Divaina - විගස පුවත්

Divaina 365 x 90 Banner

luhundu19march

e5

The Island The Island Nawaliya Vidusara e-Paper Classifiedsරාහු කාලය


මෙම මස 21වැනිදා රාත්‍රී 11 සිට මැයි මස 25 වැනිදා අලුයම 4.00තෙක් නැවත වරක් දිවයින පුරා සංචරණ සීමා පනවන බව යුද හමුදාපති ජෙනරාල් ශවේන්ද්‍ර සිල්වා මහතා පවසයි.එය නැවත 25 වැනිදා රාත්‍රී 11ට පැනවෙන අතර එතැන් පටන් යළිත් 28වැනිදා පෙරවරු 4.00 දක්වා බලපැවැත්වේ.මෙම කාලය තුළ හැදුනුම්පත් අංක ක්‍රමයට හෝ නිවසින් පිටව යා නොහැකිය.අත්‍යවශ්‍ය සේවා සඳහා පමණක් අවසර හිමිවේ.

ආර්ථිකය යථා තත්ත්වයට පත් කිරීමට සහ ආර්ථික වර්ධනය වේගවත් කිරීම සදහා , රජය විසින් පුළුල් පරාසයක විහිදුණු ආර්ථික ප්‍රතිසංස්කරණ ක්‍රියාත්මක කිරීම  අත්‍යවශ්‍ය බව ශ්‍රී ලංකා මහ බැංකුව පවසයි.

මෙසේ ආර්ථිකය යථා තත්වයට පත් කිරීමට සහ වර්ධන ප්‍රවණතාව පුනර්ජීවනය කිරීම සහතික කිරීම මුදල් හා මූල්‍ය ක්‍රියාමාර්ගවලට පමණක් සිදු කළ නොහැකි බව ද මහා බැංකුව කියයි. ඒ සඳහා රටේ අඛණ්ඩ ප්‍රගතිය වෙනුවෙන්, රජය විසින් ක්‍රියාත්මක කරනු ලබන පුළුල් පරාසයක විහිදුණු ආර්ථික ප්‍රතිසංස්කරණ අත්‍යවශ්‍ය බව මහ බැංකුව පෙන්වා දෙයි.

රජයේ ආර්ථික ප්‍රතිපත්ති රාමුව වන සෞභාග්‍යයේ දැක්ම ක්‍රියාවට නැංවීම තුළින්, මැදි කාලීනව ශ්‍රී ලංකා ආර්ථිකයේ වර්ධනයක් සිදුවනු ඇතැයි අපේක්ෂා කෙරේ. දශක ගණනාවක් තිස්සේ ශ්‍රී ලංකා ආර්ථිකය, ආර්ථික වර්ධනය හා සමස්ත  ආර්ථිකයේ  ස්ථායීතාවය ළඟා කර ගැනීමට බාධා පමුණුවන ව්‍යුහාත්මක බාධක රාශියකට මුහුණ දෙමින් සිටී.

ප්‍රතිසංස්කරණවල අවශ්‍යතාව පිළිබඳව ප්‍රතිපත්ති සම්පාදකයින් සහ විශ්ලේෂකයින් අතර පුළුල් පිළිගැනීමක් තිබියදී වුව ද, අවශ්‍ය ප්‍රතිසංස්කරණ සිදු කිරීම නැවත නැවතත් කල් දැමීමකට ලක් වී ඇත. මෙය රටෙහි රාජ්‍ය මූල්‍ය හා විදේශීය අංශවල අඛණ්ඩව වාර්තාවන ද්විත්ව හිඟයන් මගින් පිළිබිඹු වන බව ද මහ  බැංකුව තවදුරටත් කියයි.


ආයුර්වේද රෝහල්වල සෞඛ්‍ය කාර්ය මණ්ඩල සාමාජිකයන්  මේ  වනව්ට  දැඩි අනාරක්‍ෂිත තත්ත්වයක පසුවන  බව සමස්ත ලංකා සෞඛ්‍ය වෘත්තීය සමිති සම්මේලනය පවසයි.

දැනටමත්  දිවයින පුරා පිහිටි ආයුර්වේද රෝහල් සහ සෞඛ්‍ය ආයතන ගණනාවක  කාර්ය මණ්ඩල  සාමාජිකයන් කොරෝනා  ආසාදිතයින් බවට පත්ව ඇති අතර තවත් කාර්ය මණ්ඩල සාමාජිකයින් පිරිසක්  ආසාදිතයන්  යැයි සැක පිට  නිරෝධායනය සඳහා යොමු කර ඇති බව එම සම්මේලනයේ ප්‍රධාන ලේකම් මහින්ද ගුරුගේ මහතා පැවසීය.

 කොරෝනා  වෛරසයෙන් ආරක්ෂාවීම සඳහා ලබාදෙන එන්නත්  ආයුර්වේද සෞඛ්‍ය කාර්ය මණ්ඩලය වෙතද ලබාදෙන ලෙස වගකිව යුතු සියලුම  පාර්ශවයන්ගෙන්  ඉල්ලීම් කර ඇතත්  මෙතෙක්  ඒ සඳහා කිසිඳු යහපත්  පිළිතුරක් ලබා දීමට එම පාර්ශවයන් අපොහොසත් වී ඇති බව  ඔහු කීවේය

 ආයුර්වේද සෞඛ්‍ය කාර්ය මණ්ඩලයට   පවතින අනාරක්ෂිත තත්වය හමුවේ තවදුරටත් සේවය කිරීම අපහසු වී ඇති බවත්  මෙම ගැටළු සඳහා  කඩිනම් විසඳුම් ලබා නොදෙන්නේ නම්  එයට එරෙහිව  වෘත්තීය සමිති ක්‍රියාමාර්ග ගැනීමට ඉදිර්යේදී කටයුතු කරන බව  සමස්ත ලංකා වෘත්තීය සමිති සම්මේලනයේ ප්‍රධාන ලේකම්වරයා වැඩිදුරටත්  කීවේය.

දැනට පවතින මැතිවරණ සහ ඡන්ද විමසීම් ව්‍යුහයේ නීති වල අඬුපාඩුකම් හඳුනාගැනීම සදහා වන පාර්ලිමේන්තු විශේෂ කාරක සභාව එහි සභාපති, පාර්ලිමේන්තුවේ සභානායක සහ විදේශ අමාත්‍ය ගරු  දිනේෂ් ගුණවර්ධන මහතාගේ ප්‍රධානත්වයෙන් අද (17) ප්‍රථම වරට පාර්ලිමේන්තුවේ දී රැස් විය.

මැතිවරණ සහ ඡන්ද විමසීම් ව්‍යුහයේ හා නීති රීතිවලට අදාළ ප්‍රතිසංස්කරණ හඳුනාගැනීමටත්, ඒ සම්බන්ධයෙන් අවශ්‍ය ඉදිරි සංශෝධන ඉදිරිපත් කිරීමත් මෙම විශේෂ පාර්ලිමේන්තු කාරක සභාවේ කාර්යභාරය වේ.

පාර්ලිමේන්තු කාරක සභාවේ කාර්‍යභාරය එහි සභාපති දිනේෂ් ගුණවර්ධන මහතා එහි සාමාජික මන්ත්‍රීවරයන්ට දැනුම්දීමෙන් පසු ඉදිරියේදී කාරක සභාවේ කටයුතු පවත්වාගෙන යා යුතු ආකාරය පිළිබඳව සාකච්ජාවට ලක් වූ බව, පාර්ලිමේන්තුවේ මහලේකම් ධම්මික දසනායක මහතා සඳහන් කළේය.

මෙයට අමතරව මැතිවරණ සහ ජන්ද විමසීම් ව්‍යුහයේ සහ නීති වල සිදුවිය යුතු ප්‍රතිසංස්කරණ පිළිබඳව මහජනතාවටද අදහස් ලබා දීමට මාසයක කාලයක් ලබා දීමට කාරක සභාව තීරණය කළ බවද දසනායක මහතා පැවසීය.

කැබිනට් අමාත්‍යවරුන් වන  නිමල් සිරිපාල ද සිල්වා,  මහාචාර්ය ජී. එල්. පීරිස්, එම්. යූ. එම්. අලි සබ්රි යන මහත්වරුද,  රාජ්‍ය  අමාත්‍ය ජීවන් තොන්ඩමන් මහතාද, පාර්ලිමේන්තු මන්ත්‍රීරුන් වන  කබීර් හෂීම්, රංජිත් මද්දුම බණ්ඩාර, මනෝ ගනේෂන්, එම්. ඒ. සුමන්තිරන්, මධුර විතානගේ සහ සාගර කාරියවසම් යන මහත්වරු ද මෙම කාරක සභා රැස්වීමට  සහභාගි වූහ.

සමගි ජන බලවේගය පාර්ලිමේන්තු මන්ත්‍රී කණ්ඩායමේ රැස්වීමක් මේ වන විට පාර්ලිමේන්තු කමිටු ශාලාවකදී පැවැත්වේ. එහිදී විශේෂ යෝජනාවක් මේ වන විට සම්මත වී ඇත.

ඒ අනුව පාස්කු ප්‍රහාරයේ මහමොළකරුවන් හෙළිදරව්ව කිරීමට බාධා පමුණුවන බව සම්බන්ධයෙන් පලවන අසත්‍ය වාර්තා පිළිබඳව විපක්ෂ නායක සජිත් ප්‍රේමදාස මහතා විසින් අද සමගි ජනබලවේගයේ මන්ත්‍රී කණ්ඩායමට දැනුම්දුන් අතර අදාල වාර්තා අසත්‍ය බවට යෝජනාවක් ද සම්මත කරගනු ලැබීය

සමගි ජනබලවේගයේ ජ්‍යේෂ්ඨ උප සභාපති රාජිත සේනාරත්න මහතාගේ සහ සහකාර ලේකම් අශෝක් අබේසිංහ මහතාගේ යෝජනා ස්ථීරත්වයෙන් එය සම්මත විය.

ඒ පිළිබඳව විශේෂ නිවේදනය  

මෑත ඉතිහාසය තුල මෙරට සිදුවූ මිලේච්ඡ සිදුවීම වූයේ පාස්කු ඉරිදා ත්‍රස්තවාදී ප්‍රහාරයයිග එම ප්‍රහාරයේ බියකරු මතක මේ රටේ සියලු දෙනා තුළ තවමත් රැව් පිලිරැව් දෙමින් තිබේ.

පාස්කු ඉරිදා ප්‍රහාරයට සම්බන්ධ සියලු දෙනාට එරෙහිව නීතිය ක්‍රියාත්මක කළයුතු බවත්ලඔවුන්ට උපරිම දඩුවම් ලබා දියයුතු බවත් අපි මුලසිටම ගත් ස්ථාවරය වන අතර එය කිසිම විටෙක නොවෙනස් ස්ථාවරය කිග එම ප්‍රහාරය දියත් කළවුන්ද ඊට අනුබල දුන් පිරිස්ද මිලේච්ඡ ත්‍රස්තවාදීන් ලෙස සෘජුවම ප්‍රකාශ කිරීමට සමගි ජනබලවේගය කොන්දේසි විරහිතව ඉදිපත් වේ. ප්‍රජාතන්ත්‍රවාදය ගරුකරන සහ ඒ වෙනුවෙන් පෙනී සිටින ප්‍රතිපත්තිය අපතුල දැඩිලෙස ඇති අතරල පාස්කු ප්‍රහාරයේ චූදිත ත්‍රස්තයින් සම්බන්ධයෙන්  අපේ ස්ථාවරය ඔවුන්ට මරණ දඩුවම දියයුතු බව යග ඒ තරමටම එම බියගුළු ප්‍රහාරය සහ ඊට සම්බන්ධ වූවන් පිළිබඳව පිළිකුලක් අපතුල වෙයි.

පාස්කු ඉරිදා ප්‍රහාරය පිටුපස ඇති බොහෝ තොරතුරු හෙලිදරව් කිරීමට සහ ඒවා පිළිබඳව පාර්ලිමේන්තුවේදීත් ඉන් පිටතත් කතා කිරීමට අප කිසිවිටෙක පසුබට නොවූ අතර සමගි ජනබලවේගයේ මන්ත්‍රීවරුන්ට ඒ පිළිබඳව කතා කිරීමේ පූර්ණ නිදහසලසහ ආශිර්වාදය අප ලබා දී ඇත. ඒ බව එම මන්ත්‍රීවරු පවා සාක්ෂි දරන අතර එම ප්‍රහාරයෙන් වින්දිතයින් වූ සියලු දෙනාගේ නාමයෙන් ඔවුන්ට සාධාරණය ඉටුවිය යුතුය.අපි සියලු දෙනා ඒ වෙනුවෙන් කොන්දේසි විරහිතව අරගල කරමු.

නිදහසේ අදහස් ප්‍රකාශ කිරීම සහ ඒ වෙනුවෙන් පෙනී සිටීම වැනි අයිතීන්  පිළිබඳව ද නිදහසක් සමගි ජනබලවේගය  පූර්ණ වශයෙන්ම ලබාදී ඇති අතර පක්ෂ ප්‍රජාතන්ත්‍රවාදය පිළිබඳව පූර්වාදර්ශ ලබාගත හැකි මට්ටමේ ප්‍රජාතන්ත්‍රවාදී පිලිවෙතක් සමගි ජනබලවේගය තුල වෙයි.

kandos18

අද දිවයින

සිනමා කලා

kasuni250

නවලිය

kawmini250

දියග

viatnaam250

මීවිත

nilminit250

More Articles