Divaina - කාන්තාවන්ට උසුළු විසුළු කරන අයට දැඩි දඬුවම්... ඒ මොහොතේම පවුම් 839 ක දඩයක්....!

gotaad1

The Island The Island Nawaliya Vidusara e-Paper Classifiedsරාහු කාලය

365x90 SI

UPali

matha444ප‍්‍රසිද්ධ ස්ථානවලදී කාන්තාවන්ට හිංසා කිරීම නොහොත් හිරිහැර කිරීම මුල් කරගෙන ප‍්‍රංශයේ පිරිමින් හත්සිය දෙනකු (700) බරපතළ දඬුවම් ලැබූ බව ලන්ඩනයේ තොම්සන් රොයිටර් පවුන්ඬේෂන් කියා සිටියි. මේ පිරිසට ඒ මොහොතේම පවුම් 839 ක දඩයක් ගැසූ බව ද වාර්තා වෙයි. මේ මුදල අය කරන ලද්දේ එක් අයකු වෙනුවෙන් බව වැඩිදුරටත් දැන ගන්නට ලැබෙයි. කාන්තාවන්ට උසුළු විසුළු කිරීම සහ විසිල් කිරීම ප‍්‍රංශයේ සාමාන්‍යයෙන් දකින්නට ලැබෙන කි‍්‍රයා දාමයකි. සමහර පිරිමින් රහසඟ ප‍්‍රදර්ශනය කරමින් කාන්තාවන් ඉදිරියේ හැසිරෙන බව ද මෙවැනි නරුමයන් අල්ලා දැඩි දඬුවම් දීමට පොලිසිය කි‍්‍රයා කරන්නේ යැයි ද වාර්තා වෙයි. විශේෂයෙන්ම කුඩා දැරියන් ඉදිරියේ නරුමයන් ලෙස හැසිරෙන අයට බරපතළ දඬුවම් දීමට නීති සම්පාදනය කර ඇති බව ද දැන ගන්නට ලැබෙයි.
 
 මේ අතර කාන්තාවන්ගේ අයිතිවාසිකම් වෙනුවෙන් පත් කර සිටින ඇමැතිවරිය වන මාලේන් ෂියප්පා කාන්තාවන්ට හිරිහැර කළ විශාල පිරිසකට දඩ ගසා දැඩි දඬුවම් පමුණවා ඇතැයි ද කියා සිටියි. බොහෝ විට කාන්තාවන්ට අපහාස වෙන ලෙස උසුළු විසුළු කරන්නේ දුම්රිය හා බස් පොළවලදී යැයි කියන කාන්තා සංවිධානයක සාමාජිකාවක් වන අනයිස් බාඩෝ මෙවැනි නරුමයන්ට දඬුවම් කිරීම සඳහා පනවා ඇති දඬුවම් බරපතළ නැතැයි ද කියා සිටියි.
 
 කාන්තා හිංසනයන් ගැන කුඩා පිරිමි දරුවන්ට පාසලේදීම එහි ඇති බරපතළකම ගැන කරුණු කියා දිය යුතු යැයි කියන බාඩෝ නොමඟ ගිය වැඩිහිටියන්ට මේ ගැන කරුණු කීමෙන් ඵලක් නැතැයි ද කියා සිටියි. කාන්තාවන්ට උසුළු විසුළු කරන්නන් වෙනුවෙන් දැනට පනවා ඇති සුළු දඩ මුදල මදි යැයි ද ඇය කියා සිටින්නීය.
 
 මේ අතර එක්තරා පුද්ගලයෙක් පසුගියදා පැරිසියේ බස් නැවතුම්පොළක සිටි කාන්තාවකගේ බඩට පහරක් එල්ල කළේය. එපමණක් නොව ඇයට උසුළු විසුළු කිරීමට ද පටන් ගත්තේය. මෙයින් කෝප ගත් කාන්තාව බස් නැවතුම්පොළ අසල තිබූ පොලිසියට ගොස් පැමිණිල්ලක් කළාය. පොලිසිය ඒ මොහොතේම කාන්තාවට පහර ගැසූ පුද්ගලයා අත්අඩංගුවට ගෙන උසාවියට ඉදිරිපත් කළේය. උසාවිය ඔහුට අවුරුදු තුනක සිර දඬුවමක් නියම කරමින් යූරෝ 300 ක දඩ මුදලක් ද අය කළේය.
 
 කාන්තාවන්ට උසුළු විසුළු කිරීමේ කැත පුරුද්ද දැන් රටවල් කීපයකටම බෝවී ඇතැයි ද දැනගන්නට ලැබී තිබේ.
 
 ආතර් යූ. අමරසේන
 

 


විශේෂාංග

sikuru

සිනමා කලා

sub250

නවලිය

aascharya250

දියග

sanaks250

මීවිත

mahesiya250

More Articles