Divaina - Kathuwakiya

ad 1000 90

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

×

අවවාදයයි

4a4f10539fa8bf544a9d80d81d19223a.css මකාදැමීම අසමත් විය
6af3c37a42e6e2081889d2c9bc5120e8.js මකාදැමීම අසමත් විය

මහ බැංකුව මෙම වර්ෂය මුලදී පුරෝකථනය කර තිබුණේ අපේ රටේ ආර්ථික වර්ධන වේගය 4%ක් වනු ඇති බවයි. නමුත් පාස්කු දා එල්ල වූ ත‍්‍රස්ත ප‍්‍රහාරයත් සමග මහ බැංකුව ප‍්‍රකාශ කළේ ආර්ථික වර්ධන වේගය 3%ක් දක්වා පහළ බසින බවයි. ජාත්‍යන්තර මූල්‍ය අරමුදල පුරෝකථනය කර ඇති ආකාරයට ආර්ථික වර්ධන වේගය 2.7%ක් දක්වා තවදුරටත් අඩුවනු ඇත. මෙම තත්ත්වය හමුවේ රට භාරගන්නා නායකයාට ප‍්‍රධානම අභියෝගය වන්නේ පල්ලම් බැස ඇති මෙම ආර්ථීකය ගොඩනැගීමයි.

 

ජනාධිපතිවරණ නාම යෝජනා අවසන්වීමත් සමග ජනාධිපතිවරණ සටන ආරම්භ වී තිබේ. එක ජයග‍්‍රාහකයකු හැර අන් සියලූ අපේක්ෂකයෝ පරාජය වන ජනාධිපතිවරණ සටනට නාම යෝජනා භාර ගනිමින් මැතිවරණ කොමිෂන් සභාවේ සභාපති මහින්ද දේශප‍්‍රිය මහතා මැතිවරණය අවසන් වන තුරු වැඩ වර්ජන නවත්වන ලෙස වැඩ වර්ජකයන්ගෙන් ඉල්ලා සිටින බව ප‍්‍රකාශ කරන ලදී. සැබවින්ම එය ඉතාම කාලෝචිත ඉල්ලීමකි.
 
 පසුගිය දිනවල ක‍්‍රියාත්මක කරන ලද වැඩ වර්ජනවලින් රටේ ජනතාව ඉමහත් අපහසුවට පත්වූ බව රහසක් නොවේ. විශේෂයෙන්ම වැඩ වර්ජනයේ නිරතවූ බොහෝ සේවක ශ්‍රේණි ඉතාම ඉහළ වැටුප් හා දීමනා ලබන්නෝ වූහ. එසේ තිබියදී අතිශය අසාධාරණ ලෙස සාමාන්‍ය ජනතාව අපහසුවට පත් කරමින් කරන ලද වැඩ වර්ජන රටේ සමස්ත ජනතාව පිළිකුලෙන් යුතුව හෙළා දකිති.
 
 දින දොළහක් තිස්සේ ඇදී ගිය දුම්රිය වැඩ වර්ජනය අවසන් කිරීමට දුම්රිය රියැදුරු, නියාමක, පාලක, ස්ථානාධිපති හා දුම්රිය අධීක්ෂණ කළමනාකරුවෝ තීරණය කර තිබේ.
 
 ජනාධිපති මෛත‍්‍රිපාල සිරිසේන මහතා සමග වෘත්තීය සමිති නියෝජිතයන් සිදුකළ සාකච්ඡුාවෙන් පසුව ජනාධිපතිතුමාගේ උපදෙස් මත වැටුප් කොමිසම සමග කළ මේ සාකච්ඡුාවෙන් අනතුරුව දුම්රිය වර්ජනය අවසන් කිරීමේ තීරණයට එළැඹි බව සඳහන්ය. දුම්රිය දෙපාර්තමේන්තුවේ වැඩ වර්ජකයන් සියලූම දෙනා පාහේ ඉතාම ඉහළ වැටුප් දීමනා සහ අතිකාල ලබාගන්නන්ය. ඔවුන් බහුතරයක් රුපියල් ලක්ෂය, ලක්ෂ එකහමාර හා ලක්ෂ දෙක ආදී ලෙස වැටුප් හා දීමනා ලබන අතර ඇතැමුන් රුපියල් ලක්ෂ දෙකහමාරක් හෝ ඊට ආසන්න වැටුප් හා දීමනා ලබති. මේ මුදලත් නොසෑහෙන බවට කරන මේ වැඩ වර්ජනවලට එරෙහිව දැඩි පියවර ගත යුතු බව අපගේ අදහසයි.
 
 දුම්රිය වැඩ වර්ජනය මේ අවස්ථාවේ අවසන් වුවද එය ඉදිරි දිනවල කවර හෝ තීරණාත්මක අවස්ථාවක යළිත් මතු වනු ඇත. එහි වෘත්තීය සමිති එකසිය ගණනක් ඇති බැවින් ඒ කවර හෝ වෘත්තීය සමිතියක් මුල් වීමෙන් මේ වැඩ වර්ජන ඇති විය හැක. එම නිසා යළිත් දුම්රිය වැඩ වර්ජනයක් ඇති නොවීම සඳහා රජය නිසි ක‍්‍රමවේදයක් ඇති කළ යුතුය.
 
 දුම්රිය දෙපාර්තමේන්තු සේවකයන් මේ ආකාරයට වැඩ වර්ජනය කරන්නේත් අධික අතිකාල දීමනා ලබන්නේත් ඔවුන්ගේ වෘත්තීන්ට බඳවා ගැනීම්වලදී ඔවුන් විසින්ම දමා ගෙන ඇති සීමාවන් නිසාය. අතීතයේ දුම්රිය එන්ජින් රියැදුරන්, නියාමකවරුන්, පාලකවරුන්, දුම්රිය ස්ථානාධිපතිවරුන් ආදී බොහෝ දෙනා බඳවා ගෙන ඇත්තේ අට ශ්‍රේණිය සමතුන්ය. ඇතැම් ශ්‍රේණිවලට මෙය ක‍්‍රමයෙන් ඉහළ දමා සාමාන්‍ය පෙළ උසස් පෙළ විභාගවලටත් එයින් නොනැවතී උසස් පෙළ විද්‍යා විෂයන් දක්වාත් ඉහළ දමා බඳවා ගැනීම් සීමා කර එය විශේෂ වෘත්තියක් බවට පත් කර ගැනීමට මේ වෘත්තීකයන් කටයුතු කළහ. උසස් පෙළ විද්‍යා විෂය සමතුන් හෝ උපාධිධාරීන් දුම්රිය රියැදුරු, නියාමක, පාලක හෝ දුම්රිය ස්ථානාධිපතිවරුන් ලෙස යෑමට එතරම් ඉදිරිපත් වන්නේ නැත. අනෙක් අතට ගමනාන්තය දන්නා ස්ථානයකට පීල්ලක් දිගේ දුම්රියක් ගෙන යන්නටත් කොඩියක් වනන්නටත් ටැබ්ලටයක් දෙන්නටත් උසස් පෙළ විද්‍යා විෂයන් සමත්වීම එතරම් අවශ්‍ය නැත. අතීතයේ අට පාස් මේ වෘත්තිකයන්ද කළේ මේ රාජකාරියමය. එම නිසා වහාම මේ ඉහළ අධ්‍යාපන සුදුසුකම් සාමාන්‍ය පෙළ දක්වා පහළ දමා වැඩි පිරිසකට මේ වෘත්තීන්ට ඇතුළු වන්නට මග පාදන ලෙස අප රජයට බලකර සිටින්නෙමු.
 
 එසේම ශ‍්‍රී ලංකාව තුළ අදාළ වෘත්තීන් සඳහා වහාම පුහුණු ආයතන ආරම්භ කරන ලෙසද විදේශ රැුකියා සඳහා පවා මෙම වෘත්තිකයන් පුහුණු කරන ලෙසද ඒ හරහා මේ ඒකාධිකාරය අවසන් කරන ලෙසද අප රජයට බලකර සිටින්නෙමු. එම පුහුණුව නොමිලේ ලබාදී වසර පහක කාලයක් මෙරට සේවය කර විදේශ ගතවන්නට අවස්ථාව ලබාදීම ද රජයට අවශ්‍ය නම් සිදු කළ හැක.
 
 එසේම ත‍්‍රිවිධ හමුදා සඳහා මේ වෘත්තිකයන් පුහුණු කර හදිසි අවස්ථාවකට මුහුණ දෙන්නට වෙනම කණ්ඩායම් සුදානම් කරන ලෙසට ද අප රජයට බලකර සිටින්නෙමු. රටක සාමාන්‍ය ජනතාවට එදිනෙදා කටයුතු අඛණ්ඩව සිදු කර ගැනීමට හැකි වටපිටාවක් ඇති කිරීම රජයේ වගකීමකි. එය ජනතාවගේ මූලික අයිතියකි. ඊට බාධාකරමින් අසාධාරණ ලෙස කටයුතු කරන කවර අන්දමේ වෘත්තීය සමිතියක් වුවද මට්ටු කිරීමට කිසිදු ජනතා විරෝධයක් නොමැත. අසාධාරණ වෘත්තීය සමිති ක‍්‍රියාමාර්ග මර්දනය කිරීම සඳහා රජය ජනතාව වෙනුවෙන් කි‍්‍රයාමාර්ග ගන්නේ නම් ජනතාවද රජයේ එවැනි කටයුතු වෙනුවෙන් පෙනී සිටිනු ඇත. රජයට එවැනි කොන්දක් නොමැති නම් ජනතාව නීතිය අතට ගනු ඇත. දැන්වත් වෘත්තීය සමිති වගකීමෙන් කටයුතු නොකරන්නේ නම් ජනතාව විසින් ඔවුන්ට පාඩම් උගන්වන දිනය වැඩි ඈතක නොවේ.

 ජනාධිපතිවරණය සම්බන්ධයෙන් වූ දේශපාලන කථිකාව මේ වනවිට ඉහළ තැනකට පත්ව තිබේ. ගෝඨාභය රාජපක්‍ෂ, සජිත් ප්‍රේමදාස යන ප්‍රධාන පක්‍ෂවල සන්ධානයේ අපේක්‍ෂකයන් දෙදෙනා මෙන්ම ජවිපෙ අනුර කුමාර දිසානායක, පෙරටුගාමී පක්‍ෂයේ දුමින්ද නාගමුව ඇතුළු අපේක්‍ෂකයෝ ද ජනාධිපතිවරණය සටනට පැමිණ සිටිති. ඊයේ වනවිට ස්‌වාධීන අපේක්‍ෂයන් ද ඇතුළු ඉදිරි ජනාධිපතිවරණ සඳහා තරග කරන අපේක්‍ෂකයෝ 35 ක්‌ ඇප මුදල් තැන්පත් කර තිබිණි.

 ශී‍්‍ර ලංකාවේ රාජ්‍ය පාලනයේ අසාර්ථකත්වය හේතුවෙන් රට උග‍්‍ර මූල්‍ය අර්බුදයක ගිලී සිටී. මෙම අර්බුදයෙන් ගැලවීමට ඇති එකම විසඳුම වී ඇත්තේ විදෙස් ණය ගෙවීමට තවත් ණය ලබා ගැනීම පමණි. රට එවැනි මාරාන්තික ණය අර්බුදයක ගිලී සිටියදී රටේ පුරවැසියෝද ණය උගුලක සිරවෙමින් සිටිති. එම ණය උගුල වන්නේ ක්‍ෂුද්‍ර මූල්‍ය ණය උගුලය. නමින් ක්‍ෂුද්‍ර නොහොත් කුඩා ණය උගුලක් වූවාට මේ වන විට මෙම ණය ක‍්‍රමයේ වාරික ගෙවා ගත නොහැකිව ශී‍්‍ර ලංකාවේ පුද්ගලයන් 170 දෙනකු පමණ දිවි නසාගෙන

ජනපතිවරණයට ඇත්තේ තව දින හතළිහක් පමණි. ඊයේ දින මධ්‍යම රාති‍්‍රයෙන් ජනපතිවරණයට ඇප තැන්පත් කිරීමේ කාලය අවසන් විය. ඒ අනුව මෙවර ජනපතිවරණයට වාර්තාගත අපේක්‍ෂක පිරිසක් ඇප තැන්පත් කර ඇත. එය 41 කි. ජනපතිවරණ සටනට අපේක්‍ෂකයන් ඉදිරිපත්වීම වැඩිවන විට මේ සටන සඳහා රජය වැය කරන මුදලද වැඩිවේ. මෙවර ජනපතිවරණ සටනට වඩා උණුසුම් වන බව හැෙඟන්නේ ඉදිරිපත්වන අපේක්‍ෂකයන් ප‍්‍රමාණයද ඉතිහාසයේ වාර්තාවක් වීම නිසාය.
 
 තව දින හතළියකට පසුව මේ ඇප තැන්පත් කරනු ලැබූ 41 දෙනාගෙන් එක් අයෙකු පමණක් ජයග‍්‍රහණය ලෙස ජනපති පුටුවේ වාඩිවනු ඇත. ඒ අනුව නොවැම්බර් 17 වැනිදා අලූත් රටක් අලූත් ජනපතිවරයෙක් කරළියට පැමිණෙනු ඇත. ජනතාවටද වෙනසක් අවශ්‍යව ඇත. මෙම අලූත් වෙනසත් විවෘත විය යුතුය. එකතැන පල්වීම නැවැත්විය යුතුය. ඉදිරියට යා යුතුය. බොහෝ දෙනෙකු සිතනුයේ පසුගිය කාලය පුරාම රට එකතැන පල්වූ බව නොවේද?
 
 ජනපතිවරණය ගැන ජනතාවගේ උනන්දුව වැඩිය. රටේ දිශානතිය තීරණය කරනු ලබන්නේ මේ හරහා නිසා ජනතා උනන්දුව පෙර නොවී විරූ තරම්ය. විය යුතු සේම ජනපතිවරණය වළක්වන්නැයි ඉල්ලා ශ්‍රේෂ්ඨාධිකරණයට ඉදිරිපත් කර තිබූ පෙත්සමද ප‍්‍රතික්‍ෂේප විය. කිසිවෙකුට ජනපතිවරණ කල් දමන්නට හෝ අවලංගු කිරීමට අවශ්‍ය නැත. රටට වෙනසක් අවශ්‍ය නිසා ඡුන්දදායකයෝ නොවැම්බර් 16 වැනිදා එළඹෙන තෙක් ඇඟිලි ගනිමින් සිටිති.
 
 මෙවර ජනපතිවරණයේ තවත් සුවිශේෂ කරුණක් ඇත. එනම් ජනපතිවරයා, අගමැතිවරයා හෝ විපක්‍ෂ නායකවරයා මෙවර ජනපතිවරණයට ඉදිරිපත් වන්නේ නැත. පසුගිය ජනපතිවරණවලදී ජනපතිවරයා, අගමැතිවරයා හෝ විපක්‍ෂ නායකවරයා යන තිදෙනාගෙන් කවරෙකු හෝ ඉදිරිපත් විය. 2015 ජනපතිවරණය සමග සටනට පිවිසියේ ඔහුගේම කැබිනට් මණ්ඩලයේ සගයෙකි. 2010 දී ජනපතිවරයාට එදිරිව හමුදාපති ඉදිරිපත් විය. 2005 දී අගමැතිවරයා හා විපක්‍ෂ නායකවරයා අතර සටනක් දැක ගැනීමට හැකිවිය. දිගින් දිගටම ඉතිහාසය පරීක්‍ෂා කිරීමේදී මේ සටන දැක ගැනීමට හැකි විය. නමුත් එය මෙවර වෙනස්ව ඇත. වත්මන් ජනපති මෛති‍්‍රපාල සිිරිසේන මහතා මුලසිටම තමන් යළි තරග නොකරන බව ප‍්‍රකාශ කර තිබිණි. අගමැතිවරයා ජනපති සටනට ඉදිරිපත් කර ඇත්තේ සිය පක්‍ෂයේ නියෝජ්‍ය නායකයාය. විපක්‍ෂ නායකවරයා සිය සහෝදරයා ඉදිරිපත් කර ඇත. වත්මන් ජනපතිගේ නායකත්වයෙන් යුත් ශී‍්‍ර ලංකා නිදහස් පක්‍ෂයද මෙවර අපේක්‍ෂකයකු ඉදිරිපත් කර නැත.
 
 මෙවර ජනපතිවරණයේදී භාවිතා වන්නේ 2018 ඡුන්ද හිමි නාම ලේඛනයයි. ඒ නිසා තරුණ ඡුන්ද ලක්‍ෂ තුනකට ඡුන්දය දීමේ අවස්ථාව අහිමිවී ඇති බව සති අන්ත පුවත්පතක සඳහන්ව තිබිණි. මෙවර ජනපතිවරණයේදී පළමුවරට ඡුන්දය භාවිතා කරන්නන්ගේ වයස අවුරුදු 19 මාස හයක් වන බව ගණන් බලා ඇත. රටේ වෙනසක් තීරණය කිරීමට තරුණ ඡුන්ද බෙහෙවින් බලපාන බව අමුතුවෙන් කිව යුතු නැත. රට ගැන අලූතින් සිතන්නට තරුණයන්ට අවස්ථාවක් ලැබී ඇත.
 
 ප‍්‍රධාන අපේක්‍ෂකයන් දෙදෙනාම පරිසර හිතකාමී ප‍්‍රචාරක වැඩපිළිවෙළක් කි‍්‍රයාත්මක කිරීමට පොරොන්දුව සිටිති. මැතිවරණ කොමිසම අපේක්‍ෂා කරන්නේද පොලිතීන් පෝස්ටර්වලින් තොර ප‍්‍රචාරක වැඩපිළිවෙළකි. සමාජ මාධ්‍ය ඉතා ප‍්‍රබල මෙවන් සමයක පෝස්ටර් ගසා ලබාගත හැකි ඡුන්දයක් නැත. ඒ පෝස්ටර් කන්නට එළුවන් පැමිණේද යන්නද සැක සහිතය. ජනපති අපේක්‍ෂකයන්ද ඉතා කල්පනාකාරීව තම සටන ගෙන යා යුතුය. සුළු වැරැුද්දක් හෝ සිදුවුවහොත් අනෙක් පාර්ශ්වය ඒ අඩුපාඩුව අල්ලාගෙන විශාල ප‍්‍රහාරයක් සමාජ මාධ්‍ය ඔස්සේ දියත් කරනු ලබයි. ජනපති සටන වඩා උණුසුම්ව දැකිය හැකි වන්නේ මුහුණු පොත හරහාය. සමහර විවේචන ඉතා සාහසිකය. සමහර ප‍්‍රහාර හාස්‍යජනකය. ප‍්‍රචණ්ඩත්වයෙන් තොර සමකාමී මැතිවරණ සටනක් සැමගේ අපේක්‍ෂාවය. කිසිවකු තම නායකයා දිනවීම වෙනුවෙන් ලේ හැලිය යුතු නැත. ගහ මරා ගත යුතු නැත. අතපයේ හයියෙන් ජනපතිවරණය ජයගත නොහැක. භීෂණයක් මවා පෑමෙන්ද එය කළ නොහැකිය. රට වැසියා නොවැම්බර් 16 වැනිදා නිහඬව ඡන්ද පොළට ගොස් සිය කැමැත්ත පළ කරනු ඇත. එයට කිසිවෙකුට බලපෑම් කළ නොහැක. මැතිවරණ සටන පුරාම සාමය රජවේවායි යන්න අපේ පැතුමයි. එය සමස්ත රට වැසියාගේ ප‍්‍රාර්ථනය බවද අමුතුවෙන් කිව යුතු නැත.

sikuru


අද දිවයින

සිනමා කලා

sub250

නවලිය

aascharya250

දියග

sanaks250

මීවිත

mahesiya250

More Articles