Divaina - කුමටද දෑස සොර බොර වැව සිරි නොවිඳී; නිල්වන් ජලයෙන් බබළන මහ සාගරය බඳු වැව දැක දුටුගැමුණු රජතුමා මවිතවෙයි!

The Island The Island Nawaliya Vidusara e-Paper Classifiedsරාහු කාලය

Divaina 365x90 SI

UPali

 

 පුන්‍යා චාන්දනී ද සිල්වා


sorabo2

කි‍්‍රස්තු පූර්ව දෙවැනි සියවස වෙත්ම එළාර රජතුමාගේ ද්‍රවිඩ බලය  මහියංගන සෑයේ නිදන් වස්තු කොල්ලකෑමට පැමිණියහ’ එතැනින් නොනැවතුන මෙම ද්‍රවිඩ පිරිස ‘ඡත්ත’ නම් ද්‍රවිඩ නායකත්වයෙන්  මහියංගනයේ තම බලය පිහිටුවා ගත්හ’ දුටුගැමුණු රජතුමා ‘ඡත්ත’ පලවා හැර මහියංගන නගරය ප‍්‍රතිසංවිධාන කටයුතු ආරම්භ කරන්නට විය’ මහියංගන සෑය අසු රියනක් උසට ප‍්‍රතිසංවිධානය කිරීම දුටුගැමුණු රජතුමාගේ අරමුණ විය’ මේ කටයුතු වෙනුවෙන් දුටුගැමුණු රජතුමා  මහියංගනයේ තාවකාලික මාලිගයක පදිංචිව සිටි අතර බුලත් සපයා ගැනීමේ රාජකාරිය එක්තරා පුරුෂයෙකුට භාර දෙන ලදී’ මේ නිසාම එම තැනැත්තාට ‘බුලතා’ යැයි ව්‍යවහාර විය’ මේ පුරුෂයා බෙහෙවින් ශක්ති සම්පන්නය’ බුලතාගේ කාර්යය වුණේ දවසකට හත් වතාවක් දුටුගැමුණු රජතුමා වෙනුවෙන් බුලත්විට සාදා පිළිගැන්වීමයි’ මෙම බුලත්විට සපයන වේලාවන් වූයේ උදේ ආහාරයෙන් පසුව” දහවල් දස පැයට පසුව” දිවා ආහාරයෙන් පසුව” තේ පානයෙන් පසුව” රාති‍්‍ර ආහාරයෙන් පසුව සහ රාති‍්‍ර නිදාගැනීමට පෙර ලෙසින් මෙම බුලත් විට සපයන කාල අන්තරය නියම වී තිබුණි’ එක් බුලත් විටක් සපයා අනෙක් බුලත් විට අතරවාර කාලය බුලතා අවට සංචාරයේ යෙදෙමින් ගත කරන්නට පුරුදුව සිටියේය’
 

sorabo1

පරිසර සංවේදි පුද්ගලයන් බොහොම නිර්මාණශීලිය’ අවට ඇවිදමින් සිටි බුලතා මහියංගනයට උතුරු පෙදෙස දෙසින් පිහිටි අපූරු භු නිර්මාණයක් දුටුවේය’ ගල් කඳු දෙකක් අතර පිහිටි පහත්බිම අතරින් විශාල ‘හද්දත්තා ඔය’ ගලා ගෙන ගියේ බෙහෙවින් දර්ශණීය අන්දමින්ය’ මේ දෙස බලා සිටි බුලතා එයින් සොබා දහමේ අසිරියෙන් ඔබ්බට ගිය තවත් අපූරු තාක්ෂණයක් පිළිබඳ සිතුවිලි පහළ විය’
 
 මෙම කුඩා කඳු වැටි දෙක යා කරමින් වැවක් ඉදි කරන්නට තීරණය කළ බුලතා තමන් ලද කාලය අතරතුර මේ වැවේ ඉදිකිරීම් කටයුතුවල නිරත වුයේය’ යම්හෙයකින් මෙම කාර්යය සාර්ථක වුණොත් වැව සහ ගඟ අතර වූ කුඹුරු බිම් ගණනාවක් අස්වැද්දීමට හැකි බව බුලතා අනුමාන කළේය’ තමන්ගේ කාය ශක්තිය නිසාම මේ කාර්යය බුලතාට එතරම් අපහසු කාර්යක් නොවීය’ සාමාන්‍ය මිනිසෙකුට එසවීමට වත් නොහැකි උදැල්ලක් බුලතා යොදා ගත් අතර ඔහු විසින් ගෙනෙන ලද පස් කූඩය මිනිසුන් විස්සකටවත් එසවිය නොහැකි තරම් පස් ප‍්‍රමාණයක් ඇති විශාල පස් කූඩයක් විය’ මේ අන්දමින් ගෙනෙන ලද පස් ගල් කඳු දෙක අතර තැන්පත් කරමින් පස් පාගමින් තද කොට වැව් වේල්ල ඉදි කරන ලදි’
 
 බුලතාගේ ඊළඟ කාර්යය වුණේ සොරොව්ව ඉදි කිරීමයි’ මේ වෙනුවෙන් බුලතාගේ කටුව සහ මිටිය ආධාර කර ගෙන එක් කෙළවරක ගල් සොරොව්ක්ද” අනෙක් කෙළවර වැඩි ජලය බැස යනු පිණිස ජල පැන්නුමක්ද සාදන ලදි’
 
 මෙම වැවේ ‘ඉහත්තාව’ යනුවෙන් හඳුන්වන ජල පෝෂක ප‍්‍රදේශය වෙතින් පැමිණෙන ජලය ‘කුලූ වැව’ නමින් හඳුන්වන වැව් තුනක් හරහා ගලා යන අතර පළමු වැව පිටාර ගලා දෙවැන්නටත් දෙවැනි වැව පිටාර ගලා තෙවැන්නටත්, තෙවැනි වැව පිටාර ගලා සොරබොර වැවටත් ජලය එක් වේ’ කඳු සේදෙමින් එන මඩ ‘කුළු වැව්’ හරහා ගමන් කරන බැවින් සොරබොර වැවට මඩ එක්විම අවම මට්ටමක පවතී’
 
 සොරබොර වැවේ මඩ සොරොව්ක් නැතත් මඩ ජලය සොරොව්වෙන් යෙදෙන අධි පිඩනයෙන් බිසෝ කොටුව හරහා සොරොව්වෙන් ඉවතට ගලා යන අතර මෙම මඩ ඇල මාර්ග ඔස්සේ කුඹුරුබිම්වල තැන්පත්ව සරු පොහොරක් ලබා දෙන්නට සමත්ව ඇත’
 
 රත්රන් හා රසදිය එක්වුණා සේම බුලතාගේ බිරින්දෑද ඔහුට නොදෙවෙනි වූවාය’ තමන්ගේ ස්වාමිපුරුෂයා වෙනුවෙන් දවල් බත රැගෙන එන ඇයටත් අපූරු සිතුවිල්ලක් පහළ විය’ ‘කිරිපට්ටිය’ ගමේ සිට ඇය බුලතාට දවල් බත රැගෙන යන අතරත් ගල් කිපයක් ගෙන යන අතර නැවත එන විටත් ගල් කීපයක් රැගෙන එන්නට අමතක නොකළාය’ මේ අන්දමින් ගල් පඩි පෙළක් ගොඩ නගන්නට බිරිඳ දරණ උත්සාහය දුටු බුලතා ඇයට සහයෝගය දක්වමින් කඳු මුදුනට විශාල ගල් ගෙනැවිත් දුන්නේය’
 
 අඹු-සැමියන්ගේ සුසංයෝගයෙන් මේ අන්දමින් කටයුත්ත සිද්ධ වුණා’ දුටුගැමුණු රජතුමාගේ මහියංගන සෑයේ කටයුතුත් අවසානව කොත පැළඳවීමේ උත්සව සංවිධානය ආරම්භ වුණා’ මෙම උත්සවය වෙනුවෙන් රුහුණු පුරයේ සිතුල්පව්ව සහ මාගම්පුර දහස් ගණනක් භික්ෂූන් වහන්සේලා සහ රුහුණු රටේ ජනතාවටත් ආරාධනා කරනු ලැබුවා’
 
 උත්සවය අවසන දුටුගැමුණු රජතුමා ඉදිරියට පැමිණි බුලතා තමා විසින් නිර්මාණය කරන ලද වැවේ සිරිය නරඹන ලෙස රජතුමා ආරාධනා කළේය’ රජතුමා නිල්වන් ජලයෙන් බබලන මහා සාගරය බඳු වැව දැක මවිතයට පත් වූවා පමණක් නොව ”මේ විස්මකර්ම කාර්යය වෙනුවෙන් කී දෙනෙකුගේ සහයෝගය ලබා ගත්තේදැ”යි විමසා සිටියේය’ බුලතා නොපැකිලව මෙසේ කීවේය’ ”මගේ උදව්වට සිටියේ මිටිය” කටුව” උදැල්ල සහ කූඩය පමණයි’” බුලතා නිහතමානිව කියා සිටියේය’ බුලතාගේ යෝධ ශක්තිය පිළිබඳව සතුටට පත් දුටුගැමුණු රජතුමා ”දරුවා මෙය ඉතා හරබර කාර්යක් මතු වාරි කර්මාන්තය වෙනුවෙන් නුඹේ මේ අසහාය කාර්යය පිහිටට සිටින්නේ” යැයි කියා සිටියේය’
 
 දුටුගැමුණු රජතුමා මහියංගනයේ වාසය කරන ලද තාවකාලික මාලිගය හැර දමා රුහුණට යන ගමනේදි බුලතා සහ බිරින්දෑ කැඳවා ගෙන ගොස් විහාර මහ දේවිය වෙත ඔහුගේ අපූරු නිර්මාණය ගැන දන්වා සිටි අතර විහාරමහ දේවිය එයින් සතුටට පත්ව ගෙල පැළඳ සිටි මුතු මාලය බුලතාගේ බිරින්දෑ ගෙල පැලැන්දු අතර දුටුගැමුණු රජතුමා තම ස්වර්ණමය උර පළඳනාව බුලතාට පිළිගන්වන ලදී’ ඊට අමතරව ගම්වරයක් ලබා දී නම්බුනාමයක්ද පිරිනමන ලදී’ මෙම හරබර කර්මාන්තයක්යැයි දුටුගැමුණු කුමරු පැවසූ නිසාම මෙම වැව ‘හරබර වැව’ ලෙසින් ව්‍යවහාරයට පත්ව පසු කලෙක ‘සොර බොර වැව’ ලෙසින් ව්‍යවහාර වන්නට විය’ අතීතයේදී සොරබොරවැව බින්තැන්නේ මුහුද ලෙසින්්ද හඳුන්වා තිබෙනවා’

n14 4
 

 

 

 

 


 

විශේෂාංග

sikuru

සිනමා කලා

ada250

නවලිය

karate250

දියග

jef250

මීවිත

lasikku

More Articles