Divaina - විගස පුවත්

mobitel

 B Divaina 90x340px

e5

The Island The Island Nawaliya Vidusara e-Paper Classifiedsරාහු කාලය


රාගම රෝහලේ ප්‍රතිකාර ලබමින් සිටියදී පැනගිය මහර බන්ධනාගාරයේ රැඳවියා අද (03)ලෙරවරුවේ ඔර්ගොඩවත්ත ප්‍රදේශයේදී බුද්ධි අංශ නිලධාරීන් විසින් අත්අඩංගුවට ගෙන ඇත.

p1 10

අර්ජුන මහේන්ද්‍රන් මහතා ලංකාවට ගේන්න වත්මන් රජය සිංගප්පූරුවෙන් ඉල්ලීමක් කළා. ඒ පිළිබඳ තොරතුරු ලැබී තිබෙනවා දැයි විපක්ෂයේ ප‍්‍රධාන සංවිධායකවරයා විමසීය. ඊට පිළිතුරු දුන් ඇමැති අලි සබ්රි මහතා මේ පිළිබඳව නීතිපතිවරයාගෙන් වාර්තාවක් තමා ඉල්ලා ඇති බවත් එම වාර්තාව අද හෝ හෙට තමාට ලැබුණු පසුව පාර්ලිමේන්තුවේ ප‍්‍රකාශයක් කිරීමට සූදානම් බවත් කියා සිටියේය.

p2 2දෛනිකව වාර්තා වන කොරෝනා ආසාදිත මරණ සංඛ්‍යාව හේතුවෙන් මේ වන විට මෙරට කොරෝනා මරණ අනුපාතය සියයට දශම 5 දක්වා ඉහළ ගොස් ඇති බව සෞඛ්‍ය ප‍්‍රවර්ධන කාර්යාංශය පවසයි. මෙම ප‍්‍රතිශතය දිනෙන් දින ඉහළ යමින් පවතින බව එම කාර්යාංශ දත්ත වාර්තා පෙන්වා දෙයි. ඉකුත් අපේ‍්‍රල් මාසයේ දී මෙම අනුපාතය පැවතියේ සියයට දශම 1 ටත් අඩු මට්ටමකය. මේ අතර මේ වන විට මෙරට කොරෝනා ආසාදිතයන් සුවපත් වීමේ අනුපාතය සියයට 72.62ක් ලෙස සටහන් වී තිබේ. ඊයේ (02දා) උදෑසන වන විට මෙරට සිදු කර තිබූ මුළු පී.සී.ආර්. පරීක්ෂණ සංඛ්‍යාව අටලක්ෂ හතළිස් අටදහස් අටසිය දාහතරක් (848,814) වේ.

ඒමන්ති මාරඹේ
 

mahinda1අප දකින ආකාරයට, තව වැඩි කලක් යන්නට පෙර, මුළු රටම නැවත වර්ධන මාර්ගයකට යොමු විය යුතුයි. මුළු රටම නැවත එකම වැඩ බිමක් බවට පත් විය යුතුයි. එවැන්නක් කිරීම ඔබගේ සම්මේලනයේ එක් අරමුණක් බවද අපට පෙනෙනවා. ඒ පිළිබඳව, අපි විශේෂයෙන් සතුටු වන අතර, එම කර්තව්‍ය වෙනුවෙන් රජයේ ප‍්‍රධානීන් සහ පෞද්ගලික ආයතනවල ප‍්‍රධානීන් එකට එකතු වී, සැලසුම්, තොරතුරු සහ උපායමාර්ග බෙදා හදා ගැනීම ඉතා වටිනා ප‍්‍රයත්නයක් හැටියට අපි දකිනවා.

deathcovidපසුගියදා මහර බන්ධනාගාරය තුළ ඇති වූ ගැටුම්කාරී තත්ත්වයෙන් බරපතළ තුවාල ලබා මියගිය සිරකරුවන් එකොළොස් දෙනා අතරින් අට දෙනකුට කොවිඞ් - 19 රෝගය ආසාදනය වී ඇති බව මේ වනවිට සනාථ වී ඇති බැවින් එම මළ සිරුරු සම්බන්ධයෙන් ගන්නා ඉදිරි පියවර පිළිබඳව දැනුම් දීම සඳහා ලබන සිකුරාදා දිනයේ නීතිපති දෙපාර්තමේන්තුවේ නියෝජිතයකු සහ වගකිවයුතු සෞඛ්‍ය අංශ නිලධාරියකු අධිකරණයට කැඳවීමට පියවර ගන්නා ලෙස වත්තල මහෙස්ත‍්‍රාත් බුද්ධික ශී‍්‍ර රාගල මහතා ඊයේ (02 දා) රාගම පොලිසියට නියෝග කළේය.

සිරකරුවන්ගේ අයිතිවාසිකම් සුරැුකීමේ සංවිධානයේ සභාපති නීතිඥ සේනක පෙරේරා මහතා මෝසමක් ගොනු කරමින් නඩුව කැඳවා කළ කරුණු දැක්වීමක් සලකා බැලූ මහෙස්ත‍්‍රාත්වරයා එම නියෝගය කළේය.

එම මරණ සියල්ල ස්වභාවික හේතුන් මත සිදු නොවූ සැක සහිත මරණ වන බැවින් පවත්නා කොරෝනා මර්දන රෙගුලාසි අනුව ඒවා ආදාහනය කළොත් එම මරණ සම්බන්ධයෙන් සිදු කරන විමර්ශනවලට දැඩි බාධාවක් විය හැකි බවත් යම් හෙයකින් එකී මරණ මිනීමැරුම් බවට සාක්ෂි අනාවරණය වුවහොත් එකී ඝාතනවලට වගකිවයුතු අපරාධකරුවන්ට නීතියේ රැුහැනින් මිදී යෑමට ඉඩ ලැබෙන බවත් නීතිඥ සේනක පෙරේරා මහතා එහිදී පෙන්වා දුන්නේය.

එබැවින් අපරාධකරුවන්ට ගැලවී යෑමට ඉඩ නොලැබෙන පරිදි සුදුසු නියෝගයක් ලබා දෙන ලෙස ද නීතිඥ සේනක පෙරේරා සහ නීතිඥ නාමල් රාජපක්ෂ යන මහත්වරු එහිදී අධිකරණයෙන් ඉල්ලා සිටියහ.

ඒ. ජේ. ඒ. අබේනායක සහ රාගම - රිචඞ් ජී. සිල්වා

kandos18

අද දිවයින

සිනමා කලා

isuru250

නවලිය

niros250

දියග

basur250

මීවිත

rukan250

More Articles