Divaina - Kathuwakiya

ad 1000 90

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

×

අවවාදයයි

4a4f10539fa8bf544a9d80d81d19223a.css මකාදැමීම අසමත් විය
6af3c37a42e6e2081889d2c9bc5120e8.js මකාදැමීම අසමත් විය

හත්දහසක සාමාජික පිරිසක්‌ සිටින හමුදා බුද්ධි අංශයට පාස්‌කු දිනයේදී ප්‍රහාරයක්‌ එල්ලවීම පිළිබඳව කිසිදු තොරතුරක්‌ වාර්තා නොවී බලවත් ප්‍රශ්නයක්‌ බව ජනාධිපති මෛත්‍රිපාල සිරිසේන මහතා එම ප්‍රහාරය සොයා බැලීමට පත් කළ තේරීම් කාරක සභාව හමුවේ ප්‍රකාශ ඇත. ජනාධිපතිවරයා මෙම තේරීම් කාරක සභාව හමුවේ දුන් සාක්‍ෂි ප්‍රසිද්ධ මාධ්‍යය හමුවේ හෙළිදරව් නොවුණද පසුගියදා එළිදැක්‌වුණු වාර්තාවේ මේ බව සඳහන් කර ඇත.

  පාස්කු ඉරිදා ත‍්‍රස්ත ප‍්‍රහාරය පිළිබඳව සොයා බැලීම සඳහා පත්කළ පාර්ලිමේන්තු තේරීම් කාරක සභාවේ අවසන් වාර්තාව නිකුත් වී තිබේ. එම වාර්තාවට අනුව ප‍්‍රහාරය වළක්වා නොගැනීමේ ප‍්‍රධාන වගකීම පැහැර හැර ඇත්තේ රාජ්‍ය බුද්ධි අධ්‍යක්‍ෂවරයාය. ඊට අමතරව පොලිස්පති, ආරක්‍ෂක ලේකම් සහ රාජ්‍ය බුද්ධි ප‍්‍රධානියාද ප‍්‍රහාරයට වගකිවයුතු බව අවසන් වාර්තාවේ සඳහන් වේ. එසේම ජනාධිපතිවරයාට මෙන්ම අගමැතිවරයාට ද ප‍්‍රහාරය වළක්වා නොගැනීම සම්බන්ධයෙන් දේශපාලන වගවීමක් ඇතැයි කමිටු වාර්තාවේ නිර්දේශ මාධ්‍යයට ඉදිරිපත් කරමින් එහි සභාපති ආනන්ද කුමාරසිරි පවසයි.
 

 

 ප‍්‍රචණ්ඩ කි‍්‍රයා සෑම අපේක්‍ෂක පාර්ශ්වයකින්ම වාර්තා විය හැකි නමුත්, බලයේ සිටින්නෝ වැඩිපුර ප‍්‍රචණ්ඩ කි‍්‍රයාවලට දායක වෙති. ප‍්‍රධාන අපේක්‍ෂකයන් දෙදෙනාටම රටේ විවිධ දේශපාලන අධිකාරින්හි බලය පවතින බැවින් මැතිවරණ පැමිණිලි කළමනාකරණ මධ්‍යස්ථාන වෙත මේ අංශ දෙකෙන්ම වැඩිපුර පැමිණිලි ලැබෙන බව දැනගන්නට ඇත. එනමුත් දෙවැනි, තුන්වැනි මට්ටමේ අපේක්ෂක පාර්ශ්වයන්ගෙන් ප‍්‍රචණ්ඩ කි‍්‍රයා සහ වෙනත් නීති උල්ලංඝනයන් පිළිබඳ පැමිණිලි ලැබී ඇත්තේ අඩුවෙනි. ඊට හේතුව ඔවුන් සතු බලය අල්ප වීමය.

පාස්කු ඉරිදා එල්ල වූ ත‍්‍රස්ත ප‍්‍රහාරයට ඊයේට (21) මාස හයක් පිරිණි. කතෝලික දෙව් මැඳුරු සහ හෝටල් කීපයක්  ඉලක්ක කර එල්ල වූ මෙම ප‍්‍රහාරය නිසා විපතට පත්වූ කතෝලික ජනතාවගේ කඳුළු තවමත් වියැකී නොමැත. ඒ කඳුළු එතරම් බර වැඩිය. සැමියන්ට බිරින්දලෑද,  බිරියන්ට සැමියන් ද, දරුවන්ට දෙමාපියෝද, දෙමාපියන්ට දරුවන්ද,  සහෝදරයන්ට සහෝදරියන්ද,  සහෝදරියන්ට සොහොයුරන්ද, තම  අසල්වාසීන්ට මිත‍්‍රයන් ද අහිමි කළ ඒ දරුණු ඛේදවාචකය නිසා කතෝලික ජනතාව පමණක් නොව මුළු ශී‍්‍ර ලාංකික ජාතියම දැඩි කම්පනයට පත්වූහ. එම ප‍්‍රහාරය නිසා අප රටේ ආර්ථිකයට එල්ල වූ බලපෑම පවා තවමත් සම්පූර්ණයෙන්ම පහව ගොස් නැත. එනිසා නැවත මෙවැනි ප‍්‍රහාර  වළක්වා ගැනීමට සියලූ ජාතීන් අත්වැල් බැඳගත යුතුය.

සහරාන්ගේ ම්ලේච්ඡු ප‍්‍රහාරය හමුවේ කතෝලික ජනතාවට පමණක් නොව මුස්ලිම් ජනතාවට සිදු වූ බලපෑම අමතක කළ නොහැක. මෙම ප‍්‍රහාරය හමුවේ ඔවුන්ගේ ව්‍යාපාර බිඳවැටිණි. සමහරු මුස්ලිම් ජනතාව ගැන සැකමුසුව  බලන්නට විය. එදා ප‍්‍රභාකරන්ගේ යුද්ධය පැවති අවදියේදී දෙමළ ජනතාවට මුහුණ දීමට සිදු වූ ආකාරයටම සහරාන්ලාගේ ප‍්‍රහාරය හමුවේ මුස්ලිම් ප‍්‍රජාවද අසරණ විය. 

කවරක් නමුත් පාස්කු  ප‍්‍රහාරයත් සමග ඇවිළෙන්නට ගිය මහා  විනාශයක් වැළකී ගියේ අති උතුම් කාදිනල් මැල්කම් පියතුමාගේ මැදිහත්වීමෙනි. වෛරයෙන් වෛරය නොසංසිදෙන බව පෙන්වා දුන් උන්වහන්සේ මෙම ප‍්‍රහාරය මුල් කරගෙන කිසිදු අයකු විපතට පත්කරන්න එපා යැයි කියා සිටියහ. බොර දියේ මාළු  බාන්නාසේ මෙම ප‍්‍රහාරය මුල් කරගෙන සමහරු ජාතිවාදී ගින්නක් ඇවිළීමට උත්සහ කළ ද අගරදගුරුතුමාගේ ශාන්ත  වචනවලින් මෙම සමාජය සුවපත් විය. උන්වහන්සේගේ මැදිහත්වීම සහ ආරක්‍ෂක අංශවල කැපවීම  නොවන්නට පාස්කුදා ත‍්‍රස්ත  ප‍්‍රහාරය මුල්කරගෙන තවත් කළු ජූලියක් නිර්මාණය වීමට බොහෝ දුරට ඉඩකඩ තිබිණි.  සිද්ධියෙන් අනතුරුව පාසල් විවෘත කිරීම බලවත් ප‍්‍රශ්නයක්ව පැවති බවට අපට අමතක නැත. දේශපාලනඥයන් කෙතරම් සහතික දුන්නද දෙමාපියන් තම දරුවන් පාසල් යැව්වේ නැත. අවසන ආරක්‍ෂක අංශ දුන් සහතිකය මේ රටේ දෙමාපියෝ පිළිගත්හ. ඔවුහු  දරුවන් පාසල් වෙත යැව්වේ ඉන්  අනතුරුවය. මෙම සිද්ධියත් සමග තහවුරු වන ප‍්‍රධාන කාරණය වන්නේ රටේ ජාතික  ආරක්‍ෂාව කොතෙක් දුරට අප සමාජය ජීවත් කරවීමට හෝ අඩපණ කිරීමට සමත්ද  යන්නය. එනිසාම මේ මොහොතේ රටේ ඉදිරි නායකත්වය භාරගන්නා භාරකරු අංක එකට රටේ ජාතික ආරක්‍ෂාව ඔසවා තැබිය යුතුය. ජාතික ආරක්‍ෂාව තහවුරු  කිරීමකින් තොරව අප රටට ඉදිරි ගමනක් නොමැති බව පාස්කු ප‍්‍රහාරයෙන් අපට පසක් කරදී ඇත. එනිසාම අතීතයෙන් පාඩම් උගෙන රටේ ඉදිරි ආරක්‍ෂාව තහවුරු කිරීම සියලූ දෙනාගේම වගකීමකි. ත‍්‍රස්තවාදියාට  පාටක් නොමැත. පක්‍ෂයක්ද නොමැත.  හදවතක් ද නැත. උන්ගේ අරමුණ  විනාශය පමණි. එනිසා ශී‍්‍ර ලාංකීය ජාතිය වශයෙන් ත‍්‍රස්තවාදීන්ට එරෙහිව නැගී සිටිය යුතුය. පක්‍ෂ පාට වශයෙන් බෙදීමටත්,  දේශපාලනය කිරීමටත් රටක් තිබිය යුතු බව සියලූ දෙනාම  කල්පනා කළ යුතුය. ජාතික ආරක්‍ෂාව  වෙනුවෙන් කොන්දේසි විරහිතව සියලූ දෙනා  එකාවන්ව අත්වැල් බැඳගත යුතු බව අවධාරණය කරනු කැමැත්තෙමු.

ජාතික හැඳුනුම්පත යනු ඕනෑම රටක අතිශය වැදගත් ප‍්‍රධානතම ලියවිල්ලයි. අපේ රටේද සියලූම වැදගත් කාර්යයන් සඳහා එය අත්‍යවශ්‍ය වේ. එහෙත් මේ වන විට ජාතික හැඳුනුම්පත් නොමැති ලක්ෂ පහක පමණ පිරිසක් අපේ රටේ සිටින බව සඳහන්ය.
 
 තවත් සති තුනකට පමණ පසු පැවැත්වෙන ජනාධිපතිවරණය මෙන්ම සති හයකට පමණ පසු පැවැත්වෙන සාමාන්‍ය පෙළ විභාගය නිසා ජාතික හැඳුනුම්පතට මේ දිනවල ඇත්තේ සුවිශාල ඉල්ලූමකි. එහෙත් ඉල්ලූමට සරිලන සේවාවක් ලබාදීමට ඇති අපහසුතා නිසා දිනපතා නව හැඳුනුම්පත් අපේක්ෂාවෙන් පුද්ගලයන් ලියාපදිංචි කිරීමේ කොමසාරිස් ජනරාල් කාර්යාලයට එක්දින සේවා අපේක්ෂාවෙන් පැමිණෙන දහස් ගණනක් ජනතාව දැඩි අපහසුවට පත්ව සිටිති. මේ නිසා අවශ්‍ය තරම් සේවක පිරිස් හා යන්ත‍්‍ර සූත‍්‍ර යොදවා වහාම මේ තදබදය ඉවත් කිරීමට දෙපාර්තමේන්තුව කටයුතු කළ යුතුව තිබේ.
 
 සාමාන්‍ය ගාස්තු යටතේ එක දිනකින් ජාතික හැඳුනුම්පත, විදේශ ගමන් බලපත‍්‍රය, රියදුරු බලපත‍්‍රය ආදී ලියකියවිලි ලබා ගැනීම ජනතාව සතු මූලික අයිතියකි. එහෙත් රජය මේ වන විට ජනතාවගේ ඒ අයිතිය උදුරා ගනිමින් ඒ සඳහාද අමතර ගාස්තු අයකරමින් සිටී. එම අමතර ගාස්තුව විදේශ ගමන් බලපත‍්‍රයක් සඳහා නම් සාමාන්‍ය ගාස්තුව මෙන් හතර පස් ගුණයකි. එසේ අමතර ගාස්තුවක් අය කළ ද ඉක්මන් සේවාවක් ලබා දෙන්නට රජය මෙතෙක් අපොහොසත් වී තිබේ. මේ හේතුව නිසා ජාතික හැඳුනුම්පත් ලබාගැනීම සඳහා දිනපතා පැමිණෙන දහස් ගණනක පිරිස් අතරේ විවිධ ගැටුම්කාරී තත්ත්වයන් පවා මේ වන විට සිදුවන බව සඳහන්ය.
 
 මේ අතර තැපැල් ඡුන්ද ප‍්‍රකාශ කිරීමේදී මෙවර රාජකාරී හැඳුනුම්පත ඉදිරිපත් කිරීමේදී මැතිවරණ කොමිසම මගින් විවිධ කොන්දේසි පනවා තිබේ.
 
 කිසියම් තැපැල් ඡුන්ද දායකයෙකු රාජකාරී හැඳුනුම්පත ඉදිරිපත් කරන්නේ නම් එම තැපැල් ඡුන්ද දායකයා හඳුනා ගැනීම තේරීම් භාර නිලධාරියා විසින් පත්කර ඇති නිලධාරියකු විසින් කළ යුතු අතර එසේ නොවන අවස්ථාවලදී කිසිසේත් රාජකාරී හැඳුනුම්පත ඉදිරිපත්කර තැපැල් ඡුන්දය සළකුණු කිරීමට ඉඩනොදෙන බවද එම කොමිසම පවසයි.
 
 මේ නිසා ජාතික හැඳුනුම්පත, වලංගු රියදුරු බලපත‍්‍ර, වලංගු ගමන් බලපත‍්‍රය තැපැල් ඡුන්ද සඳහා පවා අත්‍යවශ්‍යවේ.
 
 ජාතික හැඳුනුම්පත් ලබාගැනීම සඳහා වන අවශ්‍ය මූලික ලියකියවිලි සම්පාදනය කර ගත නොහැකි වීම, ස්ථිර ලිපිනයක් නොමැති වීම, හැඳුනුම්පත අස්ථාන ගත වීම ආදී විවිධ හේතු මෙරට බොහෝ පිරිසකට ජාතික හැඳුනුම්පත් නොමැති වීමට බලපා තිබේ.
 
 මේ නිසා ජාතික හැඳුනුම්පතක් ලබා ගැනීම සඳහා වන අවශ්‍යතා සරල කිරීමේ ක‍්‍රමවේදයක් රජය විසින් ආරම්භ කළ යුතුය. එසේම අදාළ ලියකියවිලි ලබා ගැනීම සඳහා ග‍්‍රාමසේවා නිලධාරීන් වෙත යන බොහෝ පිරිස් වලට විවිධ අපහසුතාවලට මුහුණ දෙන්නට සිදුවනු අප දැක තිබේ. එම නිසා ඒ සඳහා සරල ක‍්‍රමවේදයක් ඇතිකර තම තමන්ගේ ග‍්‍රාමසේවා වසමේ සිටින පුද්ගලයන් සතුව ජාතික හැඳුනුම්පත අනිවාර්යයෙන්ම තිබිය යුතු බවටත් නොඑසේ නම් එහි වගකීම ග‍්‍රාමසේවකවරයා වෙත පැවරෙන ලෙසටත් නව නීති ගෙන ආ යුතුව තිබේ. එවිට ග‍්‍රාමසේවකවරු කෙසේ හෝ තම වසමේ ජනතාවට කෙසේ හෝ ජාතික හැඳුනුම්පත් ලබාදෙනු ඇත.
 
 මේ අතර අවශ්‍ය ලියකියවිලි නොමැති අය සඳහා අවම ලියකියවිලි යටතේ ජාතික හැඳුනුම්පත් ලබාදීම සඳහා පුද්ගලයින් ලියාපදිංචි කිරීමේ දෙපාර්තමේන්තුව විසින් විශේෂ වැඩපිළිවෙළක්ද දියත් කර තිබේ. ඒ සම්බන්ධයෙන් ජනතාව දැනුවත් කිරීමද වහාම කළ යුතුය.
 
 එසේම වතුකරයේ මෙන්ම උතුරු නැගෙනහිර පළාත්වල බොහෝ දෙනකුට ජාතික හඳුනුම්පත් නොමැති බවද හෙළිවී තිබේ. වතුකරයේ පිරිස් වැඩිවශයෙන් වතු තුළටම සීමාවී ජීවත්වීමත්, උතුරු නැගෙනහිර පෙර පැවැති යුදමය තත්වයත් මීට බලපාන්නට ඇත. එම නිසා වහාම එම ප‍්‍රදේශ මූලික කරගෙන ජාතික හැඳුනුම්පත් ලබාදීමේ ජංගම කාර්යාල ඇතිකළ යුතුව තිබේ.
 
 මේ අතර ජාතික හැඳුනුම්පතක් නොමැති පිරිසගෙන් බහුතරය කාන්තා පාර්ශ්වය වේ. එයින්ද ජාතික හැඳුනුම්පත් නොමැති වයෝවෘද්ධ කාන්තාවන් පිරිස ඉතා වැඩිය. බොහෝ කාන්තාවන් නිවසේම රැුඳී සිටින බැවින් ඔවුනට ජාතික හැඳුනුම්පතක අවශ්‍යතාවක් නොතිබීම ඊට හේතුවයි.
 
 මේ සියලූ කාරණා සැලකිල්ලට ගෙන රටේ සියලූ දෙනාට කිසිදු ප‍්‍රමාදයකින් තොරව ජාතික හැඳුනුම්පත්, විදේශ ගමන් බලපත‍්‍ර හා රියදුරු බලපත‍්‍ර ලබා ගත හැකි සරල ක‍්‍රමවේද නොපමාව ඇති කරන ලෙස අපි රජයට බලකර සිටින්නෙමු. එය ඉදිරි මැතිවරණ හා විභාග වලට පෙර වහාම සිදුවිය යුතු බවද අපි අවධාරණය කරන්නෙමු.
 

sikuru


අද දිවයින

සිනමා කලා

sub250

නවලිය

aascharya250

දියග

sanaks250

මීවිත

mahesiya250

More Articles