විගස පුවත්
- Hits: 312
කොරෝනා වෛරසය පරාජය කිරීමට එකතු වන ලෙස චීන ජනාධිපති ෂී ජින් පිං; ඇමෙරිකා ජනාධිපති ඩොනල්ඩ් ට්‍රම්ප්ට දුරකථන ඇමතුමක් දී සදහන් කර තිබේ. මෙහිදී චීන ජනාධිපතිවරයා ට්‍රම්ප්ට පවසා ඇත්තේ “එක්සත් ජනපදය සමඟ සියලු තොරතුරු සහ අත්දැකීම් දිගටම බෙදා ගැනීමට කැමති” බවයි. මෙම ඇමතුමෙන් පසුව ට්‍රම්ප් සිය ටිවිටර් පණිවිඩයේ සටනක් තබමින් "නායකයන් දෙදෙනා සමීපව කටයුතු කරන” බව පවසා තිබේ.
- Hits: 187
රුසියාව -
කිරීටක වෛරසය පැතිර යෑම වැලැක්වීම සඳහා අද (27) සිට සතියක කාලයක් රුසියාවේ සියලු ආපනශාලා, කැෆේ, වසා දමා ඇති අතර ජනතාවට අහාර බෙදා හැරීමේ සේවා පමණක් ක්‍රියාත්මක කිරීමට රජය පියවර ගෙන තිබේ.
දකුණු අප්‍රිකාව -
දකුණු අප්‍රිකාවේ පළමු මරණ දෙක අද වාර්තා විය. මේ වන විට දකුණු අප්‍රිකාවේ දහසකට පමණ වෛරසය අසාදනය වී තිබේ.
හංගේරියාව -
හෙට ( 28) සිට අප්‍රියෙල් 11 වැනිදා දක්වා සියලු පුරවැසියන් නිවෙස්වල රැඳී සිටින ලෙස එරට අගමැති වික්ටර් ඕර්බන් නියෝග කර තිබේ.
වියට්නාමය -
විදේශ රටවල සිට ඕස්ට්‍රේලියාවට පැමිණෙන සියලු පුරවැසියන් අනිවාර්යෙන්ම සති දෙකක කාලයක් නිරෝධායනය විය යුතු බව අග්‍රාමාත්‍ය ස්කොට් මොරිසන් නියෝග කර තිබේ.
උතුරු කොරියාවේ පුරවැසියන් 2,280 ක් නිරෝධායනයට ලක් කර ඇති බව එරට රජය පවසයි. මෙම පුද්ගලයන් අතර විදේශිකයන් දෙදෙනකු සිටින බව රජයේ නිවේදන පෙන්වා දෙයි.
- Hits: 133
කොවිඩ් -19 වෛරසය පිළිබඳ තොරතුරු ලබාදීම සඳහා මෘදුකාංගයක් (ඇප් එකක්) හඳුන්වාදීමට ලෝක සෞඛ්‍ය සංවිධානය සැලසුම් කර තිබේ.
වෛරසය පිළිබඳ හදිසි දැනුම්දීම්, ප්‍රවෘත්ති, උපදෙස් සහ වෙනත් යාවත්කාලීන තොරතුරු මෙම මෘදුකාංගයෙන් ලබාදෙනු ලැබේ.
වෛරසය පිළිබඳ වැරදි තොරතුරු සමාජගත වීම වැළැක්වීමේ අරමුණින් හදුන්වා දෙන මෙම මෘදුකාංගයේ මූලික සංස්කරණයක් ලබන 30 වැනිදා නිකුත් කිරීමට නියමිතය.
- Hits: 142
මහජන බැංකුව මගින් කපාගත් ණය වාරික මුදල් නැවත එම ගිණුම් වලට දැමීමට තීරණය කළ බව මහජන බැංකුවේ සභාපති සුජීව රාජපක්ෂ මහතා මාධ්‍යට ප්‍රකාශ කළේය.
රජය එම ණය වාරික අය නොකරන ලෙස උපදෙස් දී ඇති බවද ඔහු ප්‍රකාශ කළේය.
රජයේ බැංකු වලින් කපා ගත් ණය වාරික නැවත රිවස් කරන බව ( එනම් නැවත එම ගිණුමට දමන බව ) ජනාධිපති ලේකම් ආචාර්ය පී .බී ජයසුන්දර මහතා ද අප කළ විමසුමකට පිළිතුරු දෙමින් කීවේය.
එහෙත් ඊයේ පැවති කැබිනට් තීරණ දැනුම් දීමේ මාධ්‍ය හමුවේ දී රජයේ ඇමතිවරයෙකු කීවේ මේ සහනය ලැබෙන්නේ අප්‍රේල් මස සිට බවය.
- Hits: 64
2020 පෙබරවාරි සහ මාර්තු මාස සඳහා වැට් බදු ගෙවිය යුතු දිනය 2020 අප්‍රේල් 30 දින දක්වා දීර්ඝ කරන ලද බව දේශීය ආදායම් දෙපාර්තමේන්තුව නිවේදනය කරයි.
මේ අනුව පෙබරවාරි මාසය සඳහා වැට් බදු ගෙවීම 2020 මාර්තු 20 වන විටත්, මාර්තු මාසය සඳහා වැට් බදු ගෙවීම 2020 අප්‍රේල් 30 වන විටත් සිදුකළ යුතුව තිබුණු අතර අදාළ මාස දෙක සඳහා ම 2020 අප්‍රේල් 30 දක්වා මෙලෙස ගෙවීම් දීර්ඝ කර ඇත.
