Divaina - Kathuwakiya

The Island The Island Nawaliya Vidusara e-Paper Classifiedsරාහු කාලය

Div New365x90 SI

divaina banner new

ශී‍්‍ර ලංකන් ගුවන් සේවයට අයත් යූ. එල්. 230 දරණ ගුවන් යානයෙන් මෙරටට පැමිණි එම කාන්තාවන් අතර හාම්පුතුන්ගේ පහරදීම්වලට ලක්වූ හා විවිධ හිරිහැරවලට ලක්වූ කාන්තාවෝද වූහ. වැටුප් නොලැබීම නිසා තවත් පිරිසක් පැමිණ සිටියහ. කුවේටයේ ශී‍්‍ර ලංකා තානාපති කාර්යාලය වෙත තම දුක්ගැනවිලි ඉදිරිපත් කිරීමෙන් පසුව කුවේට් පොලිසිය මගින් පරීක්‍ෂණ පවත්වා තාවකාලික ගුවන් ගමන් බලපත‍්‍ර යටතේ මෙම ශී‍්‍ර ලාංකික කාන්තාවන් මෙරටට එවා තිබිණි.
 



ලබන මස පළමු වැනිදා සිට ලොව රටවල් 45 ක වැසියන් සඳහා ශ්‍රී ලංකාවට පැමිණීමට නිදහස් සංචාරක වීසා පහසුකම් ලබාදීමට රජය තීරණය කර තිබේ.

ආගමන විගමන දෙපාර්තමේන්තුව පවසන ආකාරයට ඉන්දියාව, චීනය ඇතුළු රටවල් 45 ක් සඳහා එලෙස නිදහස් සංචාරක වීසා පහසුකම් ලබාදීමේ අරමුණ වන්නේ බිඳ වැටුණු සංචාරක ව්‍යාපාරය ප්‍රවර්ධනය කිරීමයි.
අප්‍රේල් 21 වැනිදා එල්ල වූ ත්‍රස්ත ප්‍රහාර මාලාවෙන් පසු මෙරට සංචාරකයින් පැමිණීම පහළ වැටුනු අතර සංචාරක ව්‍යාපාරය

නඟාසිටුවීම සඳහා සංචාරක කටයුතු අමාත්‍යාංශය හා අභ්‍යන්තර කටයුතු පිළිබඳ අමාත්‍යාංශය අතර පැවැති සාකච්ඡාවක ප්‍රතිඵලයක් වශයෙන් මෙම තීරණයට එළඹ තිබේ.

ආගමන විගමන දෙපාර්තමේන්තුව සංචාරක වීසා මගින් මෙම වසරේ අපේක්ෂිත ආදායම රුපියල් බිලියන 14 ක් වූ අතර මීට පෙර මුදල් අයකර ලබාදුන් සංචාරක වීසා නොමිලේ ලබාදීමෙන් ආගමන විගමන දෙපාර්තමේන්තුවට වසරකදී රුපියල් බිලියන 10 ක එනම් රුපියල් මිලියන දසදහසක පමණ පාඩුවක් සිදුවන බව සඳහන්ය. මේ මුදල මේ වන විට ශ්‍රී ලංකාව මුහුණදී තිබෙන ආර්ථික අසීරුතා හමුවේ අතිවිශාල මුදලක් බව අපගේ හැඟීමයි.

අනෙක් අතට මෙසේ ශ්‍රී ලංකාව රටවල් රැසකට නොමිලේ වීසා ලබා දුන්නද ශ්‍රී ලංකාවට නොමිලේ වීසා ලබා දෙන්නේ සිංගප්පූරුව, මාලදිවයින ඇතුළු රටවල් කීපයක් පමණි. එම නිසා අප විසින් වීසා නොමිලේ ලබා දෙන රටවලින් අපේ රටේ වැසියන්ට ද නොමිලේ වීසා ලබා ගැනීමට කිසියම් ක්‍රියාමාර්ගයක් ශ්‍රී ලංකා රජය විසින් ගත යුතු බව අපගේ අදහසයි.

එපමණක් නොව මුදල් ගෙවා පවා වීසා ලබා ගන්නට ශ්‍රී ලාංකිකයන්ට විශාල කරදර රැසක් විඳින්නට සිදුව තිබේ. විශේෂයෙන්ම ඇමරිකා එක්සත් ජනපදය හා යුරෝපා රටවල් රැසකට වීසා ලබාගන්නට යන ශ්‍රී ලාංකිකයන්ට වීසා ලබාගැනීමට විශාල කරදර රැසකට මුහුණ දෙන්නට සිදුව තිබේ. එසේම මේ රටවල් වීසා සඳහා විශාල ගාස්තුවක් ද අය කරනු ලබයි. එසේම මේ බොහෝ රටවල් රැසකට වීසා භාරගැනීම සඳහා නියෝජිත ආයතන පත් කර තිබෙන අතර ඒවායේ සේවය කරන සේවකයන්ගේ දැඩි නීති හා අසාධාරණකම් රැසකට මුහුණ දෙන්නට බොහෝ ශ්‍රී ලාංකිකයන්ට සිදුව තිබේ. අනෙක් අතට මේ නියෝජිත ආයතන රැසක සිටින සේවකයන් දෙමළ හෝ මුස්ලිම් ජාතිකයන් වන අතර ඒවායේ සේවය ලබා ගැනීමට යන සිංහලයන් හට විවිධ අපහසුතාවන්ට ලක්වන්නට සිදුවන බවට චෝදනා රැසකි. එසේම ඉතාලිය ඇතුළු ඇතැම් යුරෝපා රටවලට වීසා ලබා ගැනීමට අයදුම්පත් භාරදීමට පවා බොහෝ අවස්ථාවල මාස ගණන් බලා සිටීමට සිදුව තිබේ. එසේම මේ වීසා ගාස්තුවට අමතරව මේ නියෝජිත ආයතනවල ගාස්තු අයකිරීමේ නිසි ක්‍රමවේදයක් නොමැති අතර ඔවුන්ගේ සේවා ගාස්තු ලෙස අධික මුදලක් අය කිරීම ද සිදුවේ. එක්තරා නියෝජිත ආයතනයක් විදේශ ගමන් බලපත්‍රය සූදානම් බව දන්වන සාමාන්‍යයෙන් ශත විසිපහක් වැය වන එස්. එම්. එස්. පණිවිඩයක් වෙනුවෙන් රුපියල් දෙසිය පනහකට වැඩි මුදලක් මෙරට ජනතාවගෙන් අය කරනු ලබයි.

එසේම මලයාසියාව සඳහා වීසා ලබාදෙන නියෝජිත ආයතනය විසින් මලයාසියානු තානාපති කාර්යාලය විසින් අයකරන මුදල මෙන් කීපගුණයක මුදලක් තම සේවා ගාස්තුව මෙන් අයකරන බව සඳහන්ය. මේ ආකාරයට අදාළ නියෝජිත ආයතන දිනකට ලබන ලාභය රුපියල් ලක්ෂ ගණනකි.

මේ නිසා වහාම මේ නියෝජිත ආයතනවල කටයුතු සොයා බැලීම සඳහාත් ඒවායේ අයකිරීම් පාලනය සඳහාත් දැඩි පියවර ගන්නා ලෙස අපි රජයට බලකර සිටින්නෙමු. එසේම ඒ ඒ විදේශ රටවල වීසා ගාස්තු සම්බන්ධයෙන් හා සේවා ගාස්තු සම්බන්ධයෙන් නිසි දැනුවත් කිරීමක් ජනතාවට ලබා දීමට ඒ ඒ තානාපති කාර්යාල දැනුවත් කරන ලෙසටද අපි රජයට බල කරන්නෙමු.

එසේම මෙවැනි නියෝජිත ආයතන හා වීසා ප්‍රශ්න සම්බන්ධයෙන් පැමිණිලි කිරීමේ නිසි ක්‍රමවේදයක් වහාම ඇති කරන ලෙසට ද අපි රජයෙන් ඉල්ලා සිටින්නෙමු.

අනෙක් අතට මෙසේ මෙරටට පැමිණි පසු නොමිලේ වීසා ලබාදීම හරහා විදේශීය ත්‍රස්තවාදී සංවිධානවලට අයත් සාමාජිකයන් මෙරටට පැමිණීම වැළැක්වීම සඳහා නිශ්චිත වැඩපිළිවෙළක් රජයට තිබිය යුතුය.
මේ සියලු කරුණු සලකා බලා වීසා ලබාදීමේදී ශ්‍රී ලංකාවේ අනන්‍යතාව රැකෙන පරිදි මෙන්ම ශ්‍රී ලාංකික ජනතාවගේ අයිතිවාසිකම් රැකෙන පරිදි අනෙකුත් රටවලටත් ශ්‍රී ලංකාවටත් සමානාත්මතාවය ලැබෙන ක්‍රමවේදයක් භාවිත කරන ලෙසටද තෙවැනි පාර්ශව නියෝජිත ආයතන ජනතාව ගසාකෑම වැළැක්වීම සඳහා පියවර ගන්නා ලෙසට ද අපි නැවත නැවතත් රජයට බලකර සිටිමු.

rataඅසාද් සාලි මැතිඳුන් අතුරලියේ රතන හිමියන් "පැලෝපීය නාළ එක්‌ස්‌පර්ට්‌" යෑයි කියමින් අපහාස කිරීම අප කිසිසේත් අනුමත කරන්නේ නැත. එසේ ඇසීමට අසාද් සාලි පැලෝපීය නාල එක්‌ස්‌පර්ට්‌ කෙනෙක්‌දැයි අපි නොදනිමු. අතුරලියේ හිමියන් අත්අඩංගුවට ගන්න යෑයි කීම ද අසාද් සාලිගේ තර්ජනයකි. මෙවැනි මුග්ධ කතාවලින් රතන හිමියන් සැලෙන්නේ නැත. නමුත් ඉන් ආගමික සහජීවනයට බාධාවක්‌ වන බව අසාද් සාලි උන්නාන්සේට නොතේරීම කනගාටුවට කරුණකි.

 ඉදිරි ජනාධිපතිවරණය හා අනෙකුත් මැතිවරණ සියල්ල සමඟ අපේ රට ගමන් කරමින් සිටින්නේ අතිශය භයානක දිශාවකටය. මේ සම්බන්ධයෙන් පාර්ශ්ව තුනක් විසින් මේ දිනවල සිදුකරන ලද ප‍්‍රකාශයන් රටේ ජනතාවගේ දැඩි අවධානයට යොමුවිය යුතුව තිබේ.
 
 ඉන් එක් ප‍්‍රකාශයක් තමිල් මක්කල් කූට්ටනි පක්ෂයේ මහ ලේකම් උතුරු පළාත් හිටපු ප‍්‍රධාන අමාත්‍ය සී. වී. විග්නේෂ්වරන් විසින්ද තවත් ප‍්‍රකාශයක් දෙමළ ජාතික එම සන්ධානයෙන් ඉවත්වී ස්වාධීන වූ පාර්ලිමේන්තු මන්ත‍්‍රී සිවශක්ති ආනන්දන් විසින්ද අනෙක් ප‍්‍රකාශය බස්නාහිර පළාත් හිටපු ආණ්ඩුකාර අසාද් සාලි විසින් ද සිදු කර තිබේ.

ඉකුත් 5 වැනිදා බීමත් රියැදුරන් අත්අඩංගුවට ගැනීමේ විශේෂ පොලිස් මෙහෙයුමක් ක‍්‍රියාත්මක කෙරිණි. ඒ අනුව ඊයේ (28දා) වන විට බීමත් රියැදුරන් 6000 කට අධික පිරිසක් අත්අඩංගුවට ගෙන තිබේ.රජය එම බීමත් රියැදුරන්ගෙන් අයකරගෙන ඇති දඩ මුදල රුපියල් මිලියන 142 කි.
 
 මෙම වසරේ අපේ‍්‍රල් 1 වැනිදා සිට වහාම කි‍්‍රයාත්මක වන පරිදි මත්පැන් හෝ මත්ද්‍රව්‍ය භාවිතා කර රිය පැදවීමට දෙන දඬුවම් වැඩිකරනු ලැබීය. ඒ අනුව මත්පැන් පානය කර පැදවුවහොත් එතෙක් පැවැති රුපියල් 4000 - 7500 දක්වා වූ දඩය රුපියල් 25000 සිට 30000 දක්වා වැඩි කෙරිණි. ඊට අමතරව මාස හයකට නොවැඩි බන්ධනාගාර ගත කිරීමක් හෝ රියැදුරු බලපත‍්‍රය අහෝසි කිරීමටද නව දඩ පැනවීම අනුව ක‍්‍රියාත්මකය.
 
 බීමත්ව රිය පදවා මරණයක් සිදුකළහොත් කලින් පැවැති දඬුවම වූයේ අවුරුදු දෙකේ සිට අවුරුදු 10 දක්වා සිරදඬුවමකි. රියැදුරු බලපත‍්‍රයද අහෝසි කරනු ඇත. නව දඩ පැනවීම අනුව එම දඬුවමට අමතරව රුපියල් 100000 සිට 150000 දක්වා දඩයකටද යටත් කෙරෙනු ඇත.
 
 බීමත්ව රිය පදවා යම් පුද්ගලයකුට තුවාලයක් සිදුකළහොත් එතෙක් පැවැති රුපියල් 6000 සිට 15000 දක්වා වූ දඩය නව දඩ ක‍්‍රමය යටතේ රුපියල් 50000 සිට රුපියල් 100000 දක්වා වැඩිකර ඇත. මීට අමතරව අවුරුදු පහකට නොවැඩි බන්ධනාගාර ගතකිරීමටත් රියැදුරු බලපත‍්‍රය අහෝසි කිරීමටත් නව දඩ ක‍්‍රමය අනුව හැකියාව තිබේ. බීමත් රියැදුරකු යම් අයකුට සුළු තුවාලයක් සිදුකළහොත් නව දඩ ක‍්‍රමය අනුව රුපියල් 30000 සිට රුපියල් 50000 දක්වා දඩයකට යටත්ය. ඊට අමතරව අවුරුදු එකකට නොවැඩි බන්ධනාගාර ගත කිරීමක් හෝ රියැදුරු බලපත‍්‍රයද අහෝසි කිරීමටද ඉඩකඩ ඇත.
 
 බීමත්ව රිය පැදවීමට දඩ හා දඬුවම් මෙතරම් වැඩිකර තිබියදීත් බීමත් රියැදුරන් ඇල්ලීම සඳහා විශේෂ මෙහෙයුමක් කි‍්‍රයාත්මක කර තිිබියදීත් දහස් ගණනින් බීමත් රියැදුරන් කොටුවීම සලකා බැලිය යුතු සමාජ ප‍්‍රශ්නයක් බව අප තේරුම් ගත යුතුයි.
 
 බීමත්ව වාහනයක සුක්කානම අතට ගන්නා රියැදුරු ඔහුගේ ජීවිතය පමණක් නොව අන් අයගේ ජීවිතද අනතුරේ හෙළීම කනගාටුදායකය. එනිසා බීමත්කම ප‍්‍රමාදයට හේතු වන බව අවබෝධ කරගෙන ඉන් වැළකීම රියැදුරන්ගේ සමාජ වගකීමකි.
 
 දඩ සහ දඬුවම් වැඩි කරද්දී දහස් ගණනින් බීමත් රියැදුරන් දිගින් දිගටම කොටුවේ නම් අදාල මෙහෙයුම් සුවිශේෂී කාලයකට පමණක් සීමා නොකර දිගින් දිගටම ක‍්‍රියාත්මක කිරීමට පොලිස් රථ වාහන අංශය පියවර ගත යුතුය.
 
 ඊට අමතරව බීමත්ව අත්අඩංගුවට ගන්නා රියැදුරන් පුනරුත්ථාපනය කිරීම සඳහාද රජයේ අවධානය යොමු විය යුතුය. දඩ සහ දඬුවම් මගින් යම් ප‍්‍රමාණයකට මෙවැනි ක‍්‍රියා පාලනය කළ හැකි වුවද එය සියයට සියයක සාර්ථක ප‍්‍රතිඵල ගෙන දෙන ක‍්‍රමවේදයකැයි කිව නොහැක.
 
 බීමත් රියැදුරන් ඇල්ලීම සඳහා සුවිශේෂී මෙහෙයුම් කි‍්‍රයාත්මක වී තිබියදීත් ඊයේ වන විට හයදහසකට අධික රියැදුරන් පිරිසක් බීමත්ව හසුවන්නේ ඒ නිසාවෙනි. ශ‍්‍රී ලංකාව තුළ සමාජ ව්‍යසනයක් බවට පත්වෙමින් පවතින මෙම කාරණය ගැන විද්‍යාත්මක හැදෑරීමක් කළ යුතු කාලය එළැඹ ඇත. ඒ සඳහා සමාජ විද්‍යාඥයන්ගේ හා ඊට අදාළ අන් පාර්ශවයන්ගේ සුවිශේෂී දායකත්වය ලබාගත යුතුව ඇත. එසේ නොමැතිව මෙම ප‍්‍රශ්නය අඳුරේ අතපත ගෑමෙන් අප අපේක්‍ෂා කරන ප‍්‍රතිඵල ළඟාකරගත නොහැකි වනු ඇත.

sikuru


ප්‍රාදේශීය පුවත්

සිනමා කලා

mariyon

නවලිය

antik

දියග

diya

මීවිත

isa

More Articles