Divaina - මහ පාරේ ගිය දරුවකු සපා කෑ සුනඛයාගේ හිමිකාරියට මාස 6ක සිරදඬුවම් - ලක්‍ෂයක් වන්දි ගෙවන්නත් වෙයි

The Island The Island Nawaliya Vidusara e-Paper Classifiedsරාහු කාලය

Divaina 365x90 SI

adv2020

dogමාලඹේ ප‍්‍රදේශයේ පොදු මාර්ගයක සිය මව සමඟ ගමන් කරමින් සිටි තුන් හැවිරිදි පිරිමි දරුවකු ඊට ආසන්න නිවසක් තුළ ඇති දැඩි කරනු ලබන සුනඛයකු පාරට කඩා පැන දරුවා බිම පෙරළාගෙන සපා කා දරුණු ලෙස තුවාල සිදුකිරීමේ චෝදනාව යටතේ එම සුනඛයා අයිති කාන්තාවට එරෙහිව කඩුවෙල අධිකරණය හමුවේ පවරා තිබූ නඩුවක තීන්දුව ප‍්‍රකාශ කළ මහෙස්ත‍්‍රාත් හා අතිරේක දිසා විනිසුරු ප‍්‍රසන්න අල්මේදා මහතා විත්තිකාරියට බරපතළ වැඩ සහිත මාස 06 ක සිර දඬුවමක් නියම කළ අතර ළමයා වෙනුවෙන් රුපියල් ලක්‍ෂයක වන්දි මුදලක් පැමිණිලිකාරියට ගෙවන ලෙසටද නියෝග කළේය.

මාස හයක සිර දඬුවම වසර 10 කට අත්හිටුවන ලද අතර වන්දි මුදල නොගෙවන්නේ නම් තවත් මාස හයක ලිහිල් සිරදඬුවමකට යටත් කරන බවද අධිකරණය වැඩිදුරටත් නියෝග කරන ලදී.

මාලඹේ - තලාහේනේ පදිංචි විජේතුංග මුදියන්සේලාගේ ඉන්දුලා විජේතුංග නමැත්තියට එරෙහිව තලංගම පොලිසිය මගින් චෝදනා ගොනු කර තිබිණි. මැය ප‍්‍රධාන පෙළේ පෞද්ගලික ආයතනයක විධායක නිලධාරිනියක් බවට අධිකරණයේ වාර්තා වී තිබේ.

ඉකුත් 2017 වසරේ නොවැම්බර් 26 දින මාලඹේට ආසන්න බතලවත්ත, ජයමාවත අද්දර නිවසක් ඉදිරිපිටදී මෙම සිද්ධිය සිදුව ඇති අතර බල්ලා සපා කෑමට මුහුණ පෑ දරුවාගේ මව (පැමිණිලිකාරිය* අධිකරණය හමුවේ සාක්‍ෂි දෙමින්, චූදිත කාන්තාවගේ දියණිය විසින් ඇයගේ නිවසේ ගේට්ටුව විවෘත කළ අවස්ථාවේ බල්ලා පාරට කඩා පැන තම දරුවාගේ උදරය, පපු පෙදෙස, හිස ඇතුළු ශරීරයේ කිහිප පොලක්ම දරුණු ලෙස සපා කෑ බවත් එම අවස්ථාවේ දරුවා ගලවා ගැනීමට තමාට නොහැකි වූ බවත්, පසුව අසල්වාසී අයෙකු පැන දැඩි පරිශ‍්‍රමයකින් සුනඛයා මෙල්ල කර උගේ කටින් දරුවා මුදාගත් බවත් ප‍්‍රකාශ කර ඇත.

ඒ මොහොතේ තදබල තුවාල සහිතව දරුවා මුල්ලේරියාව රජයේ රෝහලට ඇතුළත් කර එතැනින් බොරැුල්ල රිජ්වේ ආර්යා ළමා රෝහලට මාරුකර ප‍්‍රතිකාර ලබාදුන් බව අදාළ වෛi වාර්තා ඉදිරිපත් කරමින් පොලිසිය අධිකරණයට වාර්තා කළේය.

මේ අනුව විත්තිකාරිය සියලූම චෝදනා වලට වරදකාරිය බවට තීරණය කළ අධිකරණය ඇයට ඉහත කී දඬුවම් නියම කරන ලදී.

මෙම නඩුවේ පැමිණිලි පාර්ශ්වය වෙනුවෙන් නීතිඥ අයේෂා පී. ලියනගේ, නීතිඥ නුවන් අමරසේකර, නීතිඥ ශාලිකා තුඩුගල යන මහත්මීන් සමඟ නීතිඥ ඞී. ජී. පී. කරුණාරත්න මහතා පෙනී සිටියේය.

පියදාස රණසිංහ

sikuru


අද දිවයින

සිනමා කලා

samini250

නවලිය

sesadr

දියග

op250

මීවිත

gamya250

More Articles