Divaina - Kathuwakiya

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

sri lanka

ජනාධිපතිවරණය සඳහා රට සූදානම් වෙමින් තිබේ. මේ වන විට ප‍්‍රධාන පක්ෂ ඒ සඳහා අපේක්ෂකයන් සූදානම් කරමින් තිබේ. කවර හෝ හේතුවක් මත ජනාධිපතිවරණය යම් ලෙසකින් කල් ගිය ද කෙසේ හෝ ඉදිරි මාස තුනත් අටත් අතර කාලය තුළ ව්‍යවස්ථානුකූලව එය පැවැත්විය යුතුමය.
 
 එදා මෙදා තුර ජනාධිපතිවරණය සඳහා ඉදිරිපත්වූ පුද්ගලයන් බොහොමයක් ජනාධිපතිවරුන් ලෙස පත්වූ පසු ඔවුන් විසින් බොහෝ විට සිදු කළේ ඔවුන් ජනතාවට පොරොන්දු වූ දේ හෝ ඔවුන්ගේ ප‍්‍රතිපත්ති ප‍්‍රකාශවල පවතින දේ නොවේ.
 
 ජනතා ඡුන්දයෙන් පත්වන්නේ රටක තාවකාලික භාරකරුවන් වන නමුත් එදා මෙදා තුර පත්වූ පාලකයන් මෙන්ම රජයන් ද ක‍්‍රියා කරමින් සිටින්නේ රටේ තාවකාලික භාරකරුවන් ලෙස නොව රටේ අයිතිකරුවන් ලෙස බව පෙනේ. මෙම පිරිස් විසින් රටේ මහජන සම්පත් විකුණා දමන්නේත් රටට අහිතකර ගිවිසුම් අත්සන් කරන්නෙත් එම නිසා ය.
 
 මේ නිසා මෙවර ජනාධිපතිවරණයට පෙර රටේ ප‍්‍රධාන ප‍්‍රශ්න, විවිධ ජාත්‍යන්තර ගිවිසුම් හා විවිධ ක්ෂේත‍්‍ර සම්බන්ධයෙන් ඒ ඒ ජනාධිපති අපේක්ෂකයන් තම තමන්ගේ ප‍්‍රතිපත්තිය රටට හෙළිකරන ලෙස පුරවැසියන් ලෙස අප මොවුන්ගෙන් ඉල්ලා සිටිය යුතුව තිබේ.
 
 එසේම ඒ ඒ අපේක්ෂකයන් විසින් රටේ ආරක්ෂාව, බෞද්ධ ආගම, කෘෂිකර්මාන්තය, දේශීය නිෂ්පාදනය, විදේශ ප‍්‍රතිපත්තිය, ව්‍යාපාර ක්ෂේත‍්‍රය, කම්කරු නීති, සෞඛ්‍ය, අධ්‍යාපනය, ප‍්‍රවාහනය ආදී සියලූ ක්ෂේත‍්‍ර පිළිබඳ පැහැදිලි ප‍්‍රතිපත්තියක් රට හමුවේ තැබිය යුතුය.
 
 එසේම ජීවන වියදම, වැටුප් විෂමතා, ආදායම් විෂමතා ආදිය සම්බන්ධයෙන් තම තමන්ගේ ප‍්‍රතිපත්තිය මෙන්ම අදාළ ගැටලූ නිරාකරණය කිරීමේ පැහැදිලි ක‍්‍රමවේදයක් ඔවුන් රට හමුවේ තැබිය යුතුය. එසේ නොවුන හොත් සිදුවන්නේ ඔවුන් තම තමන්ට අවශ්‍ය දේ ජාත්‍යන්තර බලපෑම් හෝ වෙනත් පාර්ශවවල බලපෑම් මත සිදු කිරීමය.
 
 ඉදිරි ජනාධිපතිවරණයට කුමන අපේක්ෂකයෙක් ඉදිරිපත් වුණත් මත්ද්‍රව්‍ය ජාවාරම මර්දනය කරන බවට සහ මත්ද්‍රව්‍ය ජාවාරම්කරුවන්ට මරණ දඬුවම දෙන බවට ප‍්‍රතිඥාවක් ලබාදිය යුතු බව වර්තමාන ජනාධිපති මෛත‍්‍රිපාල සිරිසේන මහතාද පවසා තිබේ.
 
 අපගේ ද අදහස අද රටේ අපරාධ රැුල්ල වැඩිවී ඇති ආකාරය හා මත්ද්‍රව්‍ය ප‍්‍රශ්නය වැඩිවී ඇති ආකාරය නිසා සියලූ ජනාධිපති අපේක්ෂකයන් ඒ සම්බන්ධයෙන් ද රටට පොරොන්දුවක් ලබා දිය යුතු බවය.
 
 එසේම මේ වන විට ඇමරිකානු ගිවිසුම්, සිංගප්පූරු ගිවිසුම්, චීන ගිවිසුම් හා ඉන්දියානු ගිවිසුම් ගැන විවිධ සැකසංකා රටේ ජනතාව තුළ ඇතිවී තිබේ.
 
 ඇමරිකාව සමග අත්සන් තැබෙන මිලේනියම් චැලේන්ජ් කෝපරේෂන් ගිවිසුම යටතේ ඉදිකෙරෙන ඇමෙරිකානු ආර්ථික කොරිඩෝවට ඉඩම් අක්කර ලක්ෂ 12ක් ලබාදීම සඳහා නව නීති සාදන බවටත් ත‍්‍රිකුණාමලය සිට කොළඹ දක්වා කිලෝමීටර දෙසීයක් දිවෙන ඒ ඉඩම් අක්කර ලක්ෂ 12ට ශ‍්‍රී ලංකාවේ පුරාවිද්‍යා උරුමයන්, පරිසර සංවේදී කලාප ඇතුළත් වන සේ මිනුම් කටයුතු සිදු කරන බවටත් මේ වන විට චෝදනා එල්ලවී තිබේ. එම නිසා මේ සියල්ල සම්බන්ධයෙන් තම තීරණය ගැන නිසි පිළිතුරක් සියලූම අපේක්ෂකයන් පැහැදිලිව රටට ලබාදිය යුතුය. එම පිළිතුර පැහැදිලිව ලබාදීම යනු එය ලබා දෙන්නේද නොදෙන්නේද යන්න මිස වෙනත් අටුවා ටීකා නොවේ.
 
 එසේම මැතිවරණ වලදී ජනතාවට ලබා දෙන පොරොන්දු ඉටු නොකිරීම හෝ එසේ ලබා දෙන පොරොන්දු වෙනුවට වෙනත් දේ සිදු කිරීම වැළැක්වීම සඳහා ආණ්ඩුක‍්‍රම ව්‍යවස්ථාවට නව සංශෝධන ගෙන ඒමද කළ යුතුව තිබේ.
 
 නිදහසින් පසු වසර හැත්තෑ එකක් විවිධ පක්ෂ විසින් අපේ රට පාලනය කර තිබේ. එම නිසා අද මේ රට පත්ව තිබෙන දුඃඛිත තත්ත්වයට ඒ සියලූ දෙනා අඩු වැඩි වශයෙන් වගකිව යුතුව තිබේ. එහෙත් මින් ඉදිරියටවත් රටේ අනාගත පරපුර ගැන සිතා මේ වැරදිවලට තවදුරටත් ඉඩදිය යුතු නොවේ.
 
 එම නිසා දේශපාලනඥයන් රට ගැන තීරණ ගන්නවා වෙනුවට රටේ මහජනතාව බහුතර කැමැත්තෙන් නිවැරදි තීරණ ගන්නා කාලයක් රටට උදාකර ගැනීම පුරවැසියන් ලෙස
 
 සැමගේම යුතුකම හා වගකීම බව අවසාන වශයෙන් මෙසේ මතක් කර සිටින්නෙමු.
 

පාස්කුදා එල්ල වූ ත‍්‍රස්ත ප‍්‍රහාරය පිළිබඳව කෙරෙන පරීක්‍ෂණ පිළිබඳව සෑහීමකට පත්විය නොහැකි යැයි ශ‍්‍රී ලංකා කතෝලික රදගුරු සම්මේලනය නිවේදනයක් නිකුත් කරමින් කියා තිබිණි.
 
 මෙම ප‍්‍රහාරය පිළිබඳව යුක්ති සහගත, සාධාරණ සහ යුක්ති සහගත පරීක්‍ෂණයක් සිදුව නැතැයි එම සම්මේලනය කියා සිටී. මෙම ප‍්‍රහාරය සිදුවූයේ කාගේ වරදින්ද? මේ සඳහා අනුග‍්‍රහය දැක්වූයේ කවුරුන්ද යන්න ශ‍්‍රී ලංකා කතෝලික රදගුරු සම්මේලනය ප‍්‍රකාශ කර සිටී.
 
 පාස්කුදා එල්ල වූ ත‍්‍රස්ත ප‍්‍රහාරයෙන් බරපතළම හානිය වූයේ කතෝලික ජනතාවට අමුතුවෙන් කිවයුතු නැත. එනිසා කතෝලික ජනතාවගේ සිත් වේදනා මේ රටේ පාලකයන් තේරුම් ගත යුතුව ඇත.
 
 පාස්කුදා ප‍්‍රහාරය පිළිබඳව සොයා බැලීමට ඉදිරිපත් කළ විශේෂ කාරක සභාවේ කටයුතු තවමත් අවසන් වී නොමැත. කෙසේ වෙතත් පාස්කුදා ප‍්‍රහාරය සම්බන්ධයෙන් සාධාරණ සහ යුක්ත සහගත පැහැදිලි කිරීමක් තේරීම් කාරක සභාවෙන් ඉදිරිපත් කරනු ඇතැයි විශේෂයෙන් කතෝලික ජනතාව අපේක්‍ෂාවෙන් සිටිති.
 
 පාස්කුදා ප‍්‍රහාරයත් සමඟ මේ රටේ ජාතික ආරක්‍ෂාව පිළිබඳව යළි යළිත් දැඩි විවේචන එල්ල විය. මෙම විවේචන පිළිබඳව උරණ නොවී සත්‍ය හෙළිදරව් කිරීම අදාළ අංශවල සහ බලධාරීන්ගේ යුතුකමකි.
 
 හිටපු හමුදාපති සරත් ෆොන්සේකා මහතා පසුගිය දිනෙක මාධ්‍ය හමුවක් පවත්වමින් ප‍්‍රකාශ කළේ ආරක්‍ෂාව සම්බන්ධයෙන් බරපතළ ගැටලූ පවතින බවයි. තව්හිද් ජමාත් සංවිධානයට සම්බන්ධ ත‍්‍රස්තයන් සියයට පනහක් නිදැල්ලේ සිටින බව ඔහු ප‍්‍රකාශ කළේය. ෆොන්සේකාගේ මේ හෙළිදරව් පිළිබඳව සමහරු විවිධ මතවාද ඉදිරිපත් කළහ. ෆොන්සේකා කරන මෙම හෙළිදරව් පිළිබඳව සොයා නිසි පියවර ගැනීම ආරක්‍ෂක අංශවල වගකීමකි. ෆොන්සේකාගේ ප‍්‍රකාශය තඩිබාමින් ඔහු විවේචනය කළ පමණින් ප‍්‍රශ්නය විසඳෙන්නේ නැත.
 
 පසුගිය 15 වැනිදා කටුපොත කුකුණගොල්ලේදී තව්හිද් ජමාත් සංවිධානයේ දෙවැනියා ලෙස සැලකෙන නවුෆර් මවුලවි නැමැත්තාගේ 16 හැවිරිදි පුත‍්‍රයා අත්අඩංගුවට ගෙන තිබිණි. මෙම සැකකරු සහරාන් යටතේ නුවරඑළිය පුහුණු කඳවුරේදී අවි ආයුධ සහ පුපුරණ ද්‍රව්‍ය සම්බන්ධයෙන් පුහුණුව ලැබූවකු බව පරීක්‍ෂණවලදී අනාවරණය වී ඇත. සහරාන් යටතේ බාල වයස්කාර දරුවන්ද අවි පුහුණුව ලබා ත‍්‍රස්ත කටයුතුවලට සූදානම් කළ බව මේ අනුව තහවුරුවී ඇත. කොටි සංවිධානයේ නායක ප‍්‍රභාකරන්ද මේ අයුරින් දෙමළ දරුවන්ට අවි පුහුණුව ලබාදී බෙල්ලේ සයනයිඞ් කරලක්ද එල්ලවූ එම අතීතය අපට මතකය. එනිසාම සහරාන්ලාගේ ප‍්‍රශ්නය අවසන් කියා අපට සැහැල්ලූවෙන් සිතිය නොහැක. මුළු රටම බුද්ධි අංශයක් ලෙස කි‍්‍රයාත්මක වෙමින් මෙම පවිටු ත‍්‍රස්තයන් කොටුකර දීමට පියවර ගත යුතුව ඇත.
 
 ලෝකයේ පරාජය කළ නොහැකි යැයි කියූ එල්ටීටීඊ සංවිධානය අපට පරාජය කළ හැකිවුණේ යුදමය මෙහෙයුම්වලට සමාන බුද්ධි මෙහෙයුම්ද කි‍්‍රයාත්මක වූ බැවිනි. යුද්ධයක් ඇතත්, නැතත් ජාතික ආරක්‍ෂාව පිළිබඳ රටක ආරක්‍ෂක අංශ මෙන්ම මුළු රටම අවදියෙන් සිටිය යුතුය. නිහඬතාවය තුළ සතුරන් බලවත්වීමට ඉඩ ඇති බව අප අමතක නොකළ යුතුය.
 
 විශේෂයෙන් තව්හිද් ජමාත් ත‍්‍රස්ත සංවිධානයට සම්බන්ධ සියලූ පාර්ශව ගැන සියුම් අධ්‍යනයක් කළ යුතුව ඇත. විශේෂයෙන් මෙම සංවිධානයට අරමුදල් ආ ආකාරය, ඊට යම් යම් දේශපාලනඥයන්ගේ උපකාර ලැබුණු ආකාරය පිළිබඳවද සොයා බැලිය යුතුමය.
 
 සහරාන්ලාගේ කි‍්‍රයා කලාපය නිසා මෙරට මුස්ලිම් ජනතාවද විශාල අපහසුතාවනට පත්වූ බව නොරහසකි.
 
 මුස්ලිම් ජාතිකයෝ තමන්ගේ ආගම අදහමින්, ව්‍යාපාර කටයුතුවල යෙදෙමින් අනෙක් ජාතීන් සමග සුහදව කටයුතු කළහ. නමුත් අන්තවාදීන්ගේ කි‍්‍රයා කලාපය නිසා මුස්ලිම් ජනතාවගේ ජන ජීවිතය අවුල් විය. එනිසා මුස්ලිම්වරුන්ගේ යුතුකමද විය යුත්තේ අන්තවාදීන් කොටුකර දීමට සහයෝගය දක්වා මේ රටේ යළිත් ත‍්‍රස්තවාදීන්ට අන්තවාදීන්ට හිස එසවීමට ඉඩ නොදීමයි. හෙට මේ රටේ සියලූ ජාතීන් සහජීවනයෙන්, සමගියෙන් ජීවත්වනු දැකීම අප කාගේත් අපේක්‍ෂාව විය යුතුය.
 

 modaමේ දිනවල දේශපාලන වේදිකාවේ වැඩියෙන්ම ‘මාකට්’ කළ හැකි වචනය වන්නේ ජාතික ආරක්‍ෂාවය. එය ඉතා හොඳින්ම ‘මාකට්’ කරනු ලැබුවේ අපට අසල්වැසි රටේ අගමැති නරේන්ද්‍ර මෝදිය. පසුගියදා අවසන් වූ ඉන්දීය මහ මැතිවරණයෙන් නරේන්ද්‍ර මෝදි යළි අගමැති ධුරය දිනාගනු ලැබුවේ රටක වැදගත්ම අංශය ජාතික ආරක්‍ෂාව යන සංකල්පය ඉන්දීය ජනතාවගේ රුධිර නාළවල කොටසක් බවට පත් කරමිනි.

ජනාධිපතිවරණයක් තවමත් ප‍්‍රකාශයට පත්කර නැත. එහෙත් ‘පොහොට්ටුවේ’ ජනාධිපතිවරණ අපේක්‍ෂකයා ලෙස ගෝඨාභය රාජපක්‍ෂ මහතා කල එළි බැසීමත් සම`ග රට තුළ මැතිවරණ උණුසුමක් හටගෙන තිබේ.
 
 කොටින්ම පාලක එජාපෙ ආණ්ඩුව තුළද දෙපිලක් බෙදී මත ගැටුම් උග‍්‍රවන තරමට මෙම ජනාධිපතිවරණ උණුසුම ඉහළ ගොස් ඇත.
 
 සජිත් පේ‍්‍රමදාස මහතාගේ ප‍්‍රධානත්වයෙන් බදුල්ලේදී රැළියක් පවත්වන්නට සජිත්වාදීන් උත්සුකව කටයුතු කරන්නේත් මේ ජනාධිපතිවරණ උණුසුම ඉහළ යාම නිසාය.
 
 එසේම, ජවිපෙ නායක අනුර කුමාර දිසානායක මහතා ජාතික ජන බලවේගය නම් පෙරමුණක් මගින් ජනාධිපතිවරණ අපේක්‍ෂකයා ලෙස ඉදිරිපත්වන බවට ප‍්‍රකාශයට පත්කර ඇත. තටු කැපූ ජනාධිපතිවරයකු වෙනුවෙන් මෙතරම් ඉල්ලූමක් ඇයිද යන්නත් ගැටළුවකි. එහෙත් එය වෙනම කතාවකි.
 
 මේ අතර ජනාධිපති මෛත‍්‍රිපාල සිරිසේන මහතා ජනාධිපතිවරණයකට පෙර පළාත් සභා මැතිවරණයකට සැරසෙයි. හේ පළාත් සභා මැතිවරණය පැවැත්වීමේ ශක්‍යතාව පිළිබඳව ශ්‍රේෂඨාධිකරණයේ මතය දැනටමත් විමසා ඇත. අදාළ ශ්‍රේෂ්ඨාධිකරණ විභාගය 23 දා ආරම්භ වීමට නියමිතය.
 
 ශ්‍රේෂ්ඨාධිකරණයේ තීන්දුව මත පළමුව යෙදෙන්නේ පළාත් සභාද ජනාධිපතිවරණයද යන්න තීරණය කෙරෙනු ඇත. පළාත් සභා ඉස්සර වුවහොත් වත්මන් ජනාධිපතිවරයාට තවත් ටික කලක් තම තනතුරේ රැුඳී සිටීමේ භාග්‍යය උදාවේ. යළිත් ජනාධිපති අපේක්‍ෂකයකු ලෙස ඉදිරිපත් වන බවට ප‍්‍රකාශ නොකරන මෛත‍්‍රිපාල සිරිසේන මහතා පළාත් සභා මැතිවරණය නිමවන තෙක් කල් මරමින් සිට යළිත් අපේක්‍ෂකයකු ලෙස ඉදිරිපත් වීමටද ඉඩ තිබේ.
 
 කෙසේ හෝ මැතිවරණ දෙකක් ළ`ග ළ`ග එන බව දැන් ජනතාවට වැටහී ඇති කාරණයකි. මෙසේ මැතිවරණ පැමිණෙන්නේ ජනතාව ආර්ථික වශයෙන්ද රට අන්තර්ජාතිකවද මිරිකී හෙම්බත්ව සිටින කාල වකවානුවකදීය.
 
 යහපාලන රජය බලයට පත්වී ගෙවී ගිය වසර හතරක පමණ කාලය රටේ ජනතාවට එතරම් සුගතියක් ඇතිවු කාලයක් නොවේ. යම් යම් සාධනීය තත්ත්වයන් තිබුණද, ජීවන වියදම, විරැුකියාව, ජාතික ආරක්‍ෂාව, ත‍්‍රස්ත බිය යනාදී ගැටලූ බොහොමයකින් රටට අත්වූයේ නරකක් මිස හොඳක් නම් නොවේ. එසේ හෙයින් රටේ ජනතාව මැතිවරණ ඇතිවත් බැරි නැතිවත් බැරි තත්ත්වයක පසුවේ.
 
 ජනතා ප‍්‍රශ්න කප්පරකට විසඳුම් ලබාදිය යුතුව තිබියදී මැතිවරණ පවත්වා ජනතා මුදල් කාබාසිනියා කරමින් සිදුකරන විගඩම් දකින්නට තවත් නම් ජනතාව කැමති නැත. එසේම එය රටට තවත් මහා ආර්ථික බරකි. එම බරද පසුව දැරිය යුත්තේ ජනතාවමය.
 
 එනමුත් පවතින ආණ්ඩුවෙන් තව දුරටත් රටට සුගතියක් නැති බව ජනතාවගේ අදහසයි. එසේම ජාතික ආරක්‍ෂාව බිඳවැටීම, අනවශ්‍ය ජාත්‍යන්තර ඇ`ගිලි ගැසීම්, බලවතුන් විසින් රට ගිල ගැනීමට දරණ උත්සාහයන් පරාජය කරනු පිණිස පාලනයේ වෙනසක්ද ජනතාව අපේක්‍ෂා කරති. එය පළාත් සභාවද, ජනාධිපතිවරණයද යන්න නොව, මැතිවරණයක අවශ්‍යතාව බව ජනතාව සපත කරති. එසේ හෙයින් මැතිවරණ උණුසුමක් රට තුළ උද්ගතවීම අරුමයක් නොවේ.
 
 එහෙත්, ජනතාව අපේක්‍ෂා කරන්නේ මැතිවරණ අභිමුව වුවද සහන මල්ලකි. ජීවන වියදම අඩුකිරීම විරැකියා ප‍්‍රශ්නයට විසඳුම් යනාදී ප‍්‍රමුඛ ජනතා අවශ්‍යතා සඳහා සහන ලැබීමය. ඒවා තවදුරටත් ලබා දෙන්නට සූදානම් නැති බව පවතින ආණ්ඩුව පෙරේදා (13 දා* ඉන්ධන මිල යළිත් වරක් ඉහළ දැමීමෙන් ප‍්‍රකට කළේය.
 
 එසේ හෙයින් සහනය පිණිස ඉක්මන් මැතිවරණ අවශ්‍යතාවක් රටට පවතී. මැතිවරණ කල්දැමීමේ ඉඩක් නොමැත. පොහොට්ටුව එම අවශ්‍යතාව හා මැතිවරණ උණුසුමද දැන් රටේ ඇතිකර ඇත.
 
 ඊට ගැලපෙන ප‍්‍රතිවාදීන් ප‍්‍රකාශ කිරීමට අනිකුන්ට දැන් අවස්ථාව උදාවී ඇතිවාක් මෙන්ම සහන මලූ නැතිනම් මරබිය නැති, සාධාරණ, පරිසරයද සුරක්‍ෂිත කරන මැතිවරණ ව්‍යාපාරයක් හෝ ජනතාවගේ අපේක්‍ෂාවයි.

රටක තිබිය යුත්තේ ආරක්‍ෂිත දුම්රිය මාර්ගයන් ය. අවාසනාවකට අපේ රටේ තවමත් අනාරක්‍ෂිත දුම්රිය මාර්ගයන්ද තිබේ. එනිසා ජීවිතය පරදුවට තබා මරුවා ළඟා කරගන්නේ නැතිව මෙම අනාරක්‍ෂිත දුම්රිය මාර්ග තරණය කිරීමට මඟීන් බුද්ධිමත් විය යුතුය. විශේෂයෙන් අනාරක්‍ෂිත දුම්රිය මාර්ගවල ඇති විදුලි සංඥ පුවරු ගැන මඟීන් වැඩි අවධානයක්‌ යොමු කළ යුතුව ඇත.

sikuru


ප්‍රාදේශීය පුවත්

සිනමා කලා

mariyon

නවලිය

antik

දියග

diya

මීවිත

isa

More Articles