Divaina - විගස පුවත්

top banner

 

div

The Island The Island Nawaliya Vidusara e-Paper Classifiedsරාහු කාලය

Divaina BillPayment Banner

D Divaina 90x340px

කොරෝනා වෛරසය අසාදනය වීමේන් එක්සත් ජනපදයෙන් වාර්තා වන දෛයිනික මරණ අනුපාතයේ පහළ යෑමක් පෙන්නුම් කරන බව ජෝන් හොප්කින්ස් වෛද්‍ය විශ්වවිද්‍යාලය පවසයි. එම විශ්ව විද්‍යාලයේ දත්ත විශ්ලේෂණයට අනුව අවසන් දින තුන ඇතුළත ඇමෙරිකාවෙන් දිනපතා වාර්තා වන කොරෝනා මරණ ගණන 700 ඉක්මවා ගොස් නැත.

ජෝන් හොප්කින්ස් වෛද්‍ය විශ්වවිද්‍යාලයේ දත්ත විශ්ලේෂණයට අනුව අද (27) උදෑසන 10.00 පමණ වන ඇමෙරිකාවෙන් වාර්තාවන කොරෝනා මරණ සංඛ්‍යාව 98,916කි. අසාදිතයන්ගේ සංඛ්‍යාව 1,681,212 කි. නමුත් ජාත්‍යන්තර සංඛ්‍යාලේඛන සංවර්ධකයින්, පර්යේෂකයින් සහ ස්වේච්ඡා සේවකයන් විසින් මෙහෙයවනු ලබන වර්ල්ඩෝමීටර්( Worldometer ) දත්ත විශ්ලේෂණයට අනුව මේ වනවිට ඇමෙරිකාවෙන් වාර්තා වන කොරෝනා මරණ සංඛ්‍යාව ලක්‍ෂය (100,572) ඉක්මවා ගොස් තිබේ.

රසී වීරසිංහ





ශ්‍රී ලංකාව ආසන්න පහළ වායුගෝලයේ පවතින කැළඹිලි ස්වභාවය හේතුවෙන් දිවයිනේ බොහෝ ප්‍රදේශවල දැනට පවතින වැසි තත්ත්වය ඉදිරි දිනවලදී ඉහළ යා හැකි බව කාලගුණ විද්‍යා දෙපාර්තමේන්තුව පවසයි.

 අද (27) උදෑසන 5.30ට නිකුත් කළ කාලගුණ වාර්තාවට අනුව බස්නාහිර, සබරගමුව, මධ්‍යම, වයඹ සහ දකුණු පළාත්වල විටින් විට වැසි හෝ ගිගුරුම් සහිත වැසි ඇති විය හැකි අතර බස්නාහිර, සබරගමුව සහ දකුණු පළාත්වල සමහර ස්ථානවල මි.මී.150 ට වැඩි වර්ෂාපතනයන් ද ඇති විය හැක. සෙසු ප්‍රදේශ වල තැනින් තැන සවස 2.00 න් පමණ පසු වැසි හෝ ගිගුරුම් සහිත වැසි ඇති විය හැකි  බවත් දිවයින හරහා සුළගේ වේගය විටින් විට පැ.කි.මී. 40 දක්වා වැඩි විය බවත් එම නිවේදනයේ වැඩිදුරටත් සදහන් වේ.

ගිගුරුම් සහිත වැසි ඇති වන විට අකුණු මඟින් සහ තාවකාලික තද සුළං මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකව ඉල්ලා සිටී. 

කොරෝනා වෛරසය පැතිරීම වැළක්වීම සඳහා රාත්‍රී 11 වන විට ඇඳිරි නීතිය පනවා හෝටල්  වසා දැමීමට රජය විසින් නියෝග කර තිබියදීත් සිය බිරිය හා මිතුරන් දෙදෙනකු සමග හෝටලයක රාත්‍රී 11 පසු වීත් මත්පැන් පානය කරමින් හා  සතුටු සාමිචියේ යෙදෙමින් ඇඳිරි නීතිය උල්ලංගනය කිරීමේ වරදට ඕස්ට්‍රියාවේ ජනාධිපති ඇලෙක්සැන්ඩර් වැන් ඩර් බෙලෙන්  ඕස්ටිරියානු පොලිසිය විසින් ඉකුත් සෙනසුරාදා (23දා ) රාත්‍රියේ කොටු  කර ගෙන තිබේ ,

ඕස්ට්‍රියාවේ පළ වන "ක්‍රොනන් සෙයිටුන්ග් " පුවත්පතට අනුව  පොලිසිය විසින් රාත්‍රී 11 වන විට වසා දමා තිබිය යුතු වූ ඕස්ට්‍රියානු ජනාධිපතිවරයා ඇතුළු පිරිස  සිට ඇති හෝටලයේ බලධාරීන්ගෙන්  ඇඳිරි නීතිය උල්ලංගනය කිරීමේ වරදට යුරෝ 30,000 ක් දක්වා වූ දඩ මුදලක් අය කර ගැනීමට නියමිතව ඇත.

මෙම සිද්ධිය සම්බන්ධයෙන් සිය "ට්විටර් " ගිණුමේ ඉකුත් ඉරිදා (24දා ) සටහනක් තබා ඇති ඕස්ට්‍රියානු ජනාධිපතිවරයා ඇඳිරි නීතිය උල්ලංගනය කළ බව පිළිගෙන  ඇති අතර ඒ පිළිබඳව සමාව අයැද තිබේ .තමා සිය බිර්ය හා මිතුරන් දෙදෙනෙකු සමග හෝටලයට ගියේ ඕස්ට්‍රියාව අගුලු දැමීමෙන් පසු ප්‍රථම වතාවට බවත් එකිනෙකා හා සතුටු සාමිචියේ යෙදී සිටීම නිසා වේලාව යනු නොදැනුණු බව ජනාධිපති බෙලෙන් කියා තිබේ ,"මෙය අතපසුවීමක් .මා ඒ පිළිබඳව සමාව අයැද සිටිනවා .මෙම සිදුවීම නිසා හෝටලයට වන්දි ගෙවීමට සිදු වුවහොත් එහි වගකීම දැරීමට කැමති බව සඳහන් කරමි " යි ඔහු සිය සටහනෙහි සඳහන් කර තිබේ.

කොරෝනා වෛරසය පැතිරීම වැළක්වීම සඳහා ඕස්ට්‍රියාවද  පසු ගිය කාලයේ රට අගුලු දමා තිබු අතර එම අගුලු දැමීම ලිහිල් කරමින් ඉකුත් මැයි 15 වැනිදා සිට  හෝටල් ආරම්භ කිරීමට අවසරය ලබා දී ඇත්තේ අමුත්තන් අතර සමාජ දුරස්ථභාවය රකිමින්  රාත්‍රී 11 දක්වා පමණි.

                           ඒමන්ති මාරඹේ

කොරෝනා ආසාදිතයින්ට ප්‍රතිකාර කිරීම සඳහා මැලේරියා බෙහෙතක් වන "හයිඩ්රොක්සික්ලොරෝක්වින් " යොදා ගැනීමේ හැකියාව පිළිබඳව පැවැත්වෙන සායනික අත්හදාබැලීම්  තාවකාලිකව නතර කිරීමට ලෝක සෞඛ්‍ය සංවිධානය විසින් තීරණය කර තිබේ ,මෙම තීරණයට හේතු වී ඇත්තේ ඉකුත් සිකුරාදා (22දා ) "ලැන්සෙට් " වෛද්‍ය සඟරාව විසින්  "හයිඩ්රොක්සික්ලොරෝක්වින් " බෙහෙත ලබා දුන් කොරෝනා ආසාදිතයින් විශාල වශයෙන් මිය යන බවට සිදු  කරන ලද ආනාවරණය හේතුවෙනි.

ඉහත කී මැලේරියා බෙහෙත හෝ  පරීක්ෂන මට්ටමේ පවතින තවත් බෙහෙත් වර්ග තුනක් කොරෝනා ආසාදිතයින්ට ප්‍රතිකාර කිරීම සඳහා යොදා ගත හැකිද යන්න පිළිබඳව පරික්ෂා කර බැලීම සඳහා ලෝක සෞඛ්‍ය සංවිධානය  විසින් ලොව පුරා රටවල් 17කින් තෝරා ගත් ආසාදිතයින් 3500 ක් දෙනා යොදා ගනිමින් "සහෝදරත්වයේ අත්හදාබැලීම " නමින්  වූ සායනික  අත්හදා බැලීමක් දියත් කර තිබුණු අතර ඒ අතුරින් "හයිඩ්රොක්සික්ලෝරෝක්වින්" බෙහෙත සම්බන්ධ අත්හදා බැලීම පමණක් මෙසේ තාවකාලිකව නතර කිරීමට පියවර ගෙන තිබේ. කොරෝනා ආසාදිතයින්ට අදාළ මැලේරියා බෙහෙත භාවිත කිරීමෙන්   හොඳකට වඩා සිදු වනුයේ  නරකක් බව අනාවරණය වීමත් සමගම සෞඛ්‍ය සංවිධානය එම අත්හදා බැලීම තාවකාලිකව නතර කරන බව ඊයේ  (25දා ) ප්‍රකාශ කර තිබේ.

"හයිඩ්රොක්සික්ලොරෝක්වින් " බෙහෙත කොරෝනා ආසාදිතයින්ට ප්‍රතිකාර කිරීම සඳහා යොදා ගැනීමට ඇමරිකානු ජනාධිපති ඩොනල්ඩ් ට්‍රම්ප් මෙන්ම බ්‍රසීලයේ ජනාධිපති ජයිර් බෝල්සොනරෝ  සිය රටවල සෞඛ්‍ය වෘත්තිකයින්ව  පසු ගිය කාලයේ  දිරි ගන්වා තිබිණි.

                       ඒමන්ති මාරඹේ



කොරෝනා වෛරසයෙන් මියගිය 27,000කට අධික ස්පාඤ්ඤ වැසියන් සිහිකිරීම සඳහා දින 10ක ජාතික ශෝක කාලයක් ප්‍රකාශයට පත් කිරීමට රජය තීරණය කර තිබේ. ඒ අනුව අද සිට දින 10ක් ස්පාඤ්ඤයේ සියලු පොදු ගොඩනැගිලිවල, නාවික හමුදාත්‍රාවල ඇති ජාතික ධජ අඩකුඹු කරමින් මියගිය ජනතාව සිහිපත් කෙරේ.

sikuru


අද දිවයින

සිනමා කලා

tissa250

නවලිය

uda250

දියග

trump250

මීවිත

kanika250

More Articles