Divaina - Kathuwakiya

The Island The Island Nawaliya Vidusara e-Paper Classifiedsරාහු කාලය

Div New365x90 SI

divaina banner new

විවිධ චෝදනා ලැබූ දිස්‌ත්‍රික්‌ ලේකම්වරුන්, ප්‍රාදේශීය ලේකම්වරුන් ඇතුළු ඉහළ පෙළේ රාජ්‍ය නිලධාරීන් 70 දෙනකුට එරෙහිව අදාළ චෝදනා සම්බන්ධයෙන් පරීක්‌ෂණ සිදුවෙමින් පවතින බව හෙළිදරව් වී තිබේ.
 
 මෙම පිරිසට ලිංගික අපයෝජන, අයථා ලෙස මුදල් ලබා ගැනීම්, නීති විරෝධී ලෙස දේපළ රැස්‌කිරීම් නීති විරෝධී ලෙස බලපත්‍ර දීම ආදී චෝදනා ගණනාවක්‌ ඉදිරිපත්ව තිබේ.
 
 මෙම නිලධාරීන් හැත්තෑ දෙනා අතර ප්‍රාදේශීය ලේකම්වරුන් 30 දෙනකුට ආසන්න පිරිසක්‌ සිටින බවත් එයින් ඇතැම් නිලධාරීන්ට ළමා අපයෝජන චෝදනා සහ නිල රාජකාරී ඉටුකිරීම සඳහා කාන්තාවන්ගෙන් ලිංගික අල්ලස්‌ ඉල්ලා ඇති බවටත් අනාවරණය වී තිබේ.
 
 අද වන විට තනතුරේ බලය යොදවා කාන්තාවන්ට එරෙහිව සිදුකරන ලිංගික බලපෑම් ප්‍රමාණය ශීඝ්‍රයෙන් වැඩි වී තිබේ. එය ඉහළම රැකියා ස්‌ථරයේ සිට පහළම ස්‌ථරයේ කාන්තාවන්ට එක ලෙස මුහුණ දෙන්නට සිදුව තිබෙන ෙ€දවාචකයක්‌ බවට පත්ව තිබේ. ආයතන ප්‍රධානීන් ලෙස ඇති අසීමිත බලය යොදවා කාන්තාවන්ට කරන මෙම බලපෑම් නවතාලන්නට කිසිවකුට නොහැකි වී තිබේ.
 
 විශේෂයෙන්ම ඇතැම් ජ්‍යෙෂ්ඨ පරිපාලන නිලධාරීන් තම ආයතනවලට මුල් පත්වීම් ලබා එන කළමනාකාර සහකාර, සංවර්ධන නිලධාරීනී වැනි තනතුරු දරන තරුණියන් තම වසඟයට ගැනීම බරපතළ ප්‍රශ්නයක්‌ වී තිබේ.
 
 තම රැකියාවට ඇති ආදරය මෙන්ම එම බලපෑම්වලට විරුද්ධවීමෙන් මුහුණ දෙන්නට වන අපහසුතා මෙන්ම ලැඡ්ජාව හේතුවෙන් බොහෝ කාන්තාවන් මේවා තනියම විඳ දරා ගනිති.
 
 මෙහි ඇති භයානකම තත්ත්වය වන්නේ රජයේ කාර්යාලවල එවැනි ක්‍රියාවල යෙදෙන තරුණියන් හෝ කාන්තාවන් භුක්‌ති විඳින වරප්‍රසාද දකින අලුතින්ම රාජ්‍ය සේවයට එන තරුණියන් තමන්ට පහසුවෙන්ම ඉහළට යා හැකි මාර්ගය ලෙස මෙය තෝරා ගැනීමේ ප්‍රවණතාවයක්‌ ඇතිවීමය.
 
 ජ්‍යෙෂ්ඨ නිලධාරීන් පෞද්ගලික කරුණු සහ තරහ පිරිමහ ගැනීම සඳහා ඔවුන් යටතේ සිටින නිලධාරීන් ක්‍රියාපටිපාටිවලට පටහැණිව යමින් මාරුකර ඇති බව ද අනාවරණය වී තිබේ. තමන්ට අවනත නොවන බොහෝ නිලධාරිනියන් දුර බැහැර ප්‍රදේශවලට මාරු කර යෑවීමේ සිද්ධීන් ගණනාවකි.
 
 අධ්‍යාපන ක්‌ෂේත්‍රයේ ද මේ ප්‍රශ්නය බරපතළය. පාසල්වලට ළමුන් ඇතුළත් කර ගැනීමට එන තරුණ මවුවරුන්ට හා පාසල්වල ගුරුවරියන්ට සිදුවන ලිංගික බලහත්කාරකම්වලට චෝදනා එල්ලවී ඇත්තේ විදුහල්පතිවරුන්ටය. තම දරුවට පාසලක්‌ ලබා ගැනීමට අද මව්වරු බොහෝ දෙනකු ඕනෑම කැප කිරීමක්‌ කරති. මෙය ප්‍රයෝජනයට ගන්නා ඇතැම් විදුහල්පතිවරු මේ මහපොළොව නුහුලන අපරාධ කරති.
 
 ලොව මුල්ම අගමැතිවරිය බිහි කළ රට මෙන්ම කාන්තා ජනාධිපතිවරියක්‌ වසර එකොළහක්‌ පාලනය කළ ශ්‍රී ලංකාවේ කාන්තාවන් මෙම ලිංගික බලහත්කාරකම්වලට එරෙහිව නැගී සිටින්නට නිසි ක්‍රමවේදයක්‌ ඇති කර නොගැනීම ද බරපතළ තත්ත්වයකි.
 
 ඇතැම් දිස්‌ත්‍රික්‌ ලේකම්වරුන් නීති විරෝධී ලෙස වැලි කැණීම් බලපත්‍ර ලබා දී ඇති බවටත් ඇතැම් නිලධාරීන් ඒවා විකුණා ඇති බවටත්, ඇතැම් නිලධාරීන් නීති විරෝධී අයුරින් බලපත්‍ර නිකුත්කර ඇති බව විමර්ශනවලදී අනාවරණය වී ඇත. මේවා නිකුත් කිරීමේ නිසි ක්‍රමවේද නොවීම මේ තත්ත්වයට බලපා තිබේ.
 
 අද වන විට ප්‍රාදේශීය ලේකම් හෝ සහකාර ප්‍රාදේශීය ලේකම් තනතුරු ලබා කිසියම් ප්‍රදේශයකට යන බොහෝ දෙනකු මාස කීපයකට පසු එම ප්‍රදේශයේ නව නිවසක්‌ ඉදි කරන්නට පටන් ගැනීම සාමාන්‍ය සිදුවීමක්‌ බවට පත්ව තිබේ. එවිට එම නිවාස ඉදිකිරීමට සියලු ද්‍රව්‍ය ලබා දෙන්නේ එම ප්‍රදේශයේ ව්‍යාපාරිකයන්ය. එම නිසා අදාළ නිලධාරියා ටික දිනක්‌ යන විට ඔවුන්ගේ සිරකරුවකු බවට පත්වීම සිදුවේ. එවිට රාජකාරිය නිසි ලෙස ඉටු කරන්නටද නොහැකිය. මේ නිසා මේ තත්ත්වයට රජය මැදිහත් වී නිසි ක්‍රමවේදයක්‌ සකස්‌ කළ යුතුව තිබේ.
 
 ඇතැම් පරිපාලන සේවා නිලධාරීන් මේ ආකාරයට දූෂිත වන්නට හේතුවී ඇත්තේ ඔවුන්ට හිමිව ඇති අසීමිත බලය නිසාය. මේ නිසා රටේ සෑම රජයේ කාර්යාලයකම වංචා, දූෂණ, අක්‍රමිකතා, කාන්තා අතවර සිදුවන්නේ නම් ඒවා නිර්නාමිකව පැමිණලි කිරීම සඳහා නිශ්චිත ක්‍රමවේදයක්‌ රටට අවශ්‍යව තිබේ.
 
 අනෙක්‌ අතට මේ චෝදනා ගැන පරීක්‌ෂා කරන්නේ ද පරිපාලන නිලධාරීන් වීමද ගැටලුවකි. එවිට බොහෝ විට උත්සහ කෙරෙන්නේ එම චෝදනා යටපත් කිරීමටය. එම නිසා මෙම චෝදනා පිළිබඳව පරීක්‌ෂා කර බැලීමට වෙනත් ක්‌ෂේත්‍රද නියෝජනය වන පරිදි පූර්ණ බලැති කමිටුවක්‌ පත් කළ යුතුව තිබේ. විශේෂයෙන්ම ලිංගික බලපෑම් සම්බන්ධ චෝදනා පරීක්‌ෂා කිරීම සඳහා කාන්තාවන් වැඩි සංඛ්‍යාවක්‌ සිටින කමිටු පත් කළ යුතුව තිබේ.
 
 අනෙක්‌ කාරණය නම් එවැනි චෝදනා ඔප්පු වී ඇති අයට දැඩි දඬුවම් ලබාදිය යුතුය. ඊට හේතුව මේවා පාලනය කරන්නට ඇති එකම ක්‍රමවේදය එය වීමය. එසේ නොවන්නේ නම් අනාගතයේ රාජ්‍ය සේවයේ දැවැන්ත බිඳවැටීමක්‌ සිදුවීම වැළැක්‌විය නොහැක.

අධිරාජ්‍ය විරෝධී දැවැන්තයෙකු මරණයට පත්ව තිබේ. කළු මිනිසුන්ගේ අයිතිය වෙනුවෙන් ගරිල්ලා සටන් මෙහෙයවූ නායකයකුගේ අභාවය සිදුව තිබේ. විදේශික ආක‍්‍රමණිකයන් ස්වදේශිකයන්ගේ ඉඩම් බලහත්කාරයෙන් අල්ලාගෙන සම්පත් සූරාකන විට එයට එරෙහිව සටන් වැද කළු ජාතික ඉඩම් නැති ගොවීන්ට සාධාරණය ඉටුකළ නායකයා මෙලොවින් සමුගෙන ඇත. හෙතෙම රොබට් මුගාබේ ය. පුරා 95 වසරක දිවියට හෙතෙම සමුදුන්නේ සිංගප්පූරුවේදීය. ඉංග‍්‍රීසි අධිරාජ්‍යවාදී බැම්මට සිරවී සිටි එවක රොඬේෂියාව වත්මන් සිම්බාබ්වේ රාජ්‍ය නිදහස් කරගත් නායකයා මුගාබේ වේ. ගුරුවරයකු ලෙස ජීවිතය ආරම්භ කළ මුගාබේ සුදු පාලනයට එරෙහිව කැලෑ සටන් මෙහෙයවූ ගරිල්ලා නායකයෙකි. කළු ජනතාවගේ අයිතීන් වෙනුවෙන් සටන් කළ නිසාම වසර දහයක් සිරබත් කෑ නායකයෙකි. 1980 දී ඉංග‍්‍රීසි පාලකයන් සිම්බාබ්වේ දේශයට නිදහස ලබාදුන් විට මුගාබේ අගමැති ධුරයට පත්විය.
 
 එතුමාගේ සම්පූර්ණ නාමය රොබට් ගේබි‍්‍රයල් මුගාබේ ය. 1980 සිට 87 දක්වා එරට අගමැති වූ හෙතෙම 1987 සිට 2017 දක්වා ජනපතිවරයා ලෙස කටයුතු කළේය. දේශපාලන දිවියේ මුල් කාලයේදී තමා මාක්ස් ලෙනින්වාදියෙකු ලෙස හඳුන්වා දුන් හෙතෙම පසුව තමා සමාජවාදියකු යැයි ප‍්‍රකාශ කළේය. එයින් පසු තම දර්ශනය මුගාබේවාදය ලෙස හඳුන්වා දුන්නේය. මෙය විශේෂිත තත්ත්වයකි. සිම්බාබ්වේ රාජ්‍යයේ බහුතර පරම්පරාව දන්නා එකම නායකයා මොහුය. මන්ද ඔහුගේ රාජ්‍ය පාලනය දශක හතරකට වඩා දික්වන නිසාය.
 
 ක‍්‍රිකට් ක‍්‍රීඩාවට බෙහෙවින් ඇලූම් කළ මුගාබේ ප‍්‍රකාශ කර සිටියේ ක‍්‍රිකට් ක‍්‍රීඩා කරන තැනැත්තා ඒ හරහා ශිෂ්ට පුද්ගලයකු බවට පත්වන බවයි. ක‍්‍රිකට්වලට කැමැති වුවත් හෙතෙම සුද්දන්ට කැමැති වූ නායකයෙක් නම් නොවේ. මියගිය සුදු ජාතිකයකු හැර කිසිම සුදු ජාතිකයකු විශ්වාස නොකරන ලෙස ප‍්‍රකාශ කළේ මේ අපි‍්‍රකානු නිදහස් අරගලයේ වැදගත් කාර්යයක් ඉටුකළ සිම්බාබ්වේ හිටපු නායකයාය.
 
 බටහිර ලෝකය මුගාබේ පාලනය දෙස බැලූවේ වෛරයෙන් හා ක්‍රෝධයෙනි. එරට තුළ විශාල ආර්ථික අර්බුදයක් ඇතිවීමටද බටහිර ලෝකයේ නොපනත්කම් හේතු විය.
 
 1999 දී සුදු ජාතිකයන් සතුව තිබූ ගොවිබිම් පාරම්පරික ස්වදේශික කළු ජනයාට පැවරීමට ජනපති මුගාබේ තීරණය කළේය. මෙය බි‍්‍රතාන්‍ය පමණක් නොව බටහිර ලෝකයම සසළ කළ පුවතක් විය. නමුත් තම වැසියන්ගේ යහපත උදෙසා භූමි පුත‍්‍රයන්ගේ අයිතිය තහවුරු කිරීම වෙනුවෙන් මුගාබේ නිසි පියවර ගත්තේය. එනිසාම ඔහුට ලබාදී තිබුණු නයිට් ගෞරව නාමයද 2008 වසරේදී බි‍්‍රතාන්‍ය ආණ්ඩුව විසින් ඉවත් කර දැමීය. මුගාබේ මේවායින් කම්පනයට පත්වූ පුද්ගලයෙක් නම් නොවීය.
 
 මුගාබේ බලයෙන් පහකෙරුණේ හමුදා කුමන්ත‍්‍රණයකිනි. අවසාන කාලයේ එරට තුළ ප‍්‍රශ්න රාශියක් පැනන`ගින්නට විය. මේ නායකයාගේ වයෝවෘධ භාවයත් ඔහුගේ බිරිය ගේ‍්‍රස් බොහෝ බලතළ අතට ගෙන පාලනයට මැදිහත්වීම නිසාත් රට තුළ ප‍්‍රශ්න ඇතිවිය. සිම්බාබ්වේ වැසියන්ටද වෙනසක් අවශ්‍යව තිබිණි.
 
 ජනපති ධුරයෙන් විශ‍්‍රාම ලැබූ මුගාබේ එරට ආණ්ඩුව හඳුන්වනු ලැබූවේ ජාතියේ පියා ලෙසය. ඔහුට විශේෂිත ඉහළ විශ‍්‍රාම වැටුපක්ද ගෙවනු ලැබීය. රට නිදහස් කර දුන් නායකයාට එරෙහිව නීති පියවර ගැනීමට හෝ සිරගෙට යැවීමට වත්මන් ආණ්ඩුව පියවර නොගත්තේ ඔහුගේ මෙහෙය සැ`ගවිය නොහැකි නිසාය. මේ මරණයෙන් පසුව සිම්බාබ්වේ රාජ්‍යයේ දින ගණනාවක ශෝක කාලයක් ප‍්‍රකාශ කර ඇත. අපි‍්‍රකානු මහාද්වීපයම මේ නායකයාගේ අභාවය ගැන ශෝක වෙයි. සිම්බාබ්වේ තොරතුරු අමාත්‍ය මොනිකා මුට්සවන්ගා ප‍්‍රකාශ කර තිබුණේ මුගාබේ නාමය අතහැර කිසිවිටක ඉතිහාසය ලිවිය නොහැකි බවයි. එය ඇත්තකි.

ශ‍්‍රී ලංකාවේ ධනය වංචා කරන දේශපාලනඥයන්ට සහ ඊට අනුබල දෙන නිලධාරීන්ට තවත් එවැනි වංචා කිරීමට බලාපොරොත්තු (Hope) ඇතිකරන කාරක සභාවක් පාර්ලිමේන්තුවේ තිබේ. මෙම සභාව අප හඳුන්වන්නේ පාර්ලිමේන්තු පොදු ව්‍යාපාර පිළිබඳ කාරක සභාව නොහොත් ‘කෝප්’ (The Committe on Public Enterprises) කමිටුව නමිනි. 1979 වසරේ ජුනි 21 වැනිදා ස්ථාපනය කරන ලද මෙම ‘කෝප්’ කමිටුවට පසුගිය වසර 40 තුළ රාජ්‍ය ධනය වංචා කළ කිසිදු දේශපාලනඥයකු පැමිණ නැත.

පෙරේදා (3දා) පැවැති කැබිනට් මණ්ඩලයට ඉදිරිපත් කෙරුණු කැබිනට් සංදේශ දෙකක් පසුවට සාකච්ඡුා කිරීම සඳහා හකුලාගන්නට එම සංදේශ ඉදිරිපත් කළ විෂය භාර අමාත්‍යවරුන්ට සිදුවූ බව මාධ්‍ය වාර්තා කරයි.
ඒ, ඊට එරෙහිව (ප‍්‍රබල* ඇමැතිවරු විරුද්ධත්වය ප‍්‍රකාශ කිරීම නිසාය.

mahabanlවර්තමාන ජනාධිපති මෛත්‍රිපාල සිරිසේන මහතා ප්‍රකාශ කළේ තමාට ආර්ථික විශේෂඥයන් පෙන්වා දුන් අයුරින් බැඳුම්කර වංචා නිසා ශ්‍රී ලංකා ආර්ථිකයට සිදුව ඇති පාඩුව ටි්‍රලියනයක්‌ වන බවයි. එය රුපියල් කෝටිවලට අනුව ගණනය කළහොත් කෝටි 10,000 කි. යහපාලන රජය බලයට පැමිණියේ හොරුන්, වංචාකාරයන්ට දැඩි `දඩුවම් ලබා දෙන බව පවසමිනි.

sikuru


ප්‍රාදේශීය පුවත්

සිනමා කලා

mariyon

නවලිය

antik

දියග

diya

මීවිත

isa

More Articles