Divaina - Kathuwakiya

ad 1000 90

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

×

අවවාදයයි

4a4f10539fa8bf544a9d80d81d19223a.css මකාදැමීම අසමත් විය
6af3c37a42e6e2081889d2c9bc5120e8.js මකාදැමීම අසමත් විය

 මෙරටට විධායක ජනාධිපති ධුරය හඳුන්වා දෙනු ලැබුයේ ඡේ. ආර්. ජයවර්ධන මහතා විසිනි. ඒ 1978 වර්ෂයේදීය. අනතුරුව ආර්. ප්‍රේමදාස, ඩී. බී. විඡේතුංග, චන්ද්‍රිකා බණ්‌ඩාරනායක කුමාරතුංග, මහින්ද රාජපක්‌ෂ සහ මෛත්‍රිපාල සිරිසේන යන දේශපාලනඥයෝ මෙම තනතුර හෙබවූහ.

  ශ‍්‍රී ලංකාවේ මධ්‍ය කඳුකරයේ පිහිටි ස්වභාවික කඳු පන්තිවලට අමතරව නව කඳු විශේෂයක් පොළොවෙන් මතුවෙමින් තිබේ. මෙම කඳු හඳුන්වන්නේ ‘කුණු කඳු’ නමිනි. භූගෝලීය විiාව අනුව කඳු උපදින්නේ මහද්වීපික තටකයේ භූතල නොහොත් ‘ප්ලේට්’ එකිනෙක ගැටීමෙන් වුවද ලංකාවේ මේ කුණු කඳු උපදින්නේ රාජ්‍ය පාලනයේ අකාර්යක්‍ෂමතාව නොහොත් කුසීතකම නිසාය. මේ වන විට රට පුරා එවැනි කුණු කඳු 57 ක් ගොඩගැසී ඇති බව මහා නගර හා බස්නාහිර සංවර්ධන ඇමැති පාඨලී චම්පික රණවක මහතා පවසයි. රජයේ වගකිව යුතු ඇමැතිවරයකු ලෙස එවැනි ‘කුණු’ කතාවක් හෙළිදරව් කිරීමෙන් ඇමැතිවරයා කර ඇත්තේ රට හමුවේ ඇති බරපතළ අනතුරක් පෙන්වා දීමය. නමුත් ඛේදවාචකය වන්නේ එම අනතුරට මුහුණදීමට රජයට කිසිදු යාන්ත‍්‍රණයක් නොතිබීමය.

 srilankaගෘහයක් නිසි ලෙස පවත්වාගෙන යෑමට මූල්‍ය කළමනාකරණය අතිශයින් වැදගත්ය. ගෘහමූලිකයා තම ගෘහයට ලැබෙන ආදායම නිසි ලෙස කළමනාකරණය නොකළහොත් නිවස තුළ ආර්ථික අර්බුදයක් ඇතිවීම අනිවාර්යයෙන්ම සිදුවන්නකි. ගෘහයට සියලූ ආකාරයෙන් ලැබෙන ආදායම් යම් විනයක් ඇතිව වියදම් කළ යුතුය. ආදායමෙන් යම් කොටසක් හදිසි අවස්ථාවකදී ප‍්‍රයෝජනයට ගැනීම සඳහා ඉතිරි කළ යුතුය. අද වන විට පවතින ආර්ථික දුෂ්කරතා හමුවේ ඉතිරි කිරීම් කෙසේ වෙතත් ආදායම් සහ වියදම් සමබරව පවත්වා නොගතහොත් එම ගෘහය නැතහොත් කුටුම්භය තුළ ආර්ථික අර්බුදයක් ඇතිවීම ස්වභාවිකය. එවැනි අවස්ථාවක ඊළඟ පියවර වන්නේ ණය ගැනීමයි. එම තත්ත්වය එතරම් සුබදායක නොවන්නේ දිගින් දිගටම ණය ගැනීම සඳහා යම් පෙළඹවීමක් ඇති වුවහොත් එම පවුල ණය උගුලක හිරවන නිසාය.

රට පුරා රාජ්‍ය සේවකයෝ වරින්වර විවිධ හේතු මත වැඩ වර්ජන පවත්වමින් සිටිති. ජනතාව පත්වන අපහසුතා සළකන කල කවර හේතුමත හෝ පවත්වන වැඩ වර්ජන අප අනුමත නොකරන්නෙමු. මේ බොහොමයක් වැඩ වර්ජනවලට හේතුවී ඇත්තේ වැටුප් විෂමතා බව පෙනේ.
 
 ජාතික වැටුප් ප‍්‍රතිපත්තිය උල්ලංඝනය කරමින් රජය විසින් වරින් වර ඇතැම් ශ්‍රේණිවලට පමණක් වැටුප් වැඩි කිරීම මේ බොහෝ විෂමතාවලට බලපා තිබේ. විශේෂයෙන්ම නීතිපති දෙපාර්තමේන්තුවේ නිලධාරීන්ට පසුගිය කාලයේ සිදු කළ සුවිශාල වැටුප් වැඩිකිරීම ඊට සමාන්තර ශ්‍රේණි රැුසක වැටුප් විෂමතා ඇතිකර තිබේ. මේ වන විට රජයේ අධිනීතිඥවරයකුගේ සියලූ දීමනා සහ ප‍්‍රතිලාභ සහිත මුළු වැටුපේ එකතුව රුපියල් තුන්ලක්ෂ අසූහතර දහසකි. රජයේ ජ්‍යෙෂ්ඨ අධිනීතිඥවරයකුගේ දීමනා සහිත වැටුප හාරලක්ෂ විසිපන්දහසකි. සාමාන්‍ය රජයේ සේවකයකුගේ වැටුප රුපියල් තිස්පන් දහසත් හතළිස් දහසත් අතර වෙයි. මේ අතර ලබන බදාදා සිට අඛණ්ඩ වැඩ වර්ජනයක නිරතවීමට ශ‍්‍රී ලංකා පරිපාලන සේවා සංගමය තීරණය කර තිබේ.
 
 රාජ්‍ය නිලධාරීන් වෙත කරන අසත්‍ය චෝදනා සහ දේශපාලන බලපෑම් වහාම නවත්වන ලෙසත්, පත්කිරීම් උසස්කිරීම් සහ ස්ථාන මාරු කිරීම් නියමිත පටිපාටියකට අනුව සිදුකර පුරප්පාඩු වහාම පුරවන ලෙසත්, වැටුප් හා දීමනා විෂමතාවට වහා විසඳුම් ලබාදෙන ලෙසත් ඉල්ලමින් මෙම වැඩ වර්ජනය ක‍්‍රියාත්මක කරන බව සඳහන්ය.
 
 එසේම පසුගිය දිනවල ඔවුන් සංකේත වර්ජනයක නිරතවූ අතර පුද්ගලයන් ලියාපදිංචි කිරීමේ දෙපාර්තමේන්තුව, මෝටර් රථ ප‍්‍රවාහන දෙපාර්තමේන්තුව සහ ආගමන විගමන දෙපාර්තමේන්තුව ඇතුලූ රාජ්‍ය ආයතන රැුසක මෙම වර්ජනය ක‍්‍රියාත්මක වීමෙන් මහජනතාව දැඩි දුෂ්කරතාවයන්ට පත්වූහ. අනෙක් අතට ඉදිරි මැතිවරණ සඳහාද ඔවුන්ගේ සේවය තීරණාත්මකය.
 
 රටේ සමස්ත වැඩ කරන ජනතාවට ජීවත්වීමට සරිලන වැටුපක් ලබා දිය යුතු බව අපගේ අදහසයි. ශ‍්‍රී ලංකාවේ රාජ්‍ය ආයතනවල විවිධ ශ්‍රේණි හා විවිධ ආයතන වශයෙන් සුවිශාල වැටුප් විෂමතා ඇති බව රහසක් නොවේ.
 
 රටේ සාමාන්‍ය රජයේ ලිපිකරුවකුගේ වැටුප මෙන් පස් හය ගුණයක වැටුපක් ලංකා විදුලි බල මණ්ඩලය, ඛනිජ තෙල් නීතිගත සංස්ථාව, ජල සම්පාදන මණ්ඩලය, වරාය වැනි ආයතනවල ලිපිකරුවන්ට ලැබේ. එම ආයතනවල රියැදුරන්ගේ වැටුප ගත්තද ඇත්තේ එවැනිම විෂමතාවයකි. සේවය කරන ආයතනය කුමක් වුවද රියැදුරු හා ලිපිකරු වැනි සේවාවල සිදුකිරීමට ඇත්තේ එකම කාර්යයකි.
 
 රටේ ඉංජිනේරු ක්ෂේත‍්‍රයේද ඇත්තේ එවැනිම විෂමතාවයකි. මහවැලියේ ඉංජිනේරුවකු ලබන වැටුප මෙන් පස් හය ගුණයක් හෝ ඊට වැඩි වැටුපක් විදුලි බල මණ්ඩලයේ ඉංජිනේරුවකු ලබයි. මහවැලියේ ඉංජිනේරුවන් ජලය ගෙනවිත් විදුලි උත්පාදනය සඳහා ලබා දෙන විට එම ජලයෙන් විදුලිය උත්පාදනය කරන ඉංජිනේරුවාට එමෙන් පස් හය ගුණයක වැටුපක් ලැබීම කොතරම් දුරට යුක්ති සහගතද යන්න ගැටලූවකි.
 
 මේ නිසා කවර ආයතනයක සේවය කළද ඒ ඒ වෘත්තීන් හා ශ්‍රේණිවලට සමාන වැටුප් ලැබෙන ක‍්‍රමවේදයක් වහාම රටේ ඇති කළ යුතුව තිබේ. එසේම ඇතැම් වෘත්තීන්වලට එකට හතරේ වැටුප් වැඩිවීම්, එනම් සෙසු රජයේ සේවකයන්ට වැටුප් වැඩිවන විට එමෙන් හතර ගුණයකින් වැටුප් වැඩිවීම් වහාම නතර කළ යුතුව තිබේ. එසේ නොවන තාක් කල් මේ වැටුප් විෂමතා නැති කළ නොහැක.
 
 අනෙක් අතට බලයට එන සෑම දේශපාලනඥයෙක්ම ඉහළ වැටුප් ඇති ආයතන සේවකයන්ගෙන් පිරවීම සිදු කරනු ලබයි. සමාන වැටුප් ක‍්‍රමයක් පවතී නම් එවැන්නක් සිදු වන්නේ නැත. එවිට එම රාජ්‍ය ආයතන පාඩු ලැබීමද සීමා වනු ඇත.
 
 අනෙක් අතට රටේ ජීවන වියදම සැමට සමානය. එම නිසා පිරිසකට පමණක් ඉහළ වැටුප් ලැබීම දැඩි අසාධාරණයකි. එවිට සමාජයේ ඇති නැති පරතරය එන්න එන්නම උග‍්‍ර වනු ඇත.
 
 එම නිසා රටේ ජීවන වියදම හා අනෙකුත් තත්වයන් සලකා බලා සැමට සාධාරණ වැටුප් ක‍්‍රමයක් නිර්මාණය කරන ලෙස අපි රජයට බලකර සිටින්නෙමු. එසේම ඉහළ වැටුප් ලබන සේවකයන් සඳහා ඉහළ බදු අයකිරීමක් සිදු කරන ලෙසත් ඒ හරහා ලැබෙන මුදල පහළ වැටුප්ලාභීන්ගේ සුභසාධනය සඳහා යොදවන ලෙසද අපි රජයට යෝජනා කර සිටින්නෙමු.
 

වංචා, දූෂණ, අක‍්‍රමිකතා, අල්ලස් ගැනීම් එළිපිටම හා ප‍්‍රසිද්ධියේම සිදුවන මෙවන් රටක් මේ මිහිපිට තවත් තිබේ දැයි ප‍්‍රශ්නයකි. එවන් හොර මැරකම්, වංචා, දූෂණ සිදුකළා යැයි කියන ආණ්ඩුවල වැරදි සොයා චූදිතයන් ‘අල්ලා සක්වල ගලේ ගසන්නට’ ආ යහපාලන ආණ්ඩු ද දැන් තිබුණාටත් වඩා වංචා, දූෂණ අක‍්‍රමිකතා නම්  ගොහොරුවේ මේ රට හෙළා තිබේ. ඉදින්, රටට ජනතාවට තවත් කාගේ නම් පිහිටක්ද?
 
 දූෂණ, අක‍්‍රමිකතා හෙළිදරව් කරන්නට කතා කරන යහපාලන රජයෙන් එවන් එකම හෙළිදරව්වක් හෝ සිදුකර නොමැති අතර චූදිතයෝ අදත් නිදැල්ලේ පසුවෙති.
 
 එවන් විටෙක යහපාලන රජය තුළම සිදුව ඇති දුෂණ, අක‍්‍රමිකතා පිළිබඳව තවත් මොනයම් කතා ද?
 
 රටක් බලා හිඳින මේ රජයේ දැවැන්තම අක‍්‍රමිකතාව මහ බැංකු කොල්ලයයි. ජනාධිපතිතුමන්ගේ බැඳුම්කර කොමිසම නොවන්නට එවන් අක‍්‍රමිකතාවක් කිසි ලෙසකින්වත් හෙළිදරව් වීමට (සවිස්තරාත්මකව* ඉඩ නොතිබිණි. එසේ හෙයින් ජනාධිපතිවරයාගේ ඉදිරිපත්වීමට ජනතාවගේ ස්තුතිය නොව ගෞරවය පුද කළ යුතුව ඇත.
 
 මෙහිදී බැඳුම්කර සොරුන් පමණක් නොව, සාපරාධී පරිහරණය කළ අති විශාල ධනස්කන්ධය පිළිබඳව ද හෙළිදරව් වූ අතර, බිලියන දහසක් පමණ වන එම මුදල ද සමඟ අතුරුදන් වූ සොර දෙටු අර්ජුන මහේන්‍ද්‍රන්, මහ බැංකු අධිපතිවරයා අදටත් සිටින්නේ සැඟවීය. නොහොත් සඟවා ය. මෙම මහ බැංකු සොරකම පිළිබඳ ජනාධිපති කොමිසමෙන් නම් කියැවුණු තවත් බොහෝ ආණ්ඩු ප‍්‍රධානීන් සහ රාජ්‍ය ප‍්‍රධානීන් රැුසක් ඇති බවද, ගෙවී යන යහපාලන රජයෙන් ඔවුන්ට දඬුවම් නොලැබෙන බව සක්සුදක් සේ පැහැදිලි බව ද පසක් කළ යුත්තකි.
 
 එසේ හෙයින් බලයට පත්වන (තවත්* යහපත් පාලනයක් හා එවන් ‘පාලකයෙක්’ යටතේ මහ බැංකු සොර මුළ ඇදගෙනැවිත් උන් හොරා කෑ මුදල් ජනතා අයිතියට ගෙන (මේ සොර දෙටුවන්* ‘පරසක්වල’ ගසනු ඇතැයි අපි බලාපොරොත්තු වෙමු.
 
 මහ බැංකු සොරකම යහපාලන රජයේ ‘එකම’ (දැවැන්ත* දූෂණ, අක‍්‍රමිකතාව නොවේ. මේ දිනවල අගමැති වික‍්‍රමසිංහ මහතා සාක්‍ෂි දීමට පැමිණෙන, බත්තරමුල්ලේ කෘෂිකර්ම අමාත්‍යාංශය පවත්වාගෙන යන ඞී. පී. ජයසිංහ ගොඩනැඟිල්ලේ ගනුදෙනුව තවත් එවන් සුවිසල් අක‍්‍රමිකතාවකි.
 
 රුපියල් බිලියන 2.1 ක් රජයේ මුදල් අනිසි භාවිතයට වැයකර, තවත් රුපියල් මිලියන 21 බැගින් මාස්පතා කුලිය ගෙවමින් වසර 5 ක බදු පදනමට ලබාගෙන ඇති මෙම (අනවසර ඉදිකිරීමකි* ගොඩනැඟිල්ලට එම අමාත්‍යාංශය ගෙනයෑම තනිකරම හිතුමතේ කළ දෙයක් බවට ජනාධිපතිවරයා විසින් පත්කර ඇති රාජ්‍ය ආයතනවල දූෂණ අක‍්‍රමිකතා සොයා බලන කොමිසම හමුවේ හෙළිදරව් වී ඇත.
 
 එබැවින් ජනාධිපතිවරයාගේ මෙම කොමිසමට හා මිහින් ලංකා - ශ‍්‍රී ලංකන් ගුවන් සමාගම් හි දූෂණ අක‍්‍රමිකතා සෙවූ ජනාධිපති කොමිසමට ද කෘතඥතාව පුද කළ යුතුය.
 
 යහපාලන රජයේ දූෂණ අක‍්‍රමිකතා සොයා බලන මෙම කොමිසම හමුවේ ද හොඳ හොඳ දෑ හෙළිදරව් වී තිබේ.
 
 ඒ අතරින් ඞී. පී. ජේ. ගොඩනැඟිල්ල කුලියට ගැනීම කැපී පෙනෙන්නකි
 
 කෘෂිකර්ම අමාත්‍යාංශයේ බත්තරමුල්ල පිහිටි නිත්‍ය ගොඩනැඟිල්ල වෙනත් කටයුත්තකට පවරා දෙනු ලබන බව පවසා (එහෙත් තවමත් ඒ පැවරීම ද කර නැත* ඞී.පී.ජේ. ගොඩනැඟිල්ලට ගෙන යන්නේ දුමින්ද දිසානායක මහතා කෘෂිකර්ම ඇමැති හා ශ‍්‍රීලනිප මහ ලේකම්ව සිටියදීය.
 
 මාධ්‍ය මගින් හා පාර්ලිමේන්තුවේදී ද මේ දූෂිත
 
 ගනුදෙනුව ගැන කොතෙක් කතා කළත්, ඊට එදා පිළිවදන් නොදුන් දුමින්ද දිසානායක, කොමිෂන් සභාව හමුවේ දැන් කියන්නේ අගමැති රනිල් වික‍්‍රමසිංහ මහතා කැබිනට් තීන්දුවක් මත ගොඩනැඟිල්ල මිල දි ගත් බවයි.
 
 එනමුත් අගමැතිවරයා ප‍්‍රකාශ කරන්නේ තෝරාගත් ගොඩනැඟිලි තුනක් අතරින් දුමින්ද මෙම ගොඩනැඟිල්ල තෝරාගත් බවයි. එසේම ගොඩනැඟිල්ලට රුපියල් බිලියන 2.1 ක විශාල වියදමක් යනු ඇතැයි තමා නොසිතූ බවත් ය.
 
 එහෙත් අරුමය නම්, සොරකම් කළ එකාට ‘හොරා’ යැයි කීම වර්තමානයේ (සොරාට* ආශිර්වාදයක් වීමය. ‘සොරා’ යන්න දැන් ගරු නම්බුනාමයක් බවට පත්ව තිබේ. එසේ හෙයින් දෝ බොහෝ දේශපාලනඥයෝ එම නම්බුනාමයට කැමැත්තක් දක්වනු පෙනේ. සොරකම ජනතාකරණය කර තිබේ. එයින් ගැලවී සිටින්නේ අතලොස්සක් දෙනා පමණි.
 
 රටේ දූෂණ අක‍්‍රමිකතා ගැන කියැවෙන අලූත්ම කතාව ජනාධිපතිවරයා කීවේ දකුණු ආසියාවේ උසම
 
 ගොඩනැඟිල්ල නොහොත් නෙළුම් පොහොට්ටුව මත සිටය. ඒ රටට ලෝකයට හොඳින් ඇසෙන නිසා විය යුතුය.
 
 එනම් 2012 වසරේදී නෙළුම් කුලූන තැනීමේ කාර්යය ආරම්භයේදී ඇතිකර ගත් ගිවිසුම් පරිදි චීනයේ ‘ඇලිට්’ :්ඛෂඔ* සමාගමට ලබාදුන් ශ‍්‍රී ලංකා රජයේ රුපියල් බිලියන 2 ක් අතුරුදන් වී ඇති බවය.
 
 ජනාධිපතිවරයා වසර හතරක් තිස්සේ සඟවාගෙන සිට, නෙළුම් කුලූන විවෘත කිරීම වැනි ‘වැදගත් සභාවක්’ ඉදිරියේ නඟන චෝදනාවෙන් ඔහු නොකියා කියන්නේ මහින්ද රාජපක්‍ෂ යුගයේදී සිදුකළ අක‍්‍රමිකතාවක් පිළිබඳව බව අපගේ හැඟීමයි.
 
 නමුත් හිටපු ටී. ආර්. සී. ප‍්‍රධානියා, අනුෂ පැල්පිට මහතා මෙය ප‍්‍රතික්‍ෂේප කරන අතර, ජනාධිපතිවරයා නොමඟ ගොස් ඇතැයි ඔහු පවසයි.
 
 කෙසේ හෝ මෙවන් දූෂණ, අල්ලස්, අක‍්‍රමිකතා දැන් අපේ කනට අප‍්‍රසන්නය. ඒ අප‍්‍රසන්න කතා ගොඩට මුදල් ඇමැති මංගල සමරවීර මහතාට හොරෙන් යූ.එන්.පී.ය හොර සුරා බලපත් 84 ක් ලබා දීමේ කතාවද ඇතුළත්ය.

sikuru


අද දිවයින

සිනමා කලා

sub250

නවලිය

aascharya250

දියග

sanaks250

මීවිත

mahesiya250

More Articles