විගස පුවත්
- Hits: 35
කොවිඩ් 19 වසංගතයට මුහුණදීම සඳහා ලෝක බැංකුව ශ්‍රී ලංකාවට අමෙරිකානු ඩොලර් මිලියන 128ක මූල්‍යාධාරයක් ලබාදීමට තීරණය කර ඇත.
ලෝක බැංකුවේ විධායක අධ්‍යක්ෂවරුන්ගේ සැසියකදී රටවල් 25කට හදිසි මූල්‍යාධාර ලබාදීමට තීරණය කර තිබේ.
මේ සැසිය ඉකුත් අප්‍රේල් 02 දින පවත්වා තිබේ.
රෝගීන් හදුනා ගැනිම, රසායානාගාර පරික්ෂණ සිදු කිරිම, පුද්ගල ආරක්ෂණ උපකරන ලබා ගැනිම සහ රෝහල් වාට්ටු නිරෝධායනය කිරිම සඳහා අමේ මුදල් යෙදවේ.
මේ අනුව අමෙරිකානු ඩොලර් බිලියන 1.9ක මුදලක් එම රටවල් වෙත ලබා දෙන අතර ඉන් වැඩිම මුදල වන වටිනාකම අමෙරිකානු ඩොලර් බිලියනයක මුදල ඉන්දීයාවට ලබාදීමට තීරණය කර ඇතැයි ද වාර්තා වේ.
- Hits: 38
කොරෝනා වෛරසයෙන් ගත වු පැය 24 ඇතුළත එක්සත් ජනපදයේ පුද්ගලයන් 1480 දෙනකු මිය ගොස් තිබේ. එම කාලය ඇතුළත එක්සත් ජනපදයෙන් නව අසාදිතයන් 32000ක් පමණ වාර්තාවී ඇත්තේ සමස්ත අසාදිතයන්ගේ ගණන 277,800ක් බවට පත්කරමිනි. මේ වන කොරෝනා වසංගතයට බිලි වූ සමස්ත ඇමෙරිකානුවන්ගේ ගණන 7,144කි.
- Hits: 71
කොරෝනා වෛරසය ව්‍යාප්ත වීම වැළැක්වීම සදහා 2020 මාර්තු 20 වැනිදා පස්වරු 6.00 සිට දිවයින පුරා ඇදිරි නීතිය පැනවීමෙන් පසු අද (04 වැනිදා)පෙරවරු 6.00 දක්වා කාලය තුල පොලිස් ඇදිරි නීතිය කඩ කළ පුද්ගලයින් 12,223 දෙනකු අත්අඩංගුවට ගෙන ඇතැයි පොලිස් මාධ්‍ය ප්‍රකාශක පොලිස් අධිකාරී ජාලිය සේනාරත්න මහතා "දිවයින"ට පැවැසීය.
මෙම කාලය තුළ පොලිස් භාරයට ගෙන ඇති වාහන ගණන 3017 ක් බවද හෙතෙම කීය.
එමෙන්ම, ගතවූ පැය 24 ක කාලය තුළ පොලිස් ඇදිරි නීතිය කඩකළ පුද්ගලයින් 1493 දෙනකු අත්අඩංගුවට ගෙන ඇතැයිද සදහන් කළ ඒ මහතා මෙම කාලය තුල වාහන 360 ක් පොලිස් භාරයට ගෙන ඇති බවද කීය.
- Hits: 83
ශ්‍රී ලංකාවේ කොරෝනා වෛරසය ආසාදිත මුළු සංඛ්‍යාව 159 දක්වා ඉහළ නැග ඇතැයි සෞඛ්‍ය ප්‍රවර්ධන කාර්යාංශය පවසයි.
ඊයේ(03 වැනිදා)රාත්‍රී වනවිට තවත් කොරෝනා ආසාදිතයින් තිදෙනකු වාර්තා වී ඇති බවද එම කාර්යාංශය කියයි.
ඒ අනුව ඊයේ දිනයේදී කොරෝනා වයිරසය ආසාදනය වී ඇති බවට තහවුරු කළ රෝගීන් සංඛ්‍යාව 8 ක් බවද එම කාර්යාංශය කීය.
මේ වනවිට මෙරට පුද්ගලයින් 5 දෙනකු මියගොස් ඇති අතර,24 දෙනකු සුවය ලබා රෝහල්වලින් පිටව ගොස් ඇත.
- Hits: 69
කොරෝනා වයිරසය පැතිරීම වැළක්වීම සඳහා බොහෝ රටවල සෞඛ්‍ය බළධාරීන්ගේ උපදෙස් මත පුද්ගලයන් දෙදෙනෙකු අතර මීටරයක දුරක් පොදු ස්ථානවලදී පවත්වාගත යුතු බවට නිර්දේශ කර ඇතත් ඒ සම්බන්ධව ඇමරිකා එක්සත් ජනපදයේ මැසචුසෙට්ස් තාක්ෂනය පිලිබඳ ආයතනය විසින් අලුතින්ම සිදු කර ඇති අධ්‍යයනයකින් පෙන්වා දී ඇත්තේ වයිරසය ආසාදිත පුද්ගලයෙකුගෙන් තව අයෙකුට පැතිරීම වැළක්වීම සඳහා පුද්ගලයින් දෙදෙනෙකු අතර මීටර් 08කවත් දුරක් පවත්වාගත ගත යුතු බවයි .
මෙම නව නිර්දේශය අදාළ ආයතනය විසින් ඉදිරිපත් කර ඇත්තේ කොරෝනා වයිරස් ආසාදිතයෙකු විසින් කිවිසීමේදී හා කහින විට වාතයට නිකුත් වන වයිරස් අංශු උණුසුම් කාලගුණ තත්ත්වයකදී තත්ත්පරයකට අඩි 33 ක සිට අඩි 100ක් දක්වා (මීටර් 10 සිට 100 දක්වා ) වේගයකින් ගමන් කිරීමේ හැකියාවක් පවතින බව අනාවරණය වී තිබීම හේතුවෙනි .
වර්තමානයේ ශ්‍රී ලංකාවේ මෙන්ම බොහෝ රටවල පොදු ස්ථානවලදී පුද්ගලයින් දෙදෙනෙකු අතර මීටරයක දුරක් පවත්වාගත යුතු බවට නිර්දේශ වී ඇතත් ඇමරිකා එක්සත් ජනපදය ඇතුළු බටහිර රටවල් විසින් එම දුර ප්‍රමාණය පසුගියදා මීටර් 02ක් දක්වා වැඩි කර ඇතැම් සුපිරි වෙළඳසල්වල එසේ මීටර් දෙකක් දුරින් පුද්ගලයින්ට පෝලිමක සිටීම සඳහා කවයන් පවා ඇඳ තිබෙන බව වාර්තා වේ .එහෙත් මැසචුසෙට්ස් තාක්ෂණ ආයතනය විසින් ඉදිරිපත් කර ඇති නවතම නිර්දේශය යටතේ එයද ප්‍රමාණවත් නොමැති බව පෙන්වා දී ඇත .එම ආයතනය විසින් සිදු කර ඇති අධ්‍යයනයට අනුව පුද්ගලයින් දෙදෙනෙකු අතර මීටර් දෙකක දුරක් පවත්වාගැනීමද කොරෝනා වයිරසයේ පැතිරීමේ වේගය අනුව අවදානමෙන් මිදීමට ප්‍රමාණවත් නොවේ .
ඒමන්ති මාරඹේ
