Divaina - ජනතාව වෙනුවෙන් දිවි පුදන්න සූදානම් - සජිත් පේ‍්‍රමදාස බදුල්ලේදී කියයි

ad 1000 90

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

×

අවවාදයයි

4a4f10539fa8bf544a9d80d81d19223a.css මකාදැමීම අසමත් විය
6af3c37a42e6e2081889d2c9bc5120e8.js මකාදැමීම අසමත් විය

p1 2- අජිත්, හරින්, මද්දුම බණ්ඩාර, සුජීව, චන්ද්‍රානි, අථවිහාරේ, ලක්‍ෂමන්, රවින්ද්‍ර, වඩිවෙල් සජිත්ගේ වේදිකාවේ

- තම පියා ජනතාව වෙනුවෙන් ජීවිතය පූජා කළා සේම තමන්ද ජනතාව වෙනුවෙන් ජීවිතය පරිත්‍යාග කිරීමට වුවද සූදානම් බව එක්සත් ජාතික පක්‍ෂයේ නියෝජ්‍ය නායක ඇමැති සජිත් පේ‍්‍රමදාස මහතා පැවසීය. බදුල්ල වීල්ස් පාර්ක් පිටියේ ඊයේ (12 දා) සවස පැවැති පිළිගැනීමේ උත්සවය අමතමින් ඇමැතිවරයා මේ බව කීය.

දසරාජ ධර්මය කේන්ද්‍ර කරගනිමින් රාජ්‍ය පාලනය ඉදිරියේදී ක‍්‍රියාත්මක කරන බවත් මනුෂ්‍යත්වයට මුල්තැන දෙමින් කටයුතු කරන බවත් ඒ මහතා කියා සිටියේය.

එහිදී අදහස් දැක්වූ අමාත්‍යවරයා පැවසුවේ තරුණ ජවය මුල් කරගත් නවීන ආර්ථික ක‍්‍රමයක් රට තුළ බිහි කිරීමට ඉදිරියේදී කටයුතු කරන බවය. ඒ සඳහා කළ යුතු නව සංවර්ධන වැඩපිළිවෙළක්ද ඉදිරියේදී ක‍්‍රියාත්මක කරන බව අමාත්‍යවරයා අවධාරණය කළේය.

එමෙන්ම ත‍්‍රස්තවාදයට රටේ ඉඩක් නොමැති බවත් ඔවුන් සියලූ දෙනා විනාශ කරන බවත් පැවසූ අමාත්‍යවරයා පෙන්වා දුන්නේ ත‍්‍රස්තවාදය ඇති කරන ප‍්‍රධාන කි‍්‍රයාකරුවන් කවුරුන්ද යන්න සොයා ගත යුතු බවයි. කිසිදු අවස්ථාවක මාතෘ භූමිය කොටස් කරන්නට ඉඩ නොදෙන බවත් සැබෑ දේශපේ‍්‍රමීන් ඇති කරමින් රට ගොඩනගන්නට කටයුතු කරන බවත් අමාත්‍යවරයා එහිදී අවධාරණය කළේය.

යම්කිසි ගිවිසුමකින් රටට සෙතක් වන්නේ නම් එම ගිවිසුම අත්සන් කළ යුතු බවත් නමුත් රටට අහිතකර ආරක්‍ෂක, වෙළෙඳ, දේශපාලන ගිවිසුමක් අත්සන් නොකරන බවටද ඔහු පොරොන්දු විය. රට සංවර්ධනය කිරීමට නම් තෘප්තිමත් රාජ්‍ය සේවයක් ඇති කළ යුතු බවත් ඒ සඳහා කටයුතු කරන බවත් අමාත්‍යවරයා පැවසීය.

p1 1ජනතාවගේ සහයෝගයෙන් එළඹෙන නොවැම්බර් මාසයේදී තමන් යා යුතු ඉහළම තැනට යන බවද අමාත්‍යවරයා එහිදී ප‍්‍රකාශ කළේය.

අජිත් පී. පෙරේරා, චන්ද්‍රානි බණ්ඩාර, රවීන්‍ද්‍ර සමරවීර, රංජිත් මද්දුමබණ්ඩාර, වඩිවේල් සුරේෂ්, සුජීව සේනසිංහ, හරීන් ප‍්‍රනාන්දු, ලක්‍ෂ්මන් සෙනෙවිරත්න ඇතුළු එජාප මැති ඇමැතිවරුන් රැසක් මෙම වේදිකාවට එක් වූහ.

බදුල්ල - එස්. රත්නායක
 

sikuru


අද දිවයින

සිනමා කලා

sub250

නවලිය

aascharya250

දියග

sanaks250

මීවිත

mahesiya250

More Articles