Divaina - හෙද සේවයට උපත දුන් ක්‍රිමියානු යුද්ධය

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

sri lanka


 


 රුවන් තරස්‌වින්
 This email address is being protected from spambots. You need JavaScript enabled to view it.
 
ක්‍රිමියාව (Crimea) නැගෙනහිර යුරෝපයත්, ඊසාන දෙසින් කුඩා අසෝව් (Azov) මුහුදින් හා කළු මුහුදින් වටවී ඇති අර්ධද්වීපයකි. යුක්‌ක්‍රේන කලාපයේ කෙර්සන් සිට දකුණට වන අතර එය පෙරෙස්‌කොප්හි ඉස්‌ත්මස්‌ හා රුසියානු කලාපයේ කුබාන් නගරයට බටහිරින් සම්බන්ධ වේ. එය සුප්‍රසිද්ධ ක්‍රිමියානු පාලම හා සම්බන්ධ වූවද 'කෙර්ච් සමුද්‍ර සන්ධිය' මගින් වෙන්කරනු ලබයි. අසෝව් මුහුදේ සිට කළු මුහුද හරහා බටහිර දෙසට රුමේනියාවද දකුණින් තුර්කියද වේ.
 
 ක්‍රිමියාව අතීතයේදී හැඳින් වූයේ 'ටොරික්‌ අර්ධද්වීපය' (Tauric Peninsula) යන නමිනි. එය ඓතිහාසික සම්භාව්‍ය ලෝකය හා පොන්ටික්‌ කැස්‌පියන් තණ බිම් අතර මායිමේ පැවතුණි. පර්සියානුවන්, රෝමන්වරු, බයිසැන්කියානු අධිරාජයා, ජෙනෝවිස්‌ සහ ඔටෝමාන් අධිරාජයා (තුර්කිය) විසින් මෙය යටත් විජියත් කරන ලද අතර, සිමේරියන්, සර්මාටියන්, කසාර්, කිප් චැක්‌ස්‌, මොන්ෙdග්ලියානුවන්, ගොත් හා ගෝල්ඩන්හොඩ් යන ජනයා 15 වන සහ 18 වන සියවස දක්‌වා මෙයට සංක්‍රමණය වී ඇත. 1917 රුසියානු විප්ලවයෙන් පසු මෙම රට ක්‍රිමියාව බවට පත්වූ අතර 2014 මාර්තු 18 වැනිදා නිල වශයෙන් ස්‌වාධීනව වී සමූහාණ්‌ඩුවක්‌ බවට පත්විය.
 
 1853 ඔක්‌තෝබර් 16 සිට 1856 මාර්තු 30 දා දක්‌වා වූ අවුරුදු 2 මාස 5 දින 14 ක්‌ ක්‍රිමියානු අර්ධද්වීපය හා කළු මුහුද අවට මහා යුද්ධයක්‌ පැවතුණි.d ඔටෝමාන් අධිරාජ්‍යය, බ්‍රිතිතාHය, ප්‍රංශය, ඔස්‌ත්‍රියාව, රුසියානු අධිරාජයා, බල්ගේරියානු ස්‌වෙච්ඡා සේවකයන්, ගී්‍රසි රාජධානිය, අබේකාසියානු කැරළිකරුවන්ද පසු කලකදී සාඩීනියාවද මෙම යුද්ධයට අවතීර්ණ විය. මෙම යුද්ධය නිසා යුරෝපීය තරුණයන් බොහෝ ගණනක්‌ මිය ගියේය. යුද්ධය නිසා මිලියන නමයකට වැඩි පිරිසක්‌ මිය ගියේය. (එයට යුධ බටයින් හා සාමාන්‍ය ජනතාවද ඇතුළත්ය.) මිලියන විස්‌සකට වැඩි පිරිසක්‌ තුවාල ලබා හා අංගවිකල වූවන් බවට පත්විය. අවතැන් වූවන් බොහෝය. යුද්ධයේ ආසන්නම හේතුව වූයේ ඔටෝමාන් අධිරාජ්‍යයේ කොටසක වූ ශුද්ධ භූමියේ ක්‍රිස්‌තියානි සුළු ජාතීන්ගේ අයිතිවාසිකම්ය. ප්‍රංශ ජාතිකයන් රෝමානු කතෝලිකයන්ගේ අයිතිවාසිකම් ප්‍රවර්ධනය කළ අතර රුසියාව නැගෙනහිර "ඔතඩොක්‌ස්‌ පල්ලියේ" අයිතිවාසිකම් ප්‍රවර්ධනය කළේය. ඔටෝමාන් අධිරාජයේ පරිහානිය, දුර්වලවීම සහ රුසියාවට භූමිය තුළ බලය ලබා ගැනීමට පැමිණීම, එයට බ්‍රිතාන්‍ය සහ ප්‍රංශය අකමැති වීම දිගුකාලීන හේතු අතර විය. 19 වන ශත වර්ෂය තුළ ඔටෝමාන් අධිරාජ්‍යය ක්‍රමයෙන් දුර්වල වීමත් සමග රුසියාව දකුණට ව්‍යාප්ත වෙමින් වාසි ලබා ගැනීමට සූදානම්ව සිටියා. (ඔටෝමාන් අධිරාජ්‍යය යනු වර්තමානයේ තුර්කි දේශයයි)
 
 1828 දී 'නවරිනෝ යුද්ධයේදී' (Battle of Navarino) මිත්‍ර පාක්‍ෂික ඇන්ග්ලෝ-µ්‍රeන්කෝ රුසියානු බල ඇණිය ඔටෝමාන් නාවික හමුදා සියල්ලම විනාශකර දැමීය. වසර 10 ක යුද්ධයෙන් සහ රුසෝ-තුර්කි යුද්ධයෙන් (1828-1829) 1830 දී ගී්‍රසිය ස්‌වාධීන රාජ්‍යයක්‌ බවට පත්විය. 'ඇඩි්‍රයානෝපල් ගිවිසුම' (Treaty of Adrianople) අනුව රුසියානු හා බටහිර යුරෝපීය වානිජ නැව්වලට කළු මුහුද හරහා ගමන් කිරීමට අවසර ලැබුණි.
 
 1853 ජුනි මස අගවන විට රාජතාන්ත්‍රික කටයුතු අසාර්ථක වූ බව දැනගත් රුසියන් සාර් අධිරාජයා වූ '1 වන නිකලස්‌' µSල්ඩ් මාෂල් අයිවන් පැස්‌කෙවීව් සහ ජෙනරාල් මිහායිල් ගෝර්වකොව්ගේ අණ යටතේ රුසියානු හමුදාව 'ප්‍රත් ගඟ' හරහා ඔටෝමාන්වරුන්ගේ පාලනය තිබූ ඩැනිබියානු වෙත යෑවීය. 1853 ප්‍රත් ගඟ තරණය කළ සොල්දාදුවන් 8000 න් අඩකඩ වඩා මරණයට පත්විය. මෝල්ඩියාවේ සහ වල්ලවියාවේ ඔතඩොක්‌ස්‌ කිතුණුවන්ගේ විශේෂ භාරකරු ලෙස සාර් අධිරාජයාගේ භූමිකාව රුසියාව ඔටෝමාන් අධිරාජයාගෙන් ලබාගෙන තිබුණි. මෙම ඩැනිබියානු මූලධර්මය ඇති පළාත්වල රුසියානු වාඩිලෑම සඳහා කඩතුරාවක්‌ ලෙස ශුද්ධ භූමියේ කිතුණු ස්‌ථාන ආරක්‍ෂා කිරීම පිළිබඳව ගැටලු විසඳීමටද රුසියාව අසමත් විය. 1853 ජුලි මාසයේදී රුසියානු අධිරාජයා ඩැනීබියානු ප්‍රදේශවලට සිය හමුදා ඇතුළු කළේය. මේ නිසා ඔටෝමාන් අධිරාජයා වූ 'සුල්තාන් අබ්දුල්මේසිඩ්' පළමුව රුසියාවට එරෙහිව යද්ධය ප්‍රකාශ කළේය. රුසියාව සහ ඔටෝමාන් අධිරාජයා කොකේසස්‌ සහ ඩැනියුබ්හි ප්‍රධාන පෙරමුණ දෙකක බලවේග රැස්‌ කළේය. ඔටෝමාන් ජෙනරල් 'ඕමාර් පාෂා' (Omar Pasha) ඩැනිබියානු පෙරමුණේ ජයග්‍රහණ කිහිපයක්‌ ලබා ගැනීමට සමත් විය. කොකේසස්‌ හිදී ඔටෝමාන්වරුන්ට 'ඉමාම් ෂමීල්ගේ' (Iman Shamil) ගේ නායකත්වයෙන් යුත් චෙචන් (Chechen) මුස්‌ලිම්වරුන්ගේ සහාය ඇතිව නැඟී සිටීමට හැකිවිය.
 
 1853 නොවැම්බර් 23 වන දින සයිනොප් වරායේ තිබූ රුසියානු යුද නැව් තුනක්‌ ඔටෝමාන් නෞකා සොයා ගත්තේය. 1853 නොවැම්බර් 30 වෙනි දින සයිනොප් සටනේදී අතිරේක යුද නැව් 5 ක්‌ සමග ඔටෝමාන් නැව් 11 ක බලකායක්‌ විනාශකර දමනු ලැබීය. ඔවුන් කළු මුහුද වෙරලබද කාලතුවක්‌කු බලකොටුව ආරක්‍ෂා කිරීමට නැංගූරම්දා සිටි නෞකාය. මේ අතර බ්‍රිතාන්‍යයේ සහ ප්‍රංශයේ පුවත්පත් යුද්ධය ඉල්ලා මහජන මතයක්‌ නොඩනැඟුවේය. ඔවුන් බ්‍රිතාන්‍යය හා ප්‍රංශය යුද්ධයට අවතීර්ණ වීමට පසුබිම සකස්‌ කළේය. 1854 මාර්තු 28 වැනි දින ඩැහිබියානු ප්‍රදේශවලින් රුසියාව ඉවත් විය යුතු බවට බ්‍රිතාන්‍ය හා ප්‍රංශය නිවේදනය කළ නමුත් එය නොසලකා හැරිය නිසා බ්‍රිතාන්‍යය හා ප්‍රංශය රුසියාවට විරුද්ධව යුද්ධය ප්‍රකාශ කළේය. මේ අතර රුසියාව ඩැනිබියානු ප්‍රදේශවලින් ඉතා ඉක්‌මනින් සිය හමුදා ඉවත්කර ගත්තේය. මේ අතර බ්‍රිතාන්‍යය හා ප්‍රංශය ක්‍රිමියානු අර්ධද්වීපය ආක්‍රමණය කිරීමට පටන් ගත්aතේය. රුසියාව ඩැනියුබ් ගඟ දිගේ උතුරු ඉවුරට හමුදාව රැගෙන එනවිට ඔටෝමාන් අධිරාජයාගේ හමුදාව ගඟ දිගේ බලකොටු පිහිටුවා ගෙන ට්‍රාන්සිල්වේනියාවට හමුදා ගෙන ගිය අතර ඔස්‌ටි්‍රයානුවන් තුර්කි ජාතිකයන්ට වඩා රුසියානුවන්ට බියවිය.
 
 ක්‍රිමියාවේ විශාල නගරය වූ සොවාස්‌ටොපෝල් (Sevastopol) මිත්‍ර හමුදාව විසින් අත්පත් කර ගත්තේය. ඔක්‌තෝබර් 25 වැනිදා බාල්ක්‌ලාවාවේදී සහ නොවැම්බර් 5 දා ඉන්කර්මන්හිදී විශාල යුද්ධ ඇතිවිය. මේ අතර මිත්‍ර හමුදාවන්ට සහාය දැක්‌වීමට සාඩීනියාව හමුදා භටයන් 10,000 ක්‌ යුද භූමියට යෑවීය. 1855 සැප්තැම්බර් 11 වැනිදා සාර්ථක ප්‍රහාරයක්‌ එල්ල කළ මිත්‍ර හමුදාව ඉන් දින තුනකට පසුව රුසියානු ආරක්‍ෂක අංශවල ප්‍රධාන ස්‌ථානයක්‌ වන රුසියානු "මලකොට්‌ බලකොටුව" පුපුරුවා දමා සෙවාස්‌ටොපෝල්වලින් ඉවත් විය.
 
 යුද්ධයේ ද්විතීය මෙහෙයුම කොකේසස්‌ සහ බෝල්ටික්‌ අවට මුහුදේදී සිදුවිය. මේ අතර රුසියාවට විශාල බලකොටු සහ ක්‍රිමියාවේ ප්‍රදේශ ආරක්‍ෂාකර ගැනීමට ඇති නොහැකියාව හෙළිවන්නටද විය.
 
 1855 මාර්තු 2 දින 1 වැනි නිකලස්‌ රුසියානු සාර් අධිරාජයා නිව්මෝනියාව රෝගයෙන් මිය ගියේය. ඉන්පසු රුසියාවේ සාර් අධිරාජයා බවට පත්වූයේ 'දෙවන ඇලෙක්‌සැන්ඩර්ය' යුද්ධය නිසා රුසියානු හමුදාවේ විශාල පිරිසක්‌ නැතිවී ගියේය. රුසියාවට බොහෝ ගැටලුවලට මුහුණ දීමට සිදුවිය මේ බව වටහාගත් ඇලෙසැන්ඩර් අධිරාජයා ක්‍රිමියානු යුද්ධයෙන් රුසියාව ඉවත්කර ගැනීමට තීරණය කළේය.
 
 1856 මාර්තු 30 වැනිදා ඔවුන් යුද්ධයෙන් ඉවත් වූයේ 1856 මාර්තු 20 දින යුද්ධයට අවතීර්ණ වූ සියලුම පාර්ශ්වයන් සමග අත්සන් කරන ලද 'පැරිස්‌ සාම ගිවිසුම' සමගය. මෙම ගිවිසුම අනුව කළු මුහුදේ නිදහස්‌ කලාපයක්‌ ඇතිවිය. ඩැනියුබ් ගඟ සියලුම ජාතීන්ගේ නැව් ගමනාගමනයට විවෘත විය.
 
 ක්‍රිමියානු යුද්ධය නිසා කිසිවෙකුටවත් ජයග්‍රහණයක්‌ හිමිවූයේ නැත. සිදුවූයේ බොහෝ යුරෝපීය හා රුසියානු තරුණ ජීවිතනැතිවීම දේපළ හානිවීම හා අංග විකල සමාජයක්‌ ලොවට හිමිකර දීම පමණි. එහෙත් මෙම ක්‍රිමියානු යුද්ධය නිසා ලොවට ඉතා අනගි අතිශය වැදගත් සම්පතක්‌ හිමිවිය. ඒ 'ෆ්ලෝරන්ස්‌ නයිටිංගේල්ය'ය (Florence Nightingale) බ්‍රිතාන්‍ය ජාතික කාන්තාවක්‌ වූ ඇය 'පහනක්‌ අතින්ගත් කාන්තාව' (The Lady With The Lamp) යනුවෙන් ලොව වටා ප්‍රසිද්ධ විය. 1820 මැයි 12 වනදින ඇය ධනවත් බ්‍රිතාන්‍ය පවුලක උපත ලැබුවේ ඉතාලියේදීය. 1821 න් පසුව ඇය මව් පියන් සමඟ ජීවත් වූයේ බ්‍රිතාන්‍යයේය. ඇය අන් අයට උපකාර කිරීමට කුඩා කළ සිටම සිතාගෙන සිටි තැනැත්තියෙකි. තම ජීවිතය අන් අය වෙනුවෙන් කැප කළ ෆ්ලෝරන්ස්‌ බ්‍රිතාන්‍යයේදී ඒ සඳහා තවත් අය පුහුණු කළේය. 1854 ඔක්‌තෝබර් 21 වැනිදා ඇය විසින් එසේ පුහුණුකරන ලද තවත් ස්‌වෙච්ඡා සේවිකාවන් 38 දෙනෙකු සමග ක්‍රිමියාවට ගියේ යුද්ධයෙන් තුවාල ලැබූ සෙබළුන් සුවපත් කිරීමටය. එයට නායකත්වයදුන් ෆ්ලෝරන්ස්‌ නයිටිංගේල් රාත්‍රියේදී පහනක්‌ අතේ ඇතිව යුද්ධයෙන් තුවාල ලැබූ දෙපක්‍ෂයේම සෙබළුන් සොය සොයා ගොස්‌ ඔවුන්ගේ තුවාලවලට බෙහෙත් දැමූ අතර සුවපත් වෙමින් ශාලාවල ඇඳන් මත සිටි රෝගීන්ගේද සුවදුක්‌ නිතරම බලමින් ඔවුන්ට මානසික සුවයක්‌ ළඟා කර දුන්නේය. ඇය විසින් ආරම්භ කරන ලද මෙම කාන්තා හෙද සේවය අද මුළු ලොව පුරාම ව්‍යාප්තවී ලෝ වැසියන්ට ඉතා මහඟු සේවයක්‌ සලසයි.
 
 මෙම ක්‍රිමියානු යුද්ධයපිළිබඳව නවකතා, සත්‍ය කතා, චිත්‍රපට මෙන්ම චිත්‍ර ශිල්පීන් විසින් අඳින ලද තෙල් සායම් චිත්‍රද බොහොමයක්‌ ලොව පුරා ඇත. ඒ අතර එම කාලයේ ලොව විවිධ ප්‍රකාශනයන් සඳහා මෙම යුද්ධය පිළිබඳව කාටූන්ද නිර්මාණය වී තිබුණු අතර ඒ මුල්කාලයේ අඳින ලද කාටුන් නිර්මාණයන් බොහෝවිට කාටුන් නිර්මාණයන්ටත් වඩා චිත්‍ර නිර්මාණවල ස්‌වරූපයද ගෙන තිබුණි. අද මෙහි පළවෙන්නේ එම කාටුන් නිර්මාණවලින් කිහිපයකි.
 

cart11. ජෝන් ටෙනියෙල් (John Tenniel) 1854 අගෝස්‌තු 5 වැනි දින නිර්මාණය කරන ලද මේ කාටුනයේ දැක්‌වෙන්නේ ප්‍රංශය සහ බ්‍රිතාන්‍ය යන මිත්‍ර හමුදාව සංකේතවත් කරන ඔළු දෙකේ යෝධයා (එක්‌ ඔළුවකින් ප්‍රංශයත් අනිත් ඔළුවෙන් බ්‍රිතාන්‍යයත් නිරූපණය වේ) පුංචියට මිටියට සිටින තුර්කිය යුද්ධයට උනන්දු කරවන ආකාරයයි. ඒ රුසියාවට විරුද්ධව දිගටම සටන් කිරීමටය. කාටුනය නම් කර තිබුණේ 'යෝධයා සහ මිට්‌ටා' (The Glant and The Dwarf) යන නමිනි.
 

cart22. ඇලම් ස්‌ටොක්‌ (Alam Stock) ගේ කාටුනයේ දැක්‌වෙන්නේ රුසියාවේ තරුණ ඇලෙක්‌සැන්ඩර් 2 සාර් අධිරාජයා ක්‍රිමියානු යුද්ධ සමයේදී ඔහුගේ නව බූට්‌ සපත්තු තම දෙකකුලට දමා අත්හදා බලන ආකාරයයි. ඔහු අසලම බෝම්බයක්‌ ඇති අතර ඔහුට පිටුපසින් බෝම්බ පුපුරායන ආකාරය දක්‌වා ඇත. බූට්‌ස්‌ දැම්මාට බෝම්බවලින් බේරීමට නොහැකි බව කාටුනය පෙන්වා දෙයි.
 

cart33. ජෝන් ටෙනියෙල් ගේ මේ කාටුනයේ දැක්‌වෙන්නේ දැඩිලෙස ආයුධ සන්නද්ධ රුසියානු කොසැක්‌ සොල්දාදුවෙක්‌ (කාටුනයේ වම්පස) තුර්කි ජාතිකයෙකුට සරදම් කරන ආකාරයයි. තුර්කි ජාතිකයා රවා බලා සිටී. තුර්කි ජාතිකයා පිටුපසින් සිටින ප්‍රංශ හා බ්‍රිතාන්‍ය නැවියන්ගෙන් බ්‍රිතාන්‍ය නැවියා රුසියානු සොල්දාදුවාට සරදම්කරන අතර ප්‍රංශ නැවියා රවාගෙන බලා සිටී. කාටුනය නම්කර තිබුණේ 'හොඳ විහිළුවක්‌' (A Good Joke) යන නමිනි.
 

cart44. ජෝන් ලිච් (John Leech) ගේ කාටුනයේ දැක්‌වෙන්නේ ප්‍රංශ හා බ්‍රිතාන්‍ය අණදෙන නිලධාරීන්ට රුසියාවේ දෙවන ඇලෙක්‌සැන්ඩර් සාර් අධිරාජයා සාමයේ සංකේතය වන ඔලෙව් අත්තක්‌ ප්‍රදානය කරන ආකාරයයි. මෙම අධිරාජයා ක්‍රිමියානු යුද්ධය අවසන්කර පැරිස්‌ සාම ගිවිසුම අත්සන් කළේය. කාටුනය නම්කර තිබුණේ 'ගිවිසුම (හුවමාරුකර ගැනීම)' (Negotiations) යන අර්ථයෙනි. ඒ අතරම 'සාමයට ඔබ කැමති නම්-නමුත් මේ වතාවේ උපක්‍රම නැත' (Peace if You Like-But No Tricks This Time) යනුවෙන් අර්ථය ඇති වැකියක්‌ද කාටුනයට අඩංගුකර ඇත. එය මේ තිදෙනාගෙන් කවුරුන් හෝ කියනු ඇත.
 

cart55. ජෝන් ටෙනියෙල් ගේ මේ කාටුනය පැරණි ජනප්‍රවාදයක්‌ පෙන්වයි. වලසසතු, මී මැස්‌සන් තමාට මී පැණි ලබා නොදෙන්නේනම් තම විශාල ශක්‌තිය යොදා ගන්නා බවට මී මැස්‌සන්ට තර්ජනය කරයි. මී මැස්‌සන් එය ප්‍රතික්‍ෂේප කරයි. වලසා බලෙන් මී පැණි ගැනීමට හදන විට මී මැස්‌සෝ රංචු ගැසී විත් වලසාට පහරදෙන අතර ඔවුන්ගේ ඒකාබද්ධ සටනේදී වලසා පලා යයි. මෙම කාටුනයෙන් ගෙනහැර දක්‌වා ඇත්තේ රුසියානු හමුදාව (සංකේතය වලහා) තුර්කි භූමිය තුළ ලබා ඇති දියුණුව පරාජය කිරිමට තුර්කි ජාතිකයන් මී මැස්‌සන්ගේ කර්යභාරය ඉටුකළ බවයි. 'වලසා සහ මී මැස්‌සෝ පැරැණි කතාවට අලුත් අරුතක්‌' (The Bear and the Bees A New Verision of An old Story) යන වැකිය කාටුනයේ සඳහන් කර ඇත.
 

cart66. රොබ් මරේ (Rob Mvrray) ගේ කාටුනය නම්කර තිබුණේ 'ක්‍රිමියාව 1855' (Crimea 1855) නමිනි. කාටුනයේ දැක්‌වෙන්නේ ලොව ප්‍රථම හෙදිය-ෆ්ලෝරන්ස්‌ නයිටිංගේල් රාත්‍රියේ පහනක්‌ අතැතිව පැමිණ ක්‍රිමියානු යුද්ධයේදී තුවාලවූ සොල්දාදුවෙකුට පිහිට වෙන ආකාරයයි. සොල්දාදුවා ෆ්ලෝරන්ස්‌ට කියනවා 'අපේ හමුදාව ඉවත්වූ පසු මට විශ්වාසයි එය (යුද්ධය) අවසානය වනු ඇත' (And once our Troops Withdraw, I'm Sure that' ll be the end of it...')
 

cart77. බ්‍රවුන් ගැරී (Brown Gary)) විසින් නිර්මාණය කරනලද කාටුන් චිත්‍රයේ දැක්‌වෙන්නේ ක්‍රිමියානු යුද්ධයේදී හෙදියක්‌, සාත්තු සේවිකාවක්‌, මෙන්ම හමුදා රෝහලේ ඓතිහාසික චරිතයක්‌ වූ පහනක්‌ අතින්ගත් ෆ්ලෝරන්ස්‌ නයිටිංගේල්ය.
 

cart88. ඩුමියර් (Daumier) විසින් 1854 ජුලි 5 වැනිදා Le charivari ප්‍රකාශණයට නිර්මාණය කරන ලද කාටුනයේ දැක්‌වෙන්නේ 'ඩේවිඩ් සහ ගොලයත්ය' (David and Goliath) කාටුනයේ 1 වැනි නිකලස්‌ සාර් අධිරාජයා ගොලායත් ලෙසත් ඔටෝමාන් අධිරාජයා (තුර්කි) ඩේවිඩ් ලෙසත් චිත්‍රයට නඟා ඇති ආකාරයයි.
 

cart99. කාටුන් ශිල්පියා ගැන සඳහන් නොවන මෙම කාටුනය, ඇතෑන්ස්‌ හි (Hellenic Literary and Historical Archive) 'හෙලනික්‌ සාහිත්‍ය හා ඓතිහාසික ලේඛනාගාරයේ' සංරක්‍ෂණය කර ඇති කාටුනයකි. මෙම කාටුනය මගින් නැගෙනහිර මධ්‍යධරණී හා බෝල්කන් කලාපයේ සිය ව්‍යාප්තවාදී අරමුණු ප්‍රකාශයට පත් කිරීම සඳහා ක්‍රිමියානු යුද්ධය අවසන් වන තුරු රුසියාව ගී්‍රසිය කෙරෙහි දක්‌වන ස්‌ථාවරය උපහාසයට ලක්‌ කරයි. කාටුනයේ රුසියානු සංකේතය වන දැවැන්ත වලසා පීප්පයක්‌ මත වාඩිවී බන්දේසියක නගරයක්‌ තබාගෙන සිටී. ඒ ක්‍රිමියාවයි. වලසා හමුදා සෙබළෙකුගේ බූට්‌ස්‌ දමාගෙන රුසියානු සාර් අධිරාජයාගේ ඔටුන්න හිසමත පැළඳගෙන ඇත. වලසා ගී්‍රක වැසියාව තමා ළඟම තබාගෙන ආරක්‍ෂාකරන බව පෙන්වා ඇත.
 

cart1010. ඩ්‍රමියර් විසින් 1856 පෙබරවාරි 9 දා නිර්මාණය කරනලද කාටුනය නම්කර තිබුණේ 'ශාන්ත මිට්‍රොහාන් වොරොනෙෂ් සහ අඟහරු දෙවියා යුද්ධයේ තෙහෙට්‌ටුවලින් මිදෙයි' යනුවෙනි. කාටුනයේ දැක්‌වෙන්නේ රුසියානු ආරක්‍ෂක සාන්තුවරයකු වූ, සාන්ත මිට්‍රොහාන් වොරොනෙෂ් සහ යුද්ධයේ දෙවියා වූ අඟහරු ක්‍රිමියා යුද්ධයෙන් වෙහෙසට පත්වී පැරිස්‌ ගිවිසුමේ සාකච්ඡා අතරතුර විවේකීව වළාකුළු මත වාඩිවී සිටින ආකාරයයි.

sikuru


ප්‍රාදේශීය පුවත්

සිනමා කලා

mariyon

නවලිය

antik

දියග

diya

මීවිත

isa

More Articles