Divaina - Kathuwakiya

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

sri lanka

ආණ්‌ඩුව උපක්‍රමශීලීව, තමන්ට ඉතා වාසිදායක අයුරින් රටේ මැතිවරණ ක්‍රියාවලිය කළමනාකරණය කරගනිමින් සිටිති. දේශපාලන විද්‍යාවේදී මැතිවරණ කළමනාකරණය නමින් විෂයයක්‌ නොතිබුණත් ශ්‍රී ලංකාවේ දේශපාලන විද්‍යාව පොත ඊට හාත්පසින්ම වෙනස්‌ය. එම පොත පුරා ඇත්තේ දේශපාලන විද්‍යාව නොව මැතිවරණ කළමනාකරණයයි.

පුංචි ඡන්දය ජනවාරි 20 - 31 යන දිනයන් අතරතුර පැවැත්වීමට නියමිත බව ඊයේ මාධ්‍ය මගින් වාර්තා කර තිබිණි. කෙසේ හෝ ඡන්දයක්‌ ළඟ එන බව පෙනේ. මෙය හදිසියේම වෙනස්‌ වීමටත් ඉඩ ඇත. එහෙත් ඡන්දය ගැන සෘනාත්මකව නොව ධනාත්මකව බලා ජනවාරියට ලක ලෑස්‌ති වීමට සියලුදෙනාම සූදානම් විය යුතුය.

 

නව ව්‍යවස්‌ථාව පිළිබඳව රටේ ඇතිවී තිබෙන ගැටලු නිරාකරණය කරගැනීම සඳහා දේශපාලනඥයන්ගෙන්, ආගමික නායකයන්ගෙන් සහ උගත් බුද්ධිමතුන්ගෙන් යුත් සමුළු තුනක්‌ කැඳවීමට කටයුතු කරන බව ජනාධිපති මෛත්‍රිපාල සිරිසේන මහතා පෙරේදා (30 වැනිදා) ප්‍රකාශ කර තිබිණි. ඊයේ (31 දා) සියලුම පුවත්පත් මේ බව වාර්තා කර තිබිණි.

දශක තුනක්‌ පුරා මේ රටේ භීතිය වැපිරූ කුරිරු ත්‍රස්‌තවාදය මුලිනුපුටා දමා වසර අටක්‌ ගෙවී ගොස්‌ අවසන්ය. එහෙත් මේ වනතුරුත් ත්‍රස්‌තවාදය ජයගත් අපට පාතාල භීෂණය ජය ගැනීමට හැකියාවක්‌ ලැබී නැත. මුලින් මුලින් පාතාල භීෂණය ගැන අහන්නට ලැබුණේ කොළඹ කේන්ද්‍ර කරගනිමිනි. අනතුරුව එය කොළඹ අවට තදාසන්න ප්‍රදේශ කරාද පැතිරිණි. තවත් කාලයක්‌ ගත වන විට බස්‌නාහිර පළාත ඒ සඳහා කප් ගැසුවේය. ඊළඟට දකුණය. මේ වන විට රටේ හැම අස්‌සක්‌ මුල්ලක්‌ නෑරම පාතාලයේ මැරයන් ගැන අසන්නට ලැබේ. ඊයේ (30 සඳුදා) මෙරට හැම පුවත්පතකම ප්‍රධාන සිරස්‌තලය වී තිබුණේ දකුණේ පාතාලයේ තවත් වෙඩි තැබීමක්‌ ගැනය. කොස්‌ගොඩ පොලිස්‌ වසමේ ස්‌ථාන තුනකදී පෙරේදා (29 දා) අලුයම් කාලයේ සිදුකළ වෙඩි තැබීම් හේතුවෙන් දහතුන් හැවිරිදි දරුවකු ඇතුළු පුද්ගලයන් සිව්දෙනකු මියගොස්‌ තවත් පහළොස්‌ හැවිරිදි දරුවකු තුවාල ලබා තිබේ. වෙඩි තැබීම සිදු කර ඇත්තේ යතුරුපැදි දෙකකින් පැමිණි "නාඳුනන තුවක්‌කුකරුවන්" බව පොලිසිය වාර්තා කර තිබිණි. තුවක්‌කුකරුවන් "නාඳුනන" අය වුවද එයට දකුණේ ප්‍රබල පාතාල කල්ලි නායකයකු "සැක" බවද පොලිසිය කියා තිබිණි. ඒ කියන්නේ කවුරුන් හෝ සැක කළ හැකි කෙනෙක්‌ ගැන පොලිසියට අවබෝධයක්‌ ඇති බවය. දැන් අපට තිබෙන ප්‍රශ්නය පසුගිය කාලය පුරාම මෙවැනි කතා ඇසුනද තවමත් පාතාලය මර්දනය කරන්නට හැකියාවක්‌ ලැබී නැතිකමය.
 
 දැන් රටේ මිනිසුන්ට ද මේ වැඩේ දකුණු ඉන්දියානු චිත්‍රපටයක්‌ බලන ගණනට ගිහින්ය. නාඳුනන තුවක්‌කුකරුවන් මෙතරම් ප්‍රමාණයක්‌ රටේ කරක්‌ගසන විට පොලිසිය කුමක්‌ කරනවා දැයි යන ගොං ප්‍රශ්නය අසන්නට අපි ඉක්‌මන් වන්නේ නැත. හේතුව පොලිසියට තිබෙන වැඩ රාජකාරි ගැන අපට අවබෝධයක්‌ තිබෙන බැවින්ය. අනික්‌ සියලුම කාරණා පැත්තකින් තිබ්බත් තුන් වේලම භාවනා කරන රටකට (පොලිසියකට) මෙවැනි කාරණා ගැන හිතා හිත නරක්‌ (දූෂ්‍ය) කර ගන්නට ඇති වුවමනාව කුමක්‌ද? මේවා උපේක්‍ෂාවෙන් විඳ දරා ගත යුතු දේවල්ය.
 
 දිගින් දිගටම මෙවැනි සිදුවීම් වාර්තා වෙද්දී පාතාල මර්දනය කිරීම මේ තරම් බරපතළ ගැටලුවක්‌ වී ඇත්තේ කුමන හේතුවක්‌ නිසා දැයි අපට තේරෙන්නේ නැත. පාතාලයන් හෝ වේවා, නාඳුනන තුවක්‌කුකරුවන් වේවා කවරකු ගැන හෝ පොලිසිය හෝ ආරක්‍ෂක අංශ කිසිවක්‌ම දන්නේ නැතැයි කියන කතාව කොහෙත්ම පිළිගන්නට හැකි කතාවක්‌ නොවේ. මේ වෙඩි තබා යන උදවිය සිරියාවෙන් ගෙන්වන ලද අයි. එස්‌. අයි. එස්‌. කාරයන් නොවේ. මේ රටේම කොහේ හරි මුල්ලක සැඟව සිටින මදාවියන්ය. ආණ්‌ඩුව මොන කතන්දර කීවත් නැවත පාතාලය හිස ඔසවා තිබේ. මේ පාතාලය මර්දනය කිරීම පොලිසියේ රාජකාරියකි. ඊට අවශ්‍ය දේශපාලන බලය දීම ආණ්‌ඩුවට අයිති රාජකාරියකි. මිනිසුන් ජීවිත පූජාවෙන් දිනාගත් "නිදහසේ ජීවත් වීමේ අයිතිය" නාඳුනන තුවක්‌කරුවන් විසින් බිල්ලට ගැනීම ප්‍රජාතන්ත්‍රවාදී රටක පැවැත්මට ඉතා අහිතකරය.

පාතාල වෙඩි යළි යළිත් පත්තුවේ. මේ වෙඩි තැබීම් අවසන් වන්නේ කවදාද? කොස්‌ගොඩ සුජීගේ වෛරය නිමාවන දිනයේද? නැත්නම් ඔහුගේ ප්‍රතිවාදියා වන පාතාල නායක තාරකගේ වෛරය නිමාවන දිනයේද? දකුණු පළාතම පාතාල භීෂණයෙන් ඇළලී ඇත. වඩා කනගාටුව වන්නේ මේ පාතාල ගැටුමට දරුවන්ද බිළිවීමය. පසුගිය 30 වැනිදා කොස්‌ගොඩ ළමුන් දෙදෙනකු පාතාලයට බිළිවූ අතර ඒ බිල්ලට පළිගැනීමක්‌ වශයෙන් බටපොලදී දරු තිදෙනකුට වෙඩි ප්‍රහාර එල්ල විය. වාසනාවකට මේ දරු තිදෙනාට බරපතළ තුවාල සිදුවී නොමැත. තාත්තලාගේ බාප්පලාගේ මාමලාගේ ගැටුමට දරුවන් වගකියන්නේ කුමටද? බටපොලදී අවුරුදු තුනක දරුවකුද වෙඩි ප්‍රහාරයට ලක්‌ව ඇත. වෙනදා පාතාල ගැටුම්වලදී කාන්තාවන් දරුවන් ඉලක්‌ක කරගන්නේ නැත. එහෙත් දැන් පාතාල වෛරය පිරිමසන්නේ නිදියහනේ සිටින දරුවන්ද බිළි ගැනීමෙනි. මෙය බරපතළ ෙ€දයකි. ඉදිරියේදී දකුණේ පාසලකට, උපකාරක පන්තියකට ප්‍රහාර එල්ල වුවහොත් එයද පාතාල ගැටුමේ එක්‌ කෙළවරක්‌ වන්නට පුළුවන. මෙයින් ප්‍රකාශ වන්නේ කවරක්‌ද? මනුෂ්‍යාගේ උතුම් වස්‌තුව වන දරුවන්ද ආරක්‍ෂා කිරීම හෝ නොකිරීම පාතාලයට අයත් කටයුත්තක්‌ බවද?
 
 දරුවන්ගේ ආරක්‍ෂාව ගැන සිතා බලා හෝ ආණ්‌ඩුව මේ මැර කල්ලි පාතාල ලේ පිපාසිතයින්ගේ මර්දනය සඳහා මැදිහත්විය යුතුය. රෙජීම වෙනසත් සමග පාතාල ක්‍රියාකාරකම් ශීඝ්‍රයෙන් වැඩිවිය. ඒ ක්‍රියාකාරකම් දැන් කූට ප්‍රාප්තියට පත්ව ඇති බව පෙනෙන්නේ දරුවන්ටද ටී 56 අවියෙන් වෙඩි ප්‍රහාර එල්ලවන නිසාය.
 
 හෙට දිනයේ කවරකු මේ පාතාල භීෂණයට බිළිවෙයිද? දකුණේ පාසල්වල ආරක්‍ෂාවට පවා හමුදාව පොලිසිය කැඳවීමට සිදුවෙයිද? මේ අරාජිකත්වයට නිසි පිළියම් යෙදීම ඉක්‌මනින්ම සිදුනොවුණහොත් තවත් දරුවන් කී දෙනකු ඉලක්‌ක කරගෙන වෙඩි පත්තු වෙයිද? යන්න ගැටළුවකි. දරුවන් ඉලක්‌ක කිරීම ඉතා සාහසික අපරාධයකි. ඒ අපරාධකරුවන් ලෙයින් හා යකඩින් මර්දනය කර දැමීම හැර අන් විකල්පයක්‌ නැත.
 
 පාතාල ගැටුම් ගැන රජය නිද්‍රdශීලී පිළිවෙතක සිටීද? මේ ගැටුම් නැවැත්වීම සඳහා දේශපාලන විසඳුම් ක්‍රියාත්මක කළ නොහැක. නව ව්‍යවස්‌ථාවෙන් කොස්‌ගොඩ පාතාලය නිහඬ නොවේ. මේ භීෂණය තුරන් කිරීමට විශේෂ කාර්ය බළකායට පූර්ණ බලය ලබාදිය යුතුය. ඒ හැර අන් විකල්පයක්‌ නැත. ජිනීවා මානව හිමිකම් කොමිසමට බියෙන් පාතාලය මර්දනයෙන් වැළකීමට රජය උත්සහ කරන්නේද? එහෙත් පාතාලයට බිළිවන දරුවන්ගේ ජීවිත ගැන මානව හිමිකම් කොමිසම වගකියන්නේද? නැත. රටේ වැසියන්ට සාමයෙන් සහජීවනයෙන් ජීවත් වීමට හැකියාවක්‌ නැත්නම් එහි මූලික වගකීම භාරගත යුත්තේ රට කරවන ආණ්‌ඩුවම වේ. ආණ්‌ඩුව නිෂ්ක්‍රීය නම් පාතාලය රජවෙයි. පාතාලය රජවූ කල නීතිගරුක පුරවැසියන්ට සාමයෙන් විසිය නොහැක.
 
 පාතාල නයි මුගටි වෛරය නතර කිරීමට නම් මේ කණ්‌ඩායම් අත්අඩංගුවට ගෙන නිසි දඬුවම් පැනවිය යුතුය. අනුකම්පා විරහිතව ඔවුනට එරෙහිව මෙහෙයුම් සිදුවිය යුතුය. එසේ නැතිනම් වැඩිහිටියන් පමණක්‌ නොව දරුවන්ද අනාරක්‍ෂිත වනු ඇත.
 

sikuru


ප්‍රාදේශීය පුවත්

සිනමා කලා

mariyon

නවලිය

antik

දියග

diya

මීවිත

isa

More Articles