විගස පුවත්
- Hits: 229
ඊයේ (31) දිනය තුළ කොරෝනා ආසාදිතයන් 13දෙනකු හඳුනා ගැනීමත් සමඟ ශ්‍රී ලංකාවෙන් වාර්තා වන සම්පූර්ණ අසාදිතයන්ගේ සංඛ්‍යාව 1633 දක්වා ඉහළ ගොස් තිබේ. ඒ අනුව මෙම කොරෝනා අසාදිතයන්ගෙන් 822 දෙදෙනකු රෝහල් 05ක ප්රතිකාර ලබන අතර වෛරසය අසාදනය වූ බවට සැකකරණ රෝගීන් 74 දෙනකු වෛද්‍ය විමර්ශනය යටතේ රෝහල් 36ක ප්රතිකාර ලබමින් සිටිති.
ඊයේ (31) දිනය තුළ වාර්තා වූ කොරෝනා අසාදිතයන්ගෙන් 09 දෙනකු විදේශ රටවල සිට පැමිණ නිරෝධායනය වෙමින් සිටි ශ්‍රී ලාංකිකයන් වන අතර ඉතිරි සිව් දෙනා වැලිසර නාවික හමුදා කඳවුරේ සාමාජිකයන් වේ.
මේ වන විට කොරෝනා වෛරසය ආසාදනය වී සුවය ලැබූ පුද්ගලයන්ගේ ගණන 801 දක්වා ඉහළ ගොස් තිබේ.
- Hits: 256
විදේශීය රටවල සිර වී සිට මෙරටට පැමිණි ශ්‍රී ලාංකිකයින්ගෙන් 522 දෙනෙකුට කොරෝනා වෛරස් ආසාදනය වැළඳී ඇති බව තහවුරු වී ඇතැයි සෞඛ්‍ය ඇමතිනි පවිත්‍රා වන්නිආරච්චි මහත්මිය පවසන්නීය මේ අතුරින් කුවේට් රාජ්‍යයේ සිට පැමිණි 466 දෙනාගෙන් 330 ක්ම කොරෝනා වෛරස් ආසාදිතයින් වන අතර කටාර් රාජ්‍යයේ සිට පැමිණි 270 දෙනාගෙන් 150 ක්ම එම ආසාදිතයින් බව "පී.සී.ආර් " පරීක්ෂනවල්දී අනාවරණය වී ඇති බව සෞඛ්‍ය ඇමතිනිය කීවාය.
කුවේට් රාජ්‍යයේ සිට පැමිණි 466 දෙනාම මේ වනවිට පළමුවැනි වටයේ "පී.සී.ආර් " පරික්ෂණ වලට ලක් කර ඇති අතර . ඔවුන් නැවත දින 10 කට පසු එම පරික්ෂණ වලට ලක් කිරීමට නියමිතව ඇති බවත් . ඒ අයගේ ශරීරය තුල ආසාදනය වර්ධනය වී නොමැති නම් ඒ පිරිසෙන් යම් පිරිසක් පසුව ආසාදිතයින් ලෙස වාර්තා වීමට ඉඩ ඇති බව ඇය සඳහන් කළාය . " කටාර් රාජ්‍යයේ සිටි පැමිණි 270 දෙනාගෙම "පී.සී.ආර් " පරික්ෂණ සිදු කොට තිබෙනවා. ඔවුන්ගෙන් 150 ක් මේ වන විට ආසාදිතයින් ලෙස වාර්තා වී ඇති අතර අද දිනය ඇතුලත සියළු දෙනාගේම එම පරික්ෂණ වාර්තා ලැබීමට නියමිතයි. මේ වන වට අප රටෙන් කොරෝනා ආසාදිතයින් 801 ක් සම්පූර්ණ සුවය ලබා රෝහල් වලින් පිටව ගොස් තිබෙනවා. කුමන ආකාරයකින් හෝ ප්‍රජාව තුළ මෙම රෝගය පැතිරීම වැළැක්වීමට ගත හැකි සියළු ක්‍රියාමාර්ග ගන්නවා. මේ වන විට ප්‍රජාව තුළ කොරෝනා වෛරසය පැතිරීම සාර්ථක ලෙස වළක්වා තිබෙනවා යැයි " සෞඛ්‍ය ඇමතිනිය වැඩිදුරටත් පැවසුවාය.
ඒමන්ති මාරඹේ
- Hits: 180
ඊයේ (29දා ) දිනයේ රාත්‍රී 11.00 වන විට දිවයිනෙන් නව කොරෝනා ආසාදිතයින් 28ක් වාර්තා වීමත් සමගම මෙතෙක් වාර්තා වී ඇති මුළු කොරෝනා ආසාදිතයින්ගේ සංඛ්‍යාව 1558ක් දක්වා වැඩි වී ඇතැයි වසංගත රෝග විද්‍යා අංශය පවසයි ,
ඊයේ දිනයේ වාර්තා වී ඇති කොරෝනා ආසාදිතයින් 28 දෙනාගෙන් 17 දෙනෙකු නාවුක හමුදා භටයින් වන අතර 11 දෙනෙකු විදේශීය රටවලින් පැමිණි අය බව එම අංශය කියයි .
ඊයේ දිනය තුළ කොරෝනා ආසාදිතයින් 09 දෙනෙකු සුවය ලබා රෝහල්වලින් නික්ම තිබුණු අතර මේ අනුව මේ වන විට සුවය ලබා රෝහල්වලින් නික්ම ගිය මුළු කොරෝනා ආසාදිතයින්ගේ සංඛ්‍යාව 754 කි.
මේ වන විට රජයේ රෝහල්වල කොරෝනා ආසාදිතයින් 794 දෙනෙකු හා කොරෝනා ආසාදිතයින් බවට සැක කෙරෙන රෝගීන් 75 දෙනෙකු ප්රතිකාර ලබමින් සිටි.
ඒමන්ති මාරඹේ
- Hits: 286
ඇමරිකානු ජනාධිපති ඩොනල්ඩ් ට්‍රම්ප් විසින් ට්විටර් හා ෆේස්බුක් ඇතුළු සමාජ මාධ්‍ය ජාලවල ඒවා භාවිත කරන්නන් විසින් පළ කරනු ලබන අදහස් සංස්කරණය කිරීම ඇතුළු ක්‍රියාකාරකම් සිදු කිරීමට එම මාධ්‍ය ජාලවල පරිපාලනයට ලැබී ඇති අසීමිත නීතිමය රැකවරණයන්ගෙන් සමහරක් ඉවත් කිරීමේ අරමුණින් සකස් කරන ලද විධායක නියෝගයකට අත්සන් තබා ඇති බව විදෙස් මාධ්‍ය පවසයි.
ජනාධිපති ට්‍රම්ප්ට අනුව සමාජ මාධ්‍ය ජාලාවලට ඒවා භාවිත කරන්නන් විසින් පළ කරනු ලබන අදහස්වලට සීමාවන් පැනවීමට හා ඒවා සංස්කරණය කිරීමට කිසිවෙකු විසින් පරික්ෂා කර නොමැති ආකාරයේ බලයක් හිමිව පවතී. ඇමරිකානු ජනාධිපතිවරයා විසින් නිරතුරුවම ට්විටර් හා ෆේස්බුක් වැනි සමාජ මාධ්‍ය ජාලවලට එල්ල කරනු ලබන චෝදනාවක් වනුයේ එම මාධ්‍ය ජාලයන් විසින් විරුද්ධ මත කපා හැරීමට කටයුතු කරන බවයි.
මෙසේ සමාජ මාධ්‍ය ජාලයන් විසින් නීතිමය වශයෙන් අභියෝගයට ලක් කරනු ඇතැයි අපේක්ෂිත විධායක නියෝගයක් එම මාධ්‍ය ජාලාවලට එරෙහිව සකස් කර එය ක්‍රියාත්මක කිරීම සඳහා ඇමරිකානු ජනාධිපතිවරයා විසින් අත්සන් තබනු ලැබුවේ ඔහු විසින් ඉකුත් අඟහරුවාදා (26දා ) සිය ටිව්ටර් ගිණුමෙහි පළ කරන ලද අදහස් දැක්වීම් දෙකක් ඉදිරියෙන් තොරතුරු පරික්ෂා කර බැලිය යුතු බවට වූ ලේබල් ෆැක්ට් චෙක් ලේබල් ) පළ කිරීමට ට්විටර් සමාගම කටයුතු කිරීම හේතුවෙනි.
ජනාධිපති ට්‍රම්ප් විසින් සමාජ මාධ්‍ය ජාලවලට පවතින නීතිමය රැකවරණය ඉවත් කිරීම සඳහා අත්සන් තබා ඇති විධායක නියෝගය ට්විටර් හා ෆේස්බුක් සමාගම් විසින් දැඩි සේ විවේචනය කර තිබේ.
ඒමන්ති මාරඹේ
- Hits: 233
ශ්‍රී ලංකාවට පැමිණීමට නොහැකිව ඕස්ට්‍රේලියාවේ සහ ඉන්දියාවේ රැදී සිටි ශ්‍රී ලාංකිකයන් 304 ක් රැගෙන ශ්‍රී ලන්කන් ගුවන් සේවයේ ගුවන් යානා දෙකක් අද( 30 ) අලුයම කටුනායක ගුවන් තොටුපළ වෙත පැමිණ තිබේ . මෙයින් පළමු ගුවන් යානය ඉන්දියාවේ මුම්බායි නුවර රැදී සිටි ශ්‍රී ලංකාවේ ත්‍රිවිධ හමුදා වල සාමාජිකයන් 18 දෙනෙකු රැගෙන ශ්‍රී ලන්කන් ගුවන් සේවයේ යූ.එල්.- 1042 දරන විශේෂ ගුවන් යානය
අද දින අලුයම 4.45 ට කටුනායක ගුවන් තොටුපළ වෙත පැමිණ තිබුණි .
දෙවන ගුවන් යානය ඕස්ට්‍රේලියාවේ මෙල්බර්න් නුවර රැදී සිටි ශ්‍රී ලාංකිකයන් 286 දෙනෙකු රැගෙන ශ්‍රී ලන්කන් ගුවන් සේවයේ යූ.එල්.- 605 දරන විශේෂ ගුවන් යානයෙන් අද දින අලුයම 5.50 ට කටුනායක ගුවන් තොටුපළ වෙත පැමිණ තිබේ .
මෙසේ පැමිණි ගුවන් මගීන් සියලු දෙනාම නීරෝධායන කටයුතු සදහා යොමු කර තිබේ.
කටුනායක ටී.කේ.ජී.කපිල
