Divaina - Kathuwakiya

The Island The Island Nawaliya Vidusara e-Paper Classifiedsරාහු කාලය

365x90 SI

divaina banner new

sri lanka

කහවත්ත පමණක් නොව, රටම කැළඹූ සාහසික ඝාතන දෙකක සුලමුල අනාවරණය වී තිබේ. අනාවරණය පමණක් නොව, මේ අපරාධය කළ අපරාධකරුට දඬුවම්ද නියම වී තිබේ. ඒ සුප‍්‍රසිද්ධ කොටකෙතන මව සහ දියණියගේ අභිරහස් ඝාතනය සම්බන්ධ නඩුව සඳහාය. නඩුව විභාග කළ කොළඹ ප‍්‍රධාන මහාධිකරණ විනිසුරු විකුම් ඒ. කළුආරච්චි මහතා තීන්දුව ප‍්‍රකාශයට පත්කරමින් නඩුවේ චූදිතයා වූ ලොකුගම්හේවගේ දර්ශන හෙවත් රාජු නමැත්තාට මරණීය දණ්ඩනය නියම කරනු ලැබීය.
 
 මෙවන් අභිරහස් ඝාතන අනාවරණය කරගැනීමෙන් පසු චූදිතයන්ට මරණ දඬුවම් හිිමිවීම මීට ඉහතදීද සිදුව තිබෙන්නකි. එනමුත් මෙම නඩුවේ විශේෂත්වය වන්නේ ඇසින් දුටු සාක්ෂි කිසිවක් නැති මෙම මරණ සඳහා ඞී.එන්.ඒ. -වාර්තා සහ පරිවේශණීය (විද්‍යාත්මක) සාක්ෂි මත, ඉතා සූක්ෂමව කරනු ලැබූ පරීක්ෂණ ප‍්‍රතිඵල මත අපරාධකරු හඳුනා ගැනීමය.
 
 එනම්, වෙනත් සාක්ෂි මත අත්අඩංගුවට ගත් චූදිතයා, අති නවීන ජාන ඉංජිනේරු විද්‍යාව (Gene Technology) පදනම් කරගෙන පැහැදිලිවම හඳුනාගැනීම මෙහි සරළ තේරුමය.
 
 කහවත්ත මිනී කනත්තක් බවට පත්කරමින් 2012 වසරේ සිට වසර තුනක් (2015 දක්වා) එක දිගට විටින් විට අවස්ථා 15 කදී කාන්තා ඝාතන 18 ක් සිදුවූ අතර කොටකෙතන ද්විත්ව ඝාතනයද ඊට එකතු වූවකි.
 
 එක් අවස්ථාවකදී එම ප‍්‍රදේශයේම තම මව මරා දැමූ බවට සැකකර ඇයගේ පුතා අත්අඩංගුවට ගනු ලැබූ නමුත්, දීර්ඝ කාලයක් සාවi ලෙස බන්ධනාගාර ගතව සිටි ඔහුට එම චෝදනාවෙන් නිදහස ලබන්නට වාසනාව පෑදුනේද මෙසේ නවීන ජානවිද්‍යාව උදව්වට ගෙන සිදුකරන ලද ඞී. එන්. ඒ. පරීක්‍ෂණ ප‍්‍රතිඵල නිසාය.
 
 එනම් අපරාධස්ථානයේ තිබී සොයා ගන්නා ලද ජාන සාක්ෂි හා ඔහුගේ ජාන නොගැලපීමය.
 
 එනමුත් මීට පෙර ඉතා සූක්ෂම කහවත්තේ කාන්තා ඝාතන ගැන පරීක්‍ෂණ කළ රහස් පරීක්‍ෂකයෝ, බුලත්කෙළ පහරක සන්සන්දනාත්මක ජාන පරීක්‍ෂණ මගින් සැබෑ අපරාධකරු අල්ලා ගත්හ.
 
 මෙවර කොටකෙතන ද්විත්ව ඝාතනයේ පරීක්‍ෂණ සාක්ෂි සඳහාද යොදා ගෙන ඇත්තේ ඊට සමාන කි‍්‍රයාදාමයකි.
 
 විත්තිකරු විසින් ඝාතනය සඳහා යොදාගෙන නිවසේ ස`ගවා තිබූ පිහියේ පැවති ලේවල ඞී.එන්. ඒ. සාක්ෂි ඝාතනයට ලක්වූ කාන්තාවන්ගේ ලේවල ඞී.එන්.ඒ. හා ගැලපීම මේ අපරාධයේ සුළමුල හෙළිවීමට හේතුවය.
 
 ඒ අනුව ‘ජීන් ටෙක්’ ආයතනය මගින් සිදුකරන ලද ජාන ඉංජිනේරු පරීක්‍ෂණය අධිකරණයේදී පැසසුමට ලක්කරන මහෙස්ත‍්‍රාත්වරයා පිටු දහසකින් (1000) යුත් ඞී.එන්.ඒ. වාර්තා මගින් ජ්‍යෙෂ්ඨ විද්‍යාඥ රුවන් ඉලේපෙරුම මහතා සිදුකර ඇති අනාවරණය විශිෂ්ට සේවාවක් බව පවසයි.
 
 තවද, තම වසර 25 ක සිය විනිසුරු දිවියේ දිගුම කාලයක් වැයකර සකස් කළ පිටු 221 කින් යුත් තීන්දුව මෙය බවද පවසන අතර එහිදී මහෙස්ත‍්‍රාත්වරයා ප‍්‍රකාශ කරන්නේ මත්කුඩු ආරවුලක් මත ඉතා සාහසික ලෙස මෙම ඝාතන සිදුකර තිබීම අතිශය අමානුෂික හා කනගාටුදායක බවයි.
 
 මෙහිදී අපට සිහිවන්නේ ජනාධිපති මෛත‍්‍රිපාල සිරිසේන මහතා විසින් මත්ද්‍රව්‍ය වරදකරුවන්ට මරණීය දණ්ඩනය සකි‍්‍රය කරන්නට ගත් උත්සාහය කෙතරම් සාධාරණීයද යන්නයි.
 
 එසේ සක‍්‍රියව තිබුණේ නම්, අති නවීන තාක්ෂණය මගින් හඳුනාගත් මේ මිනී මරුවාට නීතිය පසිඳලන අයුරු රටටම ප‍්‍රදර්ශනය කරන්නට තිබිණි.
 
 එනමුත්, මත්ද්‍රව්‍ය නිසා මරණයට පත් කාන්තාවන් දෙදෙනාගේ මරණ සාධාරණීකරණය කිරීම සඳහාත් මත්ද්‍රව්‍ය වෙනුවෙන් මිනීමරන ලද අපරාධකරුට ජීවිත දානය දීම සඳහාත් එන්.ජී. ඕ. නඩ ඊට එරෙහිව කි‍්‍රයාත්මක වී ඇත.
 
 කෙසේ හෝ මෙම නඩු තීන්දුවෙන් හා බුලත් කෙළ පහරින් අපරාධකරු හඳුනාගත් නඩු තීන්දුව අනුවත් අපට ප‍්‍රකාශ කළ හැක්කේ ඇසින් දුටු සාක්ෂි නැති වූ පමණින් තවදුරටත් අපරාධයක් කර සැ`ගවී සිටිය නොහැකි බවය. තාක්ෂණය ඒ තරමට දියුණු වී ඇතිවාක් මෙන්ම, අපරාධ පරීක්‍ෂණ සඳහාද තාක්ෂණය පැමිණ තිබෙන බවකි. කාලයේ වැලි තලාවෙන් වැසීගිය එවන් අපරාධ රැුසක සැබෑව මේ අනුව හඳුනාගත හැකි බැවින් අපරාධයකට පෙර දෙපාරක් නොව, සිය වාරයක් සිතන්නට අපරාධ සිතිවිලි පහල වන්නන් වග බලාගත යුතුය.
 
 තවකෙකුගෙන් පළිගැනීමට, පහත් ආශාවක් ඉටු කරගැනීමට, අන්සතු දෑ සොරා ගැනීමට, දේපළ අත්පත්කර ගැනීමට මිනී මැරූ යුගය දැන් ඉතින් අවසන් කළ යුතුව ඇත.
 
 නැතහොත් ‘ජාන තාක්ෂණ විද්‍යාව’
(Gene Technology) රිය සක මෙන් තමා පසුපස හඹා එනවා ඒකාන්තය.
 

 පර්යේෂණවලට අනුව මානව ප‍්‍රතිශක්ති ඌණකාරක වෛරසය නොහොත් ‘‘ඒඞ්ස්’’ මනුෂ්‍ය ශරීරයට ඇතුළු වන්නේ තරල වර්ග 4 කින් පමණි. එම තරල වන්නේ රුධිරය, මව්කිරි, ශුක‍්‍රාණු සහ යෝනි ශ‍්‍රාවය වේ. රුධිරය මගින් එච්. අයි. වී. ශරීරයට ඇතුළු වන්නේ ශ්ලේෂ්මල පටලයක් හරහා පමණි. එය සිදුවන්නේ රුධිර පාරවිලනයේදීය. මව්කිරි මගින් මවගෙන් දරුවාට රෝග කාරකය ඇතුළු වන අතර මේ වන විට එම කි‍්‍රයාවලිය මගින් එච්. අයි. වී. ආසාදනය වළක්වා ගත් පළමු රට බවට පත්ව ඇත්තේ ශී‍්‍ර ලංකාවය. ශුක‍්‍රාණු සහ යෝනි ශ‍්‍රාවය මගින් එච්. අයි. වී. ශරීරයට ඇතුළු වන්නේ ලිංගික සංසර්ගයකදී පමණි. මේ තරල හා ක‍්‍රම හැර එච්. අයි. වී. නොහොත් ‘‘ඒඞ්ස්’’ ශරීරයට ඇතුළු වන වෙනත් ක‍්‍රමයක් ලෝකයේ තවම සොයාගෙන නැත.

”විකසිත කුසුම් වියළි කතරේ වාතයෙන් මැල වී සුවඳ අහිමි වී යන ඈත පිටිසර දිළිඳු ගොවි පවුලේ පොල් අතු සෙවණේ ඉපැදී බුද්ධියේ හා භාග්‍යයේ එළිය නොලබා නිවී යන අනාගත දරු පරපුර වෙනුවෙන් නිදහස් අධ්‍යාපන ක‍්‍රමයක් බිහි කළ යුතු යි.” යනුවෙන් ප‍්‍රකාශ කළේ කවරෙක් ද? ක‍්‍රිස්ටෝපර් විලියම් විජේකෝන් කන්නන්ගර නොහොත් අප සියලූ දෙනාම හොඳින් දන්නා සී. ඩබ්ලිව්. ඩබ්ලිව්. කන්නන්ගර මැතිඳුන්ය. එතුමා විරුදාවලිය ලබන්නේ නිදහස් අධ්‍යාපනයේ පියා ලෙසය. කන්නන්ගර දිනය ඊයේට යෙදී තිබුණද අදත් එතුමා සිහිපත් කිරීම වරදක් නොවේ. එතුමා නිදහස් අධ්‍යාපන පනත ඉදිරිපත් කරමින් එවක රාජ්‍ය මන්ත‍්‍රණ සභාව හමුවේ පැවසුවේ කුමක්ද? ‘‘ගරු සභිකවරුනි, එදා ඔගස්ටස් නිරිඳු පුරසාරම් දෙඩුවා මා එන විට ගඩොලින් බැඳ තිබු රෝමය වෙනුවට ඉතිරි කොට ආවේ කිරි ගරුඬෙන් තැනූ රෝමයකි. අන්න ඒ වගේ අප යන විටත් මිල අධික අධ්‍යාපනය මිල බැස්සුවා ය. වසා මුද්‍රා තබන ලද අධ්‍යාපන විවෘත ලිපියක් බවට පත් කළා ය. ධනවතුන්ගේ වරප‍්‍රසාදයක් වූ අධ්‍යාපන දිළින්දන්ගේ දායාදයක් බවට පත් කළායැ යි උදම් අනන්න පුළුවන් නම් එය කොයි තරම් අගේදැ යි” මේ අනුව 1945 ජූලි මාසයේ දී නිදහස් අධ්‍යාපන පනත සම්මත වූ අතර, දහසක් ¥ දරුවන්ගේ හා දෙමාපියන්ගේ අපේක්ෂා මල්ඵල ගන්වමින් එම වසරේ ඔක්තෝබර් මස පළවෙනිදා සිට එය බලාත්මක කෙරිණි. කන්නන්ගර මහතාගේ නිදහස් අධ්‍යාපන යෝජනාවල ප‍්‍රතිඵලයන් වැඩි කල් නොගොස්ම රටට මහත් වාසියක් අත් කෙළේය. 1931 දී 89%ක් වූ පාසල් නොගිය ළමුන් ප‍්‍රමාණය 1947 දී 37%ක් දක්වා පහළ ගියේය. 1967 දී විශ්වවිද්‍යාල ළමුන්ගෙන් 73% ක්ම ගම්බද ළමුන් තුළින් පැහැදිලිව කියන්නේ කුමක්ද? කන්නන්ගර ප‍්‍රතිපත්ති ඔස්සේ අධ්‍යාපනය ගමට ගලා ගිය ආකාරය නොවේද?
 
 ඇත්තෙන්ම 1939 වනවිට රජයේ ඉහළ රැුකියා ලබාගත හැකි වූයේ ඉංග‍්‍රීසි මාධ්‍යයෙන් ද්විතීයික අධ්‍යාපනය දෙන ලද රජයේ එකම පාසල වූ කොළඹ රාජකීය විද්‍යාලයෙන් සහ ධනවත් පවුල්වල දරුවන්ට මුදල් ගෙවා ඉංග‍්‍රීසි අධ්‍යාපනය ලබාගත හැකි වූ නගරබද ක‍්‍රිස්තියානි මිෂනාරි පාසල්වලින් පිටවූ අයට පමණය. ගම්බද දරුවන්ට ස්වභාෂා මාධ්‍යයෙන් මූලික අධ්‍යාපනයක් ලැබුණු අතර ඔවුන්ට උපරිම වශයෙන් ඉලක්ක කළ හැකි වූයේ ස්වභාෂා ගුරුවරයකු වීමටය. මෙම තත්ත්වය මඟහැරවීමට සෑම මැතිවරණ බල ප‍්‍රදේශයකම ගම්බද මධ්‍යස්ථානයක ඉංග‍්‍රීසි මාධ්‍යයෙන් අධ්‍යාපනය ලබාදෙන මධ්‍ය විද්‍යාල පිහිටුවීම 1939 අධ්‍යාපන ප‍්‍රඥප්තියේ අරමුණ විය. ඒ අනුව ප‍්‍රථම මධ්‍ය විද්‍යාලය 1940 ඔක්තෝබර් මස හම්බන්තොට දිස්ත‍්‍රික්කයෙහි වීරකැටියේ විවෘත කරන ලද අතර 1947 කන්නන්ගර යුගය අවසන් වනවිට මධ්‍ය විද්‍යාල 54 ක් බිහිකොට තිබිණ.
 
 කන්නන්ගර මැතිඳුන්ගේ වඩාත් වැදගත්ම ප‍්‍රතිපත්තිය ක‍්‍රියාත්මක වූයේ 1945 අංක 21 දරන නිදහස් අධ්‍යාපන පනතින්ය. එමඟින් එතුමන් අපේක්ෂා කළේ ජාති, ආගම්, කුල, වත් පොහොසත්කම් නොතකා සෑම දරුවකුට ම බාලාංශයේ සිට විශ්වවිද්‍යාලය තෙක් නොමිලයේ අධ්‍යාපනය ලබාදීම සහ 1945 දී බාලාංශයෙන් පටන් ගෙන වසරින් වසර ක‍්‍රමයෙන් ස්වභාෂාවෙන් අධ්‍යාපනය ලබාදීමයි.
 
 1926 කාලයේදී පවා රජයේ සේවයට සිදුකළ ඇතැම් බඳවාගැනීම්වලදී කුලය සලකන සාධකයක් විය. ව්‍යවස්ථාදායක සභා වලට පත් වූයේ සිංහල ඉහළ කුලවල වංශවතුන් බැවින් වැඩිදෙනෙක් ඒ ගැන කතා කළේ නැත. නමුත් කන්නන්ගර මහතා රජයේ රැුකියාවලදී කුලය සැළකීමට දැඩි ලෙස විරුද්ධ වූයේය. ඒ ගැනත් මෙහිදී සිහිකළ යුතුය. ඇත්තෙන්ම එතුමා දාර්ශනික ඇමැතිවරයකු බව පැවසිය යුතුය. එතුමා සිදු කළේ විප්ලවය නිසා බමුණු කුලය බිද වැටිණි. ජනයා බෙදනු ලැබූ බෙදුම් රේඛාව එතුමා ඉවත් කර දැමීය. එනිසාම මේ උතුම් මිනිසා සැමවිටම සිහිකළ යුතුය. එය දිනයකට සීමා විය යුතු නැත. කළු සුද්දන් නිර්මාණය කරන අධ්‍යාපනය ගැන එතුමා 1944 දී මෙලෙස අදහස් දක්වා තිබිණි. එය උපුටා දක්වන්නේ කන්නන්ගර මහතාට උපහාර වශයෙනි.
 
 ‘‘අප විසින් ජනයා කොටස් දෙකට බෙදා ඇත. එක කොටසක් උසස්ය. අනෙක පහත්ය. එක් කොටසක් කලිසම් ඇඳී. අනෙක් කොටස අඳින්නේ රෙද්දය. ඉංග‍්‍රීසි අධ්‍යාපනය නිසා අපේ රට සමාජයේ පංති 2 ක් වශයෙන් බෙදී ඇත. ඉසුරුමත් වූත්, ධනවත් වූත්, බලසම්පන්න වූත්, ගෙවීමට හැකියාව ඇත්තා වූත් අය විදේශීය භාෂාවකින් උසස් අධ්‍යාපනයක් දෙන පාසලකට යති. ඔවුන් ඒ සඳහා ගෙවිය යුතුය. එසේ මුදල් ගෙවීම ප‍්‍රයෝජනවත්ය. කවර හෙයින්ද මේ රටේ රාජ්‍ය භාෂාව ඉංග‍්‍රීසි වන හෙයිනි. එසේම ඉංග‍්‍රීසි නොදන්නා කිසිවෙකුට කිසිදු උසස් නිලයකට පත්විය නොහැකි හෙයිනි.”
 

 ජනාධිපතිවරණ සටන දිනෙන් දින උණුසුම් වෙමින් පවතී. හිටපු ආරක්‍ෂක ලේකම් ගෝඨාභය රාජපක්‍ෂ මහතා සිය මංගල රැලිය පැවැත්වූයේ අනුරාධපුර සමනල ක‍්‍රීඩාංගණයේදීය. ඇමැති සජිත් පේ‍්‍රමදාස මහතා සිය මංගල රැලිය පැවැත්වූයේ ගෝල්ෆේස් පිට්ටනියෙනි. ජවිපෙ නායක අනුර කුමාර දිසානායක මහතා තඹුත්තේගමෙන් සිය ජනපතිවරණ සටන ආරම්භ කළේය. මේ අතරතුර සෙසු ජනාධිපතිවරණ අපේක්‍ෂකයෝ විවිධ තැන්හිදී ජනතාව අමතමින් සිටිති.

ඇල්පිටියේ පැවැත්වූයේ ප්‍රාදේශීය සභාවකට සභිකයන් තෝරා ගන්නා ඡන්දයකි. නමුත් මුළු රටේම අවධානය ඇල්පිටිය දෙසට හැරුණේ දේශපාලන වටපිටාවේද උණුසුම තීව්‍ර කරමිනි. ඇල්පිටිය දිනාගත් පාර්ශ්වයට ප්‍රකාශ කළේ ජනාධිපතිවරණයට ඇල්පිටියෙන් පිටිය සකස්‌ කළ බවකි. පරාජය ලැබූ කණ්‌ඩායම ප්‍රකාශ කළේ ප්‍රාදේශීය සභා ඡන්දයකින් රටට ජනාධිපතිවරයකු තෝරන ඡන්දයට සමපාත කළ නොහැකි බවකි. ඒ පිළිබඳව අප කිසිවක්‌ ප්‍රකාශ කරන්නේ නැත. නමුත් ඇල්පිටියෙන් මුළු රටටම දුන් ආදර්ශය පිළිබඳ කතා බහ කළ යුතුව ඇත.
 
 සුළු සිද්ධීන් කීපයක්‌ හැරුණු විට ඇල්පිටියේ පළාත් පාලන ඡන්දය විමසීම සාමකාමීය. පැµරල් සංවිධානය පවසනුයේ ඇල්පිටියේ ප්‍රාදේශීය දේශපාලනඥයන් දියුණු සංස්‌කෘතික ලක්‍ෂණ පෙන්නුම් කරමින් සිය ඡන්ද ව්‍යාපාරය කරගෙන ගිය බවයි. පූර්ව මැතිවරණ සමයේ සිට මැතිවරණය අවසන් වනතුරු ඇල්පිටිය ඡන්ද කොට්‌ඨාසයෙන් කිසිදු ප්‍රචණ්‌ඩ ක්‍රියාවක්‌ වාර්තා වී නොමැත. ඡන්ද මධ්‍යස්‌ථානයේදීම ඡන්ද ගණනය කිරීමේ ක්‍රියාවලියක අත්දැකීම් විඳ ගැනීමට ඇල්පිටිය වැසියන්ට අවස්‌ථාව ලැබීම ද සුවිශේෂී අවස්‌ථාවකි. එනිසාම ඇල්පිටියෙන් ලැබුණු මෙම ආදර්ශය රටේ අනෙකුත් මැතිවරණවලට අදාළ කරගත හොත් ප්‍රජාතන්ත්‍රවාදී නිදහස්‌ ඡන්ද විමසීමකට මග පෑදෙනු ඇත.
 
 ඇල්පිටියට සාපේක්‍ෂව ගතහොත් මෙවර ජනාධිපතිවරණ ඡන්ද ව්‍යාපාරයේ හදාගත යුතු තැන් තිබෙන බව පැහැදිලිය. මැතිවරණ කොමිසන් සභාව පවසන ආකාරයට ඊයේ (14 දා) වන විට ජනාධිපතිවරණයට සම්බන්ධව පැමිණිලි 513 ක්‌ ලැබී තිබේ. ඒ අතර ප්‍රචණ්‌ඩ ක්‍රියා 12 කි. මැතිවරණ නීති උල්ලංඝනය කිරීම් 485 කි. වෙනත් පැමිණිලි ගණන 16 කි. ජනාධිපතිවරණය සඳහා ඡන්දය විමසීමට තවත් මාසයක පමණ කාලයක්‌ තිබේ. එනිසාම ප්‍රචණ්‌ඩ ක්‍රියා අවම කරගෙන සාධාරණ ඡන්ද විමසීමකට පිටිය සකස්‌ කිරීම කාගේත් යුතුකමකි. ඒ සඳහා අවශ්‍ය නීති රීති සම්පාදනය කිරීම මැතිවරණ කොමිෂන් සභාව මගින් සිදුකර තිබේ.
 
 පැමිණිලි ලැබුණු විගස ක්‍රියාත්මක වීමට ද මැතිවරණ කොමිෂන් සභාව ක්‍රියා කරමින් සිටියි. නමුත් මැතිවරණ කොමිෂන් සභාවට පමණක්‌ සාධාරණ ඡන්ද විමසීමකට අවශ්‍ය පසුබිම සකස්‌ කළ නොහැක. එහිදී ජනාධිපති ධුර අපේක්‍ෂකයන්ටද විශාල වගකීමක්‌ තිබේ. විශේෂයෙන් තම ආධාරකරුවන් නීති විරෝධී ක්‍රියාවන්ට යොමු නොකිරීමට ඔවුන් වගබලා ගත යුතුය. කොටින්ම කිය තොත් මෙම ඇඟේ හයිය පෙන්නන ඡන්දයක්‌ නොකර ගත යුතුය. රටක ප්‍රජාතන්ත්‍රවාදය සහ යහපැවැත්ම උදෙසා සාධාරණ ඡන්ද විමසීම් අනිවාර්යයෙන්ම තිබිය යුතුය. මෙවර ජනාධිපතිවරණයට ඉදිරිපත් වී ඇති සියලු අපේක්‍ෂකයෝ මේ ගැන තම ආධාරකරුවන් දැනුවත් කළ යුතුය. මැතිවරණ කොමසාරිස්‌ මහින්ද දේශප්‍රිය මහතා ද ජනාධිපතිවරණයට නාම යෝජනා භාරදුන් දිනයේදී අපි මේ කියන කාරණය ජනාධිපති ධුර අපේක්‍ෂකයන් හමුවේ අවධාරණය කර තිබිණි.
 
 මෙහිදී දේශපාලනඥයෝ තේරුම් ගත යුතු තවත් කාරණයක්‌ තිබේ. රටේ ඡන්දදායකයා වෙනදා මෙන් ඇන්දවිය නොහැක. සිමෙන්ති කොට්‌ටයකට, ටකරං තහඩුවකට, වැසිකිලි කටකට හෝ පොඩි පොඩි වරප්‍රසාදවලට රැවටී ඔවුන් තමන්ට ඡන්දය පාවිච්චි කරන්නේ යෑයි සිතන්නේ නම් එය අනුවනකමකි. අද මේ රටේ සියලු ජනතාව බලා සිටිනුයේ රට හදන වැඩපිළිවෙළ ඉදිරිපත් කරන අපේක්‍ෂකයා කවුරුන්ද යන්නය. රටට අවංකව වැඩක්‌ කළ නායකයා කවුරුන්ද යන්නය. ඔවුන් කිරා මැන බලා අවසන් තීන්දුව ගනු ඇත. එනිසාම දේශපාලන ආධාරකරුවන් මැතිවරණ නීති රීති උල්ලංඝනය කරමින් පිස්‌සු කෙළියහොත් එහි අවාසිය ලැබෙන්නේ ද ඔවුනගේම අපේක්‍ෂකයාට බව ඕනෑම පුංචි ළමයකුට වුවත් තේරුම් යන කාරණයකි. එනිසාම ඇල්පිටියේ ජනතාවගෙන් පාඩම් උගෙන ඉදිරි මැතිවරණ සඳහා සියලු දෙනා පෙළගැසුනහොත් ඉන් අප රටට ලොකු කීර්තියක්‌ අත්පත් වෙනු ඇත. එය එසේ සිදුවුණහොත් අප රට දෙස බලා සිටින ජාත්‍යන්තරයට ද එය සුබ පණිවිඩයක්‌ වනු ඇත.

sikuru


ප්‍රාදේශීය පුවත්

සිනමා කලා

mariyon

නවලිය

antik

දියග

diya

මීවිත

isa

More Articles