කියලා, ඉතාම හදිසි තත්ත්වයක් යටතේ සිදුවන ඇමරිකානු රාජ්‍ය ලේකම්වරයාගේ ශ‍්‍රී ලංකා සංචාරය පිළිබඳව මතුවන ගැටලූ රාශියක් තිබෙනවා.

ඇමරිකාව තුළත් ලෝකය තුළත් ලංකාවෙත් මෙතරම් බරපතළ තත්ත්වයක් තිබියදී ඇමරිකානු රාජ්‍ය ලේකම්වරයා හදිසියේ නිල සංචාරයකට පැමිණීමේ හේතුව ශ‍්‍රී ලංකා ආණ්ඩුව පැහැදිලි කළ යුතුයි. ඇමරිකානු ජනාධිපතිවරණය යෙදී තිබෙන්නේ නොවැම්බර් 03 වැනිදාට. මයික් පොම්පියෝ එන්නේ මේ මාසේ 28 වැනිදා. ජනාධිපතිවරණයට දින 5ක් තිබියදී ඇමරිකානු අධිරාජ්‍යයේ යුද සහ දේශපාලන පණිවුඩ ලෝකය වටේ ගෙනියන පණිවුඩකරුවා ලංකාවට එන්නේ ඇයි? අපේ රටේ රාජ්‍ය නායකයන් සමඟ ඇමරිකානු නායකයන්ට අදහස් හුවමාරු කර ගැනීමට අවශ්‍ය නම් එය අන්තර්ජාලය ඔස්සේ කළ හැකියි. එවැනි අත්දැකීම් රාශියක් තිබෙනවා. ඉන්දියානු මහ කොමසාරිස්වරයා ලංකාවේ ජනාධිපතිවරයාට අක්තපත‍්‍ර භාරදුන්නේ ඔන්ලයින් ක‍්‍රමයට. එක්සත් ජාතීන්ගේ සංවිධානයේ 75 වැනි සංවත්සරයට ලෝකයේම රාජ්‍ය නායකයන් සම්බන්ධ වුණේ ඔන්ලයින් ක‍්‍රමයට. ඇමරිකාව, සුඩානය සහ ඊශ‍්‍රායලය ගිවිසුමක් අත්සන් කළේ ඔන්ලයින් ක‍්‍රමයට. එසේ තිබියදී ඡුන්දයට දවස් පහකට කලින් මයික් පොම්පියෝ එන්නේ ඇයි? ශ‍්‍රී ලංකා ආණ්ඩුව ඔහුගේ පැමිණීම ස්ථිර කරන්නේ සතියකට පමණ පෙර. එක්කෝ වසන් කිරීමක්. නැත්නම් 20 සංශෝධනයෙන් පසුව හිටපු ඇමරිකන් පුරවැසියෙක් වන ගෝඨාභය රාජපක්ෂ මහත්තයාට විශාල බලතල ප‍්‍රමාණයක් ගැනීමෙන් පසුව නිවේදනය කළාද කියලා ගැටලූවක් තිබෙනවා. ඇමරිකානු රාජ්‍ය දෙපාර්තමේන්තුව මේ පැමිණීම ස්ථිර කරන්නෙත් 23 වැනිදායි. විදේශ රාජ්‍ය තාන්ත‍්‍රිකයකු පැමිණීමේදී සාකච්ඡුා කරන කරුණු කලින් නිවේදනය කරනවා. නමුත් මේ පිළිබඳව කැබිනට් මණ්ඩලය තුළ පවා සාකච්ඡුා කෙරිලා නැහැ. මයික් පොම්පියෝ සමග ඇමරිකානු ආරක්ෂක ලේකම් මයික් එස්පර් ඉන්දියාවට යනවා. ඔහුත් ලංකාවට එනවාද කියලා වාර්තා කරලා නැහැ.

ලෝකයේ වැඩිම කොරා්නා රෝගීන් සිටින ඇමරිකාවේ ඉඳලා ඊළඟ වැඩිම රෝගීන් ඉන්න ඉන්දියාවට ගිහින් ලංකාවට එනකොට නිරෝධායන නීතිරීති බරපතළව ක‍්‍රියාත්මක විය යුතුව තිබෙනවා. නමුත් ආණ්ඩුව සහ ආණ්ඩුවට හිතවත් මාධ්‍ය අපේ රටේ කොරෝනා ව්‍යාප්තිය ගැන වාර්තා කිරීමට පැකිලූනාට එහි බරපතළ තත්ත්වයක් තියෙන්නේ. කොරෝනා සම්බන්ධ නීතිරීති ධනවතුන්ට සහ බලවතුන්ට අදාළ නැති බව තොණ්ඩමන් මහතාගේ අවමඟුල් උළෙලේදී පළමුව අපි දැක්කා. පාර්ලිමේන්තුව තුළ කටයුතු කිරීමේදීත් ඒ බව දැක්කා. නමුත් දුප්පතුන්ට රෝගය වැළඳුණාම ඔවුන් ආගිය තැන් හැම තැනක්ම ප‍්‍රචාරය කරනවා. ඇඟළුම් කර්මාන්ත ශාලාවේ ඇතිවුණු පොකුර සම්බන්ධයෙන් රෝගී වූ සේවිකාවගේ ඡුායාරූප සියල්ල පළ කළත් ප‍්‍රධානීන් සම්බන්ධ කිසි දෙයක් වාර්තා කර නැහැ.

ග්ලෝබ් මාස්ටර්-3 කියන ගුවන් යානය මීට දින කිහිපයකට පෙර ලංකාවට පැමිණියා. ඇමරිකන් සෙබළුන් 134ක් පමණ සහ වාහන ගෙනියන්න පුළුවන් මේ යානයෙන් පැමිණි පුද්ගලයන් කවුද? මොවුන් සුපර් හියුමන්ලාද? නැත්නම් ලංකා ආණ්ඩුව ධනවතුන් සහ බලවතුන් ඉදිරියේ කොරෝනා නීති ක‍්‍රියාත්මක කරන්නේ නැති බවට තවත් උදාහරණයක්ද? ඇමරිකානු රාජ්‍ය ලේකම්වරයා ලංකාවට එන්නේ මල් පැළ බෙදන්න නෙවෙයි. තර්ජනය කරන්න. ලංකාව දණගස්වලා එන්නේ. එසේ එන අයගේ ආරක්ෂක බල ඇණිය ඇවිල්ලා නතර වෙලා ඉන්නේ කොහෙද? ඔවුන් යන්නේ එන්නේ කොහෙද? මොවුන් නතර වෙන හෝටල්වල සේවක සේවිකාවන්ගේ ආරක්ෂාවට වග කියන්නේ කවුද?

ඇමරිකානු රාජ්‍ය ලේකම්වරයා සහ දකුණු ආසියානු කලාපය භාරව ඉන්න නියෝජ්‍ය රාජ්‍ය ලේකම් යන දෙදෙනාම ඔක්තෝබර් මාසයේ 23 වැනිදා පවත්වන ලද මාධ්‍ය සාකච්ඡුාවක සටහන් තිබෙනවා. ශ‍්‍රී ලංකා සංචාරය සම්බන්ධව නියෝජ්‍ය රාජ්‍ය ලේකම්වරයා සඳහන් කර තියෙන්නේ ”ලංකාව තමන් කවුරු එක්කද යන්නේ කියන දුෂ්කර තීන්දුව ගන්න ඕනෑ කියලා. ‘අත්‍යවශ්‍ය තීන්දුවක්’ බව ඔහු අවධාරණය කරනවා. එන්න කලින්ම තර්ජනය කරලා එන්නේ. මේ ආණ්ඩුවට දේශපේ‍්‍රමී සළුපිළි අන්දපු විශාල පිරිසක් ඉන්නවා. ඉන්දියානු අගමැතිවරයා ලංකාවට එනකොට කළුකොඩි දාන්න කියපු කට්ටියත් ආණ්ඩුවේ ඉන්නවා. මේ සම්බන්ධයෙන් ඔවුන්ගේ නරි කෙඳිරිල්ලක්වත් නැත්තේ ඇයි? ජනාධිපතිවරයාට සහ අගමැතිවරයාට දේශපේ‍්‍රමීත්වයක් ආරෝපණය කරපු අයගෙන් අපි අහන්නේ රටට තර්ජනය කරලා එන මේ පිරිස ගැන, තර්ජනාත්මක ප‍්‍රකාශ ගැන, ආණ්ඩුවේ ඉන්න ඇමරිකානු පුරවැසියන් විරෝධය පළකරන්න ඕනෑ. අපේ මාතෘභූමියේ පුරවැසිභාවය අත්හැරි මේ ¥ෂිත පුද්ගලයන් කවදාවත් අපේ රටේ ස්වෛරීත්වය, ආරක්ෂාව වෙනුවෙන් මැදිහත් වෙන්නේ නැති බව අපි දිගටම කිව්වා. ආණ්ඩුවට සහය දුන්න ජනතාවත්, ආණ්ඩුවට සුදුහුණු ගාන තමන්ගේ මාධ්‍ය ස්වාධීනත්වය නැතිකරගත් ආයතනත් මේ ගැන මොකද කියන්නේ.

20 වැනි සංශෝධනය සම්මත කර ගත්තාට පසු හදිසියේ පැමිණීම තුළ බ්ලැක් මේල් කිරීමක් තියෙනවාද කියන ගැටලූව අපිට තිබෙනවා. වර්තමාන ජනාධිපතිවරයාත් හිටපු ඇමරිකානු පුරවැසියෙක්. ඔහු ඡුන්දය ඉල්ලන අවස්ථාවේදී ඒ පුරවැසිභාවය ඉවත් වෙලා තිබුණාද කියන එක ප‍්‍රශ්නයක්. ඇමරිකානු නිල ලේඛනයට නම ඇතුළත් වුණේ ජනාධිපති වෙලා මාස 5කට පස්සේ. යුද තර්ජනත්, දේශපාලන තර්ජනත්, බ්ලැක් මේල් කිරීමත් ඉතා තදින් ඇමරිකාවේ විදේශ ප‍්‍රතිපත්තිය තුළ තිබෙනවා. ජනාධිපතිවරයාගේ පුරවැසිකම බ්ලැක් මේල් කරමින් රාජ්‍ය ලේකම්වරයා මැදිහත් වෙනවාද කියන එක ප‍්‍රශ්නයක්. මේ මැදිහත්වීමේ අරමුණ චීනය සමඟ තිබෙන බල අරගලයේදී ලංකාව ඇමරිකාව පැත්තට ගන්න එකයි. අපේ රටේ ආණ්ඩුව එය හැංගුවත් ඇමරිකාව එය ප‍්‍රකාශ කර තිබෙනවා. රාජ්‍ය ලේකම්වරයා ඉන්දියාවේදී දින දෙකක් සාකච්ඡුා කරන්නේ ආර්ථික හෝ කොවිඞ් ගැටලූවට අදාළව කරුණු නෙවෙයි. ඉතා පැහැදිලිවම ඔවුන්ගේ වුවමනාව යුද සහ ආරක්ෂක ගිවිසුම් අත්සන් කිරීමයි. ඇමරිකන් රාජ්‍ය දෙපාර්තමේන්තුවත් ඉන්දීය මාධ්‍යයත් ඒ පිළිබඳව යම් ප‍්‍රමාණයකට වාර්තා කර තිබෙනවා.

සිරිමන්ත රත්නසේකර
 


කොවිඞ් 19 වෛරස ආසාදනය ශ්‍රී ලංකාව තුළ  සමාජ ව්‍යාප්තියක්ව  ඇති ලෙස සලකා සෞඛ්‍ය ආරක්ෂණ පිලිවෙත් නිසි ලෙස පිලිපදිමින්   කටයුතු කරන ලෙස වෛද්‍ය රසායනාගාර වෘත්තීය වේදීන්ගේ සංගමයේ සභාපති රවි කුමුදේශ් මහතා පවසයි.


දැනට ඇඳිරිනීතිය පනවා ඇති ගම්පහ දිස්ත්‍රක්කයේ ජනතාවට සිය අත්‍යවශ්‍ය භාණ්ඩ මිලදී ගැනීම සඳහා හෙට (26දා) පැය කිහිපයක් ඇඳිරිනීතිය ඉවත් කිරීමට පියවර ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

fassku- වාර්තාවල තිබුණට බෝම්බ ප‍්‍රහාරය ගැන මා දැනුවත් කළේ පිපිරීම්වලට පසුවයි - පූර්ව දැනුවත් කිරීමේ තොරතුර දැනුම් දුන්නේ නැහැ

- හිටපු ජනාධිපති මෛතී‍්‍ර කියයි

- පාස්කු ප‍්‍රහාරය පිළිබඳ විමර්ශනය කරන ජනාධිපති කොමිසම

අපේ‍්‍රල් 21 වැනිදා පාස්කු ඉරුදින ත‍්‍රස්ත ප‍්‍රහාරය එල්ල වන අවස්ථාවේ  සිංගප්පූරුවේ රෝහලක රැුඳීසිටිමින් ප‍්‍රතිකාර ලබාගැනීමට අදාළ වෛද්‍ය වාර්තා ජනාධිපති කොමිසමට ඉදිරිපත් කරන ලෙස පාස්කු ප‍්‍රහාරය පිළිබඳ විමර්ශනය කරන ජනාධිපති කොමිසම හිටපු ජනාධිපති මෛත‍්‍රිපාල සිරිසේන මහතාට පෙරේදා (24දා) නියෝග කළේය.

කොමිසම එසේ නියෝග කළේ එම ප‍්‍රහාරය එල්ල වූ දින සහ ඊට පෙරදින හිටපු ජනාධිපති මෛත‍්‍රිපාල සිරිසේන මහතා සහ රාජ්‍ය බුද්ධි සේවයේ හිටපු අධ්‍යක්ෂ නිලන්ත ජයවර්ධන මහතා අතර පැවති දුරකථන සම්බන්ධතා කොමිසමේදී ප‍්‍රශ්නගත වූ අවස්ථාවේදීය.

මේ අතර පාස්කු ඉරු දින ත‍්‍රස්ත ප‍්‍රහාරය එල්ල වීමට මිනිත්තු 46 කට පෙර

සිංගප්පූරුවේ සිටි හිටපු ජනාධිපතිවරයා එවකට මෙරට රාජ්‍ය බුද්ධි සේවයේ අධ්‍යක්ෂ නිලන්ත ජයවර්ධන මහතාට දුරකථන ඇමතුමක් ගෙන ඇති බව ජනාධිපති කොමිසමේදී පෙරේදා අනාවරණ විය.

පාස්කු ඉරුදින ත‍්‍රස්ත ප‍්‍රහාරය එල්ල වන අවස්ථාවේ මෙරට විධායක ජනාධිපතිවරයා, ආරක්ෂක අමාත්‍යවරයා සහ නීතිය හා සාමය විෂය භාර අමාත්‍යවරයාව සිටි හිටපු ජනාධිපති මෛත‍්‍රිපාල සිරිසේන මහතා 06 වන දිනටත් ජනාධිපති කොමිසමට පැමිණි අතර එහිදී මැල්කම් කාදිනල් රංජිත් අගරදගුරුතුමන් නියෝජනය කරමින් ජනාධිපති නීතිඥ ශමිල් පෙරේරා මහතා හරස් ප‍්‍රශ්න විමසීය.

එහිදී ජනාධිපති නීතිඥවරයා, පාස්කු ප‍්‍රහාරය පිළිබඳ සොයාබැලීමට පත්කළ පාර්ලිමේන්තු තේරීම් කාරක සභාව හිටපු ජනාධිපතිවරයාගෙන් ප‍්‍රශ්න කළ අවස්ථාවේ ෆීල්ඞ් මාෂල් සරත් ෆොන්සේකා මහතා නගන ලද ප‍්‍රශ්නයක් කෙරෙහි හිටපු ජනාධිපතිවරයාගේ අවධානය යොමු කළේය.

එම ප‍්‍රශ්නය යොමු කිරීමත් සමග විවෘත කොමිසම හමුවේ කරුණු දක්වමින් හිටපු ජනාධිපති මෛත‍්‍රිපාල සිරිසේන මහතා සඳහන් කළේ, ‘‘ස්වාමිනී, පාස්කු ප‍්‍රහාරය පිළිබඳ සොයා බැලීමට පත්කළ පාර්ලිමේන්තු තේරීම් කාරක සභාවේ කටයුතු මම පිළිගන්නේ නැහැ. මම ඒකට සාක්ෂි දෙන්න ගියෙත් නැහැ. අවශ්‍ය නම් ජනාධිපති ලේකම් කාර්යාලයට ඇවිත් හම්බවෙන්න කිව්වා. දැන් ඔබතුමා ඔය ප‍්‍රශ්නෙදි ඇහුවෙ, සරත් ෆොන්සේකා මහත්මයාට මාත් එක්ක පෞද්ගලික වෛරයක් තියෙනවා. ඒ තේරීම් කාරක සභාවේ ඉඳපු අනිත් සාමාජිකයනුත් මාත් එක්ක පෞද්ගලික වෛරයකින් ඉඳපු අය. මම ඒ හමුවේ ප‍්‍රකාශයක් කරලා තියෙනවා නම් ඒ ප‍්‍රකාශය විතරක් හරි. නමුත් ඒ පාර්ලිමේන්තු තේරීම් කාරක සභාව මම ගැන නිර්දේශ කරලා තියෙනවා නම් මම ඒවා පිළිගන්නේ නැහැ,’’ යනුවෙනි.

මෙහිදී ජනාධිපති නීතිඥවරයා හිටපු ජනාධිපතිවරයාගෙන්, ‘‘ඔබ 2019 වර්ෂයේ දෙසැම්බර් මස 24 වැනිදා නීතිය හා සාමය අමාත්‍යාංශය ඔබ යටතට ගත්තේ ඔබව ඝාතනය කිරීමට කුමන්ත‍්‍රණයක් පවතිනවා යැයි සමාජය හමුවේ මතයක් පැවති නිසාදැයි විමසා සිටියේය.

එහිදී ‘‘නැහැ ස්වාමිනී, මම එය ප‍්‍රතික්ෂේප කරනවා,’’ යැයි හිටපුජනාධිපතිවරයා පැවසීය.

‘‘ඔබ කොමිසම හමුවේ සාක්ෂි දුන්නා, ඉකුත් වසරේ අපේ‍්‍රල් 04 විදෙස් බුද්ධි අංශයකින් මෙම ප‍්‍රහාරය පිළිබඳ පූර්ව දැනුවත් කිරීමක් කරලත් ඔබ විසින් අපේ‍්‍රල් 08 දින පැවැත්වූ ජ්‍යෙෂ්ඨ පොලිස් නිලධාරීන්ගේ රැුස්වීමේදී කිසිදු නිලධාරියකු පූර්ව දැනුවත් කිරීමේ තොරතුර ගැන දැනුම් දුන්නේ නැහැ කියලා. ඒ පිළිබද පැහැදිලි කිරීමක් කරන්න පුළුවන්ද ?’’ යැයි ජනාධිපති නීතිඥ ශමිල් පෙරේරා මහතා මෙහිදී විමසීමක් කළේය.

‘‘ඔව් ස්වාමිනී, කිසිවකු එම රැුස්වීමේදී ඒ වනවිටත් ලැබී තිබුණු පූර්ව දැනුවත් කිරීමේ තොරතුර ගැන කිව්වේ නැහැ. ඒ වෙද්දිත් පොලිස්පති, ආරක්ෂක ලේකම් ඇතුළු ආරක්ෂක අමාත්‍යාංශය යටතේ සිටි නිලධාරීන් රැුසක් මේ ගැන දැනං ඉඳලා තියෙනවා. නමුත් මට කිව්වේ නැහැ. තොරතුර ගැන දැනගත්තා නම් මම රට යන එක නවත්වනවා,’’ යැයි හිටපු ජනාධිපතිවරයා ඊට පිළිතුරු දෙමින් කියා සිටියේය.

‘‘රාජ්‍ය බුද්ධි සේවයේ හිටපු අධ්‍යක්ෂ නිලන්ත ජයවර්ධන මහතා සාක්ෂි දෙමින්, මේ කොමිසම හමුවේ කියා සිටියා අපේ‍්‍රල් 04 විදෙස් බුද්ධි අංශයකින් ලද තොරතුර ගැන අපේ‍්‍රල් 11 වෙද්දි ආරක්ෂක අංශ නිලධාරීන් ඇතුළු 15,000ක දෙනා දැනගෙන හිටියා කියලා. ඔබ ඒ ගැන මොකක්ද හිතන්නේ,’’ යැයි ජනාධිපති නීතිඥවරයා විමසා සිටියේය.

‘‘15,000 ක් දැනගෙන හිටියද කියලා නිශ්චිත වශයෙන්ම මම දන්නේ නැහැ. නමුත් 15,000ක් දැනගත්තා කිව්වට එවකට ජනාධිපති ආරක්ෂක අංශ ප‍්‍රධානියා වෙච්ච ජ්‍යෙෂ්ඨ නියෝජ්‍ය පොලිස්පති රොහාන් ද සිල්වා මහතාවත් දැනගෙන හිටියේ නැහැ,’’ යැයි හිටපු ජනාධිපතිවරයා පැවසීය.

‘‘ඒක පිළිගන්න පුළුවන් කතාවක්ද..? ආරක්ෂක අංශ නිලධාරීන් ඇතුළුව 15,000 දෙනා දැනන් ඉඳපු දෙයක් රටේ ජනාධිපතිවරයා සහ ආරක්ෂක අමාත්‍යවරයා වන ඔබතුමා දැනන් හිටියේ නැහැ කියන එක,’’ යැයි ජනාධිපති නීතිඥවරයා පෙරළා ප‍්‍රශ්න කළේය.

‘‘මම දන්නේ නැහැ ඒක,’’ යැයි හිටපු ජනාධිපතිවරයා ඊට කෙටියෙන් පිළිතුරු දුනි.

එහිදී ජනාධිපති නීතිඥවරයා විමසා සිටියේ, ‘‘ඔබ එවකට රාජ්‍ය බුද්ධි සේවයේ අධ්‍යක්ෂවරයා ලෙස කටයුතු කරපු නිලන්ත ජයවර්ධන මහතාට කියා තිබුණා නේද ජාතික ආරක්ෂාව සම්බන්ධයෙන් වැදගත් තොරතුරක් තිබුණොත් ඔබව සෘජුවම දැනුවත් කරන්න කියලා. ඉතිං මේ තොරතුර ගැන ඔබව ඔහු දැනුවත් කළේ නැද්ද..?’’ යන්න ය.

‘‘ඔව්, මම ජාතික ආරක්ෂක කවුන්සිලයේදී ජයවර්ධන මහත්මයාට එහෙම දැනුම් දීලා තිබුණා. නමුත් පාස්කු ඉරුදින මේ අවාසනාවන්ත සිදුවීම වෙනකන්ම කිසිවකුත් මාව මෙවැනි දෙයක් ගැන දැනුවත් කළේ නැහැ,’’ යැයි හිටපු ජනාධිපතිවරයා වැඩිදුරටත් කියා සිටියේ ය.

‘‘ඔබ නිලන්ත ජයවර්ධන මහතා සමග දෛනිකව දුරකථනයෙන් සම්බන්ධ වීම පුරුද්දක්ව පැවතියාද?’’ යැයි ජනාධිපති නීතිඥවරයා මෙහිදී විමසීමක් කළේය.

‘‘නැහැ එහෙම දිනපතා දුරකථන සම්බන්ධතා පැවැත්වූවේ නැහැ,’’ යැයි හිටපු ජනාධිපතිවරයා පිළිතුරු දුනි.

‘‘ඔබ එහෙම කිව්වට 2019 ජනවාරි මාසේ 01 වෙනිදා ඉඳලා අපේ‍්‍රල් 31 වෙනිදා වෙනකන් නිලන්ත ජයවර්ධන මහතා සහ ඔබතුමාගේ පැජට් පාරේ පිහිටි නිවස අතර දුරකථන ඇමතුම් 221 ක් පැවති බවට දුරකථන වාර්තා තියෙනවා,’’ යැයි ජනාධිපති නීතිඥ ශමිල් පෙරේරා මහතා හිටපු ජනාධිපතිවරයාගේ අවධානයට දුරකථන වාර්තා යොමුකර සිටියේ ය.

එහිදී හිටපු ජනාධිපතිවරයා, ‘‘වාර්තාවල තිබ්බට මට නම් මතකයක් නැහැ, මෙච්චර ඇමතුම් ගත්තා කියලා. නිලන්ත ගෙදරට ගත්තද මම දන්නේ නැහැ. හැබැයි මට ඔච්චර ඇමතුම්වලට පිළිතුරු දෙන්න වෙලාවක් තිබ්බේ නැහැ,’’ යැයි පැවසීය.

‘‘ඒ වුණාට හිටපු ජනාධිපතිතුමනි, ඇමතුම්වලට අදාළ දත්ත වාර්තා මේ ලේඛනවල තියෙනවානේ. ඉතිං ඒවා නිවැරදි නැහැ කියන්න පුළුවන්ද..?’’ යැයි ජනාධිපති නීතිඥවරයා පෙරළා විමසීය.

‘‘මට ඔය තාක්ෂණික කරුණු ගැන අවබෝධයක් නැහැ. මම දුරකථනයක්වත් පාවිච්චි කරන්නේ නැහැ. ඒ නිසා මට ඔය වාර්තා තේරුම් ගන්න දැනුමක් නැහැ,’’ යැයි හිටපු ජනාධිපතිවරයා පිළිතුරු දුනි.

මෙහිදී රාජ්‍ය බුද්ධි සේවයේ අධ්‍යක්ෂවරයා පැජට් පාරේ පිහිටි ජනාධිපති නිල නිවස හරහා හිටපු ජනාධිපතිවරයා සමග සම්බන්ධ වී ඇති අවස්ථාවන්ගේ දුරකථන වාර්තා තවවදුරටත් කොමිෂන් සභාවේ අධ්‍යනයට යොමුකරමින් ජනාධිපති නීතිඥවරයා විමසා සිටියේ, ‘‘ඉකුත් වසරේ අපේ‍්‍රල් 01 - 21 අතර ඔබ සහ රාජ්‍ය බුද්ධි සේවයේ හිටපු අධ්‍යක්ෂවරයා අතර දුරකථන සම්බන්ධතා 20ක් පැවති බව මේ වාර්තාවලින් ඔප්පු වෙනවා. එවැනි වාතාවරණයකත් රාජ්‍ය බුද්ධි සේවයේ හිටපු අධ්‍යක්ෂවරයා අපේ‍්‍රල් 04 බුද්ධි තොරතුර පිළිබඳව ඔබව දැනුවත් නොකළා කියලා විශ්වාස කරන්න පුළුවන්දැයි,’’ යන්න ය.

‘‘මට මේ දුරකථන වාර්තාවන් ගැන ලොකු අවබෝධයක් නැහැ,’’ යැයි හිටපු ජනාධිපතිවරයා පිළිතුරු දීමත් සමග ජනාධිපති නීතිඥ ශමිල් පෙරේරා මහතා තම කනිෂ්ඨ නීතිඥවරයකු හිටපු ජනාධිපතිවරයාගේ සහායට යොමුකර තිබේ.

කෙසේ වෙතත් එහිදී හිටපු ජනාධිපතිවරයා කියා සිටියේ, ‘‘මේ වාර්තාවල තිබුණට මට මෙච්චර කතා කළා කියලා පිළිගන්න බැහැ. නිලන්ත පැජට් පාරේ මගේ නිල නිවසට ගන්න ඇති. ඒත් මම මෙච්චර කතා කළා කියලා පිළිගන්න බැහැ,’’ යන්න ය.

එහිදී ජනාධිපති නීතිඥවරයා යළිත් ප‍්‍රශ්න කළේ, ‘‘ඉකුත් වසරේ පාස්කු ඉරුදින ත‍්‍රස්ත ප‍්‍රහාරයට පෙර, හෙට හෝ ඊට පෙර ප‍්‍රහාරයක් එල්ල වෙනවා යැයි රාජ්‍ය බුද්ධි සේවයේ අධ්‍යක්ෂවරයාව විදෙස් බුද්ධි අංශය දැනුවත් කරන්නේ ප.ව 4.12 ට. ඒ වෙලාවෙන් පස්සේ පස්වරු 6.16ට නිලන්ත ජයවර්ධන මහතා ඔබට දුරකථන ඇමතුමක් ලබාදී ඇති බව මෙම වාර්තාවල සඳහන් වෙනවා.’’ යන්න ය.

‘‘වාර්තාවල සඳහන් වුණාට මම ඒ වෙලාවේ හිටියේ

සිංගප්පූරු රෝහල් අභ්‍යන්තරයේ ප‍්‍රතිකාර ගනිමින්. මම මීට කලිනුත් මේ කොමිසමට කිව්වා. මට මේ බෝම්බ ප‍්‍රහාරය ගැන දැනුවත් කළේ පිපිරීම්වලට පස්සේ. ඊට කලින් මට කවුරුත් මේ ගැන කිව්වේ නැහැ,’’ යැයි හිටපු ජනාධිපතිවරයා පැවසීය.

‘‘හිටපු ජනාධිපතිතුමා ඔබ 20 සවස සිංගප්පූරු රෝහලේ ප‍්‍රතිකාර ගනිමින් සිටියා, දුරකථනය භාවිත කළේ නැහැ කිව්වාට. මේ වාර්තාවල සඳහන් වෙනවනේ එදින පැජට් පාරේ පිහිටි නිවස හරහා සිංගප්පූරුවේ සිටි ඔබේ පෞද්ගලික ආරක්ෂක නිලධාරියාගේ අත තිබූ ජංගම දුරකථනයට විශාල ඇමතුම් ප‍්‍රමාණයක් ගිහින් තියෙන බව,’’ යැයි ජනාධිපති නීතිඥවරයා පෙරළා ප‍්‍රශ්න කළේය.

‘‘මම ඇත්ත කියන්නේ. මම එදින හිටියේ සිංගප්පූරු රෝහලේ ප‍්‍රතිකාර ගනිමින්. මේ අවස්ථාවේ මාධ්‍ය ඉන්න නිසා මම ඒ වෙලාවේ ඉඳපු තත්ත්වය පැහැදිලි කිරීම සුදුසු නැහැ,’’ යැයි හිටපු ජනාධිපතිවරයා පිළිතුරු දුනි.

‘‘හරි එහෙම් මේ දේ කියන්න, ත‍්‍රස්ත ප‍්‍රහාරය එල්ල වූ පාස්කු ඉරුදින මෙරට තුළ පළමු බෝම්බ පිපිරෙන්න කලින් පෙ.ව 7.49ට සිංගප්පූරුවේ සිටි ඔබේ දුරකථනයෙන් පැජට් පාර හරහා නිලන්ත ජයවර්ධන මහතාට විනාඩියයි තත්ත්පර 38ක ඇමතුමක් ලැබී ඇති බව දුරකථන වාර්තාවල සඳහන් වෙනවා. ඔබ ඒ ගැන මොකද කියන්නේ,’’ යැයි ජනාධිපති නීතිඥවරයා වැඩිදුරටත් විමසා සිටියේ ය.

‘‘වාර්තාවල තිබුණා කිව්වට මම ඒක පිළිගන්නේ නැහැ. මම ඒ වෙද්දි ඉඳපු තත්ත්වය අනුව මට කතා කරන්න පුළුවන්කමක් තිබුණේ නැහැ. මම මේ කියන්නේ සත්‍යය. අවශ්‍ය නම් වෛද්‍ය වාර්තා ඉදිරිපත් කරන්නම්.’’ යැයි හිටපු ජනාධිපතිවරයා පැවසීය.

‘‘හිටපු ජනාධිපතිතුමනි, ප‍්‍රහාරය සිද්ධ වුණ දවසේ උදෑසන ඔබ කතා කිරීමේ අපහසුතාවකින් පෙළුණා කියලා දැන් කිව්වට, එදින උදෑසන ඔබේ දුරකථනයෙන් විශාල ඇමතුම් ප‍්‍රමාණයකට සම්බන්ධ වී ඇති බවට වාර්තා තිබෙනවානේ,’’ යැයි හිටපු ජනාධිපතිවරයා වෙත යළිත් ප‍්‍රශ්නයක් යොමු විය.

එහිදී හිටපු ජනාධිපතිවරයා කියා සිටියේ වාර්තාවල සඳහන් වෙන්න පුළුවන් නමුත් මම ඒවා ප‍්‍රතික්ෂේප කරනවා යන්නය.

‘‘හරි දැන් ඔබතුමා කියනවා ප‍්‍රහාරය සිදුවුණ දවසේ ඔබතුමා කතා බහ කිරීමේ අපහසුතාවකින් පෙළුණා කියලා, ප‍්‍රහාරයට පෙර ඔබතුමා එහෙම අපහසුතාවකින් පෙළුණා නම් කොහොමද මේ ප‍්‍රහාරයෙන් පස්සේ එක ළඟ ඇමතුම් 07 ක් අරගෙන තියෙන්නේ,’’ යැයි ජනාධිපති නීතිඥවරයා යළිත් ප‍්‍රශ්න කළේය.

කෙසේ වෙතත් කාදිනල්තුමන් වෙනුවෙන් පෙනී සිටින ජනාධිපති නීතිඥ ශමිල් පෙරේරා මහතා දුරකථන වාර්තා සම්බන්ධයෙන් කළ මෙම දැඩි ප‍්‍රශ්නකිරීම හමුවේ කොමිෂන් සභාවේ නැගී සිටි හිටපු ජනාධිපති මෛත‍්‍රිපාල සිරිසේන මහතා වෙනුවෙන් පෙනී සිටින ජනාධිපති නීතිඥ මෛත‍්‍රී ගුණරත්න මහතා ශමිල් පෙරේරා මහතාට බාධා කරමින් ඔහු එකම ප‍්‍රශ්නය අසන බවට චෝදනා කළේය.

කෙසේ වෙතත් මේ තමන්ගේ ප‍්‍රශ්න ඇසීමේ වාරය බැවින් ජනාධිපති නීතිඥ මෛත‍්‍රී ගුණරත්න මහතාට නිශ්ශබ්දව අසුන් ගන්නා ලෙස පැවසූ ජනාධිපති නීතිඥ ශමිල් පෙරේරා මහතා යළිත් හිටපු ජනාධිපතිවරයාගෙන් ප‍්‍රශ්න කළේ, ‘‘ඔබතුමා ඔපමණ රෝගී තත්ත්වයකින්, අපහසුවකින් සිටියේ නම්, ප‍්‍රහාරය එල්ල වූ දින මධ්‍යම රාත‍්‍රියේම හදිස්සියේ දිවයිනට පැමිණියේ කෙසේද?’’ යන්න ය.

එයට පිළිතුරු දෙමින් හිටපු ජනාධිපති මෛත‍්‍රිපාල සිරිසේන මහතා අවශ්‍ය නම් වෛද්‍ය වාර්තා ඉදිරිපත් කළ හැකි බව පැවසුවද, එහිදී නැගීසිටි රජයේ අතිරේක සොලිසිටර් ජනරාල්වරිය එම ප‍්‍රශ්නය ඇසීම පිළිබඳ සිය විරෝධය පළ කළේය.

කෙසේ වෙතත් මෙහිදී ජනාධිපති කොමිසමේ සභාපතිවරයා හිටපු ජනාධිපතිවරයාට නියෝග කළේ, කිසියම් පුද්ගලයකුගේ වෛද්‍ය වාර්තා පෞද්ගලික වුවද, උද්ගතව ඇති තත්ත්වය හමුවේ මාධ්‍ය නොමැති අවස්ථාවක එම වෛද්‍ය වාර්තා ඉදිරිපත් කරන ලෙසය. මෙහිදී සිය හරස් ප‍්‍රශ්න ඇසීම අවසන් කරමින් කාදිනල්තුමන් වෙනුවෙන් පෙනීසිටින ජනාධිපති නීතිඥ ශමිල් පෙරේරා මහතා යෝජනා කර සිටියේ, ‘‘කතෝලික ජනතාවද ඇතුළුව ජීවිත 300 කට ආසන්න සංඛ්‍යාවක් ඝාතනය වූ මෙම ප‍්‍රහාරය වළක්වා ගැනීමට නොහැකිවීම කෙරෙහි වගකිවයුතු ප‍්‍රධානියා ඔබ නොවන්නේද?’’ යන්නය. එම චෝදනාව හිටපු ජනාධිපතිවරයා විසින් ප‍්‍රතික්ෂේප කරනු ලැබීය.

එරික් ගාමිණි ජිනප‍්‍රිය
 

kandos18

අද දිවයින

සිනමා කලා

maalani250

නවලිය

aaksa250

දියග

wejadas250new

මීවිත

yohanis250

More Articles