Divaina - Kathuwakiya

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

sri lanka

තවමත් ත‍්‍රස්ත බිය රටින් තුරන් වී නොමැති බව දිගින් දිගටම ප‍්‍රකාශ කරන සරත් ෆොන්සේකා මහතා මෙහිදීද යුද හමුදාපතිවරයාගෙන් ප‍්‍රශ්න කරන්නේ ‘‘සියල්ල තවමත් ඉවර නැහැ..... ත‍්‍රස්ත සැකකරුවන් අත්අඩංගුවට ගනිමින් සිටිනවා නේද? යන්නය. සියල්ල තවමත් ඉවර නැහැ යන්න අපේද මතය යැයි කියන විට තේරීම් කාරක සාමාජික එම්. ඒ. සුමන්තිරන් මහතා එය ෆොන්සේකා මහතාගේ මතය යැයි වාදයක පැටලෙයි.

රුපියල් මිලියන 21 ක මාසික කුලී පදනම මත කෘෂිකර්ම අමාත්‍යාංශය, රාජගිරියේ පෞද්ගලික ගොඩනැඟිල්ලකට ගෙන ගියේ තමන්ගේ තනි තීරණයක් මත නොව කැබිනට් මණ්ඩලයේ අනුමැතිය ඇතිව බව හිටපු කෘෂිකර්ම ඇමැති දුමින්ද දිසානායක මහතා පවසයි. කැබිනට් අනුමැතියෙන් තොරව මසකට රුපියල් ලක්‍ෂ දෙසිය දහයක් ගෙවා ගොඩනැඟිලි කුලියට ගන්නා මෝඩ ඇමැතිවරු ශ‍්‍රී ලංකාවේ නැත. ඒ අතින් දුමින්ද දිසානායක ප‍්‍රඥාවන්ත ලෙස කටයුතු කර තිබේ. නමුත් මෙහිදී අපට හැෙඟන ප‍්‍රශ්නය වන්නේ කෘෂිකර්ම අමාත්‍යාංශය වැනි සහනාධාර ලබාදීමට පිහිටුවා ඇති රාජ්‍ය ආයතනයක් සඳහා මෙපමණ කුලී මුදලක් වැයකිරීමට ආණ්ඩුවට වත්කමක් තිබේද? යන්නය.

එම ප‍්‍රශ්නය ඇසිය යුත්තේ අප නොව පසුගිය ආණ්ඩුවේ නාස්තිකාර වියදම්වලට විරුද්ධව හඬ අවදි කරමින් මුලින්ම ආණ්ඩුවෙන් එළියට ආ දුමින්ද දිසානායක විසින්මය. අඩුම තරමේ කැබිනට් මණ්ඩලය එවැනි තීරණයක් ගන්නා විට ඔහුට ඊට එරෙහිව නැගී සිටිය හැකිව තිබුණි. මන්ද ඔහුගේ දේශපාලන භාවිතාව ගොඩනැගී තිබුණේ එවැනි නාස්තිකාර වියදම්වලට එරෙහිවය. නමුත් ගොඩනැඟිල්ල කුලියට ගෙන වසර දෙකක් පමණ ගතවීත් දුමින්ද දිසානායක මේ වනතෙක් ඊට කිසිදු විරෝධයක් පළ කර නැත. ඉන් පැහැදිලි වන්නේ දුමින්ද දිසානායක දිගින් දිගටම ප‍්‍රඥාවන්ත අයුරින් කටයුතු කරමින් සිටීමය. ඔහුගේ ප‍්‍රඥාවන්තභාවය නිසා ශ‍්‍රී ලංකාවේ ජනතාව වසරකට කෘෂිකර්ම අමාත්‍යාංශය සඳහා පමණක් රුපියල් ලක්‍ෂ 2520ක කුලී මුදල් ගෙවමින් සිටිති.

රාජ්‍ය තොරතුරු දැක්වෙන අඅඅගටදඩගකන වෙබ් අඩවියේ දත්තවලට අනුව ආණ්ඩුවට අයත් මුළු අමාත්‍යාංශ ගණන 43කි. මෙම අමාත්‍යාංශවලින් බහුතරයක් පිහිටා ඇත්තේ පෞද්ගලික ගොඩනැගිලිවලය. රජයේ කුඩා ගොඩනැඟිලිවලට සීමාවී තිබූ මෙම අමාත්‍යාංශ, ආණ්ඩු මාරුවෙන් මාරුවට වඩා ඉඩකඩ ඇති, වැසිකිළි පහසුකම් ඇති පෞද්ගලික ගොඩනැඟිලිවලට මාරු වෙමින් තිබෙන්නේ එම අමාත්‍යාංශවල ගොඩනැඟිලිවලට ඔරොත්තු නොදෙන තරමට සේවකයන්ගෙන් පිරී ඇති බැවිනි. ඊට හොඳම උදාහරණය ලංකා විදුලි බල මණ්ඩලයය. පසුගියදා ඇමැති රවි කරුණානායක විසින් අමාත්‍යාංශයට නව ගොඩනැඟිල්ලක් කුලියට ගැනීම සඳහා රුපියල් මිලියන 364 ක මුදලක් මහා භාණ්ඩාගාරයෙන් ලබාදෙන ලෙස ඉල්ලමින් කැබිනට් පත‍්‍රිකාවක් යොමු කර තිබිණි. දැනට ආනන්ද කුමාරස්වාමි මාවතේ පවත්වාගෙන යනු ලබන විදුලි බල අමාත්‍යාංශය කොළඹ නවම් මාවතේ පිහිටි ගොඩනැඟිල්ලකට ගෙන යෑමට ඇමැතිවරයා සැළසුම් කර තිබේ. පසුගිය වසරේ රුපියල් කෝටි පන්දහසකට ආසන්න ගණනක් පාඩු ලැබූ විදුලි බල අමාත්‍යාංශය රුපියල් මිලියන 364 ක් වැයකර නව ගොඩනැඟිල්ලක් වෙත ගෙන යෑමට ඇමැතිවරයා ගත් ප‍්‍රඥාවන්ත තීන්දුවට මුදල් ඇමැති මංගල සමරවීර විසින් විරෝධය පළ කිරීමත් සමග එම කැබිනට් අනුමැතිය අතරමග නතර වී තිබේ. නමුත් ටික දිනකින් විරෝධය පහව ගිය පසු විදුලි බල අමාත්‍යාංශය නවම් මාවතට ගමන් කරනු ඇත.

ආණ්ඩුවට අයත් අමාත්‍යාංශ කොළඹ නගරයේම පිහිටා තිබිය යුතුය යන මෝඩ මානසිකත්වයක් ආණ්ඩුවට තිබේ. මෙය සෑම ආණ්ඩුවකටම වැළඳී තිබූ රෝගයකි. ශ‍්‍රී ලංකාවේ වානිජ නගරය වන කොළඹ පිහිටි ,්, ශ්‍රේණියේ පෞද්ගලික ගොඩනැඟිල්ලක වර්ග අඩියක මිල රුපියල් 150-200 ත් අතර වේ. එය වෙළෙඳ වටිනාකමකි. එවැනි මිලක් ගෙවා ගොඩනැඟිලි කුලියට ගනු ලබන්නේ පෞද්ගලික වෙළෙඳ ආයතන විසින් පමණි. මන්ද, ඔවුන්ට එවැනි මුදලක් ගෙවීමට ආදායමක් තිබේ. නමුත් විදේශ ණය මත නඩත්තු වන ශ‍්‍රී ලංකාව වැනි රටක ආණ්ඩුවකට තමන්ගේ අමාත්‍යාංශ වෙනුවෙන් එවැනි මුදලක් දැරිය නොහැක. ආණ්ඩුවේ මෙවැනි නාස්තිකාර වියදම්වලට වැය වන්නේ අසරණ පොදු ජනතාවගේ බදු මුදල්ය. එම මුදල්වලට නිසි වටිනාකමක් ලබාදීමට නම් කළ යුත්තේ රාජ්‍ය සේවයේ ගොඩනැඟිලි ප‍්‍රසාරණය කිරීම නොව කාර්යක්‍ෂම කිරීමය.

රාජ්‍ය ආයතන කාර්යක්‍ෂම කිරීමට නම් ආයතන බලය බෙදා හැරිය යුතුය. තාක්‍ෂණය දියුණු වී ඇති බැවින් ගොඩනැඟිලිවලට සීමා නොවී රාජ්‍ය සේවය ජනතාව අතරට ගෙනයෑමේ යාන්ත‍්‍රණය බල ගැන්විය යුතුය. එවැනි යාන්ත‍්‍රණ සඳහා කොළඹ නගරයෙන් පිටත හිස් රාජ්‍ය ගොඩනැඟිලි බොහොමයක් ඉතිරි වී තිබේ. එම ගොඩනැඟිලි සන්නිවේදන තාක්‍ෂණයෙන් සන්නද්ධ කිරීමෙන් ජනතාවට වඩා පුළුල් සේවා ලබාදෙන රාජ්‍ය ආයතන බවට පත්කළ හැක. ඒ සඳහා මුලින්ම කොළඹින් පිටතට ගෙන යා යුතු අමාත්‍යාංශය වන්නේ කෘෂිකර්ම අමාත්‍යාංශය ය. ඉන්පසු ඉතිරි අමාත්‍යාංශ ටික කොළඹ නගරයෙන් ඉවත් කිරීමෙන් නගරයේ තදබදය පමණක් නොව ජනතාවගේ බදු බරද අඩු කළ හැක. නමුත් අවාසනාව වන්නේ මෙම සැලසුම් දියත් කිරීමට ප‍්‍රඥාවන්ත ඇමැතිවරු ඉතිරිවී නොසිටීමය.



ලබන මස පළමු වැනිදා සිට ලොව රටවල් 45 ක වැසියන් සඳහා ශ්‍රී ලංකාවට පැමිණීමට නිදහස් සංචාරක වීසා පහසුකම් ලබාදීමට රජය තීරණය කර තිබේ.

ආගමන විගමන දෙපාර්තමේන්තුව පවසන ආකාරයට ඉන්දියාව, චීනය ඇතුළු රටවල් 45 ක් සඳහා එලෙස නිදහස් සංචාරක වීසා පහසුකම් ලබාදීමේ අරමුණ වන්නේ බිඳ වැටුණු සංචාරක ව්‍යාපාරය ප්‍රවර්ධනය කිරීමයි.
අප්‍රේල් 21 වැනිදා එල්ල වූ ත්‍රස්ත ප්‍රහාර මාලාවෙන් පසු මෙරට සංචාරකයින් පැමිණීම පහළ වැටුනු අතර සංචාරක ව්‍යාපාරය

නඟාසිටුවීම සඳහා සංචාරක කටයුතු අමාත්‍යාංශය හා අභ්‍යන්තර කටයුතු පිළිබඳ අමාත්‍යාංශය අතර පැවැති සාකච්ඡාවක ප්‍රතිඵලයක් වශයෙන් මෙම තීරණයට එළඹ තිබේ.

ආගමන විගමන දෙපාර්තමේන්තුව සංචාරක වීසා මගින් මෙම වසරේ අපේක්ෂිත ආදායම රුපියල් බිලියන 14 ක් වූ අතර මීට පෙර මුදල් අයකර ලබාදුන් සංචාරක වීසා නොමිලේ ලබාදීමෙන් ආගමන විගමන දෙපාර්තමේන්තුවට වසරකදී රුපියල් බිලියන 10 ක එනම් රුපියල් මිලියන දසදහසක පමණ පාඩුවක් සිදුවන බව සඳහන්ය. මේ මුදල මේ වන විට ශ්‍රී ලංකාව මුහුණදී තිබෙන ආර්ථික අසීරුතා හමුවේ අතිවිශාල මුදලක් බව අපගේ හැඟීමයි.

අනෙක් අතට මෙසේ ශ්‍රී ලංකාව රටවල් රැසකට නොමිලේ වීසා ලබා දුන්නද ශ්‍රී ලංකාවට නොමිලේ වීසා ලබා දෙන්නේ සිංගප්පූරුව, මාලදිවයින ඇතුළු රටවල් කීපයක් පමණි. එම නිසා අප විසින් වීසා නොමිලේ ලබා දෙන රටවලින් අපේ රටේ වැසියන්ට ද නොමිලේ වීසා ලබා ගැනීමට කිසියම් ක්‍රියාමාර්ගයක් ශ්‍රී ලංකා රජය විසින් ගත යුතු බව අපගේ අදහසයි.

එපමණක් නොව මුදල් ගෙවා පවා වීසා ලබා ගන්නට ශ්‍රී ලාංකිකයන්ට විශාල කරදර රැසක් විඳින්නට සිදුව තිබේ. විශේෂයෙන්ම ඇමරිකා එක්සත් ජනපදය හා යුරෝපා රටවල් රැසකට වීසා ලබාගන්නට යන ශ්‍රී ලාංකිකයන්ට වීසා ලබාගැනීමට විශාල කරදර රැසකට මුහුණ දෙන්නට සිදුව තිබේ. එසේම මේ රටවල් වීසා සඳහා විශාල ගාස්තුවක් ද අය කරනු ලබයි. එසේම මේ බොහෝ රටවල් රැසකට වීසා භාරගැනීම සඳහා නියෝජිත ආයතන පත් කර තිබෙන අතර ඒවායේ සේවය කරන සේවකයන්ගේ දැඩි නීති හා අසාධාරණකම් රැසකට මුහුණ දෙන්නට බොහෝ ශ්‍රී ලාංකිකයන්ට සිදුව තිබේ. අනෙක් අතට මේ නියෝජිත ආයතන රැසක සිටින සේවකයන් දෙමළ හෝ මුස්ලිම් ජාතිකයන් වන අතර ඒවායේ සේවය ලබා ගැනීමට යන සිංහලයන් හට විවිධ අපහසුතාවන්ට ලක්වන්නට සිදුවන බවට චෝදනා රැසකි. එසේම ඉතාලිය ඇතුළු ඇතැම් යුරෝපා රටවලට වීසා ලබා ගැනීමට අයදුම්පත් භාරදීමට පවා බොහෝ අවස්ථාවල මාස ගණන් බලා සිටීමට සිදුව තිබේ. එසේම මේ වීසා ගාස්තුවට අමතරව මේ නියෝජිත ආයතනවල ගාස්තු අයකිරීමේ නිසි ක්‍රමවේදයක් නොමැති අතර ඔවුන්ගේ සේවා ගාස්තු ලෙස අධික මුදලක් අය කිරීම ද සිදුවේ. එක්තරා නියෝජිත ආයතනයක් විදේශ ගමන් බලපත්‍රය සූදානම් බව දන්වන සාමාන්‍යයෙන් ශත විසිපහක් වැය වන එස්. එම්. එස්. පණිවිඩයක් වෙනුවෙන් රුපියල් දෙසිය පනහකට වැඩි මුදලක් මෙරට ජනතාවගෙන් අය කරනු ලබයි.

එසේම මලයාසියාව සඳහා වීසා ලබාදෙන නියෝජිත ආයතනය විසින් මලයාසියානු තානාපති කාර්යාලය විසින් අයකරන මුදල මෙන් කීපගුණයක මුදලක් තම සේවා ගාස්තුව මෙන් අයකරන බව සඳහන්ය. මේ ආකාරයට අදාළ නියෝජිත ආයතන දිනකට ලබන ලාභය රුපියල් ලක්ෂ ගණනකි.

මේ නිසා වහාම මේ නියෝජිත ආයතනවල කටයුතු සොයා බැලීම සඳහාත් ඒවායේ අයකිරීම් පාලනය සඳහාත් දැඩි පියවර ගන්නා ලෙස අපි රජයට බලකර සිටින්නෙමු. එසේම ඒ ඒ විදේශ රටවල වීසා ගාස්තු සම්බන්ධයෙන් හා සේවා ගාස්තු සම්බන්ධයෙන් නිසි දැනුවත් කිරීමක් ජනතාවට ලබා දීමට ඒ ඒ තානාපති කාර්යාල දැනුවත් කරන ලෙසටද අපි රජයට බල කරන්නෙමු.

එසේම මෙවැනි නියෝජිත ආයතන හා වීසා ප්‍රශ්න සම්බන්ධයෙන් පැමිණිලි කිරීමේ නිසි ක්‍රමවේදයක් වහාම ඇති කරන ලෙසට ද අපි රජයෙන් ඉල්ලා සිටින්නෙමු.

අනෙක් අතට මෙසේ මෙරටට පැමිණි පසු නොමිලේ වීසා ලබාදීම හරහා විදේශීය ත්‍රස්තවාදී සංවිධානවලට අයත් සාමාජිකයන් මෙරටට පැමිණීම වැළැක්වීම සඳහා නිශ්චිත වැඩපිළිවෙළක් රජයට තිබිය යුතුය.
මේ සියලු කරුණු සලකා බලා වීසා ලබාදීමේදී ශ්‍රී ලංකාවේ අනන්‍යතාව රැකෙන පරිදි මෙන්ම ශ්‍රී ලාංකික ජනතාවගේ අයිතිවාසිකම් රැකෙන පරිදි අනෙකුත් රටවලටත් ශ්‍රී ලංකාවටත් සමානාත්මතාවය ලැබෙන ක්‍රමවේදයක් භාවිත කරන ලෙසටද තෙවැනි පාර්ශව නියෝජිත ආයතන ජනතාව ගසාකෑම වැළැක්වීම සඳහා පියවර ගන්නා ලෙසට ද අපි නැවත නැවතත් රජයට බලකර සිටිමු.

ඉකුත් 5 වැනිදා බීමත් රියැදුරන් අත්අඩංගුවට ගැනීමේ විශේෂ පොලිස් මෙහෙයුමක් ක‍්‍රියාත්මක කෙරිණි. ඒ අනුව ඊයේ (28දා) වන විට බීමත් රියැදුරන් 6000 කට අධික පිරිසක් අත්අඩංගුවට ගෙන තිබේ.රජය එම බීමත් රියැදුරන්ගෙන් අයකරගෙන ඇති දඩ මුදල රුපියල් මිලියන 142 කි.
 
 මෙම වසරේ අපේ‍්‍රල් 1 වැනිදා සිට වහාම කි‍්‍රයාත්මක වන පරිදි මත්පැන් හෝ මත්ද්‍රව්‍ය භාවිතා කර රිය පැදවීමට දෙන දඬුවම් වැඩිකරනු ලැබීය. ඒ අනුව මත්පැන් පානය කර පැදවුවහොත් එතෙක් පැවැති රුපියල් 4000 - 7500 දක්වා වූ දඩය රුපියල් 25000 සිට 30000 දක්වා වැඩි කෙරිණි. ඊට අමතරව මාස හයකට නොවැඩි බන්ධනාගාර ගත කිරීමක් හෝ රියැදුරු බලපත‍්‍රය අහෝසි කිරීමටද නව දඩ පැනවීම අනුව ක‍්‍රියාත්මකය.
 
 බීමත්ව රිය පදවා මරණයක් සිදුකළහොත් කලින් පැවැති දඬුවම වූයේ අවුරුදු දෙකේ සිට අවුරුදු 10 දක්වා සිරදඬුවමකි. රියැදුරු බලපත‍්‍රයද අහෝසි කරනු ඇත. නව දඩ පැනවීම අනුව එම දඬුවමට අමතරව රුපියල් 100000 සිට 150000 දක්වා දඩයකටද යටත් කෙරෙනු ඇත.
 
 බීමත්ව රිය පදවා යම් පුද්ගලයකුට තුවාලයක් සිදුකළහොත් එතෙක් පැවැති රුපියල් 6000 සිට 15000 දක්වා වූ දඩය නව දඩ ක‍්‍රමය යටතේ රුපියල් 50000 සිට රුපියල් 100000 දක්වා වැඩිකර ඇත. මීට අමතරව අවුරුදු පහකට නොවැඩි බන්ධනාගාර ගතකිරීමටත් රියැදුරු බලපත‍්‍රය අහෝසි කිරීමටත් නව දඩ ක‍්‍රමය අනුව හැකියාව තිබේ. බීමත් රියැදුරකු යම් අයකුට සුළු තුවාලයක් සිදුකළහොත් නව දඩ ක‍්‍රමය අනුව රුපියල් 30000 සිට රුපියල් 50000 දක්වා දඩයකට යටත්ය. ඊට අමතරව අවුරුදු එකකට නොවැඩි බන්ධනාගාර ගත කිරීමක් හෝ රියැදුරු බලපත‍්‍රයද අහෝසි කිරීමටද ඉඩකඩ ඇත.
 
 බීමත්ව රිය පැදවීමට දඩ හා දඬුවම් මෙතරම් වැඩිකර තිබියදීත් බීමත් රියැදුරන් ඇල්ලීම සඳහා විශේෂ මෙහෙයුමක් කි‍්‍රයාත්මක කර තිිබියදීත් දහස් ගණනින් බීමත් රියැදුරන් කොටුවීම සලකා බැලිය යුතු සමාජ ප‍්‍රශ්නයක් බව අප තේරුම් ගත යුතුයි.
 
 බීමත්ව වාහනයක සුක්කානම අතට ගන්නා රියැදුරු ඔහුගේ ජීවිතය පමණක් නොව අන් අයගේ ජීවිතද අනතුරේ හෙළීම කනගාටුදායකය. එනිසා බීමත්කම ප‍්‍රමාදයට හේතු වන බව අවබෝධ කරගෙන ඉන් වැළකීම රියැදුරන්ගේ සමාජ වගකීමකි.
 
 දඩ සහ දඬුවම් වැඩි කරද්දී දහස් ගණනින් බීමත් රියැදුරන් දිගින් දිගටම කොටුවේ නම් අදාල මෙහෙයුම් සුවිශේෂී කාලයකට පමණක් සීමා නොකර දිගින් දිගටම ක‍්‍රියාත්මක කිරීමට පොලිස් රථ වාහන අංශය පියවර ගත යුතුය.
 
 ඊට අමතරව බීමත්ව අත්අඩංගුවට ගන්නා රියැදුරන් පුනරුත්ථාපනය කිරීම සඳහාද රජයේ අවධානය යොමු විය යුතුය. දඩ සහ දඬුවම් මගින් යම් ප‍්‍රමාණයකට මෙවැනි ක‍්‍රියා පාලනය කළ හැකි වුවද එය සියයට සියයක සාර්ථක ප‍්‍රතිඵල ගෙන දෙන ක‍්‍රමවේදයකැයි කිව නොහැක.
 
 බීමත් රියැදුරන් ඇල්ලීම සඳහා සුවිශේෂී මෙහෙයුම් කි‍්‍රයාත්මක වී තිබියදීත් ඊයේ වන විට හයදහසකට අධික රියැදුරන් පිරිසක් බීමත්ව හසුවන්නේ ඒ නිසාවෙනි. ශ‍්‍රී ලංකාව තුළ සමාජ ව්‍යසනයක් බවට පත්වෙමින් පවතින මෙම කාරණය ගැන විද්‍යාත්මක හැදෑරීමක් කළ යුතු කාලය එළැඹ ඇත. ඒ සඳහා සමාජ විද්‍යාඥයන්ගේ හා ඊට අදාළ අන් පාර්ශවයන්ගේ සුවිශේෂී දායකත්වය ලබාගත යුතුව ඇත. එසේ නොමැතිව මෙම ප‍්‍රශ්නය අඳුරේ අතපත ගෑමෙන් අප අපේක්‍ෂා කරන ප‍්‍රතිඵල ළඟාකරගත නොහැකි වනු ඇත.

ශී‍්‍ර ලංකන් ගුවන් සේවයට අයත් යූ. එල්. 230 දරණ ගුවන් යානයෙන් මෙරටට පැමිණි එම කාන්තාවන් අතර හාම්පුතුන්ගේ පහරදීම්වලට ලක්වූ හා විවිධ හිරිහැරවලට ලක්වූ කාන්තාවෝද වූහ. වැටුප් නොලැබීම නිසා තවත් පිරිසක් පැමිණ සිටියහ. කුවේටයේ ශී‍්‍ර ලංකා තානාපති කාර්යාලය වෙත තම දුක්ගැනවිලි ඉදිරිපත් කිරීමෙන් පසුව කුවේට් පොලිසිය මගින් පරීක්‍ෂණ පවත්වා තාවකාලික ගුවන් ගමන් බලපත‍්‍ර යටතේ මෙම ශී‍්‍ර ලාංකික කාන්තාවන් මෙරටට එවා තිබිණි.
 

sikuru


ප්‍රාදේශීය පුවත්

සිනමා කලා

mariyon

නවලිය

antik

දියග

diya

මීවිත

isa

More Articles